05/06/2026
ខេត្តស្វាយរៀង៖ ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ឯកឧត្តម ហោ សារុន រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ឯកឧត្តម ហួត ហាក់ រដ្ឋមន្រ្ដីក្រសួងទេសចរណ៍ អញ្ជើញជាអធិបតីក្នុងសិក្ខាសាលា ស្តីពី “ការលើកកម្ពស់ការពង្រឹងសុវត្ថិភាពទេសចរណ៍” ដោយមានការអញ្ជើញចូលរួមពី ឯកឧត្តម សេង សីលា អភិបាលរងនៃគណៈអភិបាលខេត្តស្វាយរៀង ក្រុមការងារថ្នាក់ជាតិ និងមានការអញ្ជើញចូលរួមពីសមត្ថកិច្ចខេត្ត ក្រុង យុវជន រដ្ឋបាលក្រុងស្វាយរៀង សង្កាត់ និងម្ចាស់មូលដ្ឋានអាជីវកម្មទេសចរណ៍ សរុបចំនួន ១៣២នាក់។🙏💕
សិក្ខាសាលានេះរៀបចំឡើងក្នុងគោលបំណងជំរុញឲ្យមានការយកចិត្តទុកដាក់ និងការចូលរួមទាំងអស់គ្នា ក្នុងការចាត់ទុកការរក្សាសុវត្ថិភាពជូនភ្ញៀវទេសចរ គឺជាកាតព្វកិច្ចរបស់យើងទាំងអស់គ្នា ការគិតគូរការលើកកម្ពស់ការពង្រឹងសុវត្ថិភាពទេសចរណ៍គឺជាការបំពេញកាតព្វកិច្ចរបស់យើងទាំងអស់គ្នាក្នុងនាមជាម្ចាស់ផ្ទះ ក្នុងន័យដើម្បីផ្តល់ភាពកក់ក្តៅ ក៏ដូចជាធ្វើឲ្យភ្ញៀវទេសចរមានទំនុកចិត្តខ្ពស់ក្នុងពេលធ្វើដំណើរកម្សាន្តនៅកម្ពុជា។👌🙂
តាមរយៈសិក្ខាសាលានេះដែរ ឯកឧត្តមជឿជាក់ថា បងប្អូនសិក្ខាកាមទាំងអស់នឹងទទួលបានចំណេះដឹងថ្មី ដែលជួយពង្រឹង និងពង្រីកការយល់ដឹងកាន់តែទូលំទូលាយ ដើម្បីចូលរួមចំណែកកាន់តែច្រើនក្នុងការលើកកម្ពស់សុវត្ថិភាពភ្ញៀវទេសចរ ក្នុងគោលដៅរួមមួយដើម្បីបង្កើនភាពទាក់ទាញ ភាពជឿទុកចិត្ត និងភាពពេញចិត្តវិស័យទេសចរណ៍របស់យើងប្រកបដោយភាពប្រកួតប្រជែងខ្ពស់លើឆាកអន្តរជាតិ។
ឯកឧត្តមមានប្រសាសន៍បញ្ជាក់ទៀតថា យើងទាំងអស់គ្នាត្រូវចូលរួមសហការជាមួយកម្លាំង សមត្ថកិច្ច ពាក់ព័ន្ធលើកកម្ពស់សុវត្ថិភាពភ្ញៀវទេសចរដើម្បីបង្កើនការជឿទុកចិត្តទាក់ទាញកាន់តែខ្លាំងឡើង លើសពីនេះទៀត យើងត្រូវចូលរួមទាំងអស់គ្នាដើម្បីផ្សព្វផ្សាយព័ត៌មានពិតអំពីសន្តិសុខ និងសុវត្ថិភាពនៅកម្ពុជានៅលើឆាកអន្តរជាតិ និងចូលរួមលុបបំបាត់ព័ត៌មានមិនល្អ ឬព័ត៌មានក្លែងក្លាយដែលធ្វើឲ្យប៉ះពាល់កេរ្តិ៍ឈ្មោះប្រទេសរបស់យើង។
