Apna Bannu

بنوں شہر میں بڑھتی ہوئی آبادی اور ٹریفک کے دباؤ کے باعث عوام کو طویل عرصے سے شدید مشکلات کا سامنا ہے. روزانہ کی بنیاد پر شہریوں کو ٹریفک جام اور آمد و رفت کے مسائل درپیش رہتے ہیں.

الحمدللہ ممبر قومی اسمبلی Maulana Nasim Ali Shah الہاشمی کی خصوصی کاوشوں کے نتیجے میں بجٹ 2026-27 میں بنوں کے لیے اہم ترقیاتی منصوبوں کی منظوری دی گئی ہے جن میں انڈر پاسز، سڑکوں کی تعمیر و توسیع اور فلائی اوورز شامل ہیں.

یہ منصوبے نہ صرف ٹریفک کے دیرینہ مسئلے کے حل میں اہم کردار ادا کریں گے بلکہ شہریوں کو بہتر سفری سہولیات فراہم کرنے وقت کی بچت اور کاروباری سرگرمیوں کے فروغ کا بھی باعث بنیں گے.

ان شاء اللہ، ان منصوبوں کی تکمیل کے بعد بنوں ایک جدید اور ترقی یافتہ شہر کی صورت میں سامنے آئے گا اور عوام کا دیرینہ مطالبہ پورا ہوگا.

شکریہ ممبر قومی اسمبلی مولانا نسیم علی شاہ الہاشمی جنہوں نے بنوں کے عوامی مسائل کے حل کے لیے بھرپور جدوجہد کی.

بنوں: ڈی آئی جی بنوں ربنواز خان سے بنوں پریس کلب کے صدر پیر نیاز علی شاہ کی قیادت میں ایک وفد نے ملاقات کی۔
ملاقات کے دوران شہر میں بڑھتی ہوئی ٹریفک، پولیس لائن روڈ کی شام سے قبل بندش، اور صبح اسکولوں کے اوقات میں روڈ نہ کھولنے کے باعث طلبہ کو درپیش مشکلات پر تفصیلی گفتگو کی گئی۔ وفد نے نشاندہی کی کہ مذکورہ صورتحال کی وجہ سے اسکول جانے والے بچے روزانہ تاخیر کا شکار ہوتے ہیں، جس سے ان کی تعلیم متاثر ہو رہی ہے۔ اس موقع پر وفد نے ڈی آئی جی بنوں سے فوری اصلاحِ احوال اور عوامی مشکلات کے حل کے لیے مؤثر اقدامات کا مطالبہ کیا۔
ڈی آئی جی بنوں ربنواز خان نے وفد کو یقین دلایا کہ عوامی مسائل کے حل کے لیے ہر ممکن اقدامات کیے جائیں گے۔ انہوں نے کہا کہ پولیس اور پریس کا رشتہ چولی دامن کا ساتھ ہے اور دونوں ادارے عوامی خدمت اور معاشرتی بہتری کے لیے ایک دوسرے کے معاون ہیں۔ انہوں نے یقین دہانی کرائی کہ ٹریفک اور پولیس لائن روڈ سے متعلق مسائل کا جائزہ لے کر مناسب اقدامات کیے جائیں گے تاکہ شہریوں، خصوصاً طلبہ، کو درپیش مشکلات کا ازالہ ہو سکے۔

اسامہ اغوائیگی، بنوں منڈان قبائل نے پولیس اور جانی خیل ق ملک شادی قبائل کو دو روز کی ڈیڈ لائن دے دی ۔ اس کے بعد جانی خیل و ملک شاہی کے باشندوں کا بنوں سٹی پر آنا بند ہوگا ۔۔

