មន្ទីរប្រៃសណីយ៍និងទូរគមនាគមន៍ ខេត្តប៉ៃលិន DPTC-Pailin

ព្រឹកថ្ងៃទី១២ ខែមិថុនា ឆ្នាំ២០២៦
លោកស្រី កើត ស៊ីធាម ប្រធានមន្ទីរប្រៃសណីយ៍និងទូរគមនាគមន៍ ខេត្តប៉ៃលិន ព្រមទាំងលោក/លោកស្រីអនុប្រធានមន្ទីរ បានចូលរួមក្នុងពិធីជួបសំណេះសំណាល ជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តបាត់ដំបង និងខេត្តប៉ៃលិន ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា។

ថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី១២ ខែមិថុនា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
នៅថ្ងៃទី៩ ដល់ថ្ងៃទី១០ ខែមិថុនា ឆ្នាំ២០២៦ មន្ត្រីរាជការនៃមន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានចូលរួមសិក្ខាសាលាពង្រឹងសមត្ថភាពអនុវត្តការងារនៅមន្ទីរប្រៃសណីយ៍និងទូរគមនាគមន៍ ក្រោមប្រធានបទ “ការលើកកម្ពស់ជំនាញឌីជីថលសម្រាប់ការផ្តល់សេវាសាធារណ:ប្រកបដោយប្រសិទ្ធភាព” នៅភោជនីយដ្ឋាន លី ហួត ខេត្តព្រះវិហារ ក្រោមអធិបតីភាព ឯកឧត្តមរដ្ឋលេខាធិការ ខាយ ឃុនហេង ព្រមទាំងមានការអញ្ជើញចូលរួមពី ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ អភិបាលរងនៃគណៈអភិបាលខេត្តព្រះវិហារ គ្រូឧទ្ទេសជាថ្នាក់ដឹកនាំ និងមន្ត្រីជំនាញជាន់ខ្ពស់នៃក្រសួងប្រៃសណីយ៍និងទូរគមនាគមន៍ និងសិក្ខាកាមជាមន្ដ្រីរាជការមកពីមន្ទីរប្រៃសណីយ៍និងទូរគមនាគមន៍ ១៩ខេត្ត។

សិក្ខាសាលានេះត្រូវបានរៀបចំឡើងក្នុងគោលបំណង៖ (១) ផ្សាភ្ជាប់ទំនាក់ទំនងយ៉ាងជិតស្និទ្ធរវាងមន្ត្រីថ្នាក់ដឹកនាំនៅថ្នាក់ជាតិ និងមន្ត្រីរាជការថ្នាក់ក្រោមជាតិ (២) បង្កើនសមត្ថភាពជំនាញវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍និងព័ត៌មាន ដល់មន្ត្រីរាជការមន្ទីរប.ទ. ដើម្បីបម្រើសេវាសាធារណៈជូនប្រជាពលរដ្ឋឱ្យកាន់តែល្អប្រសើរឆាប់រហ័សប្រកបដោយប្រសិទ្ធភាពខ្ពស់រួមទាំងការប្រើប្រាស់បច្ចេកវិទ្យាឌីជីថល ដើម្បីធ្វើឱ្យមន្រ្តីមានសមត្ថភាព បំពេញការងារតាមបរិបទថ្មីប្រកបដោយប្រសិទ្ធភាពខ្ពស់និងស័ក្តិសិទ្ធភាពក្នុងការផ្តល់សេវាជូនប្រជាពលរដ្ឋ។ លើសពីនេះទៅទៀត សិក្ខាសាលានេះ ក៏មានការអនុវត្តផ្ទាល់លើការប្រើប្រាស់បញ្ញាសប្បនិម្មិត(AI)ដើម្បីជួយសម្រួលដល់ការងារនិងវិធីសាស្រ្តការពារខ្លួនពីការជ្រៀតចូលគណនីផ្ទាល់ខ្លួនផងដែរ។

ថ្ងៃអាទិត្យ ៧ រោច ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី៧ ខែមិថុនា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
នៅថ្ងៃទី២ ដល់ ៤ ខែមិថុនា ឆ្នាំ២០២៦ លោកស្រី កើត ស៊ីធាម ប្រធានមន្ទីរប្រៃសណីយ៍និងទូរគមនាគមន៍ខេត្តប៉ៃលិន និងមន្រ្តី បានចូលរួមសិក្ខាសាលាពង្រឹងសមត្ថភាពអនុវត្តការងារនៅមន្ទីរប្រៃសណីយ៍និងទូរគមនាគមន៍ ក្រោមប្រធានបទ៖«ការលើកកម្ពស់ជំនាញឌីជីថលសម្រាប់ការផ្តល់សេវាសាធារណ:ប្រកបដោយប្រសិទ្ធភាព»នៅសណ្ឋាគារអិល ប៊ី អិន អាស៊ាន ខេត្តកំពង់ចាម ក្រោមអធិបតីភាព ឯកឧត្តមរដ្ឋលេខាធិការ ខាយ ឃុនហេង ព្រមទាំងមានការអញ្ជើញចូលរួមពី ឯកឧត្តម លោកជំទាវ អនុរដ្ឋលេខាធិការ អភិបាលរងនៃគណៈអភិបាលខេត្តកំពង់ចាម គ្រូឧទ្ទេសជាថ្នាក់ដឹកនាំ និងមន្ត្រីជំនាញជាន់ខ្ពស់នៃក្រសួងប្រៃសណីយ៍និងទូរគមនាគមន៍ និងសិក្ខាកាមជាមន្ដ្រីរាជការមកពីមន្ទីរប្រៃសណីយ៍និងទូរគមនាគមន៍ ១៧ខេត្ត។