សិក្ខាសាលានេះ ក៏បានរៀបចំជាកិច្ចពិភាក្សាជារួម Panel discussion ស្ដីពី "សារៈសំខាន់នៃការចូលរួមលើកកម្ពស់សុវត្ថិភាពទេសចរណ៍ក្នុងខេត្តស្វាយរៀង" ដែលមានអ្នកសម្របសម្រួលមកពីក្រសួងទេសចរណ៍ និងវាគ្មិនកិត្តិយសមកពី នាយកដ្ឋាននគរបាលទេសចរណ៍ មន្ទីរទេសចរណ៍ខេត្ត រដ្ឋបាលខេត្ត ស្នងការរដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត និងតំណាងអជីវកម្មសេវាកម្មទេសចរណ៍ ដែលផ្តល់ឱកាសជូនអ្នកចូលរួមទាំងអស់លើកជាសំណួរ ឬបទពិសោធន៍ដែលជួបប្រទះមកដោះស្រាយផងដែរ។🙏🙏💕
19/05/2026
ក្រុងកំពង់ឆ្នាំង ខេត្តកំពង់ឆ្នាំង៖ កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦ ឯកឧត្ត ហោ សារុន រដ្ឋលេខាធិការក្រសួងទេសចរណ៍ និងជាប្រធានក្រុមការងារបរិស្ថានគ្មានផ្សែងបារី បានអញ្ជើញចូលរួមជាអធិបតី ក្នុងកម្មពិធីសិក្ខាសាលាស្ដីពី ការពង្រឹងសមត្ថភាពលេីការត្រួតពិនិត្យផលិតផលថ្នាំជក់ នៅសណ្ឋាគារសុវណ្ណភូមិ ខេត្តកំពង់ឆ្នាំង។ សិក្ខាសាលានេះមានការអញ្ជើញចូលរួមពីលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងមានតំណាងមកពីក្រសួងអប់រំយុវជន និងកីឡា និងអន្តរក្រសួង ដែលជាសមាជិកនៃគណៈកម្មការត្រួតពិនិត្យផលិតផលថ្នាំជក់ ដោយឡែកក៏មានការអញ្ជើញចូលរួមពី លោក Ulysses Dorotheo ប្រធានសម្ព័ន្ធត្រួតពិនិត្យផលិតផលថ្នាំជក់អាស៊ីអាគ្នេយ៍, CATA, តំណាងអង្គការសុខភាពពិភពលោក, តំណាងអង្គការចលនាដើម្បីសុខភាពកម្ពុជាផងដែរ ដែលមានចំនួនសរុបប្រមាណ ៣០នាក់។
សិក្ខាសាលានេះមានគោលបំណងពង្រឹងសមត្ថភាព និងចែករំលែកបទពិសោធន៍ដល់ក្រសួងស្ថាប័នពាក់ព័ន្ធ អំពីការអនុវត្តអនុសញ្ញាស្តីពី ការត្រួតពិនិត្យថ្នាំជក់ ហើយក៏មានការធ្វើបទបង្ហាញពីតំណាងក្រសួងស្ថាប័នពាក់ព័ន្ធរួមមាន ក្រសួងទេសចរណ៍ ក្រសួងអប់រំយុវជន និងកីឡា អង្គការសុខភាពពិភពលោក អង្គការចលនាដើម្បីសុខភាពកម្ពុជា សម្ព័ន្ធត្រួតពិនិត្យថ្នាំជក់អាស៊ីអាគ្នេយ៍ ដោយមានការសម្របសម្រួលពីមជ្ឈមណ្ឌលជាតិលើកកម្ពស់សុខភាពកម្ពុជា។
នាឱកាសនោះផងដែរ ឯកឧត្ត ហោ សារុន រដ្ឋលេខាធិការក្រសួងទេសចរណ៍ និងលោក ឌួង បញ្ញាវុធ អគ្គនាយករងរដ្ឋបាល និងហិរញ្ញវត្ថុនៃក្រសួងទេសចរណ៍ បានធ្វើបទបង្ហាញស្ដីពី បដិសេធភាពជាដៃគូពីក្រុមហ៊ុនថ្នាំជក់ក្នុងវិស័យទេសចរណ៍គ្មានផ្សែងបារី ក្នុងនោះក៏បានបង្ហាញពីការខិតខំប្រឹងប្រែងរបស់ក្រសួងទេសចរណ៍ ក្នុងនាមសមាជិកគណៈកម្មការត្រួតពិនិត្យផលិតផលថ្នាំជក់ បានរៀបចំក្រុមការងារបរិស្ថានគ្មានផ្សែងបារី និងបានចុះវាយតម្លៃក្រុងមួយចំនួន ដែលមកដល់បច្ចុប្បន្ននេះយេីងសម្រេចបានក្រុងចំនួន៩ ជាទីក្រុងទេសចរណ៍គ្មានផ្សែងបារី និងក្នុងឆ្នាំ២០២៦ នេះបន្ថែមទៅលេីក្រុង៤ និងខណ្ឌខណ្ឌដូនពេញមួយទៀត ការរៀបចំទីក្រុងទេសចរណ៍គ្មានផ្សែងបារីនេះគឺ មានការគាំទ្រ និងចង្អុលបង្ហាញពី ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ព្រមទាំងមានការគាំទ្រសហការពីក្រសួងសុខាភិបាលផងដែរ។
18/05/2026
ក្រុងកំពង់ឆ្នាំង ខេត្តកំពង់ឆ្នាំង៖ កាលពីថ្ងៃព្រហស្បតិ៍ ទី៣០ ខែមេសា ឆ្នាំ២០២៦ ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាប្រធានក្រុមការងារបរិស្ថានគ្មានផ្សែងបារី តំណាងដ៏ខ្ពង់ខ្ពស់ ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតីបើកសិក្ខាសាលាស្តីពី ការពង្រឹងសមត្ថភាពដើម្បីរៀបចំក្រុងកំពង់ឆ្នាំងជាទីក្រុងទេសចរណ៍គ្មានផ្សែងបារី ដែលរៀបចំឡើងដោយក្រសួងទេសចរណ៍ សហការជាមួយរដ្ឋបាលខេត្តនៅសណ្ឋាគាររស្មីសុខាញយ៉ក ស្ថិតនៅក្នុងក្រុងកំពង់ឆ្នាំង ដោយមានការអញ្ជើញចូលរួមពី លោក នៃ ចារី អភិបាលរងខេត្តកំពង់ឆ្នាំង ក្រុមការងារថ្នាក់ជាតិ រដ្ឋបាលខេត្ត រដ្ឋបាលក្រុង រដ្ឋបាលសង្កាត់ មន្ទីរពាក់ព័ន្ធ កម្លាំងសមត្ថកិច្ចនរគបាល កងរាជអាវុធហត្ថ យុវជន កាកបាទក្រហមកម្ពុជា យុវជនកាយរិទ្ធ យុវជនស.ស.យ.ក. និងមូលដ្ឋានអាជីវកម្មសេវាកម្មទេសចរណ៍សរុបប្រមាណ១០០នាក់។
សិក្ខាសាលានេះ មានគោលបំណងសំខាន់ក្នុងការពង្រឹងចំណេះដឹង បង្កើនការយល់ដឹង និងលើកកម្ពស់សមត្ថភាពដល់មន្ត្រីពាក់ព័ន្ធ អាជ្ញាធរមូលដ្ឋាន ម្ចាស់មូលដ្ឋានអាជីវកម្មសេវាកម្មទេសចរណ៍ និងភាគីពាក់ព័ន្ធទាំងអស់ ដើម្បីរួមគ្នាអនុវត្តវិធានការទីក្រុងទេសចរណ៍គ្មានផ្សែងបារីឱ្យទទួលបានជោគជ័យ។
មានប្រសាសន៍នៅក្នុងសិក្ខាសាលានោះដែរ ឯកឧត្តមរដ្ឋលេខាធិការបានលើកឡើងពីគោលបំណងរបស់ក្រសួងទេសចរណ៍ចង់ជំរុញក្រុងកំពង់ឆ្នាំងជាទីក្រុងទេសចរណ៍គ្មានផ្សែងបារី និងបានរៀបចំសិក្ខាសាលានេះដើម្បីជជែកស្វែងយល់ពីស្ថានភាពបច្ចុប្បន្ន និងផលវិបាកក្នុងការអនុវត្តបរិស្ថានគ្មានផ្សែងបារីនៅក្នុងវិស័យទេសចរណ៍ ក៏ដូចជាស្វែងរកវិធីសាស្ត្រល្អៗក្នុងការអនុវត្តសូចនាករទីក្រុងទេសចរណ៍គ្មានផ្សែងបារីដែលបានដាក់ចេញដោយក្រសួងទេសចរណ៍។
ឯកឧត្តមក៏បានបញ្ជាក់អំពីការគាំទ្ររបស់ក្រសួងទេសចរណ៍ ក្នុងការប្រែក្លាយក្រុងកំពង់ឆ្នាំងជាទីក្រុងទេសចរណ៍គ្មានផ្សែងបារី ដោយក្រសួងទេសចរណ៍នឹងផ្តល់ការគាំទ្រផ្នែកបច្ចេកទេសដើម្បីជំរុញឱ្យក្រុងកំពង់ឆ្នាំងអាចសម្រេចបានជោគជ័យលើការងាររៀបចំជាទីក្រុងទេសចរណ៍គ្មានផ្សែងបារី។
