Local Youth Development Office - Calumpit

𝗠𝗔𝗛𝗔𝗟𝗔𝗚𝗔𝗡𝗚 𝗣𝗔𝗕𝗔𝗧𝗜𝗗. 🧡🌙 Bilang pakikiisa sa pagdiriwang ng Eid’l Adha o Feast of Sacrifice ng ating mga kapatid na Muslim, nais ko pong ipabatid sa ating mga kababayan na idineklarang regular holiday sa buong bansa ang araw ng Miyerkules, Mayo 27, 2026, alinsunod sa Proclamation No. 1264.

Ang pagdiriwang na ito ay sumasalamin sa pananampalataya, sakripisyo, at pagkakaisa ng ating mga kapatid na Muslim. Nawa’y magsilbi rin itong paalala sa ating lahat ng kahalagahan ng paggalang sa iba’t ibang kultura at pananampalataya na bumubuo sa ating nagkakaisang sambayanan.

Sa ngalan ng Pamahalaang Bayan ng Calumpit, hinihikayat ko po ang bawat isa na gamitin ang araw na ito para sa pananalangin, pahinga, at mas makahulugang panahon kasama ang pamilya.

Maligayang pagdiriwang ng Eid’l Adha sa ating mga kapatid na Muslim. Nawa’y manaig ang kapayapaan, pagkakaisa, at biyaya sa bawat tahanan.

𝗣𝗔𝗚𝗛𝗔𝗛𝗔𝗡𝗗𝗔 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗟𝗔𝗞𝗔𝗦 𝗔𝗧 𝗠𝗔𝗦 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔𝗚 𝗞𝗔𝗕𝗔𝗧𝗔𝗔𝗡! 🧡🏐♟️ Matagumpay na isinagawa ng Local Youth Development Office (LYDO) ang “CalumFIT Summer Sports Clinic 2026" sa ating Calumpit Municipal Covered Court bilang bahagi ng paghahanda at pagpapaunlad sa kakayahan ng ating mga kabataang Calumpiteño sa larangan ng sports.

Tampok sa isinagawang sports clinic ang pagsasanay sa Chess at Volleyball na nilahukan ng maraming kabataan mula sa iba’t ibang barangay ng bayan. Sa pamamagitan ng programang ito, nabigyan ng pagkakataon ang mga kalahok na mas mapalawak ang kanilang kaalaman, disiplina, teamwork, at sportsmanship bilang paghahanda sa mga susunod pang kompetisyon at aktibidad.

Sa patuloy na suporta at adbokasiya ng ating Ina ng Bayan, Mayor Lem Faustino, nananatiling prayoridad ng Pamahalaang Bayan ng Calumpit ang paghubog sa kakayahan at talento ng kabataan tungo sa mas aktibo, produktibo, at makabuluhang pakikilahok sa komunidad.

Patuloy ang Bayan ng Calumpit sa pagsusulong ng mga programang magbibigay inspirasyon at oportunidad para sa bawat kabataang Calumpiteño.

𝐓𝐀𝐆𝐔𝐌𝐏𝐀𝐘 𝐀𝐍𝐆 𝐂𝐀𝐋𝐔𝐌𝐏𝐈𝐓𝐄Ñ𝐎! 🇵🇭🔥

Sa katatapos lamang na Provincial Youth Forum 2026 ay ginawaran ang mga delegado ng Bayan ng Calumpit sa kategorya ng 𝐁𝐄𝐒𝐓 𝐂𝐔𝐋𝐓𝐔𝐑𝐀𝐋 𝐌𝐀𝐏𝐏𝐈𝐍𝐆 𝐅𝐎𝐑𝐌 (𝐌𝐄𝐘𝐓𝐎 𝐒𝐇𝐑𝐈𝐍𝐄) at pasok sa 𝐓𝐎𝐏 7 𝐂𝐔𝐋𝐓𝐔𝐑𝐀𝐋 𝐂𝐎𝐍𝐓𝐄𝐍𝐓 𝐂𝐑𝐄𝐀𝐓𝐈𝐎𝐍 sa buong lalawigan! 🙌🏻

Naipamalas ng ating mga delegado ang husay at talino tampok ang ating pinagmamalaking yaman ng Bayan, ang Meyto Shrine at ang Longganisang Bawang ng Calumpit.

Pagbati sa tanggapan ng LYDO Calumpt at Calumpit MHACTO sa masugid na pamumuno upang makamit ng Bayan ng Calumpit ang tagumpay na ito. Taos pusong pasasalamat sa buong suporta ng ating butihing Punong Bayan, Mayor Lem Faustino at VM Doc Zar Candelaria!

