Xisbiga SAAB

𝐌𝐚𝐚𝐦𝐮𝐥𝐤𝐚 𝐗𝐢𝐬𝐛𝐢𝐠𝐚 𝐒𝐀𝐀𝐁 ee Degmada Gaalkacyo ayaa soo qabanqaabiyey kulan isboorti oo ay ka qeyb galeen dhalinyaro, ciyaartooy iyo qeybaha kala duwan ee bulshada degmada. Kulankan ayaa ujeeddadiisu ahayd dhiirrigelinta ciyaaraha, xoojinta wadajirka bulshada, iyo kor u qaadidda doorka dhalinyarada ee horumarka bulshada.

Masuuliyiinta Ururka SAAB ayaa sheegay in ciyaaruhu yihiin aalad muhiim u ah nabadda, isdhexgalka bulshada iyo horumarinta hibada dhalinyarada. Waxay sidoo kale ku booriyeen dhalinyarada inay ka faa’iideystaan fursadaha isboorti si ay uga fogaadaan waxyaabaha bulshada waxyeellada u leh.

Ururka SAAB wuxuu sii wadi doonaa qabanqaabinta munaasabado iyo tartamo isboorti oo lagu dhiirrigelinayo caafimaadka, wadajirka iyo horumarka dhalinyarada degmada Gaalkacyo. Magaalada Gaalkacyo waxay leedahay dhaqan isboorti iyo kooxo kubadda cagta ah oo firfircoon, kuwaas oo door ka qaata horumarinta ciyaaraha dhalinyarada.

*SAAB – Codka Bulshada, Hormuudka Isbeddelka.*

𝐌𝐚𝐚𝐦𝐮𝐥𝐤𝐚 𝐗𝐢𝐬𝐛𝐢𝐠𝐚 𝐒𝐀𝐀𝐁 ee Degmada Guriceel ayaa kulan muhiim ah la yeeshay haweenka degmada, waxaana kulanka diiradda lagu saaray doorka haweenka ee horumarinta bulshada, ka qeybgalka siyaasadda, iyo sidii ay uga qeyb qaadan lahaayeen ololaha wacyigelinta iyo doorashooyinka dalka.

Masuuliyiinta Ururka SAAB ayaa haweenka ku bogaadiyay kaalinta ay ku leeyihiin dhismaha bulshada iyo nabadda, iyagoo ku dhiirrigeliyay inay si firfircoon uga qeyb qaataan howlaha siyaasadeed iyo kuwa bulshada.

Haweenkii kulanka ka qeyb galay ayaa dhankooda muujiyay taageerada ay u hayaan Ururka SAAB, waxayna balan qaadeen inay ka shaqeyn doonaan mideynta bulshada iyo horumarinta degmada Guriceel.

𝐌𝐚𝐚𝐦𝐮𝐥𝐤𝐚 𝐗𝐢𝐬𝐛𝐢𝐠𝐚 𝐒𝐀𝐀𝐁 ee Caasimada Galmudug Dhuusomareeb ayaa ka qayb galay kulan dood Cilmiyeed ay soo qaban qaabiyeen Hay'adda Horncenter Dialogue ayaa magaalada Dhuusamareeb ku qabatay dood cilmiyeeed oo ay ka soo qayb galeen qaar ka mid ah ururrada siyaasadeed ee dalka, kuwaas oo xafiisyo ku leh Galmudug.

Intii ay socotay doodda, waxaa si qoto dheer looga falanqeeyay doorka iyo ahmiyadda ay ururrada siyaasadeed ku leeyihiin horumarinta dimuqraadiyadda, ka qaybgalka bulshada, iyo geeddi-socodka dowlad-dhiska. Sidoo kale, waxaa diiradda la saaray muhiimadda daahfurnaanta iyo isla xisaabtanka ururrada siyaasadeed si loo xoojiyo kalsoonida shacabka.

