Njësia Administrative Dajt

Ju informojmë se kanë filluar aplikimet për përfitimin e kredive të buta nga Bashkia Tiranë.

Programi i subvencionimit të interesave të kredive do të targetojë familje/individë që nuk disponojnë banesë në pronësi. Përparësi në përzgjedhje do të kenë:

🔸️Familjet e reja në moshë jo më të madhe se 40 vjeç.
🔸️Gra kryefamiljare/gra të dhunuara
🔸️Familje njëprindërore që kanë në ngarkim një fëmijë.
🔸️Familjet me më shumë se katër fëmijë.
Përparësitë e përcaktuara më sipër nuk përjashtojnë individë apo familje që nuk bëjnë pjesë në këto grupe.

Për më shumë informacion mbi kriteret, dokumentacionin e nevojshëm dhe procedurat e aplikimit, ju lutemi drejtohuni pranë zyrave të Njësisë Administrative Dajt ose vizitoni faqen zyrtare të bashkisë.

🏆 KAMPIONË! 🏆
Me shumë krenari dhe emocion, ekipi shpallet kampion për sezonin 2025/2026! ⚽🔥

Një sezon i jashtëzakonshëm, me sakrifica, përkushtim dhe shpirt gare deri në fund. Ky sukses është fryt i punës së çdo lojtari, stafit dhe mbështetjes së pakursyer nga tifozët tanë! 🙌
Ky është vetëm fillimi… 💪

📍 Njësia Administrative Dajt – Punë e përditshme në terren

Çdo ditë, vijojmë punën për pastrimin dhe mirëmbajtjen e hapësirave publike, në bashkëpunim me Drejtoria e Përgjithshme e Pastrim Gjelbërimit-Bashkia Tiranë, me qëllim përmirësimin e mjedisit dhe shërbimit ndaj komunitetit. 🌿

Ndërkohë, nga Drejtoria e Përgjithshme e Mirëmbajtjes Rrugë Ndriçim Sinjalistikë - DPN2 po kryen punimet për riparimin e shtresave asfaltike përgjatë rrugës nga Reparti i Helikopterëve Fushë-Farkë deri në fshatin Surrel, duke përmirësuar ndjeshëm qarkullimin dhe sigurinë rrugore. 🚧

Vijojmë me angazhim të përditshëm në shërbim të banorëve të Dajtit. 💪

📍 Përfundon rehabilitimi i rrugës “Aleksandër Marteli", fshati Lanabregas

Kanë përfunduar punimet nga Drejtoria e Përgjithshme e Mirëmbajtjes Rrugë Ndriçim Sinjalistikë - DPN2 në këtë segment rrugor, ku:
✔️ janë vendosur tombinot
✔️ është forcuar pjesa e poshtme me gurë
✔️ janë hapur vijat e kullimit
✔️ është ulur kurrizi i rrugës
✔️ është shtruar me material stabilizues
✔️ është zgjeruar segmenti rrugor

🚗 Rruga hapet provizorisht për lehtësimin e qarkullimit të banorëve, duke mundësuar kalimin normal të mjeteve dhe këmbësorëve, deri në zgjidhjen përfundimtare nga Emergjencat Civile.

🙏 Falenderojmë banorët për mirëkuptimin dhe bashkëpunimin.

🎁✨ Gëzuar Krishtlindjet dhe Vitin e Ri! ✨🎁

Sot, në prag të Vitit të Ri, shpërndamë pako dhuratash për fëmijët e Njësisë Administrative Dajt, duke sjellë buzëqeshje, gëzim dhe pak më shumë ngrohtësi në këto ditë festive.

Momente të tilla na kujtojnë se kujdesi dhe vëmendja ndaj fëmijëve janë investimi më i bukur për të ardhmen.

Falënderojmë të gjithë ata që kontribuan dhe u angazhuan për realizimin e këtij aktiviteti me kaq shumë dashuri.

🎄✨ Urojmë që Viti i Ri të sjellë shëndet, paqe dhe gëzim për të gjithë fëmijët dhe familjet e Njësisë Administrative Dajt!

🧹🌱 Aksion pastrimi në Lagjen Poligon, Fshati Tufinë 🌱🧹

Sot u zhvillua një aksion pastrimi i mbeturinave nga punëtorët e Drejtoria e Përgjithshme e Pastrim Gjelbërimit-Bashkia Tiranë në lagjen Poligon, fshati Tufinë. Falë punës dhe përkushtimit të tyre, zona u pastrua dhe u bë më e rregullt për banorët.

Le të kontribuojmë të gjithë në ruajtjen e pastërtisë dhe mjedisit, duke mos hedhur mbeturina dhe duke treguar qytetari çdo ditë. 🌍💚
Faleminderit punonjësve për punën e bërë!

🌧️ Situata e krijuar nga reshjet në Lanabregas

Pas reshjeve intensive të orëve të fundit, në fshatin Lanabregas u shkaktua një rrëshqitje dheu që bllokoi rrugën Hasan Hasa dhe dëmtoi rrjetin elektrik.

Falë ndërhyrjes së menjëhershme të Drejtoria e Përgjithshme e Mirëmbajtjes Rrugë Ndriçim Sinjalistikë - DPN2, Drejtoria e Përgjithshme e Pastrim Gjelbërimit-Bashkia Tiranë në bashkëpunim me OSHEE GROUP, masivi u pastrua dhe rruga u bë e kalueshme, ndërsa defekti në rrjet u riparua, duke i ardhur në ndihmë banorëve sa më shpejt.

🤝 Mirënjohje ekipeve për reagimin e shpejtë dhe punën në terren!

🚧 Ndërhyrje në rrugët e fshatrave Selbë dhe Darshen

Në bashkëpunim me Drejtorinë e Përgjithshme të Rrugëve, Ndriçimit Publik dhe Rrugëve Rurale dhe donatorë privatë, u krye riparimi dhe sistemimi i rrugës kryesore të këtyre fshatrave. Punimet përfshinë pastrimin e kanaleve kulluese, vendosjen e tombinove dhe nivelimin e shtresës rrugore, duke përmirësuar ndjeshëm qarkullimin dhe sigurinë për banorët.

🙏 Falënderime për mbështetjen dhe kontributin e dhënë!