Mana Murtii Aanaa Kutaa Magaalaa Bokkuu Shanan

𝐁𝐚𝐠𝐚 𝐀𝐲𝐲𝐚𝐚𝐧𝐚 𝐂𝐮𝐮𝐩𝐡𝐚𝐚 𝐍𝐚𝐠𝐚𝐲𝐚𝐚𝐧 𝐆𝐞𝐞𝐬𝐬𝐚𝐧 !
••★••
Hordoftoota amantaa Kiristaanaa maraan baga ayyaana cuuphaa nagayaan geessan jechaa ayyaanichi kan nagaa fi gamachuu akka isiniif ta'u Manni Murtii Aanaa Kutaa Magaalaa Bokkuu Shanan isiniif hawwa.
𝐀𝐲𝐲𝐚𝐚𝐧𝐚 𝐆𝐚𝐚𝐫𝐢𝐢 !!
••★••
10/05/2018
𝐌𝐌𝐀𝐊𝐌𝐁𝐒𝐇

𝐁𝐚𝐠𝐚 𝐆𝐞𝐞𝐬𝐬𝐚𝐧 !!
•••
Manni Murtii Aanaa Kutaa Magaalaa Bokkuu Shanan Hordoftoota Amantaa Kiristiyaanaa Maraan Baga Ayyaana Qillee Nagayaan Geessan Jechaa Ayyaanichi kan Nagaa fi Gammachuu Akka Isiniif Ta'u Hawwii Qabu Ibsa.
•••
𝐀𝐲𝐲𝐚𝐚𝐧𝐚 𝐆𝐚𝐚𝐫𝐢𝐢 !!

𝐐𝐚𝐣𝐞𝐞𝐥𝐟𝐚𝐦𝐚 𝐃𝐡𝐚𝐝𝐝𝐚𝐜𝐡𝐚𝐚 𝐈𝐫𝐫𝐚𝐭𝐭𝐢 𝐋𝐞𝐞𝐧𝐣𝐢𝐢𝐧 𝐇𝐮𝐛𝐚𝐧𝐧𝐨𝐨 𝐔𝐮𝐦𝐮𝐮 𝐊𝐚𝐧𝐧𝐚𝐦𝐞
•••∭•••
Guyyaa arraa sadarkaa Mana Murtii Aanaa Kutaa Magaalaa Bokkuu Shananiitti hoojjattoota mana murtichaa hundaaf leenjiin hubannoo uumuu qajeelfama haaraya dhiheenyatti bahe Qajeelfama Sirnaafi Naamusa Hojii Dhaddachaa Menneen Murtii Oromiyaa Lakkoofsa 23/2018 irratti laatameera.

Kayyoon Leenjii Kanaa hawwaasni mana murtii dirqama dhaddacha kabajuu fi kabachiisuu isanirraa eeggamu ba'uun dhaddachi Mana Murtii kabaja maluuf qabaachuun kenni tajaajila Abbaa seerummaa bu'a qabeessa akka tahu gochuudha.

Leenjii kanaaniis hoojjattoonni hunduu hubannoo kan argatan yoo tahu namni hunduu qajeelfamicha hojiirra oolchuuf gahee isaa akka bahatu irratti waliif galameera.
•••∭•••
16/03/2018
𝐌𝐌𝐀𝐊𝐌𝐁𝐒𝐇