ریاست مخالف سرگرمیوں میں ملوث ہونے پر والد اور چچا کی لاتعلقی کا اعلان ، بنوں کے علاقے پیرات کلہ ممہ خیل سے تعلق رکھنے والے دو افراد نے اپنے لاپتہ رشتہ داروں کے ریاست مخالف سرگرمیوں میں ملوث ہونے کی اطلاعات سامنے آنے کے بعد ان سے مکمل لاتعلقی کا اعلان کر دیا بنوں پریس کلب میں پریس کانفرنس کرتے ہوئے اختر علی خان نے بتایا کہ انہوں نے اپنے بیٹے جاوید خان کو ایف اے تک تعلیم دلوائی، تاہم وہ گزشتہ آٹھ سے نو ماہ سے لاپتہ ہے۔ ان کے مطابق حال ہی میں پولیس ذرائع سے معلوم ہوا کہ ان کا بیٹا ریاست مخالف سرگرمیوں میں ملوث پایا گیا ہے۔ انہوں نے کہا کہ وہ ایک غریب کاروباری شخص ہیں اور اپنے بیٹے کے اس عمل سے کسی قسم کا تعلق نہیں رکھتے، لہٰذا وہ اس سے مکمل لاتعلقی کا اعلان کرتے ہیں اسی موقع پر زبیر خان نے بتایا کہ ان کا 14 سالہ یتیم بھتیجا عبداللہ ولد شاہجہان بھی گزشتہ آٹھ سے نو ماہ سے لاپتہ ہے۔ ان کے بقول پولیس کے ذریعے معلوم ہوا کہ وہ بھی ریاست مخالف سرگرمیوں میں ملوث ہے، جس پر انہوں نے بھی اپنے بھتیجے سے مکمل لاتعلقی کا اعلان کیا انہوں نے کہا کہ دونوں نوجوانوں کے لاپتہ ہونے کے فوراً بعد ان کی گمشدگی کی رپورٹس تھانہ ہوید میں درج کرائی گئی تھیں اور اہل خانہ مسلسل ان کی تلاش میں رہے۔ ان کا کہنا تھا کہ اگر انہیں پہلے معلوم ہوتا کہ مذکورہ نوجوان کسی غیر قانونی یا ریاست مخالف سرگرمی میں ملوث ہیں تو وہ متعلقہ اداروں کو فوری آگاہ کرتے پریس کانفرنس کے دوران دونوں افراد نے کہا کہ وہ محنت کش اور غریب خاندانوں سے تعلق رکھتے ہیں اور ان کا اپنے مذکورہ رشتہ داروں کی سرگرمیوں سے کوئی تعلق نہیں۔ انہوں نے پولیس کے اعلیٰ حکام، ضلعی امن کمیٹی کے صدر اور مقامی پولیس کمیٹی سے اپیل کی کہ انہیں بلاوجہ ہراساں یا تنگ نہ کیا جائے انہوں نے واضح کیا کہ اگر ان کے بیٹے اور بھتیجے کے خلاف ریاست مخالف سرگرمیوں میں ملوث ہونے کے شواہد موجود ہیں تو وہ ان کی کسی بھی کارروائی کے ذمہ دار نہیں ہیں اور نہ ہی ان کی حمایت کرتے ہیں۔

**بنوں: ریاست مخالف سرگرمیوں کے الزام پر چچا کا بھتیجے سے لاتعلقی کا اعلان**

بنوں میں ایک شہری نے اپنے بھتیجے سے باضابطہ لاتعلقی کا اعلان کرتے ہوئے کہا ہے کہ ان کا خاندان کسی بھی ریاست مخالف سرگرمی کی حمایت نہیں کرتا اور نہ ہی اس سے کوئی تعلق رکھتا ہے۔ یہ اعلان ایک پریس کانفرنس کے دوران کیا گیا۔

زبیر نامی شہری نے پریس کانفرنس میں میڈیا کے سامنے مؤقف اختیار کرتے ہوئے بتایا کہ ان کا بھتیجا عبداللہ گزشتہ آٹھ ماہ سے لاپتہ ہے اور اس دوران اس سے کسی قسم کا کوئی رابطہ نہیں ہوا۔ انہوں نے کہا کہ انہوں نے بھتیجے کو آٹھویں جماعت تک تعلیم بھی دلوائی، تاہم اس کے بعد وہ گھر سے چلا گیا۔

انہوں نے واضح کیا کہ ان کے خاندان کا عبداللہ کے ساتھ اس کے بعد سے کوئی تعلق یا رابطہ نہیں ہے۔ زبیر نے کہا کہ اگر ان کے بھتیجے پر کسی بھی قسم کی ریاست مخالف سرگرمیوں کے الزامات ہیں تو ان کا خاندان اس سے مکمل لاتعلقی کا اظہار کرتا ہے۔

انہوں نے حکومت اور قانون نافذ کرنے والے اداروں سے اپیل کی کہ ان کے خاندان کو کسی بھی قسم کی تنگی یا دباؤ کا سامنا نہ کرنا پڑے، کیونکہ وہ ایک محنت کش اور کاروباری گھرانے سے تعلق رکھتے ہیں۔

انہوں نے مزید کہا کہ وہ پولیس، امن کمیٹی اور مقامی اداروں کے ساتھ مکمل تعاون جاری رکھیں گے اور ہر ممکن قانونی معاونت فراہم کرنے کے لیے تیار ہیں۔