規劃署 Planning Department

【空置校舍嘅重生 #10 番禺會所華仁小學】

可能唔少朋友都有聽過香港航空青年團（航青團）🧑🏻‍✈️👩🏻‍✈️，但你又知唔知道，佢哋由成立以嚟，一直都係四圍走，無一個固定嘅訓練中心舉辦活動及訓練？

為咗解決呢個問題，航青團喺2023年及2024年獲發展局「資助計劃以支援非政府機構善用空置政府用地」分別撥款500萬元及3,480萬元 (共3,980萬元)，改建位於灣仔肇輝臺嘅前番禺會所華仁小學校舍🏫，以便設立新總部暨訓練中心。活化後嘅新總部暨訓練中心於2025年已經正式啟用及開始運作！

#課室改建🏨
小學於1971年成立，多年為灣仔社區提供教育服務。原有校舍嘅課室及禮堂，活化後變成多用途嘅辦公室，會議室或訓練空間等等。

當中，航青團更加引入咗多部飛行模擬器及虛擬實景設備，再配合教學環節，為團員提供多元訓練。呢啲設備唔單止提升咗訓練嘅質素，亦為未來航空業人才嘅培養打下堅實基礎。同時，總部亦設有國民教育天地，展示我國各項發展歷程，讓團員更加瞭解我國多方面事業嘅成就同未來方向。

#操場變身訓練場地🧑🏻‍✈️👩🏻‍✈️
除咗課室以外，校舍其他部份都可以得以善用。經過加建後，空曠嘅學校操場搖身一變，成為航青團練習中式步操，升旗及樂隊表演嘅場地🥁。

香港航空青年團總部暨訓練中心嘅成功案例，展示咗空置校舍嘅無限可能性♾️。想知道更多空置校舍嘅前世今生，記住繼續留意我哋，同埋like & follow 我哋FB/ IG啦❤️！

#規劃署 #番禺會所華仁小學 #香港航空青年團 #善用土地資源 #空置校舍 #灣仔

「暑期規劃學校2026 — 做個小小規劃師」報名截止日期係下星期一(6月15日)，記住快啲報名啦！💪🏻

【📣 城市規劃巡迴展覽及工作坊@香港公共圖書館👩🏻👦🏻 】

城市規劃巡迴展覽一直為各區市民帶來規劃資訊，而「做個小小規劃師」工作坊亦一向深受小學生的歡迎。👏 依家呢兩項活動都可以去指定嘅公共圖書館參加喇！🎉

規劃署聯同香港公共圖書館合辦「推動未來發展 建設宜居活力的國際都會」巡迴展覽及「做個小小規劃師」工作坊，由今年5月開始至明年2月，喺10間公共圖書館舉行。巡迴展覽向大家介紹香港嘅城市規劃🏙 同規劃署嘅工作💼，而喺工作坊入面小朋友可以扮演小小規劃師，用實體模型去體驗一下規劃社區，亦可以了解點樣先可以令我哋嘅城市變得更靚🌳🌲、住得更加舒服🏡！

巡迴展覽和工作坊的地點、時間和其他資料，請參閱宣傳海報（已附於本帖），或瀏覽香港公共圖書館網頁：
https://www.hkpl.gov.hk/tc/extension-activities/tag/296866/driving-towards-a-liveable-and-vibrant-world-city-roving-exhibition

工作坊的對象為 8 至 12 歲的小朋友👩🏻👦🏻（可由一位家長陪同參加），活動以粵語進行。各位請參閱宣傳海報上嘅「開始報名日期」，致電或親臨相關圖書館報名，費用全免，名額有限，先到先得。所有參加嘅小朋友均會獲得證書及精緻紀念品一份🎁。

#規劃署 #香港公共圖書館 #規劃署外展計劃 #做個小小規劃師 #城市規劃師👩🏻👦🏻

【空置校舍嘅活用📌 #9 青衣公立學校(長康)】

你有冇諗過，一間小學可以搖身一變，成為全港最全面嘅職業安全健康訓練基地？💡

位於青衣長康邨旁邊嘅前青衣公立學校（長康）停辦後，成功轉型為「職業安全健康局職安健學院」，並早喺2011年正式啟用。🏗️

呢座樓高6️⃣層、面積約5,000平方米嘅學院，設有多個互動教室、模擬實習場地同先進訓練設施，模擬唔同行業嘅工作環境，例如高空作業、密閉空間作業等，提供多元的職安健訓練課程⚙️，理論同實習並重，學習點樣應對職場潛在風險，提升安全意識。💪🏻

學院唔單止係訓練中心，仲係推廣職安健文化嘅平台。除咗為業界提供專業課程，亦歡迎中學、大專學生參觀體驗👀，例如使用VR虛擬現實及沉浸式科技，喺仿真度高嘅工作環境下進行任務，將安全教育由校園延伸至社區。👨‍🏫

呢個項目正正體現咗空間活用嘅價值：由一所服務社區多年嘅小學🏫，改裝為守護打工仔女安全健康嘅訓練基地，延續教育使命之餘🎓，亦回應社會對職安健培訓日益增加嘅需求。想知道更多空置校舍嘅前世今生，記住繼續留意我哋，同埋like & follow 我哋FB/ IG啦！

#規劃署 #前青衣公立學校 #職業安全健康局職安健學院 #善用土地資源 #空置校舍 #青衣

【發展局及規劃署代表團到訪深圳國際紅樹林中心】

應深圳市規劃和自然資源局邀請，發展局常任秘書長（規劃及地政）何珮玲及規劃署署長葉子季於5月20日率團前往深圳，到訪國際紅樹林中心和福田紅樹林自然保護區，了解《濕地公約》框架下全球首個紅樹林保育合作的政府間國際組織。

代表團首先到訪正興建中的國際紅樹林中心(下稱「中心」)秘書處大樓和紅樹林濕地博物館，了解中心的工作和最新發展。國家主席習近平於2022年《濕地公約》第十四屆締約方大會開幕式上倡議在深圳建立中心，推動全球紅樹林保護、修復與可持續利用的合作，目前已有20個國家簽署成為中心成員國。

其後，代表團走訪福田紅樹林保護區，了解紅樹林生態保育規劃，並與深方代表就后海灣區域協同推進生態保育與平衡城市發展作經驗交流。

下午，規劃署代表團前往南山區的后海中心區進行實地考察，參觀了深圳灣文化廣場與大沙河生態長廊，聆聽了南山區規劃部門及相關開發公司代表的介紹，了解后海中心區的發展歷程、規劃理念與實踐經驗。

透過今次考察及專業交流，代表團深入了解深圳市在推動生態保育與發展並行、片區開發統籌和規劃宜居、宜業、宜遊的可持續社區等的經驗。這些實踐案例，可以作為香港推展同類項目的參考。

#發展局 #規劃署 #深圳市規劃和自然資源局 #國際紅樹林中心 #濕地公約 #生態保育與發展並行