Autoriteti Kombetar i Ushqimit

📍 Morinë
Drejtoresha e Përgjithshme e Autoritetit Kombëtar të Ushqimit, znj. Blerina Gjylameti, së bashku me Ministrin e Bujqësisë dhe Zhvillimit Rural, z. Andis Salla, drejtorin e përgjithshëm të AKVMB-së, z. Rolandi Meçaj, si dhe Ambasadorin e Shqipërisë në Kosovë, z. Petrit Malaj, mirëpritën në Pikën e Inspektimit Kufitar Morinë Ministrin e Bujqësisë, Pylltarisë dhe Zhvillimit Rural të Kosovës, z. Armend Muja.

Gjatë vizitës, të dy delegacionet inspektuan Pikën e Inspektimit Kufitar Morinë, ku u diskutua mbi rëndësinë e bashkëpunimit ndërmjet Republikës së Shqipërisë dhe Republikës së Kosovës në fushën e sigurisë ushqimore dhe kontrollit kufitar.

Në fjalën e saj, Drejtoresha e AKU-së, znj. Blerina Gjylameti, theksoi se Shqipëria dhe Kosova kanë marrëdhënie të ngushta tregtare, ku produktet ushqimore, kafshët e gjalla, produktet me origjinë shtazore dhe bimore zënë një vend të rëndësishëm në shkëmbimet mes dy vendeve.

Garantimi i sigurisë ushqimore dhe mbrojtja e shëndetit të njerëzve, kafshëve dhe bimëve mbeten objektiva të përbashkëta, duke forcuar më tej bashkëpunimin institucional dhe standardet e kontrollit në interes të qytetarëve dhe zhvillimit të tregtisë ndërmjet dy vendeve. 🇦🇱🤝🇽🇰

Procesi i integrimit dhe përafrimit i standardeve të sigurisë ushqimore me ato të BE-së, vijon me vlerësimin dhe kategorizimin e stabilimenteve me origjinë shtazore dhe ushqimit për kafshë.
Drejtoresha e Përgjitshme e Autoritetit Kombëtar të ushqimit, znj. Blerina Gjylameti, monitoroi nga afër zbatimin e këtij procesi në stabilimentin e përpunim/standartizim peshkut “Poseidon”, në qarkun e Lezhës, duke vënë theksin te rëndësia e garantimit të sigurisë ushqimore dhe rritjen e standardeve si dhe detyrimeve që rrjedhin nga kapitulli 12 “Siguria Ushqimore”, në kuadër të përgatitjeve të Shqipërisë për antarësim në Bashkimin Evropian.

📍Lezhë | Siguria Ushqimore, Sezoni Turistik 2026

Autoriteti Kombëtar i Ushqimit zhvilloi tryezën e diskutimit “Siguria Ushqimore, Sezoni Turistik 2026”, me pjesëmarrjen e Drejtoreshës së Përgjithshme të AKU-së,Znj. Blerina Gjylameti, Kryetarit të Bashkisë Lezhë, Z.Pjerin Ndreu,deputetin e qarkut Lezhë Z. Admir Kadeli si dhe përfaqësuesve të operatorëve të biznesit ushqimor dhe institucioneve vendore.
Gjatë takimit u diskutua mbi rëndësinë e garantimit të standardeve të sigurisë ushqimore gjatë sezonit turistik, forcimin e kontrolleve dhe bashkëpunimin me biznesin për mbrojtjen e shëndetit të konsumatorëve dhe rritjen e besimit të vizitorëve që zgjedhin Shqipërinë.
Drejtoresha e Përgjithshme e AKU-së, znj. Blerina Gjylameti, theksoi se siguria ushqimore është një nga shtyllat kryesore të suksesit të sezonit turistik dhe e imazhit të vendit, ndërsa Kryetari i Bashkisë Lezhë, z. Pjerin Ndreu, vlerësoi rëndësinë e bashkëpunimit ndërinstitucional për garantimin e standardeve dhe promovimin e mëtejshëm të potencialeve turistike të zonës.
🤝 Së bashku për një sezon turistik të sigurt, cilësor dhe në përputhje me standardet europiane.

Drejtoresha e Përgjithshme e Autoritetit Kombëtar të Ushqimit, znj. Blerina Gjylameti, mori pjesë në Konferencën e 4-t Ndërkombëtare për Shëndetin Publik dhe Mjedisin, organizuar nga Akademia e Shkencave e Shqipërisë.
Në këtë aktivitet morën pjesë dhe kontribuuan me ekspertizën e tyre akademikë dhe personalitete të njohura të shkencës shqiptare, ndër ta Prof. Dr. Besnik Bare dhe Prof. Genc Sulçebe, të cilët ndanë perspektiva dhe vlerësime mbi sfidat bashkëkohore të shëndetit publik dhe mbrojtjes së mjedisit.
Gjatë konferencës u diskutuan sfidat dhe perspektivat për mbrojtjen e shëndetit publik dhe mjedisit, ku siguria ushqimore mbetet një hallkë kyçe në garantimin e mirëqenies së konsumatorëve dhe zhvillimit të qëndrueshëm.
Qëllimi i kësaj konference është krijimi i urave të bashkëpunimit ndërmjet institucioneve, në kontribut të politikave dhe strategjive për mbrojtjen e shëndetit publik dhe mjedisit.
Autoriteti Kombëtar i Ushqimit vijon angazhimin për forcimin e standardeve të sigurisë ushqimore, në bashkëpunim me institucionet shkencore dhe partnerët kombëtarë e ndërkombëtarë.

Drejtoresha e Autoritetit Kombëtar të Ushqimit, Znj. Blerina Gjylameti, së bashku me Ministrin e Bujqësisë dhe Zhvillimit Rural, Z. Andis Salla, shoqëruar edhe nga Ministrja e Shtetit, Znj. Erjona Ismaili, si dhe Deputeti i qarkut Vlorë, Z. Vullnet Sinaj, ishin në fabrikën e përpunimit të qumështit “Gumenica” 🏭🥛.
Gjatë vizitës, drejtoresha e përgjithshme e AKU, theksoi rëndësinë e procesit të vlerësimit dhe kategorizimit të stabilimenteve me origjinë shtazore 🐄📋 dhe zbatimi i standarteve te sigurisë ushqimore 🛡️✅ në çdo hallkë të procesit të përpunimit.