Siem Reap City Administration

សាលាក្រុងសៀមរាប ៖ ពិធីប្រគល់ធុងសំរាមតូចធំនិងប៉ាណូ រួមមានធុងធំ ៤០ ធុងតូច ៤៥ និង ផ្ទាំងប៉ាណូ ២៥ សម្រាប់បំពាក់តាមដងផ្លូវសាធារណ:ក្នុងក្រុង ដែលជាគម្រោងផ្តល់មូលនិធិពីក្រសួងបរិស្ថាន ។

ព្រឹកថ្ងៃទី ២ ខែ មករា ឆ្នាំ ២០១៦ នៅភូមិមណ្ឌល៣ សង្កាត់ស្លក្រាម ក្រុងសៀមរាប ៖ លោក ស៊ំុ សំអន នាយកសាខាកាកបាទក្រហមកម្ពុជាខេត្តសៀមរាប និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិត ឃឹម ប៊ុនសុង អភិបាលខេត្តសៀមរាបនិងជាប្រធានគណ:កម្មាធិការសាខាកាកបាទក្រហមកម្ពុជាខេត្តសៀមរាប និង លោក សូរ ប្លាតុង អភិបាលក្រុងសៀមរាប និងជាប្រធានគណ:កម្មាធិការអនុសាខាកាកបាទក្រហមកម្ពុជាក្រុងសៀមរាប បាននាំយកអំណោយមនុស្សធម៌ជូនដល់គ្រួសាររងគ្រោះដោយសារអគ្គីភ័យដែលបានកើតឡើងនៅវេលាម៉ោង ១២:៣០ នាទីយប់ថ្ងៃទី ២ ខែមករា ឆ្នាំ ២០១៦ និងបានបណ្តាលឲ្យឆេះផ្ទះទាំងស្រុងចំនួន ៣ខ្នង ស្មើនឹង ១០គ្រួសារ និងស្លាប់មនុស្ស ១នាក់ ។ អំណោយជាសំភារ: និងថវិកាសរុបមាន ៖ មុង ៣ ភួយ៣ សារុង៣ ក្រមា៉៣ កន្ទេល៣ ចាន ១៥ ស្លាបព្រា១៥ ឆ្នាំង៣ ត្រីខ១០យួរ មី ១៧កេស ទឹកត្រី១០យួរ ឡាំងទឹក ៣គូរ អង្គករ ៣៧០ គីឡូក្រាម និងថវិកាចំនួន ៤,៣០០,០០០ រៀល ។

ព្រឹកថ្ងៃទី ៣០ ខែ វិចិ្ឆកា ឆ្នាំ ២០១៥ ប្រតិភូសាខាកាកបាទក្រហមកម្ពុជាខេត្តសៀមរាប ដឹកនាំដោយលោកជំទាវ គួយ ណាលីន អនុប្រធានគណ:កម្មាធិការសាខាកាកបាទក្រហមខេត្តសៀមរាប បានចុះសួរសុខទុក្ខ សំណេះសំណាលតាមខ្នងផ្ទះ ជាមួយអ្នកជំងឺនិងអ្នកផ្ទុកមេរោគអេដស៍ចំនួន ១០គ្រួសារនៅក្នុងសង្កាត់ចំនួន ៤ មានសង្កាត់ស្លក្រាម សង្កាត់ស្វាយដង្គំ សង្កាត់គោកចកនិងសង្កាត់សាលាកំរើក នៃក្រុងសៀមរាប និងបានយកអំណោយសប្បុរសធម៌និងថវិកាផ្តល់ជូនក្នុងមួយគ្រួសាររួមមាន មុង១ ភួយ១ សារុង១ ក្រមា១ អង្ករ២៥គីឡូក្រាម ត្រីខ១យួរ ទឹកសីុអីុវ១យួរ និងថវិកា ៥០,០០០ រៀល ។

ព្រឹកថ្ងៃទី ២៤ ខែវិច្ឆិកា ឆ្នាំ២០១៥ លោក សូរ ប្លាតុង ប្រធានអនុសាខាកាកបាទក្រហមក្រុងសៀមរាប រួមមានសង្កាត់ ភូមិនិងប្រជាការពារសង្កាត់ បានយកអំណោយរបស់អនុសាខាកាកបាទក្រហមក្រុងនិងថវិកាចំនួន ១,៤០០,០០០៛ (មួយលានបួនសែនរៀល) ក្នុងនោះថវិការបស់អនុសាខាកាកបាទក្រហមក្រុងចំនួន ៣០០,០០០៛ និងថវិកាប្រជាការពារសង្កាត់ជ្រាវ ១,១០០,០០០៛ ជូនដល់គ្រួសារលោក ឈុង លន់ ដែលរងគ្រោះដោយសារអគ្គីភ័យឆេះផ្ទះធ្វើពីឥដ្ឋប្រក់សង្ក័សីទំហ៊ំ ៤មx១២ម កាលពីវេលាយប់ថ្ងៃទី២២ ខែវិច្ឆិកា ឆ្នាំ២០១៥ នៅភូមិតាចេក សង្កាត់ជ្រាវ ក្រុងសៀមរាប ខេត្តសៀមរាប៕

ដំណើរទស្សនកិច្ចរបស់ឯកឧត្តម Dmitry MEDVEDEV នាយករដ្ឋមន្រ្ត្តីនៃសហព័ន្ធរុស្សុី នៅខេត្តសៀមរាប ព្រះរាជាណាចក្រកម្ពុជា៕
Добро пожаловать посетить высокой Превосходительства Дмитрий Медведев Премьер-министр Росийской Федерации в Сием Рип, Камбоджа.
Welcome visiting of H.E. Dmitry MEDVEDEV , Prime Minister of Russian Federation to Siem Reap, Kingdom of Cambodia.

