Abbas Khan Sangeen Advocate

*فرد جرم Charge*
*1. فرد جرم کا مطلب - Meaning of Charge*
فرد جرم کا مطلب ہے "الزام نامہ" یا "Charge Sheet"۔ یہ وہ تحری کاغذ ہے جس میں عدالت لکھ کر بتاتی ہے کہ ملزم پر کیا الزام ہے۔
سادہ الفاظ میں: پولیس FIR دیتی ہے، عدالت FIR پڑھ کر فیصلہ کرتی ہے کہ ملزم پر کون سا جرم لگانا ہے۔ وہی لکھا ہوا الزام "فرد جرم" کہلاتا ہے۔

*2. فرد جرم کا مقصد - Purpose of Charge*
فرد جرم کا مقصد ملزم کو بتانا ہے کہ "تم پر الزام کیا ہے"۔ تاکہ ملزم اپنا دفاع تیار کر سکے۔
اگر ملزم کو پتہ ہی نہ ہو کہ اس پر چوری کا الزام ہے یا قتل کا، تو وہ وکیل کیسے کرے گا؟ اس لیے قانون کہتا ہے پہلے فرد جرم پڑھو، پھر ٹرائل شروع کرو۔

*3. فرد جرم کا استعمال - Use of Charge*
فرد جرم کا استعمال ٹرائل کی بنیاد بنانا ہے۔
*مرحلہ 1:* پولیس چالان پیش کرتی ہے
*مرحلہ 2:* جج چالان دیکھ کر فرد جرم بناتا ہے Section 228 CRPC
*مرحلہ 3:* فرد جرم ملزم کو پڑھ کر سنائی جاتی ہے
*مرحلہ 4:* ملزم سے پوچھا جاتا ہے "تم قصوروار ہو یا نہیں؟"
*مرحلہ 5:* اگر انکار کرے تو گواہ سنے جاتے ہیں

*4. فرد جرم کی اہمیت - Importance of Charge*
1. *انصاف کی بنیاد:* بغیر فرد جرم کے کسی کو سزا نہیں ہو سکتی۔ یہ "حق سماعت" Right of Hearing ہے۔
2. *کنفیوژن ختم:* ملزم کنفیوز نہیں رہتا کہ اس پر الزام کیا ہے۔
3. *وکیل کی تیاری:* وکیل فرد جرم پڑھ کر ہی ثبوت اور گواہ تیار کرتا ہے۔
4. *عدالت کی حد:* جج اسی الزام پر سزا دے سکتا ہے جو فرد جرم میں لکھا ہو۔ نیا الزام بعد میں نہیں لگا سکتا۔
5. *اپیل کا ریکارڈ:* اگر کیس ہائی کورٹ جائے تو ہائی کورٹ پہلے فرد جرم چیک کرے گی۔

*5. فرد جرم میں کیا لکھا ہوتا ہے - Contents of Charge Section 221-224*
1. *ملزم کا نام* - A ولد B
2. *جرم کی دفعہ* - تعزیرات 302
3. *وقت* - 10 جنوری 2026 یا تقریباً اس تاریخ پر
4. *جگہ* - کراچی صدر تھانے کی حدود
5. *شخص جس کے خلاف جرم ہوا* - مقتول X
6. *طریقہ* - چھری مار کر قتل کیا

*6. مثال سے سمجھیں - Example*
فرض کرو A نے B کو موبائل چھینا اور مارا بھی۔
*FIR:* پولیس لکھے گی "A نے B کا موبائل چھینا اور تھپڑ مارے"
*فرد جرم:* جج لکھے گا:
"تم A ولد C ساکن کراچی پر الزام ہے کہ تم نے 5 فروری 2026 کو کراچی لیاقت آباد میں B سے زبردستی موبائل چھینا اور اسے تھپڑ مار کر زخمی کیا۔ اس لیے تم پر تعزیرات 392 ڈکیتی اور 324 اقدام قتل کا جرم بنتا ہے۔ تم قصوروار ہو؟"

اب ملزم بولے گا: "جی میں نے کیا" تو سزا۔ یا "نہیں کیا" تو گواہ آئیں گے۔

*7. فرد جرم کے بغیر کیا ہوگا - If No Charge*
اگر جج فرد جرم بنائے بغیر سزا دے دے تو ہائی کورٹ وہ سزا فوراً ختم کر دے گی۔ کیونکہ یہ ملزم کا بنیادی حق ہے کہ اسے پتہ ہو الزام کیا ہے۔ Section 225 کہتا ہے معمولی غلطی معاف ہے، لیکن فرد جرم کا نہ ہونا معاف نہیں۔