Doodda ayaa ahayd mid is-dhexgal leh, iyadoo ka qaybgalayaashii bulshada ay fursad u heleen inay su'aalo toos ah weydiiyaan mas'uuliyiintii ururrada siyaasadeed, kana dhiibtaan aragtiyahooda ku saabsan arrimaha la xiriira siyaasadda iyo mustaqbalka dalka.

Guddoomiyaha SAAB ayaa safar shaqo ku tagay magaalada Baydhaba, halkaas oo uu kulamo muhiim ah kula qaatay wakiillada Ururka SAAB ee Maamulka Koonfur Galbeed, masuuliyiin ka tirsan dowlad goboleedka iyo qeybaha kala duwan ee bulshada.

Guddoomiyaha ayaa uga mahadceliyey shacabka iyo maamulka sida wanaagsan ee ay uga qeyb qaateen dhacdooyinkii iyo howlihii la xiriiray doorashooyinkii qabsoomay 10-kii May. Waxa uu sidoo kale bogaadiyey doorka ay wakiillada SAAB ka qaateen isku xirka bulshada, nabadeynta iyo dhiirrigelinta ka qeybgalka siyaasadeed.

SAAB ayaa markale adkeeyey muhiimadda wada shaqeynta, midnimada iyo horumarinta dimuqraadiyadda dalka si loo gaaro Soomaali horumarsan oo loo dhan yahay.

SAAB iyo Baydhabo🤝

𝐗𝐢𝐬𝐛𝐢𝐠𝐚 𝐒𝐀𝐀𝐁 Maamulkiisa Degmada Cadaado ayaa kulamo muhiim ah la yeeshay bahda waxbarashada degmada, gaar ahaan maamulka iskuulada kala duwan ee degmada Cadaado.

Kulamada ayaa diiradda lagu saaray sidii loo xoojin lahaa horumarinta waxbarashada, kor u qaadista tayada waxbaridda, iyo iskaashiga ka dhexeeya bulshada iyo hay’adaha waxbarashada.

Mas’uuliyiinta Xisbiga SAAB ayaa sheegay in waxbarashadu tahay tiirka ugu muhiimsan ee horumarka bulshada, isla markaana ay ka go’an tahay taageeridda dadaallada lagu horumarinayo aqoonta iyo wacyiga bulshada Soomaaliyeed.

Dhanka kale, maamulka iskuulada degmada Cadaado ayaa soo dhaweeyay kulamadaasi, iyagoo muujiyay muhiimadda wada shaqeynta iyo taageerada loo fidinayo bahda waxbarashada.

𝐗𝐢𝐬𝐛𝐢𝐠𝐚 𝐒𝐀𝐀𝐁 ayaa u Magacaabay Degmada Guriceel masuuliyiin cusub oo isugu jira:

• Wakiilka Garabka Haweenka
• Wakiilka Ku Xigeenka Garabka Haweenka
• Madaxda Kormeerka Deegaannada iyo Xaafadaha Degmada Guriceel

Masuuliyiintan cusub ayaa door muhiim ah ka qaadan doona xoojinta howlaha Ururka, abaabulka bulshada, wacyigelinta shacabka iyo kor u qaadidda wada shaqeynta bulshada Degmada Guriceel.

𝐗𝐢𝐬𝐛𝐢𝐠𝐚 𝐒𝐀𝐀𝐁 wuxuu hambalyo iyo bogaadin u dirayaa masuuliyiinta la magacaabay, isagoo uga rajeynaya inay si hufan oo daacadnimo leh u gutaan waajibaadka loo igmaday.

𝐗𝐢𝐬𝐛𝐢𝐠𝐚 𝐒𝐀𝐀𝐁 ayaa wakiiladiisu waxey tageen qaar ka mid ah iskuulada Guriceel, waxeyna u bandhigeen xisbiga iyo aragtiyihiisa, waxaana kala kulanay soo dhaweyn iyo bogaadin, arintan waxey ku soo aaday xili wuu xisbigu olole balaaran ka wado Dagmada Guriceel iyo nawaaxigeeda, isla markaa aan dhisnay bulsho weyn taageersan Xiabiga SAAB.