Georgia in Canada

🔹 2026 წლის 5 ივნისს, კანადაში ვიზიტით მყოფმა საქართველოს საპარლამენტო დელეგაციამ, პარლამენტის ვიცე-სპიკერის, ნინო წილოსანის ხელმძღვანელობით, ვიზიტი ტორონტოში ქართული დიასპორის წარმომადგენლებთან შეხვედრით დაასრულა.

🔹 შეხვედრაზე განხილულ იქნა კანადაში მცხოვრები თანამემამულეებისთვის მნიშვნელოვანი საკითხები და დიასპორის როლი ქართული იდენტობის, კულტურისა და ტრადიციების შენარჩუნებასა და პოპულარიზაციაში.

🔹 განსაკუთრებულად აღინიშნა ტორონტოს ივერიის ღვთისმშობლის ხატის სახელობის ტაძრის წინამძღვრის, მამა თომას (ბეკურიშვილი) და ქართული დიასპორის მნიშვნელოვანი წვლილი ქართული სულიერი, საგანმანათლებლო და კულტურული საქმიანობის განვითარებაში.

🔹 ქართულმა მხარემ მადლობა გადაუხადა მამა თომას და დიასპორის წარმომადგენლებს აქტიური საქმიანობისა და საქართველო-კანადის ურთიერთობების გაძლიერებაში შეტანილი წვლილისთვის.

🔹 2026 წლის 4 ივნისს, კანადაში ვიზიტით მყოფმა საქართველოს საპარლამენტო დელეგაციამ, პარლამენტის ვიცე-სპიკერის, ნინო წილოსანის ხელმძღვანელობით, შეხვედრა გამართა კანადის პარლამენტის წევრთან და საგარეო საქმეთა მინისტრის საპარლამენტო მდივანთან, რობერტ ოლიფანტთან.

🔹 შეხვედრაზე მხარეებმა განიხილეს საქართველო-კანადის ორმხრივი ურთიერთობების დღის წესრიგში არსებული აქტუალური საკითხები და თანამშრომლობის შემდგომი გაღრმავების პერსპექტივები.

🔹 განსაკუთრებული ყურადღება დაეთმო საპარლამენტო კავშირების გაძლიერებას, საერთაშორისო და რეგიონული უსაფრთხოების გამოწვევებს, ასევე საერთო ინტერესის სფეროებში თანამშრომლობის განვითარების შესაძლებლობებს.

🔹 მხარეებმა ხაზი გაუსვეს საერთო ღირებულებებსა და პრინციპებზე დაფუძნებული პარტნიორობის მნიშვნელობას და გამოხატეს მზადყოფნა, გააგრძელონ აქტიური თანამშრომლობა საქართველო-კანადის ორმხრივი ურთიერთობების შემდგომი განმტკიცების მიზნით.

🔹 2026 წლის 4 ივნისს, კანადაში ვიზიტის ფარგლებში, საქართველოს საპარლამენტო დელეგაციის წევრმა, განათლების, მეცნიერებისა და ახალგაზრდულ საქმეთა კომიტეტის თავმჯდომარემ, მარიამ ლაშხმა შეხვედრა გამართა კანადის საგარეო საქმეთა სამინისტროს არქტიკის, ევრაზიისა და ევროპულ საქმეთა დეპარტამენტის გენერალურ დირექტორთან, გალიტ დობნერთან.

🔹 შეხვედრაზე მხარეებმა განიხილეს საქართველო-კანადის ორმხრივი ურთიერთობების დღის წესრიგში არსებული აქტუალური საკითხები და თანამშრომლობის შემდგომი გაღრმავების პერსპექტივები.

🔹 მხარეებმა ხაზი გაუსვეს საერთო ღირებულებებსა და ინტერესებზე დაფუძნებული პარტნიორობის მნიშვნელობას და გამოხატეს მზადყოფნა, გააგრძელონ აქტიური თანამშრომლობა საქართველო-კანადის ურთიერთობების შემდგომი გაძლიერების მიზნით.