សិក្ខាសាលានេះ ក៏បានរៀបចំជាកិច្ចពិភាក្សាជារួម Panel discussion ដែលមានអ្នកសម្របសម្រួល និងវាគ្មិនកិត្តិយសមកពីក្រសួងទេសចរណ៍ ក្រសួងសុខាភិបាលដៃគូអភិវឌ្ឍ រដ្ឋបាលខេត្ត ក្រុង មន្ទីរទេសចរណ៍ មន្ទីរសុខាភិបាល ដែលផ្តល់ឱកាសជូនអ្នកចូលរួមទាំងអស់លើកជាសំណួរ ឬបទពិសោធន៍ដែលជួបប្រទះមកដោះស្រាយផងដែរ។
ឯកឧត្តម សារុន រដ្ឋលេខាធិការក្រសួងទេសចរណ៍អញ្ជើញជាអធិបតីដឹកនាំកិច្ចប្រជុំចង្អៀត ស្ដីពីការរៀបចំផែនការសកម្មភាពជំរុញក្រុងកំពង់ឆ្នាំង ជាទីក្រុងទេសចរណ៍គ្មានផ្សែងបារី នៅសាលប្រជុំរដ្ឋបាលក្រុងកំពង់ឆ្នាំង ដោយមានសមាសភាពចូលរួមពីមន្ទីរទេសចរណ៍ខេត្ត មន្ទីរសុខាភិបាល មន្ទីរអប់រំ យុវជន និងកីឡា គណៈអភិបាលក្រុង ក្រុមប្រឹក្សាក្រុង ក្រុមប្រឹក្សាសង្កាត់ គណៈគ្រប់គ្រងផ្សារ មណ្ឌលសុខភាព យុវជន និងសាលារៀន។
សន្និដ្ឋានជារួម រដ្ឋបាលខេត្ត រដ្ឋបាលក្រុង មន្ទីរ អង្គភាពជុំវិញខេត្ត យុវជន រួមទាំងផ្នែកឯកជនទាំងអស់យកស្មារតីខ្ពស់ក្នុងការគាំទ្រ និងប្តេជ្ញាចិត្តខ្ពស់ក្នុងការជំរុញក្រុងកំពង់ឆ្នាំងជាទីក្រុងទេសចរណ៍គ្មានផ្សែងបារី ដើម្បីជាផលប្រយោជន៍ដល់ប្រជាពលរដ្ឋ សិស្សានុសិស្ស ព្រមទាំងភ្ញៀវទេសចរដែលមកទស្សនាខេត្តកំពង់ឆ្នាំងមានសុខភាពល្អ ជៀសផុតពីជំងឺផ្សេងៗដែលបណ្តាលមកពីផ្សែងថ្នាំជក់ផងដែរ។
15/05/2026
ក្រុងពោធិ៍សាត់៖ សិក្ខាសាលាស្តីពីការពង្រឹងសមត្ថភាពដើម្បីរៀបចំក្រុងពោធិ៍សាត់ជាទីក្រុងទេសចរណ៍គ្មានផ្សែងបារី ដែលរៀបចំឡើងដោយក្រសួងទេសចរណ៍សហការជាមួយរដ្ឋបាលខេត្ត កាលពីថ្ងៃទី២៨ ខែមេសា ឆ្នាំ២០២៦ នៅសណ្ឋាគារពោធិ៍សាត់រីវើសាយ ក្រោមអធិបតីភាព ឯកឧត្តម ហោ សារុន រដ្ឋលេខា ធិការក្រសួងទេសចរណ៍និងជាប្រធានក្រុមការងារបរិស្ថានគ្មានផ្សែងបារី តំណាងដ៏ខ្ពង់ខ្ពស់ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ ឯកឧត្ដម អ៊ុយ សុធាវី អភិបាលរងខេត្តពោធិ៍សាត់ ដោយមានការចូលរួមពី ក្រុមការងារថ្នាក់ជាតិ រដ្ឋបាលខេត្ត រដ្ឋបាលក្រុង រដ្ឋបាលសង្កាត់ មន្ទីរពាក់ព័ន្ធ កម្លាំងសមត្ថកិច្ចនរគបាល កងរាជអាវុធហត្ថ យុវជន កាកបាទក្រហមកម្ពុជា យុវជនកាយរិទ្ធ និងមូលដ្ឋានអាជីវកម្មសេវាកម្មទេសចរណ៍សរុបប្រមាណ១០០នាក់។
