28/11/2025
Üzümçülük və Şərabçılıq Elmi-Tədqiqat İnstitutunun əməkdaşları –a.e.f.d.,dosent Rauf Əsədullayev, t.e.f.d., dosent Mövlud Hüseynov, "Bitkiçilik" ixtası üzrə doktorant Aynurə Quliyeva, "Qida məhsullarının texnologiyası" ixtisası üzrə doktorant Leyla Eyyubova, UNEC-in doktorantı Ümide Məcnunlu və Şəhanə Süleymanlı 27–29 noyabr 2025-ci il tarixlərində Bakı şəhərində təşkil olunan “Mühəndislik və tətbiqi elmlərin aktual problemləri” (ICCPEAS) I Beynəlxalq Elmi-praktiki Konfransda fəal iştirak ediblər.
Konfrans Azərbaycan Dövlət İqtisad Universitetinin (UNEC) ev sahibliyi ilə, həmçinin Orta Doğu Texniki Universiteti (OTDÜ), Ufa Dövlət Neft Texnologiyaları Universiteti (USPTU) və Özbəkistan Elmlər Akademiyasının S.A. Əzimov adına Fizika-Texniki İnstitutunun (PhTI) birgə təşkilatçılığı ilə həyata keçirilib.
İnstitut əməkdaşlarının konfrans çərçivəsində öz tədqiqat istiqamətləri üzrə hazırladıqları elmi məqalələri konfransın materiallar toplusunda dərc olunmaq üçün qəbul edilib. Bu iştirak institut əməkdaşlarının elmi fəaliyyətinin beynəlxalq platformada tanıdılması və tədqiqat nəticələrinin geniş elmi ictimaiyyətə çatdırılması baxımından mühüm əhəmiyyət kəsb edir.