Haq Ke Awaz

کراچی میں آج کل نئے ہاؤسنگ پروجیکٹس کی بھرمار ہے، جن میں سے کئی غیر قانونی اور فراڈ پر مبنی ہیں۔
عوام سے گزارش ہے کہ صرف کم قیمت یا بڑے دعوؤں کے جھانسے میں آ کر اپنی زندگی بھر کی جمع پونجی کسی بھی پروجیکٹ میں نہ لگائیں۔
کسی بھی پلاٹ، فائل یا ہاؤسنگ اسکیم میں سرمایہ کاری سے پہلے تمام قانونی دستاویزات، سرکاری NOCs اور متعلقہ اداروں کی منظوری لازمی چیک کریں۔
احتیاط کریں تاکہ آپ کی محنت کی کمائی کسی دھوکے یا غیر قانونی منصوبے کی نذر نہ ہو جائے۔

عیدالاضحیٰ قریب آتے ہی کراچی میں اسٹریٹ کرائم، اسنیچنگ اور ڈکیتی کی وارداتوں میں خطرناک اضافہ ہوچکا ہے۔
حالات یہاں تک پہنچ گئے ہیں کہ معمولی نوک جھونک پر معصوم شہریوں کو گولیاں مار دی جاتی ہیں۔
پٹرول مہنگا…
بجلی مہنگی…
ہر چیز مہنگی…
اوپر سے ڈمپر مافیا، پارکنگ مافیا اور K-Electric مافیا نے عوام کی زندگی اجیرن بنا دی ہے۔
سوال یہ ہے کہ آخر عام آدمی جائے تو کہاں جائے؟
نہ بنیادی سہولیات، نہ سیکیورٹی، نہ عوام کے حقوق کے لیے کوئی مضبوط آواز۔
ہر سیاسی جماعت صرف اقتدار کی سیاست میں مصروف ہے جبکہ کراچی کا شہری روز خوف، مہنگائی اور ناانصافی کے درمیان زندگی گزار رہا ہے۔
کراچی صرف ٹیکس دینے کے لیے نہیں، جینے کے لیے بھی ہے۔
عوام کو تحفظ، انصاف اور بنیادی سہولیات دینا ریاست کی ذمہ داری ہے۔

📢 کراچی پارکنگ مافیا کے خلاف آواز 📢
کراچی میں آج کل ایک اور بڑا مسئلہ “پارکنگ مافیا” بن چکا ہے۔ جہاں سڑکیں عوام کی ہیں، وہاں کچھ لوگ زبردستی پیسے وصول کر کے شہریوں کو پریشان کر رہے ہیں۔
❌ بغیر اجازت پارکنگ فیس
❌ من مانی ریٹس
❌ دھمکی اور زبردستی پیسے لینا
❌ سرکاری جگہوں پر قبضہ
یہ سب اب عام شہری کے لیے روز کا مسئلہ بن چکا ہے۔
ہم متعلقہ اداروں سے اپیل کرتے ہیں کہ اس غیر قانونی پارکنگ سسٹم کے خلاف فوری کارروائی کی جائے اور عوام کو ریلیف دیا جائے۔
✊ کراچی ہم سب کا ہے، اسے مافیا کے رحم و کرم پر نہیں چھوڑا جا سکتا!