E-Albania

Sistemin Elektronik i Bankës së Gjakut-Platforma kombëtare që digjitalizon dhe menaxhon procesin transfuzional në Shqipëri

🔐Siguria e gjakut është një nga hallkat më kritike të sistemit shëndetësor modern. Për këtë arsye, AKSHI ka zhvilluar Sistemin Elektronik të Bankës së Gjakut, platformën kombëtare që digjitalizon dhe menaxhon të gjithë ciklin transfuzional në Shqipëri – nga regjistrimi i dhuruesve dhe dhurimi i gjakut, deri te administrimi i rezervave dhe transfuzioni te pacientët.

✅Sistemi lidh në një rrjet të unifikuar bankat e gjakut, spitalet dhe institucionet shëndetësore, duke garantuar gjurmueshmëri të plotë të çdo njësie gjaku, monitorim në kohë reale të rezervave dhe menaxhim më efikas të produkteve të gjakut sipas standardeve më të larta të sigurisë.

Përmes e-Albania, qytetarët mund të rezervojnë online dhurimin e gjakut, të deklarojnë grupin e gjakut dhe të marrin njoftime kur rezervat për grupin e tyre janë në nivele të ulëta, duke krijuar një urë të drejtpërdrejtë mes dhuruesve vullnetarë dhe nevojave reale të sistemit shëndetësor.🤝

Falë monitorimit inteligjent të stokut, sistemi optimizon shpërndarjen e gjakut në të gjithë vendin, redukton humbjet nga skadenca dhe garanton që rezervat të jenë të disponueshme aty ku nevoja është më urgjente.

Me Sistemin Elektronik të Bankës së Gjakut, AKSHI ka sjellë një standard të ri në menaxhimin e shërbimit transfuzional, duke e bërë atë më të sigurt, më efikas dhe më pranë qytetarëve. Sepse pas çdo dhurimi gjaku qëndron mundësia për të shpëtuar një jetë. ❤️🩸

🗣️Ana Hoxha, Drejtor, Drejtoria TIK në Ministrinë e Shëndetësisë, AKSHI

AHIS – Regjistri Elektronik i Banorëve të Mjekut të Familjes

💻 Një nga sistemet më të rëndësishme të zhvilluara nga AKSHI është AHIS – Regjistri Elektronik i Banorëve të Mjekut të Familjes, platforma kombëtare që ka transformuar mënyrën se si administrohet kujdesi shëndetësor parësor në Shqipëri.

🩺 Sistemi u mundëson mjekëve të familjes të aksesojnë në një platformë të vetme historikun shëndetësor të pacientëve, duke përfshirë vizitat, recetat elektronike, referimet, rezultatet e kontrolleve bazë dhe vaksinimet. Falë ndërveprimit me sistemet e tjera shtetërore, të dhënat verifikohen automatikisht, duke garantuar më shumë saktësi, siguri dhe efikasitet.

📲 Përmes e-Albania, qytetarët mund të regjistrohen ose të ndryshojnë mjekun e familjes, si dhe të aplikojnë për kartën e shëndetit, pa qenë nevoja të paraqiten fizikisht në institucion.

✅ Regjistrim elektronik pranë mjekut të familjes�🩺 Histori e unifikuar shëndetësore e pacientit�🔄 Ndërveprim me sistemet kombëtare të shëndetësisë�📄 Aplikime online përmes e-Albania�🔒 Më shumë siguri, efikasitet dhe transparencë në administrimin e të dhënave

🤝 Duke lidhur qytetarin, mjekun e familjes dhe institucionet shëndetësore në një ekosistem të vetëm digjital, AHIS është një tjetër dëshmi e angazhimit të AKSHI-t për ndërtimin e një sistemi shëndetësor modern, efikas dhe më pranë qytetarëve.

💼🚀 e-Albania 2.0 sjell një tjetër risi të rëndësishme në mbështetje të biznesit dhe modernizimit të ndërveprimit me administratën publike.

Një nga katër funksionalitetet e reja kryesore të platformës është menaxhimi i autorizimeve për delegimin e përkohshëm të shërbimeve publike online, një zgjidhje e shumëpritur që u mundëson subjekteve të administrojnë më me efikasitet proceset e tyre administrative.

📺 Në një intervistë për Report TV, Drejtoresha e e-Albania, znj. Nevila Repishti, prezantoi mënyrën e funksionimit të këtij mekanizmi të ri, i cili u jep administratorëve të bizneseve mundësinë të autorizojnë punonjës ose përfaqësues të caktuar për të përdorur shërbime specifike elektronike në emër të subjektit.