🔹 2026 წლის 3 ივნისს, საქართველოს საპარლამენტო დელეგაციამ, პარლამენტის ვიცე-სპიკერის, ნინო წილოსანის ხელმძღვანელობით, შეხვედრა გამართა კანადის პარლამენტის საგარეო საქმეთა და საერთაშორისო განვითარების კომიტეტის თავმჯდომარესთან, აჰმედ ჰუსენთან.

🔹 შეხვედრის ფარგლებში მხარეებმა განიხილეს საქართველო-კანადის ორმხრივი ურთიერთობების შემდგომი გაღრმავების პერსპექტივები. განსაკუთრებული ყურადღება დაეთმო ვაჭრობისა და ინვესტიციების მიმართულებით თანამშრომლობის გაძლიერებას.

🔹 აჰმედ ჰუსენმა ხაზი გაუსვა საქართველოს მნიშვნელოვან როლს, როგორც ევროპასა და აზიას შორის დამაკავშირებელ საიმედო ხიდს, და აღნიშნა, რომ საქართველოსა და კანადას აერთიანებთ დემოკრატიული ღირებულებების, საერთაშორისო სამართლისა და წესებზე დაფუძნებული საერთაშორისო წესრიგისადმი ერთგულება.

🔹 კომიტეტის თავმჯდომარემ კიდევ ერთხელ დაადასტურა კანადის ურყევი მხარდაჭერა საქართველოს სუვერენიტეტისა და ტერიტორიული მთლიანობის, ასევე მისი ევროპული და ევროატლანტიკური მისწრაფებების მიმართ.

🇬🇪🇨🇦 2026 წლის 2 ივნისს, ქ. ოტავაში, კანადის ხელოვნების ეროვნულ ცენტრში საქართველოს დამოუკიდებლობის დღისადმი მიძღვნილი მიღება გაიმართა.

🔹 ღონისძიებას ესწრებოდა საქართველოს საპარლამენტო დელეგაცია, პარლამენტის ვიცე-სპიკერის, ნინო წილოსანის ხელმძღვანელობით, ასევე კანადის აღმასრულებელი და საკანონმდებლო ხელისუფლების, დიპლომატიური კორპუსის, აკადემიური წრეებისა და ქართული დიასპორის წარმომადგენლები.

🔹 დამსწრე საზოგადოებას სიტყვით მიმართეს კანადაში საქართველოს საქმეთა დროებითმა რწმუნებულმა სალომე ქურასბედიანმა, საქართველოს პარლამენტის ვიცე-სპიკერმა ნინო წილოსანმა, კანადის პარლამენტის საგარეო საქმეთა და საერთაშორისო განვითარების კომიტეტის თავმჯდომარემ აჰმედ ჰუსენმა და კანადის საგარეო საქმეთა მინისტრის საპარლამენტო მდივანმა რობერტ ოლიფანტმა.

🔹 გამოსვლებში ხაზი გაესვა საქართველოს მრავალსაუკუნოვან ისტორიას, თავისუფლებისადმი ურყევ ერთგულებასა და პირველი დემოკრატიული რესპუბლიკის მემკვიდრეობას, რომელმაც თანამედროვე ქართული სახელმწიფოებრიობის საფუძველი შექმნა. ასევე ხაზი გაესვა საქართველოს ევროპულ და ევროატლანტიკურ მისწრაფებებს, ქვეყნის წინაშე არსებულ უსაფრთხოების გამოწვევებს, რუსეთის მიერ აფხაზეთისა და ცხინვალის რეგიონების ოკუპაციას და საქართველოს სუვერენიტეტისა და ტერიტორიული მთლიანობის მტკიცე მხარდაჭერის მნიშვნელობას.

🔹 გამომსვლელებმა განსაკუთრებული ყურადღება გაამახვილეს საქართველო-კანადის პარტნიორობაზე, საერთო დემოკრატიულ ღირებულებებსა და საერთაშორისო თანამშრომლობაზე. ასევე აღინიშნა საქართველოს მდიდარი კულტურული მემკვიდრეობა, ქრისტიანობის სახელმწიფო რელიგიად გამოცხადების 1700 წლისთავი, ქართული ღვინის კულტურა და საქართველოს, როგორც ევროპისა და აზიის დამაკავშირებელი ხიდის მნიშვნელოვანი როლი.