សិក្ខាសាលានេះ មានគោលបំណងសំខាន់ៗ រួមមាន៖ ពង្រឹងការយល់ដឹងអំពីគោលនយោបាយទីក្រុងទេសចរណ៍គ្មានផ្សែងបារី បង្កើនសមត្ថភាពអនុវត្តរបស់មន្ត្រីពាក់ព័ន្ធ ផ្លាស់ប្តូរបទពិសោធន៍ និងឧត្តមការណ៍ល្អ រៀបចំផែនការអនុវត្តឱ្យមានប្រសិទ្ធភាព និងបង្កើតភាពជាដៃគូរឹងមាំរវាងភាគីពាក់ព័ន្ធ។
សិក្ខាសាលានេះ ក៏បានរៀបចំជាកិច្ចពិភាក្សាជារួម Panel discussion ដែលមានអ្នកសម្របសម្រួល និងវាគ្មិនកិត្តិយសមកពីក្រសួងទេសចរណ៍ ក្រសួងសុខាភិបាល អង្គការសុខភាពពិភពលោក ដៃគូអភិវឌ្ឍ រដ្ឋបាលខេត្ត ក្រុង មន្ទីរទេសចរណ៍ មន្ទីរសុខាភិបាល ដែលផ្តល់ឱកាសជូនអ្នកចូលរួមទាំងអស់លើកជាសំណួរ ឬបទពិសោធន៍ដែលជួបប្រទះមកដោះស្រាយផងដែរ។
ឯកឧត្តម ហោ សារុន រដ្ឋលេខាធិការក្រសួងទេសចរណ៍អញ្ជើញជាអធិបតីដឹកនាំកិច្ចប្រជុំចង្អៀត ស្ដីពីការរៀបចំផែនការសកម្មភាពជំរុញក្រុងពោធិ៍សាត់ជាទីក្រុងទេសចរណ៍គ្មានផ្សែងបារីនៅសាលប្រជុំមន្ទីរទេសចរណ៍ ដោយមានសមាសភាពចូលរួមពីមន្ទីរទេសចរណ៍ខេត្ត មន្ទីរសុខាភិបាល មន្ទីរអប់រំ យុវជន និងកីឡា គណៈអភិបាលក្រុង ក្រុមប្រឹក្សាក្រុង ក្រុមប្រឹក្សាសង្កាត់ គណៈគ្រប់គ្រងផ្សារ មណ្ឌលសុខភាព យុវជន និងសាលារៀន។
អង្គសិក្ខាសាលាទាំងមូលបានយកចិត្តទុកដាក់ខ្ពស់ គាំទ្រ និងប្តេជ្ញាចិត្តរួមគ្នាជំរុញក្រុងពោធិ៍សាត់ជាទីក្រុងទេសចរណ៍គ្មានផ្សែងបារីឱ្យខាងតែបាន។
15/05/2026
ការរៀបចំចលនាប្រឡងប្រណាំងស្នាដៃអត្ថបទស្រាវជ្រាវឆ្នើម ក្នុងវិស័យទេសចរណ៍ប្រចាំឆ្នាំ២០២៦
ទីស្ដីការក្រសួងទេសចរណ៍ ថ្ងៃចន្ទ ទី១១ ខែឧសភា ឆ្នាំ២០២៦ ឯកឧត្តម ហោ សារុន រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្តម ហួត ហាក់រដ្ឋមន្ត្រីក្រសួងទេសចរណ៍ អញ្ជើញជាអធិបតីក្នុងកិច្ចប្រជុំស្ដីពី ការរៀបចំចលនាប្រឡងប្រណាំងស្នាដៃអត្ថបទស្រាវជ្រាវឆ្នើម ក្នុងវិស័យទេសចរណ៍ប្រចាំឆ្នាំ២០២៦ មានការអញ្ជើញចូលរួមពី ឯកឧត្តម កើត ពុទ្ធវរវី អនុរដ្ឋលេខាធិការ លោកជំទាវ ប៉ូច វរលក្ខណ៍ នាយិកាវិទ្យាស្ថានជាតិទេសចរណ៍
លោក លោកស្រី តំណាងអគ្គនាយកដ្ឋាន សាលាវិជ្ជាជីវៈទេសចរណ៍ អគ្គាធិការដ្ឋាន សាកលវិទ្យាល័យ សមាគមក្នុងវិស័យទេសចរណ៍ CATA, PATA, CTF, និង CTB ដែលមានចំនួនសរុបប្រមាណ ៣៧នាក់។
09/04/2026
រដ្ឋបាលក្រុងព្រៃវែង ខេត្តព្រៃវែង៖
