យុវជនសម្ព័ន្ធ ស្រុកពាមជរ

គណបក្សសម្ព័ន្ធដើម្បីប្រជាធិបតេយ្យ សូមជម្រាបជូនដំណឹងដល់បងប្អូនដែលជាសមាជិក និងអ្នកគាំទ្រទាំងអស់ឲ្យបានជ្រាបថា នៅថ្ងៃចន្ទ ទី២៦ ខែមិថុនា ឆ្នាំ២០២៣ ខាងមុខនេះ គឺជាថ្ងៃគម្រប់ខួប១៧ឆ្នាំ នៃការបង្កើត គណបក្សសម្ព័ន្ធដើម្បីប្រជាធិបតេយ្យ របស់ពួកយើង។ ដូច្នេះដើម្បីរំឭកដល់គម្រប់ខួបនេះ គណបក្សបានរចនាជារូប Profile និង Cover Facebook ដើម្បីឲ្យបងប្អូនដែលជាសមាជិក និងអ្នកគាំទ្រទាំងអស់ អាចដាក់តាំងបង្ហាញលើបណ្ដាញសង្គមបានចាប់ពីពេលនេះតទៅ៕

ទាញយក Profile និង Cover រូបភាពកម្រិតច្បាស់៖ https://t.me/LDPTelegram/1241

"នេះជាកំឡុងពេលនៃការហ្វឹកហាត់ចិត្តដោយការយល់មេរៀនធម្មជាតិដែលត្រាស់ដឹងដោយព្រះសម្មាសម្ពុទ្ធ ដូច្នេះក្មួយៗត្រូវផ្ដោតការយល់ដឹងទាំងស្រុងទៅលើការពន្យល់របស់ពូនូវពុទ្ធដីកា។ ពូស្ទង់ទៅដឹងថាមិនយូរទៀតទេ ពួកក្មួយៗត្រូវចេញធ្វើការងារសង្រ្គោះហើយ ពេលនោះក្មួយៗនឹងមិនមានពេលគ្រប់គ្រាន់ដើម្បីផ្ដោតការយល់របស់ក្មួយៗទៅលើពុទ្ធដីកាទេ។ ដូច្នេះនៅល្ងាចនេះ ម៉ោង៧យប់ ពូនឹងធ្វើការ live តាមpageរបស់ពូអំពីពុទ្ធដីកាដែលព្រះពុទ្ធព្រះអង្គពន្យល់ប្រាប់អំពីដំណើរធម្មជាតិ។ សូមក្មួយៗយកឱកាសនេះផ្ដោតទៅលើការពង្រឹងការយល់របស់វិញ្ញាណក្មួយៗអំពីដំណើរធម៌។ វាជាបញ្ញាដែលក្មួយសន្សំទុកក្នុងអារម្មណ៍យល់នៃវិញ្ញាណក្មួយ៕" __លោកពូ.