Ky funksionalitet garanton fleksibilitet më të madh operacional, duke ruajtur njëkohësisht standardet më të larta të sigurisë, kontrollit dhe gjurmueshmërisë.

✅ Autorizim për shërbime të veçanta
✅ Përcaktim të afatit të vlefshmërisë
✅ Përditësim të autorizimeve në kohë reale
✅ Revokim në çdo moment
✅ Riaktivizim sipas nevojës
✅ Transparencë dhe gjurmueshmëri për çdo veprim të kryer

🗣️ “Ne mendojmë që ky funksionalitet i ri do të rrisë ndjeshëm efikasitetin e përdorimit të shërbimeve publike te biznesit, duke i dhënë administratorit më shumë fleksibilitet në menaxhimin e proceseve të përditshme. Kjo do të thotë që ai nuk do të ketë nevojë të kryejë personalisht çdo veprim operacional në llogarinë e biznesit në e-Albania” u shpreh Drejtoresha e e-Albania, znj. Nevila Repishti.

Një tjetër hap konkret drejt thjeshtimit të procedurave administrative dhe fuqizimit të biznesit përmes transformimit digjital.

🗣️Albion Dervishaj-Specialitst IT, Drejtoria TIK në Ministrinë e Arsimit, AKSH

⭐️SPSH – Sistemin e Provimit të Shtetit për Profesionet e Rregulluara.

AKSHI ka zhvilluar SPSH – Sistemin e Provimit të Shtetit për Profesionet e Rregulluara, një platformë kombëtare që digjitalizon dhe modernizon procesin e licencimit për profesionet e rregulluara.
Përmes këtij sistemi, profesionistët aplikojnë online, zhvillojnë testime të informatizuara dhe të marrin rezultatet e tyre në një proces të standardizuar, transparent dhe të sigurt.

🎓 SPSH mbështet administrimin e provimeve të shtetit për profesione të rregulluara, si mësuesit, profesionistët e shëndetësisë dhe fusha të tjera që kërkojnë kualifikim dhe licencim sipas standardeve ligjore.

Platforma mundëson:�✅ Aplikimin online të kandidatëve�✅ Menaxhimin e procesit të regjistrimit dhe verifikimit�✅ Zhvillimin e testimeve elektronike�✅ Administrimin dhe publikimin e rezultateve�✅ Mbështetjen e proceseve të licencimit profesional

Falë këtij sistemi, procesi i provimit të shtetit është bërë më i shpejtë, më efikas dhe më i besueshëm, duke garantuar meritokraci, integritet dhe standarde të larta profesionale për mijëra kandidatë çdo vit.

🎓💻 Transformimi digjital i arsimit shqiptar.
📚 Një nga sistemet më të rëndësishme të zhvilluara nga AKSHI për modernizimin e arsimit parauniversitar në Shqipëri është SMIP – Sistemi i Menaxhimit të Informacionit Parauniversitar, një platformë që ka revolucionarizuar mënyrën se si administrohet dhe monitorohet procesi arsimor në vend.

🚀 Falë punës së ekspertëve të AKSHI-t, sot miliona procese që dikur kërkonin dokumente fizike, kohë dhe procedura burokratike, realizohen në mënyrë tërësisht digjitale. Nga regjistrimi i nxënësve në klasën e parë dhe të dhjetë, transferimet shkollore, arsimi profesional, deri te menaxhimi i notave, mungesave dhe komunikimi me prindërit – gjithçka zhvillohet përmes një sistemi të vetëm, të sigurt dhe të integruar.

🔍 SMIP është ndërtuar me vizionin për të sjellë më shumë efikasitet, transparencë dhe cilësi në administrimin e arsimit. Sot, mbi 1.3 milion përdorues dhe më shumë se 35 mijë mësues mbështeten çdo ditë në këtë platformë, duke e bërë atë një nga sistemet publike digjitale me ndikimin më të madh në vend.

🖥️ Përmes regjistrit elektronik, mësuesit raportojnë notat dhe mungesat në kohë reale, ndërsa 👨‍👩‍👧‍👦 prindërit ndjekin nga afër progresin e fëmijëve të tyre.

📄 Në fund të vitit shkollor, sistemi gjeneron automatikisht dëftesat elektronike, duke garantuar saktësi, standardizim dhe eliminim të procedurave manuale.

🇦🇱✨ SMIP është dëshmi konkrete e rolit të AKSHI-t në ndërtimin e infrastrukturës digjitale të shtetit shqiptar dhe në transformimin e shërbimeve publike për qytetarët.