TAAS NOO CALUMPITEÑO, SULONG PA CALUMPIT! 💚🧡

Maligayang Kaarawan Pres. Cathy Pangan, ang kasalukuyang Presidente ng Pag-Asa Youth Association of the Philippines - Calumpit Chapter at masigasig na miyembro ng Municipal Youth Development Council ng Calumpit!

Sa iyong patuloy na paglilingkod at pagbibigay-inspirasyon sa kapwa kabataan, nawa’y lalo pang lumawak ang iyong impluwensya sa paghubog ng isang makabago, makatao, at makabayang henerasyon. Ikaw ay patunay na ang kabataan ay may kakayahang mamuno, kumilos, at magdulot ng positibong pagbabago sa ating komunidad.

Nawa’y samahan ka ng kalusugan, lakas, at mas marami pang pagkakataon upang makapaglingkod. Patuloy kang maging tanglaw at boses ng kabataang Calumpiteño.

Muli, maligayang kaarawan! 🥳💕

Pagbati, SK Sophia & SK Arjay! 🇵🇭✨

𝗖𝗔𝗟𝗨𝗠𝗙𝗜𝗧 𝗦𝗨𝗠𝗠𝗘𝗥 𝗦𝗣𝗢𝗥𝗧𝗦 𝗖𝗟𝗜𝗡𝗜𝗖 𝟮𝟬𝟮𝟲.🧡 Patuloy nating sinusuportahan ang mga programang magbibigay ng oportunidad upang mapaunlad ang kakayahan at talento ng mga kabataang Calumpiteño.

Kasama ang Local Youth Development Office (LYDO), inaanyayahan natin ang mga Calumpiteño na makiisa sa gaganaping CalumFIT Summer Sports Clinic 2026 sa darating na May 22–23, 2026, alas-8 ng umaga sa Calumpit Municipal Covered Court.

Bukas ito para sa mga edad 10 hanggang 30 taong gulang, anuman ang kasarian, basta’t residente ng Bayan ng Calumpit. Tampok sa sports clinic ang Volleyball para sa Men at Women Division, gayundin ang Chess.

Para sa registration, i-scan lamang ang QR Code na makikita sa larawan o i-click ang registration link na ito https://tinyurl.com/CalumFITSportsClinic.

Bilang inyong Ina ng Bayan, layunin nating palakasin ang partisipasyon ng kabataan sa sports, mapaunlad ang kanilang talento, disiplina, teamwork, at sportsmanship habang nagkakaroon ng mas aktibo at malusog na pamumuhay.

Pagbati 𝐀𝐑𝐌𝐎𝐑𝐑𝐈𝐓𝐄𝐒 bilang bagong 𝐘𝐨𝐮𝐭𝐡 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 𝐧𝐚 𝐚𝐜𝐜𝐫𝐞𝐝𝐢𝐭𝐞𝐝 𝐚𝐭 𝐨𝐟𝐟𝐢𝐜𝐢𝐚𝐥𝐥𝐲 𝐫𝐞𝐠𝐢𝐬𝐭𝐞𝐫𝐞𝐝 𝐬𝐚 𝐍𝐘𝐂-𝐘𝐎𝐑𝐏 mula sa Bayan ng Calumpit! 🤙🏻🙌🏻🔥

Ang tagumpay na ito ay patunay na ang kabataang Calumpiteño ay patuloy na nagkakaisa, kumikilos, at nagsisilbi para sa mas makabuluhang pagbabago sa ating komunidad. Nawa’y magsilbi itong inspirasyon sa mas marami pang kabataan upang makilahok, manguna, at maging bahagi ng paghubog ng mas progresibong kinabukasan.

Mabuhay ang ARMORRITES!
Mabuhay ang organisadong kabataang Calumpiteño! 💚🧡

Sa isang munting pahina ng mga kwento at pangarap… may isang bagong lampara ng pagbasa na sa ati’y magpapasaya 📚✨

Kilalanin si Ate Aubrey Sabino, ang masigla at mabait na SK Federation President ng SK Federation of Calumpit, isa sa ating BASAmbassador ng Lakbay Salaysay!

Sa darating na May 16, 2026 sa Palimbang, Calumpit, maghanda na ang mga bata dahil may mga kwentong magpapangiti, magpapatawa, at magpapalipad ng ating imahinasyon!

Halina’t makinig, magbasa, at mangarap kasama namin! 🌟📖