លោកពូជាទីគោរព🙏🙏

ថ្ងៃពិសាខបូជាដែលត្រូវនឹងថ្ងៃទី១៥ ខែឧសភា ឆ្នាំ២០២២ខាងមុខនេះ ពូនឹងរៀបចំការliveចេញពីចម្ការនៃខេត្តសៀមរាប។ នេះជាអំឡុងពេលក្នុងអំណាចកម្លាំងត្រាស់ដឹងរបស់ព្រះពុទ្ធព្រះនាមសមណគោតម។ ថ្ងៃពិសាខបូជា ជាថ្ងៃដែលព្រះពុទ្ធសម្រេចការត្រាស់ដឹង ឬជាថ្ងៃដែលសច្ចៈរបស់ធម្មជាតិត្រូវបានបើកបង្ហាញដល់សត្វដែលមានឧបនិស្ស័យទាំងសត្វមនុស្ស ទេវតា ព្រះឥន្ទ្រព្រះព្រហ្ម ដូច្នេះថ្ងៃពិសាខបូជានាឆ្នាំនេះគួរតែជាពេលវេលាដ៏សមគួរដែលមេរៀនរបស់ព្រះអង្គត្រូវបានបើកបង្ហាញជាផ្លូវការដល់សព្វសត្វជាថ្មីម្ដងទៀត ហើយសភាពក្នុងកាយរបស់ពូដែលពូដឹងដោយវិបស្សនាក៏ដូចជាដល់ទីបញ្ចប់នៅពេលហ្នុងហើយដែរ។ នេះគ្រាន់តែជាការគិតយល់ជាអារម្មណ៍នូវហេតុផលមួយចំនួនមិនដាច់ណាត់ថាត្រូវតែអញ្ចឹងទេ ប៉ុន្តែពូចេះតែមានអារម្មណ៍ពិភ័លថាបែបហ្នឹង ប៉ុន្តែការពិតយ៉ាងម៉េចវាមានតែរងចាំមើលដល់ពេលហ្នុងទេ តែជាអារម្មណ៍យល់ដាច់ណាត់គឺអ្វីដែលពូបាននិយាយនឹងក្មួយៗវាត្រូវតែជាការពិត ប៉ុន្តែរឿងពេលវេលាច្បាស់លាស់ ពូគ្មានហេតុផលគ្រប់គ្រាន់មកបញ្ជាក់ចំពោះការគិតដឹងរបស់វិញ្ញាណពូទេ។ សូមក្មួយៗរីករាយរងចាំពេលវេលាដ៏សមគួរបានមកដល់នាពេលដ៏ឆាប់ៗខាងមុខនេះផងចុះ៕

សំណេរលោកពូ៖
ជីវិតជាទុក្ខ តើនៅត្រង់ណា? ត្រង់ណាដែលសម្គាល់បានថាជីវិតជាទុក្ខ? ក្រៅពីព្រាត់ប្រាស់ ជរា ព្យាធិ មរណៈវិលទៅវិលមកគ្មានទីបញ្ចប់ ជីវិតនៅមានរឿងគ្មានតម្លៃដែលត្រូវស៊ូទ្រាំនឹងភាពជរា ព្យាធិ មរណៈ ព្រាត់ប្រាស់រកទីបំផុតគ្មាននេះទៅទៀត គឺនៅមានរឿងតស៊ូដែលគ្មានតម្លៃនេះទៀត តើជីវិតវាគួរស៊ូទ្រាំលំបាកនឿយហត់ ជោគជាំយ៉ាងនេះ ហើយប្ដូរយកមកវិញនូវរឿងដែលគ្មានតម្លៃបែបនេះដែរ ឬទេ? ការនេះសម្រាប់ខ្ញុំជារឿងទុក្ខសុទ្ធសាធ ព្រោះវាជារឿងសោះសូន្យគ្មានតម្លៃគួរលះបង់ គួរស្រក់ញើសតែមួយតក់ដើម្បីធ្វើវាក៏មិនគួរដែរ តើក្មួយៗគិតយល់ត្រង់នេះទេ? ពូចាប់ផ្ដើមពន្យល់ហើយ ក្រែងលោវិញ្ញាណក្មួយបានប៉ះពត៌មានដែលដឹងថាគ្មានតម្លៃសោះសូន្យនៃជីវិតសត្វដូចពូដែរ។ ឥលូវគិតពីការព្រាត់ប្រាស់ ការឈឺ ជរា ព្យាធិ មរណៈជាទុក្ខសិន តើវិញ្ញាណក្មួយៗគិតឃើញថាជារឿងឈឺចាប់ដែរ ឬទេ? ព្រះពុទ្ធបានឃើញមនុស្សស្លាប់ វិញ្ញាណរបស់មនុស្សទូទៅបានគិតដឹងថាជារឿងធម្មតា តែវិញ្ញាណព្រះពុទ្ធគិតដឹងថាមិនធម្មតាទេ បែកបាក់ចាស់ ជរា ឈឺស្លាប់ហើយថែមទាំងព្រាត់ប្រាស់គ្នាទៅទៀត សម្រាប់វិញ្ញាណព្រះពុទ្ធដឹងថាវាមិនមែនជារឿងធម្មតា វាជារឿងសោកសង្រេង ឈឺចាប់រកទីបំផុតគ្មានទេ និយាយរៀបរាប់មិនអស់ទេ ឈឺចាប់ខ្លាំងណាស់ ឈឺផ្សាខ្លាំងណាស់ ខ្លោចផ្សាខ្លាំងណាស់។ ពេលឃើញមនុស្សស្លាប់ ព្រះពុទ្ធបានសួរព្រះនាងពិម្ពារថា ចុះអូនស្លាប់ទេ? ចុះរាហ៊ុល ចុះព្រះបិតា ចុះព្រះមាតុច្ឆា ចុះព្រះអានន្ទ ចុះនន្ទ ចុះញាតិវង្សានុវង្សនឹងស្លាប់ព្រាត់ប្រាស់ចោលគ្នាទៅខាងណាខ្លះទៅ? អ្នកណាអាចរកចម្លើយនេះឃើញទេ? សត្វលោកទាំងអស់សុទ្ធតែស្លាប់ព្រាត់ប្រាស់គ្នាបែបហ្នឹងឬ? មែនហើយគឺបែបហ្នឹង។ ចំពោះវិញ្ញាណព្រះពុទ្ធ ការព្រាត់ប្រាស់ជារឿងឈឺចាប់ ជារឿងខ្លោចផ្សា ជារឿងទូលទុក្ខជាប់ជាប្រចាំ រយៈពេលនៃការរស់នៅ មនុស្សទូទៅយល់ដឹងថាពេលនេះខ្លីណាស់ត្រូវប្រឹងសប្បាយអោយអស់ចិត្តទៅ ព្រោះចុងក្រោយយើងគង់តែបែកគ្នាទេ ចំណែកវិញ្ញាណរបស់ព្រះពុទ្ធយល់ដឹងថា ជារយៈពេលរងចាំការព្រាត់ប្រាស់មកដល់ទេតើ ម្ដេចក៏យើងទៅជាយកពេលនេះសប្បាយទៅវិញ?