سپریم کورٹ کا سروس ملازمین کے حق میں اہم فیصلہ — سینارٹی کے تعین کا اصول دوبارہ واضح

سپریم کورٹ آف پاکستان نے Civil Petitions No.1065-K of 2025 و دیگر میں ایک نہایت اہم فیصلہ سناتے ہوئے سندھ سروس ٹریبونل کے اس فیصلے کو برقرار رکھا ہے جس میں قرار دیا گیا تھا کہ جو ملازمین پہلے سلیکشن (Selection) میں منتخب ہوئے ہوں گے، وہ بعد میں منتخب ہونے والے ملازمین سے سینئر شمار ہوں گے۔

مقدمہ سندھ کے کالج ایجوکیشن ڈیپارٹمنٹ کے لیکچررز کی بین السینیارٹی (Inter-se Seniority) سے متعلق تھا۔ مختلف مضامین کے لیکچررز کی بھرتی سندھ پبلک سروس کمیشن (SPSC) کے ذریعے مختلف اوقات میں مکمل ہوئی اور سفارشات بھی مختلف تاریخوں پر ارسال کی گئیں۔ بعد ازاں مرتب کی گئی مشترکہ سینارٹی لسٹ میں بعض افسران نے اعتراض اٹھایا کہ ان کی سلیکشن پہلے ہوئی تھی لیکن انہیں بعد میں منتخب ہونے والوں کے برابر یا ان سے نیچے رکھا گیا ہے۔

سندھ سروس ٹریبونل نے اپیلیں منظور کرتے ہوئے قرار دیا کہ Sindh Civil Servants (Probation, Confirmation & Seniority) Rules, 1975 کے Rule 11(a) کے مطابق پہلے سلیکشن میں منتخب ہونے والا ملازم بعد میں منتخب ہونے والے ملازم سے سینئر ہوگا۔ حکومت سندھ نے اس فیصلے کو سپریم کورٹ میں چیلنج کیا۔

سپریم کورٹ نے تفصیلی جائزے کے بعد قرار دیا کہ Rule 11(a) کا پروویزو بالکل واضح ہے کہ "A person selected in earlier selection shall rank senior to a person selected in a later selection." لہٰذا سینارٹی کے تعین میں سلیکشن کی تاریخ اور سلیکشن بیچ (Selection Batch) کو نظر انداز نہیں کیا جا سکتا۔

عدالت عظمیٰ نے مزید قرار دیا کہ اگر کسی ٹریبونل کے فیصلے سے کسی ملازم کی سینارٹی متاثر ہوتی ہے تو اصل متاثرہ ملازم کو چیلنج کرنے کا حق حاصل ہے، محض حکومت اس بنیاد پر اپیل نہیں کر سکتی کہ وہ فیصلے سے مطمئن نہیں۔ حکومت کو ایک غیر جانبدار اور منصف آجر (Fair Employer) کے طور پر کام کرنا چاہیے، نہ کہ ملازمین کے مابین تنازع میں ایک فریق بن کر۔

سپریم کورٹ نے قرار دیا کہ سندھ سروس ٹریبونل کے فیصلے میں کوئی قانونی خامی، بے ضابطگی یا اختیارات سے تجاوز ثابت نہیں ہوا، لہٰذا تمام سول پٹیشنز خارج کر دی گئیں۔

یہ فیصلہ تمام سرکاری ملازمین خصوصاً سروس قوانین، سینارٹی، پروموشن اور بین السینیارٹی کے معاملات میں ایک اہم نظیر (Precedent) کی حیثیت رکھتا ہے اور واضح کرتا ہے کہ پہلے منتخب ہونے والے ملازمین کو بعد میں منتخب ہونے والوں پر سینارٹی کا حق حاصل ہوگا۔

مبارک ہو 💐 خیبرپختونخوا حکومت نے وفاقی آئینی عدالت پاکستان کے فیصلے کی روشنی میں مرحوم، معذور،یا میڈیکل ریٹائرڈ سرکاری ملازمین کے بچوں/بیوہ کے کوٹہ پر تقرریوں سے متعلق ہدایات جاری کر دی ہیں۔
26 ستمبر 2024 کے بعد ہونے والی وفات، معذوری، ان ویلڈمنٹ یا میڈیکل ریٹائرمنٹ کی صورت میں بچوں کو اس کوٹے کے تحت تقرری نہیں دی جائے گی۔26 ستمبر 2024 سے پہلے ہونے والی وفات یا معذوری کے کیسز میں بچوں کا حق برقرار رہے گا اور ان کے کیسز پر کارروائی کی جا سکتی ہے۔