ថ្ងៃពុធ ៦កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៨ ខែមេសា ឆ្នាំ២០២៦ ឯកឧត្ដម ហោ សារុន រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតី ក្នុងពិធីបើកសិក្ខាសាលាស្ដីពី “ការពង្រឹងសមត្ថភាពដើម្បីរៀបចំក្រុងព្រៃវែងជាទីក្រុងទេសចរណ៍គ្មានផ្សែងបារី” ដោយមានការអញ្ជើញចូលរួមពីលោកជំទាវ សេង ទៀង អភិបាលរងគណៈអភិបាលខេត្តព្រៃវែង ក្រុមការងារថ្នាក់ជាតិ រដ្ឋបាលខេត្តព្រៃវែង រដ្ឋបាលក្រុងព្រៃវែង សង្កាត់ មន្ទីរពាក់ព័ន្ធ កម្លាំងសមត្ថកិច្ចជានគរបាល កងរាជអាវុធហត្ថ មូលដ្ឋានអាជីវកម្មសេវាកម្មទេសចរណ៍ យុវជនកាយរិទ្ធ និងយុវជនកាកបាទក្រហម សរុបចំនួនប្រមាណ ១០០នាក់។
សិក្ខាសាលានេះនឹងដើរតួនាទីយ៉ាងសំខាន់ជាត្រីវិស័យ និងជាការពង្រឹងសមត្ថភាព ក៏ដូចជាការលើកកម្ពស់ការយល់ដឹងអំពីការត្រួតពិនិត្យផលិតផលថ្នាំជក់នៅក្នុងចំណោមតួអង្គពាក់ព័ន្ធសំខាន់ៗដើម្បីផ្តល់គុណតម្លៃបន្ថែមដល់វិស័យទេសចរណ៍ ក៏ដូចជាគិតគូរពីផាសុកភាព និងសុខុមាលភាពទាំងភ្ញៀវទេសចរ និងអ្នកបម្រើការក្នុងវិស័យនេះ តាមរយៈការសម្រេចបានក្នុងការរៀបចំ ក្រុងព្រៃវែងឲ្យក្លាយជា “ទីក្រុងទេសចរណ៍គ្មានផ្សែងបារី”។
ក្នុងកិច្ចខិតខំប្រឹងប្រែងលើកកម្ពស់វិស័យទេសចរណ៍កម្ពុជា ជាទេសចរណ៍គ្មានផ្សែងបារី ក្រសួងទេសចរណ៍បានធ្វើការលើកកម្ពស់ការយល់ដឹងអំពីច្បាប់ និងឯកសារគតិយុត្តផ្សេងៗ ទាក់ទងនឹងការត្រួតពិនិត្យផលិតផលថ្នាំជក់នៅក្នុងចំណោម បណ្តាមូលដ្ឋានអាជីវកម្មសេវាកម្មទេសចរណ៍ និងបានជំរុញឲ្យមានការអនុវត្តឱ្យបានត្រឹមត្រូវ ជាពិសេសបានបង្កលទ្ធភាពឲ្យរដ្ឋបាលក្រុង ស្រុក ខណ្ឌ ចូលរួមដឹកនាំ អនុវត្តដោយផ្ទាល់នៅតាមមូលដ្ឋានរបស់ខ្លួន។
ក្រសួងក៏បានដាក់ចេញសេចក្តីសម្រេចស្តីពី “នីតិវិធីប្រតិបត្តិស្តង់ដាអប្បបរមា ស្តីពី ការអនុវត្តបរិស្ថានគ្មានផ្សែងបារីក្នុងវិស័យទេសចរណ៍” ដែលផ្តល់ភាពងាយស្រួល ដល់មូលដ្ឋានអាជីវកម្មសេវាកម្មទេសចរណ៍ទាំងអស់ចូលរួមអនុវត្តច្បាប់ ស្តីពីការត្រួតពិនិត្យផលិតផលថ្នាំជក់ ដោយគ្រាន់តែធ្វើតាមការណែនាំ ដែលមាននៅក្នុងនីតិវិធីប្រតិបត្តិស្តង់ដាអប្បបរមានេះ។
