食物安全中心 Centre for Food Safety

【 #食安諺語廊 —— 吃瓜不覺苦 方為頂「瓜瓜」】
唔少子女都可能聽過爸爸講過👨🏻🦱​：「吃得苦中苦，方為人上人！」原來呢句充滿人生哲理嘅說話，並唔適用喺瓜菜上面。

夏季熱門蔬菜，水份充足嘅 #葫蘆科 瓜果，例如絲瓜、翠玉瓜、青瓜、南瓜等，天然含有一種叫 #葫蘆素 嘅物質🥒。

不過，呢啲植物一旦出現基因變異、或者生長條件不佳/受到蟲害🐛而受壓時，果實就可能會累積較多嘅葫蘆素，令原本清甜美味嘅葫蘆科瓜果帶有苦味😖。當人攝入大量嘅葫蘆素，更有機會引致噁心、胃痙攣同腹瀉等不適症狀🤮

所以 #食安博士 就話: 「吃瓜不覺苦 ，方為頂『 瓜瓜』 」。當發現瓜菜出現異常苦味，應該立即停止進食。呢種「苦」，千祈唔好夾硬食！一齊了解更多：https://bit.ly/4elrZ8p

#吃得苦中苦 #方為人上人
#吃瓜不覺苦 #方為頂瓜瓜
#夏至 #瓜果當造
#異常苦味勿勉強 #唔可以頂硬上
#父親節快樂
#食物安全中心 #食安中心
#食安小隊
#食安仔 #食安妹妹

【端午平安錦囊🐲】
端午時節，食粽似乎係指定動作😋～無論你係 #鹹肉粽、 #豆沙粽 定係 #鹼水粽 嘅粉絲，記住留意以下嘅貯存同進食要點呀 (https://bit.ly/4aITqbd)！

#妥善貯存
喺可靠商戶買返嚟嘅粽，如果唔係即刻食或者煮，要放喺攝氏4°C或以下嘅雪櫃冷存❄️，或者按包裝上嘅指示存放。

#生熟分開
喺雪櫃入面，已經煮熟嘅粽，要放入有蓋容器並且同生嘅食材分開擺，避免交叉污染❌。

#徹底翻熱
開餐之前，將粽翻熱到中心溫度達到75°C或以上🌡️，確保熱透並盡快食曬佢。粽只可以翻熱一次。

#小心哽喉
大多數嘅粽都係由糯米製成，入面仲包住好多唔同嘅餡料。不過由於粽嘅黏性強，比較難於咀嚼，一旦食得太急，容易令人哽喉，尤其係小朋友同埋長者。所以喺享用粽嘅時候，可以切細件，坐定定慢慢食。

#端午節 #端午池
#有粽有蓮花有香囊
#平安健康幸福
#粽 #粽全部都係粽
#你今日食咗未
#貯存要妥當
#翻熱要徹底
#細細啖慢慢食
#食物安全中心 #食安中心
#食安小隊
#食安仔 #食安妹妹

【《食物安全焦點》第239期出版咗喇！】
《食物安全焦點》係食安中心同事編寫，主要目的係喚起市民關注近日响本港同海外發生嘅食物安全事件，同埋就各類食物危害同相關嘅公眾健康影響提供專業而又淺白易明嘅資訊，內容非常豐富！最新2026年6月第239期已經出版啦，今期內容有：

- 海魚中的寄生蟲
- 豆腐— 大豆製成的傳統素食
- 軟雪糕衞生：給業界和消費者的提醒
- 食物安全日2 0 2 6 — 手望幸福—洗手靠梘液，食安幸福易尋覓

大家可以喺以下連結瀏覽精彩內容！
https://www.cfs.gov.hk/tc_chi/multimedia/multimedia_pub/multimedia_pub_fsf.html

#食物安全焦點 #食物安全中心 #食安中心 #食安仔 #食安妹妹 顯示較少

【老友鬼鬼齊減碳】
#食安仔：「我知道妥善保存食物，一嚟有助保障食物安全，仲可以減少廚餘添！💡鬼鬼～你平時成日提大家減碳，有咩貼士分享先?」

#鬼鬼：「嗱～將備餐過程同用餐後產生嘅廚餘，例如係果皮、菜梗、細骨頭等等拎去就近嘅 #廚餘回收點 ，每回收1公斤廚餘，可減約0.6公斤碳排放㗎！」

想食得安心，留意下面嘅重點🌟：
🍲 #剩菜保存有方法
食幾多煮幾多，當然係最好。如果煮咗嘅飯餸真係食唔曬，應該喺兩小時內放入清潔嘅密封容器，再放入4°C或以下嘅雪櫃冷存。放入雪櫃時，記住要「 #熟上生下」，熟食放喺上層，生嘅食材放喺下層。

