Komisariati i Policise Nr:5 Kamez

Tiranë

Zbardhet dinamika e ngjarjes së ndodhur dje, në Bathore, ku mbeti i plagosur me armë zjarri një 24-vjeçar.

Identifikohet, kapet dhe vihen në pranga autori i dyshuar i ngjarjes.

Vijon puna për gjetjen e armës së zjarrit me të cilën u plagos 24-vjeçari, i cili është jashtë rrezikut për jetën.

Pasditen e djeshme, pas marrjes së njoftimit se në spital ishte paraqitur për të marrë mjekim, një shtetas që ishte plagosur me armë zjarri, specialistët e Sektorit për Krimet e Rënda të DVP Tiranë në bashkëpunim me Komisariatin e Policisë Nr. 5, organizuan menjëherë punën, me qëllim zbardhjen e rrethanave të rastit dhe identifikimin e autorit. Si rezultat i veprimeve profesionale, u identifikua, u kap dhe u vu në pranga autori i dyshuar, shtetasi:

D. B., 24 vjeç, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.

Nga veprimet e para hetimore dyshohet se dje, në rrugën “Ali Këlçyra”, shtetasi D. B., gjatë një konflikti për motive të dobëta, me shtetasin E. V., 24 vjeç, e ka plagosur atë, në krah, me armë zjarri.

Shtetasi E. V. ndodhet në spital, në kujdesin e mjekëve, jashtë rrezikut për jetën.

Materialet procedurale iu referuan Prokurorisë së Tiranës, për veprime të mëtejshme.

Sot më datë 29.05.2025 nga Seksioni i Policimit në Komunitet në Komisariatin e Policisë Nr.5 është zhvilluar programi “ Fushatë ndërgjegjsimi i Sigurisë Rrugore”. U zhvillua në Shkollën 9 Vjeçare “Haxhi Korra” Çekrezë. Morem takim me Drejtoreshen e shkollës . Tema u zhvillua në 3 (tre) klasa të 6-ta në 3 ( tre) orë mësimore. Me pjesëmarrjen e 78 ( shtatëdhjeteë e tetë) nxënësve.

Sot më dt 27.5.2025 nga Seksioni i Policimit në Komunitet në Komisariatin e Policisë Nr.5 është zhvilluar programi “ Fushatë ndërgjegjsimi i Sigurisë Rrugore”. U zhvillua në Shkollën 9 Vjeçare “Dritas” në fshatin Dritas Kamëz. Tema u zhvillua në 4(katër) klasa të 7-ta dhe të 8-ta, në (katër) orë mësimore. Me pjesëmarrjen e 83(tetëdhjetë e tre) nxënësve.