ក្រសួងទេសចរណ៍ក៏បានដាក់ចេញប្រកាសស្តីពីគោលការណ៍ណែនាំ “ការរៀបចំទីក្រុងទេសចរណ៍គ្មានផ្សែងបារី” ដែលជាការត្រួសត្រាយផ្លូវឲ្យក្រុង/ស្រុក/ខណ្ឌ ចូលរួមពង្រឹងការអនុវត្តនីតិវិធីប្រតិបត្តិស្តង់ដាអប្បបរមាស្តីពី ការអនុវត្តបរិស្ថានគ្មានផ្សែងបារី ក្នុងវិស័យទេសចរណ៍ និងចូលរួមប្រតិបត្តិជាគំរូក្នុងការរៀបចំមូលដ្ឋានរបស់ខ្លួនឲ្យស័ក្តិសមជាទីក្រុងទេសចរណ៍ដែលមានភាពទាក់ទាញ។
សិក្ខាសាលានេះ ក៏បានរៀបចំជាកិច្ចពិភាក្សាជារួម Panel discussion ដែលមានអ្នកសម្របសម្រួល និងវាគ្មិនកិត្តិយសមកពីក្រសួងទេសចរណ៍ ក្រសួងសុខាភិបាលដៃគូអភិវឌ្ឍ រដ្ឋបាលខេត្ត ក្រុង មន្ទីរទេសចរណ៍ ដែលផ្តល់ឱកាសជូនអ្នកចូលរួមទាំងអស់លើកជាសំណួរ ឬបទពិសោធន៍ដែលជួបប្រទះមកដោះស្រាយផងដែរ។
01/04/2026
ទីស្ដីការក្រសួងទេសចរណ៍ នៅព្រឹកថ្ងៃអង្គារ ទី៣១ ខែមីនា ឆ្នាំ២០២៦
ឯកឧត្តម ហោ សារុន រដ្ឋលេខាធិការក្រសួងទេសចរណ៍ អញ្ជើញជាអធិបតីដឹកនាំកិច្ចប្រជុំត្រួតពិនិត្យវឌ្ឍនភាពការងារប្រចាំខែមីនា ឆ្នាំ២០២៦ និងទិសដៅអនុវត្តការងារបន្ត របស់នាយកដ្ឋានសន្តិសុខ និងសុវត្ថិភាពទេសចរ អញ្ជើញចូលរួមពី លោកអគ្គនាយករងរដ្ឋបាល និងហិរញ្ញវត្ថុ លោកប្រធាននាយកដ្ឋាន លោក លោកស្រី និងមន្ត្រីរាជការនៃនាយកដ្ឋាន។
កិច្ចប្រជុំនេះមានគោលបំណងលើក កម្ពស់របៀបរបបការងារប្រចាំថ្ងៃរបស់នាយកដ្ឋាន ក៏ដូចជាតាមដានការអនុវត្តផែនការសកម្មភាពក្នុងឆ្នាំ២០២៦ របស់នាយកដ្ឋាន។
នៅក្នុងកិច្ចប្រជុំនេះ ឯកឧត្តមរដ្ឋលេខាធិការ ក៏បានផ្តល់អនុសាសន៍តម្រង់ទិសដើម្បីឈានទៅសម្រេចផែនការសកម្មភាពតាមគោលដៅដែលបានគ្រោងទុក។
ក្នុងថ្ងៃដដែលនេះ ឯកឧត្តមរដ្ឋលេខាធិការ អនុវត្តតាមចំណារដ៍ខ្ពង់ខ្ពស់របស់ ឯកឧត្តមរដ្ឋមន្ត្រីក្រសួងទេសចរណ៍ នៅវេលាម៉ោង១១.០០នាទី ឯកឧត្តមបានអញ្ជើញដឹកនាំប្រជុំបន្តជាមួយ លោក ឆឹង ចំណាន ប្រធានសមាគមដឹកអ្នកដំណើរ និងភស្តុភារកម្ពុជា ទាក់ទងនឹងការធ្វើនីតិវិធីគយ និងចំណាយផ្សេងៗនៅច្រកទ្វារព្រំដែនម៉ុកបៃរបស់វៀតណាម។
#
20/03/2026
ក្រុងដូនកែវ ខេត្តតាកែវ នៅរសៀលថៃ្ងទី១៩ ខែមីនា ឆ្នាំ២០២៦ នេះ ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាប្រធានក្រុមការងារបរិស្ថានគ្មានផ្សែងបារី ក្នុងវិស័យទេសចរណ៍ បានអញ្ជេីញចូលរួមជាអធិបតីនៅក្នុងកិច្ចប្រជុំពិភាក្សាស្តីពី ការត្រៀមលក្ខណៈដើម្បីរៀបចំក្រុងដូនកែវជាទីក្រុងទេសចរណ៍គ្មានផ្សែងបារី នៅរដ្ឋបាលក្រុងដូនកែវ ខេត្តតាកែវ។