សាលាក្រុងសៀមរាបសូមថ្លែងអំណរគុណចំពោះអាជ្ញាធរអប្សរាដែលបានផ្តល់អំណោយឧបត្ថម្ភដល់កីឡាករ កីឡាការនីទាំងពីរទូក និងក្រុមការងារប្រទីបរួមមានអាវយឺតចំនួន ១៨០ មួក ៩០ និងថវិកា ២,០០០,០០០ រៀល៕ Thank to APSARA Authority for supporting to Siem Reap City Administration as T-shirts 180, caps 90 and budget 2,000,000 Riel during Water and Moon Festival on 24-25 November 2015.

ក្រុងសៀមរាប សូមស្វាគមន៍ ភ្ញៀវទេសចរណ៍ជាតិនិងអន្តរជាតិមកទស្សនាកំសាន្តក្នុងព្រះរាជពិធីបុណ្សអុំទូក បណ្តែតប្រទីប និងអកអំបុក សំពះព្រះខែ នៅថ្ងៃទី ២៤-២៥ ខែវិច្ឆិកា ឆ្នាំ២០១៥៕ Welcome to Siem Reap City during Water and Moon festival next day on 24-25 November 2015.

ដោយសង្កេតឃើញថា អត្តសញ្ញាណប័ណ្ណសញ្ជាតិខ្មែរគំរូថ្មីដែលបានចែកជូនប្រជាពលរដ្ឋប្រើប្រាស់ក្នុងអំឡុងឆ្នាំ ២០១៤ មានសន្លឹកអត្តសញ្ញាណប័ណ្ណមួយចំនួនគុណភាពមិនគ្រប់តាមស្តង់ដា បណ្តាលអោយរបើកខូចជាអន្លើ ដូចនេះសូមប្រជាពលរដ្ឋដែលមានសន្លឹកអត្តសញ្ញាណប័ណ្ណសញ្ជាតិខ្មែរគំរូថ្មី របើកខូច អាចស្នើសុំដូរថ្មី ដោយមិនតម្រូវអោយបង់ថ្លៃអាករ និងបង់ថ្លៃសេវាឡើយ ដោយទំនាក់ទំនងជាមួយនគរបាលប៉ុស្ត៏រដ្ឋបាល អធិការដ្ឋាននគរបាលក្រុង ស្រុក ខ័ណ្ឌដែលខ្លួនកំពុងរស់នៅ ។

ដំណើរទស្សនកិច្ចរបស់គណ:ប្រតិភូទីក្រុង Kazuno ប្រទេសជប៉ុន មកកាន់ក្រុងសៀមរាប ខេត្តសៀមរាប ដឹកនាំដោយលោក Mr. Hitoshi Kodama អភិបាលក្រុង រយ:ពេល២ថ្ងៃ ចាប់ពីថ្ងៃទី១៩-២០ ខែវិច្ឆិកា ឆ្នាំ២០១៥ គោលបំណងនៃទស្សនកិច្ចគឺដើម្បីបង្កើតចំណងមិត្តភាព កិច្ចសហប្រតិបត្តិការ និងទីក្រុងសម្ព័ន្ធភាពនាពេលខាងមុខ, សមាសភាពក្រុងសៀមរាបរួមមាន លោក ទេព ប៊ុនឆាយ ប្រធានក្រុមប្រឹក្សាក្រុង និងលោក សូរ ប្លាតុង អភិបាលក្រុងសៀមរាប , គណ:ប្រតិភូក៏បានជួបសម្តែងការគួរសមជាមួយឯកឧត្តម សង់ រីហា អភិបាលរងខេត្តសៀមរាប៕

ព្រឹកថ្ងៃទី១៨ ខែវិច្ឆិកា ឆ្នាំ២០១៥ យុទ្ធនាការសំអាតបរិស្ថានក្រុងសៀមរាបក្រោមអធិបតីភាពឯកឧត្តម នូ ផល្លា ប្រធានក្រុមប្រឹក្សាខេត្តសៀមរាប និងមានការចូលរួមពីមន្ទីរអង្គភាពកងកម្លាំងប្រដាប់អាវុធ អាជ្ញាធរមូលដ្ឋាន វិស័យឯកជន អង្កការសង្គមសីុវិល និស្សិតសិស្សានុសិស្សនិងប្រជាពលរដ្ឋក្រុងសៀមរាបសរុបចំនួន១៧០០ នាក់ ក្នុងគោលបំណងដើម្បីទទួលភ្ញៀវទេសចរណ៍ជាតិនិងអន្តរជាតិមកទស្សនាកំសាន្តក្នុងឱកាសព្រះរាជពិធីបុណ្យអុំទូក បណ្តែតប្រទីបនិងសំពះព្រះខែ អកអំបុក ថ្ងៃទី២៤-២៥ ខែវិច្ឆកា ឆ្នាំ២០១៥ នាពេលខាងមុខ ៕

រសៀល ថ្ងៃទី១២ ខែវិច្ឆិកា ឆ្នាំ២០១៥ នៅសាលាខេត្តសៀមរាប លោក សូរ ប្លាតុង អភិបាលក្រុងសៀមរាប បានចូលរួមកម្មវិធីប្រគល់និងទទួលធុងសំរាម ចំនួន២៤ធុង ពីអង្គរការ ការីតាស់៕