CF Care Integrated Anti-Drug Service

呢排 Steam 有隻捉迷藏新GAME《MECCHA CHAMELEON》真係好HIT，小編睇直播都睇得好開心。見大家玩得咁開心，有冇諗過其實我哋平時喺生活中，有時都要好似隻變色龍咁，為咗迎合唔同環境、保護自己或者避免尷尬，而將自己嘅某些部分「隱形」或者「上色」去融入背景？

喺遊戲入面，將自己轉色可能都係一分鐘嘅事；但係男同志嘅真實世界裡，呢種「轉色」往往伴隨住好多講不出聲嘅困難同無奈。

好多時候，我哋生活喺一個充滿前設嘅社會入面，為咗生存，我哋返工有一套顏色、返屋企有一套顏色、甚至面對唔同嘅社交圈子，都要靈活切換不同嘅「人設」。我哋要用力去隱藏自己嘅性傾向、隱藏自己真正鍾意嘅對象、隱藏那些可能不被大眾理解嘅喜怒哀樂。長此下去，有時連自己都分唔清，邊個先係最真實嘅自己，遇到挫折同孤單嘅時候，亦習慣咗自己匿埋吞咗佢。

Game 入面贏咗會好興奮，但現實中日日玩「隱形」，其實真係會窒息。

呢種長期嘅「隱形」，表面上好似相安無事，但內心其實好攰。為咗迎合大眾嘅期望，我哋習慣咗隱藏自己嘅情感、壓力同掙扎，遇到困難、迷茫、或者喺關係中受傷嘅時候，都習慣性將自己收埋，自己一個人撐，同時好怕講出嚟會換嚟人哋嘅目光或者標籤。
無論你最近遇到啲咩，可以同身邊嘅朋友傾下計，如果想搵個同路人聽你傾訴，我哋再思隨時都係度陪住你，同你一齊搵番您獨有嘅色彩。

-------------------------------------------
本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密

我真係好想同佢傾，但係佢唔想同我溝通
唔知你有冇遇到呢啲情況？
如果有，你會點樣做？

第一步，亦都係最重要嘅一步，
就係先容許自己感受自己嘅狀態。
不論對方係咩原因唔想溝通，
究竟你有啲咩嘅感受？
你腦海入面諗緊嘅係啲咩？

例如
當對方唔想溝通，你可能見到自己係好嬲
可能見到自己感受到好似被拒絕、被放棄
對你嚟講係諗到「佢係咪想分手？」，
定係「我係咪好失敗嘅人？」或者「佢根本有問題！」？
如果你發現有呢種情況，你可以令自己慢落嚟
呢啲諗法係真係咁樣發生嘅？

當我哋真係慢落嚟嘅時候，
我哋有更多時間同空間容許自己了解更多自己，甚至對方
可能對你嚟講，你係被「好想傾但無得傾」，
或者係被「沉默」嘅感覺困擾著你

你而家最需要嘅，可能唔係「點樣令佢開口」，
而係「點樣令自己喺等待中保持冷靜」。
你覺得喺呢段沈默嘅時間入面，又有咩事係可以令你稍微放鬆少少嘅？

歡迎留言，我地一齊傾下

-------------------------------------------
本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密

【原來咁樣都會中？ 性病迷思大拆解！(下) 】
迷思三 「公共廁所板會傳染性病？」 機率極低！ 性病病毒通常離開人體好快就會死亡。比起廁所板，你更需要擔心嘅係皮膚對皮膚嘅直接接觸（例如 HPV 或梅毒）。 洗手同保持個人衛生係好重要，但唔洗過份擔心廁所板。

迷思四 「戴咗套就 100% 唔會中？」 未必！ 安全套可以大幅降低風險，但好似梅毒或 HPV（椰菜花）呢類透過皮膚接觸傳染嘅，套套未必遮得晒所有範圍。 安全套 + PrEP + 疫苗（如 HPV 疫苗）係依家最強嘅組合拳！

