District Jhelum-Punjab Probation and Parole Service -Home Department

Reformatory samininar on Implementation of Law and Social values.

Group Counselling session with probationers in District Council Hall Jhelum

ڈسٹرکٹ کونسل ہال جہلم میں پروبیشن آفیسر جناب منیب ظفر ہاشمی کی نگرانی میں پروبیشنرز کے لیے گروپ کاؤنسلنگ سیشن منعقد کیا گیا جس میں 25 پروبیشنرز نے شرکت کی۔ اس سیشن کے مہمان مقرر ایڈووکیٹ جناب عبدالحفیظ سابق ضلعی تعلیمی افسر تعلیم محکمہ جہلم تھے۔

سیشن کا موضوع "خود احتسابی اور مثبت سوچ کا فروغ" تھا۔ مقررین نے اپنے خطاب میں اس بات پر زور دیا کہ خود احتسابی اور مثبت سوچ انسان کی اخلاقی اور سماجی اصلاح کے لیے بنیادی اہمیت رکھتی ہے۔ ان خوبیوں کو اپنانے سے نہ صرف دوبارہ جرم کرنے کے امکانات کم ہوتے ہیں بلکہ انسان ایک پُر امن، ذمہ دار اور مقصدی زندگی گزارنے کے قابل بنتا ہے۔

مزید یہ کہ مسلسل رہنمائی اور مشاورت ایسے رویوں کی مضبوطی کے لیے ضروری ہے تاکہ پروبیشنرز اپنی زندگیوں میں دیرپا مثبت تبدیلی لا سکیں۔

ڈسٹرکٹ اینڈ سیشن جج جہلم جناب گلزار احمد خالد کی ہدایات پر مورخہ 23 اگست 2025 کو ڈسٹرکٹ بار ہال جہلم میں ایک اصلاحی سیمینار منعقد کیا گیا جس کی نگرانی ڈسٹرکٹ پروبیشن آفیسر جناب منیب ظفر ہاشمی نے کی۔

اس سیمینار کا موضوع "نماز کی اہمیت: چوری اور بدعنوانی کے خلاف ڈھال" تھا۔ سیمینار میں سابق ڈسٹرکٹ ایجوکیشن آفیسر جہلم جناب عبدالحفیظ نے پروبیشنرز کو مثبت رویہ اپنانے اور غیر قانونی سرگرمیوں سے اجتناب کرنے کی تلقین کی اور باقاعدگی سے نماز ادا کرنے پر زور دیا۔ سینئر ایڈووکیٹ و سماجی رہنما جناب فرحت کمال ضیاء نے شرکاء میں "نماز مترجم" کتابچے اور تسبیح کاؤنٹر تقسیم کیے اور ان سے عہد لیا کہ وہ نماز و اذکار کو اپنی روزمرہ زندگی کا لازمی حصہ بنائیں گے۔

تقریب کے اختتام پر ڈسٹرکٹ پروبیشن آفیسر جناب منیب ظفر ہاشمی نے معزز مہمانان کا شکریہ ادا کیا اور پروبیشنرز کو ہدایت کی کہ وہ خود بھی نماز اور دینی رہنمائی پر عمل کریں اور اپنے اہل خانہ کو بھی اس کی ترغیب دیں تاکہ ایک پرامن اور نیک معاشرہ تشکیل دیا جا سکے۔