សិក្ខាសាលានេះត្រូវបានរៀបចំឡើងក្នុងគោលបំណង៖ (១) ផ្សាភ្ជាប់ទំនាក់ទំនងយ៉ាងជិតស្និទ្ធរវាងមន្ត្រីថ្នាក់ដឹកនាំនៅថ្នាក់ជាតិ និងមន្ត្រីរាជការថ្នាក់ក្រោមជាតិ (២) បង្កើនសមត្ថភាពជំនាញវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍និងព័ត៌មាន ដល់មន្ត្រីរាជការមន្ទីរប.ទ. ដើម្បីបម្រើសេវាសាធារណៈជូនប្រជាពលរដ្ឋឱ្យកាន់តែល្អប្រសើរឆាប់រហ័សប្រកបដោយប្រសិទ្ធភាពខ្ពស់រួមទាំងការប្រើប្រាស់បច្ចេកវិទ្យាឌីជីថល ដើម្បីធ្វើឱ្យមន្រ្តីមានសមត្ថភាព បំពេញការងារតាមបរិបទថ្មីប្រកបដោយប្រសិទ្ធភាពខ្ពស់និងស័ក្តិសិទ្ធភាពក្នុងការផ្តល់សេវាជូនប្រជាពលរដ្ឋ។

លេីសពីនេះទៅទៀត​ សិក្ខាសាលានេះ​ ក៏មានការអនុវត្តផ្ទាល់លើការប្រើប្រាស់បញ្ញាសប្បនិម្មិត(AI)ដើម្បីជួយសម្រួលដល់ការងារនិងវិធីសាស្រ្តការពារខ្លួនពីការជ្រៀតចូលគណនីផ្ទាល់ខ្លួនផងដែរ ។

ថ្ងៃព្រហស្បតិ៍ ៤ រោច ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី៤ ខែមិថុនា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
ថ្ងៃទី៤ ខែមិថុនា ឆ្នាំ២០២៦
មន្ត្រីជំនាញនៃមន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានចុះផ្សព្វផ្សាយអំពីការប្រើប្រាស់កម្មវិធី DG SuperApp ជូនដល់មន្ត្រីរាជការនៃមន្ទីរធនធានទឹក និងឧតុនិយម ខេត្តប៉ៃលិន ដែលមានសិក្ខាកាមចូលរួមចំនួនសរុប ១៩ នាក់ ស្រី ១០ នាក់ ។

ថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី២៦ ខែឧសភា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
ថ្ងៃទី២៦ ខែឧសភា ឆ្នាំ២០២៦
មន្ត្រីជំនាញនៃមន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានចុះផ្សព្វផ្សាយអំពីការប្រើប្រាស់កម្មវិធី DG SuperApp ជូនដល់មន្ត្រីរាជការនៃមន្ទីរការងារ និងបណ្តុះបណ្តាលវិជ្ជាជីវៈ ខេត្តប៉ៃលិន ដែលមានសិក្ខាកាមចូលរួមចំនួនសរុប ៧ នាក់ ស្រីចំនួន ២ នាក់ ។

ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី២៥ ខែឧសភា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
ថ្ងៃទី២៥ ខែឧសភា ឆ្នាំ២០២៦
មន្ត្រីជំនាញនៃមន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានចុះផ្សព្វផ្សាយអំពីការប្រើប្រាស់កម្មវិធី DG SuperApp ជូនដល់មន្ត្រីរាជការនៃមន្ទីរ កិច្ចការនារី ខេត្តប៉ៃលិន ដែលមានសិក្ខាកាមចូលរួមចំនួនសរុប ២៥ នាក់ ប្រុស ១០ នាក់ និងស្រីចំនួន ១៥ នាក់ ។

ថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស ២៥៧០
ថ្ងៃទី២១ ខែឧសភា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
ថ្ងៃទី២០ ខែឧសភា ឆ្នាំ២០២៦ លោកស្រី កើត ស៊ីធាម ប្រធានមន្ទីរប្រៃសណីយ៍និងទូរគមនាគមន៍ខេត្ត បានចូលរួមប្រជុំពិភាក្សាលើការអនុវត្តច្បាប់ គោលនយោបាយ អនុសាសន៍របស់រាជរដ្ឋាភិបាល និងអនុសញ្ញាស្តីពីការលុបបំបាត់រាល់ទម្រង់នៃការរើសអើងប្រឆាំងនឹង នារីភេទ (ស៊ី-ដ/CEDAW) ស្ថិតក្រោមអធិបតីភាព លោកជំទាវនាយឧត្តមសេនីយ៍ ដាំ ដារីនី រដ្ឋលេខាធិការ ក្រសួងការពារជាតិ និងជាសមាជិក ក.ជ.ក.ស និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន។

ថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ព.ស ២៥៧០
ថ្ងៃទី១៥ ខែឧសភា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
ថ្ងៃទី១៤ ខែឧសភា ឆ្នាំ២០២៦ លោកស្រី កើត ស៊ីធាម ប្រធានមន្ទីរប្រៃសណីយ៍និងទូរគមនាគមន៍ខេត្ដ បានចូលរួមកិច្ចប្រជុំបូកសរុបលទ្ធផលការងារ និងពិនិត្យបេសកម្ម ប្រចាំខែមេសា ឆ្នាំ២០២៦ ក្រោមអធិបតីភាព លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន ក្នុងកិច្ចប្រជុំនេះផងដែរនឹងរៀបចំផែនការអនុវត្តបន្ត នូវបទបញ្ជារបស់រាជរដ្ឋាភិបាលកម្ពុជា ក្នុងការបោសសម្អាតបទល្មើសឆបោកតាមប្រព័ន្ធបច្ចេកវិទ្យា Online Scams រហូតអោយអស់ពីភូមិសាស្រ្តខេត្តប៉ៃលិន ក៏ដូចជាទូទាំងប្រទេសកម្ពុជា ។

ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ព.ស ២៥៧០
ថ្ងៃទី៥ ខែឧសភា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------
រាជធានីភ្នំពេញ៖ ថ្ងៃទី៤ ខែឧសភា ឆ្នាំ២០២៦ លោកស្រី កើត ស៊ីធាម ប្រធានមន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានចូលរួមសិក្ខាសាលាផ្សព្វផ្សាយអំពី “ការសាងសង់ហេដ្ឋារចនាសម្ព័ន្ធទូរគមនាគមន៍នៅទីប្រជុំជន តំបន់លំនៅឋាន អគារសហកម្មសិទ្ធិ អគារពាណិជ្ជកម្ម អគារផ្សាទំនើប តំបន់ឧស្សាហកម្ម តំបន់សេដ្ឋកិច្ចពិសេស និងតំបន់ឬសំណង់ប្រហាក់ប្រហែលផ្សេងទៀត” ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) និងឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ) ដោយមានការអញ្ជើញចូលរួមពីថ្នាក់ដឹកនាំ ដ.ន.ស. និង ក.ប.ទ. និងមន្រ្តីជំនាញនៃក្រសួងទាំងពីរ តំណាងប្រតិបត្តិករទូរគមនាគមន៍ និងវិស័យឯកជនប្រមាណ ៣៦០រូប នៅទីស្ដីការ ដ.ន.ស.។

ថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស ២៥៦៩
ថ្ងៃទី៣០ ខែមេសា ឆ្នាំ២០២៦
មន្ទីរប្រៃសណីយ៍និងទូរគមនាគមន៍ ខេត្តប៉ៃលិន
-----------------------------------------------------------

មន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានរៀបចំកិច្ចប្រជុំពិភាក្សាស្ដីពី “ការទប់ស្កាត់បទល្មើស Online Scam" ។
កិច្ចប្រជុំបានពិភាក្សា ពីបញ្ហាប្រឈម ដំណោះស្រាយ និងផែនការសម្រាប់អនុវត្តបន្ត ដែលមានការអញ្ជើញចូលរួមពី:
-មន្ទីរប្រៃសណីយ៍និងទូរគមនាគមន៍ខេត្ដ
-សាខាទូរគមនាគមន៍ កម្ពុជា
-ក្រុមហ៊ុន Viettel
-ក្រុមហ៊ុន Smart Axiata
-ក្រុមហ៊ុន CamGSM
-ក្រុមហ៊ុន Cfocn
-ក្រុមហ៊ុន Telcotech
-ក្រុមហ៊ុន Online
-ក្រុមហ៊ុន S.I Net
-ក្រុមហ៊ុន Ezecom
-ក្រុមហ៊ុន Cootel
-ក្រុមហ៊ុន Tel Net
-ក្រុមហ៊ុន Mekong Net ។