الجالية المصرية في الامارات العربية المتحدة المصريين سند لبعض

المصريين سند لبعض

24/06/2026

حوّل فلوسك مع ابلكيشن Taptap send لمصر بثقة ومن غير مصاريف تحويل
تحويل رسمي 100% من الإمارات أو الاتحاد الأوروبي إلى مصر
بدون أي رسوم تحويل
سعر صرف مميز
(حاليًا 13.50 جنيه مقابل 1 درهم*)
التحويل متاح إلى:
• المحافظ الإلكترونية (فودافون كاش وغيرها)
• حسابات بنكية
• فوري بلس

التطبيق مرخّص رسميًا من هيئة دبي للخدمات المالية (DFSA)

22/06/2026

احنا شعب غريب شوية… نسافر ونغترب ونلف الدنيا كلها، لكن قلوبنا تفضل معلقة بمصر. مجرد أغنية وطنية أو لقطة فيها علم مصر كفيلة ترجعنا آلاف الكيلومترات في ثانية.
ننتقد نفسنا وننتقد أحوالنا طول الوقت، لكن محدش يقرب من بلدنا بكلمة. نختلف مع بعض، نزعل من حاجات كتير، لكن وقت الجد هتلاقي المصريين كلهم على قلب راجل واحد، جوه مصر وبره مصر.
احنا شعب بيتلكك للفرحة. ممكن ننزل الشوارع من الفجر، وننسى الشغل والتعب والمسؤوليات كلها، عشان ماتش أو لحظة نفرح فيها ونحس إننا عايشين.
يقولوا علينا متفرقين، لكن في حب مصر مستحيل نتفرق. شوف أي استاد فيه منتخب مصر، أو أي تجمع للمصريين في أي دولة، هتحس للحظة إنك رجعت بلدك. ملايين قدام الشاشات، وملايين في الشوارع، وملايين بيدعوا من قلوبهم… وكلهم هدفهم واحد.
احنا شعب بسيط، طيب، ويمكن ظروفه صعبة أحيانا، لكنه عمره ما فقد حبه لبلده ولا خيره تجاه غيره. وبنحب لكل الشعوب العربية الخير زي ما بنتمناه لنفسنا.
وفي الآخر، مهما سافرنا وبعدنا… مصر بتفضل الحتة اللي ساكنة جوانا.” 🇪🇬❤