ក្នុងកិច្ចប្រជុំនេះ ឯកឧត្តមរដ្ឋលេខាធិការបានលើកឡើងពីគោលបំណងរបស់ក្រសួងទេសចរណ៍ចង់ជំរុញក្រុងដូនកែវជាទីក្រុងទេសចរណ៍គ្មានផ្សែងបារី និងបានរៀបចំកិច្ចប្រជុំពិភាក្សានេះដើម្បីជជែក ស្វែងយល់ពីស្ថានភាពបច្ចុប្បន្ន និងផលវិបាកក្នុងការអនុវត្តបរិស្ថានគ្មានផ្សែងបារីនៅក្នុងវិស័យទេសចរណ៍ ក៏ដូចជាស្វែងរកវិធីសាស្ត្រល្អៗក្នុងការអនុវត្តសូចនាករទីក្រុងទេសចរណ៍គ្មានផ្សែងបារីដែលបានដាក់ចេញដោយក្រសួងទេសចរណ៍។
ឯកឧត្តមក៏បានបញ្ជាក់អំពីការគាំទ្ររបស់ក្រសួងទេសចរណ៍ក្នុងការប្រែក្លាយក្រុងដូនកែវជាទីក្រុងទេសចរណ៍គ្មានផ្សែងបារី ដោយក្រសួងទេសចរណ៍នឹងរៀបចំសិក្ខាសាលាពង្រឹងសមត្ថភាព និងផ្តល់ការគាំទ្រផ្នែកបច្ចេកទេសមួយចំនួនដើម្បីជំរុញឲ្យក្រុងដូនកែវអាចសម្រេចបានជោគជ័យលើការងាររៀបចំជាទីក្រុងទេសចរណ៍គ្មានផ្សែងបារី។
20/03/2026
រដ្ឋបាលខណ្ឌដូនពេញបានបង្កើតក្រុមការងារប្រតិបត្តិ និងបានចុះអប់រំផ្សព្វផ្សាយដល់អ្នកពាក់ព័ន្ធ តាមរយៈសកម្មភាព និងវេទិកានានា អំពីការអនុវត្តបរិស្ថានគ្មានផ្សែងបារីក្នុងវិស័យទេសចរណ៍ សំដៅប្រែក្លាយខណ្ឌដូនពេញ ជាទីក្រុងទេសចរណ៍គ្មានផ្សែងបារី ។
នៅសង្កាត់ផ្សារកណ្តាលទី១ ក្រុមការងារបានរៀបចំវេទិកាផ្សព្វផ្សាយដល់ម្ចាស់មូលដ្ឋានអាជីវកម្មវិស័យទេសចរណ៍ អំពីផែនការសកម្មភាព ព្រមទាំងបានចែក និងបិទស្ទិកគ័រហាមជក់បារីផងដែរ។
13/03/2026
ទីស្ដីការក្រសួងទេសចរណ៍ នាព្រឹកថ្ងៃសុក្រ ទី១៣ ខែមីនា ឆ្នាំ២០២៦ ឯកឧត្តម ហោ សារុន រដ្ឋលេខាធិការក្រសួងទេសចរណ៍ អញ្ជើញជាអធិបតីដឹកនាំកិច្ចប្រជុំពិគ្រោះយោបល់លេីសេចក្ដីព្រាងគោលការណ៍ណែនាំស្ដីពី វិធានសុវត្ថិភាពទេសចរ សម្រាប់រមណីយដ្ឋានទេសចរណ៍ អេកូទេសចរណ៍ និងសហគមន៍ទេសចរណ៍ ដោយមានការចូលរួមពីលោកជំទាវ ឯកឧត្តម អនុរដ្ឋលេខាធិការ អគ្គនាយករង ប្រធាននាយកដ្ឋានសាម៉ីអង្គភាពពាក់ព័ន្ធផងដែរ។
វិធានសុវត្ថិភាពដែលបានរៀបចំឡើងនេះក្នុងគោលបំណងលើកកម្ពស់ការចូលរួមពីគ្រប់ភាគីពាក់ព័ន្ធដូចជាអាជ្ញាធរមូលដ្ឋាន ប្រតិបត្តិករទេសចរណ៍ ប្រជាសហគមន៍ទេសចរណ៍ ភ្ញៀវទេសចរធានាសុវត្ថិភាព សុខមាលភាពភ្ញៀវទេសចរ និងកាត់បន្ថយហានិភ័យដែលនាំឱ្យកើតមានគ្រោះថ្នាក់ជាយថាហេតុណាមួយ ក្នុងន័យផ្តល់ភាពជឿទុកចិត្ត លើកកម្ពស់គុណភាពសេវាកម្ម និងការអភិវឌ្ឍតំបន់អេកូទេសចរណ៍ សហគមន៍ទេសចរណ៍ និងរមណីយដ្ឋានទេសចរណ៍ប្រកបដោយនិរន្តរភាព។
09/04/2026
01/04/2026
20/03/2026
20/03/2026
13/03/2026