𝐗𝐢𝐧𝐱𝐚𝐚𝐥𝐚 𝐒𝐚𝐛𝐚𝐛𝐨𝐨𝐭𝐚 𝐃𝐢𝐢𝐠𝐚𝐦𝐮𝐮, 𝐅𝐨𝐨𝐲𝐲𝐚'𝐮𝐮 𝐟𝐢 𝐐𝐚𝐣𝐞𝐞𝐥𝐟𝐚𝐦𝐚𝐚𝐧 𝐃𝐞𝐞𝐛𝐢'𝐮𝐮 𝐌𝐮𝐫𝐭𝐢𝐢𝐰𝐰𝐚𝐧 𝐎𝐥'𝐢𝐲𝐲𝐚𝐭𝐚𝐚𝐧 𝐈𝐥𝐚𝐚𝐥𝐚𝐦𝐚𝐧𝐢𝐢 𝐈𝐫𝐫𝐚𝐭𝐭𝐢 𝐌𝐚𝐫𝐢𝐢𝐧 𝐆𝐚𝐠𝐠𝐞𝐞𝐟𝐟𝐚𝐦𝐚𝐚 𝐎𝐨𝐥𝐞.
•••∭•••
Guyyaa arraa (13/03/2018) sadarkaa Mana Murtii Aanaa Kutaa Magaalaa Bokkuu Shananiitti sababoota galmeen ol'iyyataan ilaalamaa turan mana murtii ol'iyyata ilaaluun akka diigaman,fooyya'an fi qajeelfamaan deebi'an taasisan irratti xinxaalli gaggeeffame bakka Abboottiin seeraa hundi argamanitti dhiyaatee irratti mariyatamee jira.

Xinxaalli kun galmeewwan daangaa yeroo waxabajjii 8/2017 hanga onkololeessaa 30/2018tti hoojjataman kan haammate yommuu tahu murtii mana murtii keenyaa fi Mana Murtii ol'iyyata ilaaleen kanname seeraa rogummaa qabuun walbira qabuun sababoota galmeeleen ol'iyyataan ilaalamaa turan diigamaniif ykn fooyya'aniif ykn qajeelfamaan gadi dee'aniif adda baasuun abbaa seeraa Warquu Tokollaatiin qophaahe mariif dhiyaate. Kanumaaniis abbootii seeraa giddutti mariin ballinaan irratti gaggeeffamuun sababoonni diigamuu,fooyya'uu fi qajeelfamaan deebi'uu tokkoon tokkoo galmee xixaalameef ka'uumsa tahaniifi abbaan rakkoos adda bahee irratti waliif galameera.

Xumura irratti guduunfaa fi kallattii fuul-duraa kannameen xinxaalli gaggeeffamee mariif dhiyaate kun hanqinaalee jiran ifatti kan agarsisee fi madda isaanii kan adda baasee waan ta’eef Abbootiin seeraa hundi hanqinaalee adda bahaan fooyyeessuuf xiyyeeffannoo addaatiin naamusa hojii abbaa seerummaa barbaaduu goonfachuun hojjechuu akka qaban akeekamuun marichi milkiin goolabamee jira.
•••∭•••

13/03/2018
𝐌𝐌𝐀𝐊𝐌𝐁𝐒𝐇

𝐃𝐡𝐚𝐝𝐝𝐚𝐜𝐡𝐚 𝐃𝐡𝐚𝐠𝐚𝐡𝐚 𝐇𝐚𝐥𝐚𝐚𝐥𝐚𝐚
•••∭•••
Mana Murtii Aanaa Kutaa Magaalaa Bokkuu Shananiitti Dhaddachi Dhagaha Halaalaa Aanaa Awaash Malkaa sa'aa galmee keessummeessuu kan jalqabee yommuu tahu guyyaa arraa qofa galmeen yakkaa 19 adeemsa RTD'n dhiyaatanii murtii argataniiru.
•••∭•••
11/03/2018
𝐌𝐌𝐀𝐊𝐌𝐁𝐒𝐇

𝐃𝐡𝐚𝐝𝐝𝐚𝐜𝐡𝐚 𝐃𝐡𝐚𝐠𝐚𝐡𝐚 𝐇𝐚𝐥𝐚𝐚𝐥𝐚𝐚
•••∭•••
Manni Murtii Aanaa Kutaa Magaalaa Bokkuu Shanan guyyaa arraa (28/2/2018) tajaajila Abbaa Seerummaa hawaasaaf dhaqqaabamaa gochuuf tajaajila sirna faayila elektiroonikaa fi dhagaha halaalaa Aanaa Awaash Malkaa sa'aa irratti jalqabsiiseera.
•••∭•••
𝐌𝐌𝐀 𝐊𝐌𝐁𝐒𝐇