Departamenti i të Drejtave të Njeriut dhe Lirive Themelore

Gjithnjë në shërbim të një kauze të drejtë dhe në bashkëpunim me miq të mirë të Shqiperisë.

Sot është dita e humanizmit. Gjashtëdhjetë e tetë vjet më parë, Kombet e Bashkuara miratuan Deklaratën Universale të të Drejtave të Njeriut. Për mua sot është dita për të kujtuar Ardit Gjoklaj në Tiranë, është dita të kujtohet Astrit Dehari në Prishtinë. Nuk ka rëndësi bindja politike, nuk ka rëndësi përkatësia fetare, nuk ka rëndësi nga janë këta djem. Sot kujtohet jeta e tyre. Sot është dita të kujtohen të gjithë aktivistët që u dhunuan nga policia, sot është dita të kujtohen të gjithë ata që nuk kanë mundësi të paguajnë dritat, nuk kanë para të paguajnë për shkollim, ushqim, trajtim mjekësor dinjitoz. Varfëria i vret të drejtat e njeriut. Asnjë mbledhje OJQ-sh, asnjë seminar, asnjë trajnim me koktejl në fund nuk ndryshon diçka në atë që na mungon. Kjo ditë nuk ka pse të festohet. Është dita për të kujtuar.