🔥 #徹底翻熱先至食
進食剩餘嘅飯餸前，必須要徹底加熱🔥，直至中心溫度達到75°C或以上，先好放入口。

想鞏固減碳嘅心，唔好錯過以下資訊🌟：
💚最近 #環運會 同 #環境及生態局 合作推出 #計住減碳好習慣 專頁，大家只需要根據自己平時嘅生活習慣，輸入實踐目標，就可以計得到自己嘅減碳量～想挑戰成為減碳達人？即刻 🅲🅻🅸🅲🅺入嚟了解更多減碳習慣，為自己訂立目標🎯 https://bit.ly/crh_ecc1990fbmc（IG: https://bit.ly/crh_ecc1990igmc ）

從日常生活中實踐減碳，好好守護環境，攜手邁向2050碳中和。將低碳融入生活，妥善保存食物，減少浪費。食得安心之餘，又能夠為減碳出一分力！更多貼士: https://bit.ly/4ejaF56

#扭轉習慣 #計住減碳 #食住減碳
#廚餘回收 #減少廚餘 #老友鬼鬼
#食物安全中心 #食安中心
#食安小隊
#食安仔 #食安妹妹
#環境及自然保育基金資助 #環運會
#大嘥鬼 #環境運動委員會 #低碳生活 #計住減碳好習慣

【對抗肝炎病毒】
當肝之守護者遇上佢哋嘅天敵——受污染食物上嘅戊型肝炎病毒🦠，究竟會使出咩絕招對抗呢？就係用火攻🔥，將食物徹底煮熟。

#戊型肝炎病毒 可能經進食未煮熟而受污染嘅豬內臟🐷（例如豬肝）同介貝類水產而令人受感染。
https://bit.ly/46Xp5Vo

肝之守護者同 #食安小隊，提醒大家對抗戊型肝炎病毒嘅要訣——
生嘅肉類、內臟
-🍲切成薄片，加快受熱速度，尤其係作為火鍋同粥嘅配料
-🍳視乎厚度同分量，用沸水烹煮或熱煎鍋／鑊炒最少3至5分鐘

介貝類水產
-♨️用沸水烹煮至外殼打開，然後再煮3至5分鐘
-🌡️務求加熱到中心溫度達攝氏90度並維持90秒

除咗 #煮熟食物，加埋「 #食物安全五要點」✨嘅 #精明選擇、 #保持清潔、 #生熟分開 同 #安全溫度，就所向無敵啦🌟！

#煮熟食物係食物安全五要點之一
#食物安全中心 #食安中心
#肝之守護者 #食安小隊 #護肝聯盟
#食安仔 #食安妹妹

【時令食品調查結果——粽】
食物安全中心（中心）最近完成一項有關粽嘅時令食品調查。中心喺唔同零售商（包括網上零售商、網上送餐平台）同埋食物業處所（包括食肆、食物製造廠）抽取粽嘅樣本，進行化學、微生物同埋營養成分測試。喺160個粽嘅樣本當中，除咗1個樣本嘅總脂肪含量與其營養標籤上嘅標示值不符，其餘樣本全部通過檢測。

大家喺選購、製作、貯存、烹煮同享用粽嘅時候，記住跟足「食物安全五要點」。仲有，要運用預先包裝食物上嘅營養標籤比較產品嘅營養成分，作出較健康嘅選擇。食粽嗰陣，亦應該減少使用豉油或者砂糖等調味料。

有關嘅新聞公報可瀏覽以下網頁
https://www.cfs.gov.hk/tc_chi/press/20260612_12450.html

#食物安全中心 #食物安全 #粽子 #粽 #糉 #時令食品調查 #時令食品

【木薯葉可以生食嗎🌿？】
#湯嬸 晨運完見到啲木薯葉咁嫩綠🌱，忍唔住想摘幾塊返屋企生榨蔬菜汁嚟飲。究竟木薯葉可唔可以生食嘅呢👀？？

#食安仔 🔍：絕對唔可以⚠️！

木薯葉天然含有 #氰甙。一旦進食未經徹底煮熟嘅木薯葉，當中嘅氰甙會喺人體內釋出有毒嘅 #氫氰酸🦠。如果攝入過量氫氰酸，可能會令人 #中毒😵‍💫。

大家又唔洗過份擔心，跟住以下簡單要點就可以減低中毒機會✅—
1️⃣向可靠商戶選購新鮮蔬菜，唔好亂咁摘野生植物嚟食🛒
2️⃣木薯葉必須放入沸水中長時間烹煮，徹底煮熟先可以食♨️
3️⃣開蓋烹煮有助去除容易揮發嘅氫氰酸💨

至於木薯嘅其他部分應該點處理，即睇🔍：http://bit.ly/3RGw3Zl

#木薯葉可以生食嗎
#天然毒素
#氰化物中毒
#必須放入沸水徹底煮熟
#食安解碼星期一
#食物安全中心 #食安中心
#食安小隊
#食安仔 #食安妹妹