🔹 ღონისძიება მუსიკალურად გააფორმა ფოლკლორულმა ანსამბლმა „ორი შალვა“, რომელმაც საქართველოსა და კანადის ეროვნული ჰიმნები შეასრულა.

🇬🇪🇨🇦2026 წლის 2 ივნისს, საქართველოს საპარლამენტო დელეგაციამ, პარლამენტის ვიცე-სპიკერის, ნინო წილოსანის ხელმძღვანელობით, შეხვედრა გამართა კანადის პარლამენტის თავმჯდომარესთან, ფრენსის სკარპალეჯასთან.

🔹 შეხვედრის ფარგლებში მხარეებმა განიხილეს საქართველო-კანადის ორმხრივი ურთიერთობების მიმდინარე დინამიკა და სხვადასხვა მიმართულებით თანამშრომლობის შემდგომი გაღრმავების პერსპექტივები.

🔹 კანადის პარლამენტის თავმჯდომარე დაინტერესდა საქართველოში არსებული ვითარებით, განსაკუთრებით საქართველოს რეგიონების ოკუპაციისა და რეგიონში არსებული უსაფრთხოების გამოწვევების ფონზე. ქართულმა მხარემ დეტალურად ისაუბრა ქვეყანაში მიმდინარე პროცესებზე, უსაფრთხოების გარემოსა და საქართველოს წინაშე არსებულ გამოწვევებზე.

🔹 მხარეებმა ხაზი გაუსვეს საერთაშორისო სამართლის ფუნდამენტური პრინციპების, სახელმწიფოების სუვერენიტეტისა და ტერიტორიული მთლიანობის პატივისცემის მნიშვნელობას.

🔹 დელეგაციამ ვიზიტის ფარგლებში ასევე მოინახულა კანადის პარლამენტის ბიბლიოთეკა. ქართულმა მხარემ ბიბლიოთეკას საჩუქრად გადასცა საქართველოს ისტორიისა და კულტურის შესახებ გამოცემები. ასევე, ბიბლიოთეკის კოლექციას შეემატა შოთა რუსთაველის „ვეფხისტყაოსნის“ ქართულ-ფრანგული გამოცემა. დელეგაციის წევრებმა და კანადაში საქართველოს საქმეთა დროებითმა რწმუნებულმა საპატიო ჩანაწერი გააკეთეს კანადის პარლამენტის ბიბლიოთეკის სტუმართა წიგნში.

🇬🇪🇨🇦2026 წლის 2 ივნისს, საქართველოს საპარლამენტო დელეგაცია, პარლამენტის ვიცე-სპიკერის, ნინო წილოსანის ხელმძღვანელობით, კანადის პარლამენტის წევრსა და ეუთოში კანადის საპარლამენტო დელეგაციის ხელმძღვანელს, ჰედი ფრაის (Hedy Fry) შეხვდა.

შეხვედრაზე მხარეებმა განიხილეს საქართველოსთან დაკავშირებული საკითხები, რეგიონში არსებული ვითარება და გამოწვევები, იმსჯელეს ეუთოს საპარლამენტო ასამბლეის ფარგლებში თანამშრომლობის სამომავლო პერსპექტივებზე. განსაკუთრებული ყურადღება დაეთმო ე.წ. „მოსკოვის მექანიზმის“ ამოქმედებასთან დაკავშირებულ საკითხებს.

თავის მხრივ, ჰედი ფრაიმ ყურადღება გაამახვილა ორ ქვეყანას შორის მუდმივი დიალოგის მნიშვნელობაზე და გამოხატა მზაობა, ეუთოს ფარგლებში თანამშრომლობა კიდევ უფრო გააქტიურდეს და გაღრმავდეს.

🔹2026 წლის 1 ივნისს, კანადაში საქართველოს საქმეთა დროებითმა რწმუნებულმა, სალომე ქურასბედიანმა, საქართველოს საპარლამენტო დელეგაციასთან ერთად, რომელსაც ხელმძღვანელობდა ვიცე-სპიკერი ნინო წილოსანი, შეხვედრა გამართა კანადის პარლამენტში საქართველოს პარლამენტთან მეგობრობის ჯგუფის თავმჯდომარესთან ლიან რუდთან (Lianne Rood).