នាវេលាល្ងាចថ្ងៃសុក្រ ទី១៥ ខែមេសា ឆ្នាំ២០២២ និងថ្ងៃសៅរ៍ ទី១៦ ខែមេសា ឆ្នាំ២០២២ វេលាម៉ោងប្រមាណ ៤:០០នាទីល្ងាច លោកពូ​ ខឹម​ វាសនា​ ប្រមុខគណបក្សសម្ព័ន្ធដើម្បីប្រជាធិបតេយ្យ នឹងធ្វេីការផ្សាយផ្ទាល់ក្នុងឱកាសពិធីបុណ្យចូលឆ្នាំថ្មី ដេីម្បីពន្យល់អំពីមេរៀនត្រាស់ដឹងរបស់ព្រះសម្មាសម្ពុទ្ធព្រះបរមគ្រូនៃយេីង។ អាស្រ័យដូចបានជម្រាបជូនមកនេះ បងប្អូនសមាជិក និងប្រជាពលរដ្ឋទាំងអស់អាចតាមដានទស្សនាការផ្សាយផ្ទាល់ខាងលេីតាមរយៈទំព័រហ្វេសប៊ុកផ្លូវការរបស់លោកពូប្រមុខ ( Khem Veasna ) ទំព័រហ្វេសប៊ុកផ្លូវការរបស់គណបក្ស ( League for Democracy Party ) និងទំព័រហ្វេសប៊ុកផ្លូវការរបស់គណបក្សរាជធានី ខេត្ត តាមពេលវេលាដូចបានជម្រាបជូនខាងលេីនេះ៕

ស្នាក់ការស្រុក #ពាមជរ

អ្វីៗទាំងអស់គឺស្ថិតនៅក្នុងដៃរបស់គេទៅហើយ គេចង់
ធ្វើអ្វីក៏បានដែរ ព្រោះស្រុកខ្មែរអំណាចប្រមូលផ្តុំ។

ពាមជរ ថ្ងៃទី១១ ខែធ្នូ ឆ្នាំ២០២១
------------------------------------------

ក្រុមការងារនិងសមាជិកស្រុកពាមជរបានប្រារព្វ កម្មវិធីខួបគំរប់៥៦ឆ្នាំរបស់លោកពូប្រមុខ ខឹម វាសនា នៅស្នាក់ការស្រុកដែលស្ថិតតាមបណ្តោយផ្លូវលេខ៣១០ ភូមិកោះចេក ឃុំកោះចេក ស្រុកពាមជរ ខេត្តព្រៃវែង។