🔹შეხვედრაზე მხარეებმა განიხილეს სავაჭრო-ეკონომიკური კავშირების გაფართოების მნიშვნელობა; იმსჯელეს საპარლამენტო დიპლომატიის გააქტიურებასა და ობიექტური ინფორმაციის ურთიერთგაცვლის საჭიროებაზე. კანადურმა მხარემ კიდევ ერთხელ დაადასტურა საქართველოს უმნიშვნელოვანესი როლი რეგიონში. ლიან რუდმა განსაკუთრებული პატივისცემა გამოხატა ქართული ტრადიციებისა და ოჯახური ღირებულებების შესახებ სახელმწიფო პოლიტიკის მიმართ.

🔹2026 წლის 1 ივნისს, კანადაში საქართველოს საქმეთა დროებითმა რწმუნებულმა, სალომე ქურასბედიანმა, საქართველოს საპარლამენტო დელეგაციასთან ერთად, რომელსაც ხელმძღვანელობდა ვიცე-სპიკერი ნინო წილოსანი, შეხვედრა გამართა სენატის საგარეო საქმეთა და საერთაშორისო ვაჭრობის კომიტეტის თავმჯდომარესთან პიტერ ბიმთან (Peter M. Boehm) და კომიტეტის თავმჯდომარის მოადგილესთან პიტერ ჰარდერთან (Peter Harder).

🔹საუბრის მთავარი თემები გეოპოლიტიკურ გამოწვევებს, რეგიონულ უსაფრთხოებასა და ეკონომიკურ პარტნიორობას შეეხო. ქართულმა მხარემ სენატორებს მიაწოდა ინფორმაცია საქართველოში მიმდინარე რეფორმების, დემოკრატიული ინსტიტუტების სიმყარისა და ევროპული ინტეგრაციის გზაზე მიღწეული პროგრესის შესახებ. განსაკუთრებული აქცენტი გაკეთდა იმაზე, რომ ორმხრივ ურთიერთობებში გადაწყვეტილებები უნდა ეფუძნებოდეს რეალურ, ხელშესახებ ფაქტებსა და საერთაშორისოდ აღიარებულ რეიტინგებს, სადაც საქართველო მყარ, მოწინავე პოზიციებს ინარჩუნებს.

🔹კანადურმა მხარემ კიდევ ერთხელ დაადასტურა მათი ქვეყნის ურყევი მხარდაჭერა საქართველოს ტერიტორიული მთლიანობის, სუვერენიტეტის და ევროპული და ევროატლანტიკური მისწრაფებების მიმართ და გამოთქვა მზაობა ორ ქვეყანას შორის სავაჭრო და საინვესტიციო ურთიერთობების გაღრმავების თაობაზე.

🔹2026 წლის 1 ივნისს კანადაში საქართველოს საპარლამენტო დელეგაციის ვიზიტი დაიწყო, რომელსაც ვიცე-სპიკერი, ნინო წილოსანი ხელმძღვანელობს.
🔹საქართველოს საქმეთა დროებითმა რწმუნებულმა, სალომე ქურასბედიანმა, საქართველოს დელეგაციასთან ერთად შეხვედრა გამართა კანადის პარლამენტის ადამიანური რესურსების, უნარების და სოციალური განვითარებისა და შეზღუდული შესაძლებლობის მქონე პირთა სტატუსის მუდმივი კომიტეტის თავმჯდომარესთან, რობერტ მორისისთან (Robert Morrissey).
🔹შეხვედრაზე მხარეებმა განიხილეს სოციალური პოლიტიკის მიმართულებით ორმხრივი გამოცდილების გაზიარებისა და ინსტიტუციური თანამშრომლობის პერსპექტივები.
🔹ვიზიტის ფარგლებში, დელეგაცია შეხვედრებს გამართავს როგორც კანადის სენატსა და თემთა პალატაში, ისე კანადის საგარეო საქმეთა სამინისტროში.