最後一點...「中咗性病，係咪代表我好污糟？」 絕對唔係！ 性病只係一種醫學上嘅感染，同感冒、皮膚病一樣，唔代表一個人心格。 唔好俾標籤定義你。及早發現、及早治療，大部分性病都可以治癒或穩定控制。
如果心入面仲係「囉囉攣」？ 唔洗驚，我哋喺度！

定期測試： 掌握自己健康狀況。
專業諮詢： 想搵人傾？即刻 DM 我哋。
預防勝於治療： 攞定 Safe s*x kit 傍身。
你有遇過邊啲性病謠言？留言話俾我哋知，一齊破解佢！
-------------------------------------------
恆常小知識 :
■性病及愛滋病主要經由不安全性接觸傳染
■感染了性病未有正確治療會增加感染愛滋病的機會
■正確使用安全套能減低感染性病愛滋病的風險
■發生性行為時必須正確使用安全套
■口交時必須使用安全套
■肛交時必須使用安全套和水溶性潤滑劑
-------------------------------------------
本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密 #性健康 #性病迷思 #定期測試 #健康生活 #唔洗驚最緊要清 #性正向

【原來咁樣都會中？ 性病迷思大拆解！(上) 】
平時同朋友傾計，講到「性病」兩字係咪即刻想轉話題？好多時，恐懼係源於未知。一齊黎了解我地嘅敵人啦。

迷思一 「對方望落去乾乾淨淨，應該無嘢啦？」 錯！ 絕大部分嘅性病（好似衣原體、淋病，甚至早期 HIV）係可以完全無徵狀嘅。唔好單憑外表去判斷風險，睇落無嘢唔等於真係無嘢。
解決方法： 定期做測試，先係對自己同伴侶最負責嘅表現。

迷思二 「淨係口交唔算性行為，好安全？」 唔完全係！ 雖然風險比肛交低，但梅毒、淋病同疱疹係可以透過口腔接觸傳染架。
解決方法： 考慮用口交膜或帶味安全套

如果心入面仲係「囉囉攣」？ 唔洗驚，我哋喺度！
定期測試： 掌握自己健康狀況。
專業諮詢： 想搵人傾？即刻 DM 我哋。
預防勝於治療： 攞定 Safe s*x kit 傍身。
你有遇過邊啲性病謠言？留言話俾我哋知，一齊破解佢！
-------------------------------------------
恆常小知識 :
■性病及愛滋病主要經由不安全性接觸傳染
■感染了性病未有正確治療會增加感染愛滋病的機會
■正確使用安全套能減低感染性病愛滋病的風險
■發生性行為時必須正確使用安全套
■口交時必須使用安全套
■肛交時必須使用安全套和水溶性潤滑劑
-------------------------------------------
本會為18歲或以上人士提供愛滋病病毒，梅毒，乙型肝炎和丙型肝炎快速測試，
所有測試均匿名、免費、保密，保障所有測試者的私隱。
另外，本會亦提供藥愛/CF輔導，有需要可以隨時找我們。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室

#再思社區健康組織 #愛滋病毒 #愛滋病 #愛滋 #再思社區健康組織 #保密 #性健康 #性病迷思 #定期測試 #健康生活 #唔洗驚最緊要清 #性正向

HPV播毒驚魂？！咪驚，1分鐘同您拆解 HPV 3大迷思！
最近一則關於「H先生人類乳頭瘤病毒（HPV）播毒事件」嘅新聞成為熱話，甚至傳出有健身中心要緊急暫停營業嚟做深層清潔。呢件事令到好多熱愛做健身嘅朋友感到好焦慮同不安。
大家千萬唔好自己嚇自己！今日我哋帶您打破對 HPV 嘅常見誤解同恐懼。

拆解 HPV 3 大迷思!
喺日常生活中，大眾往往對 HPV 存在唔少誤解。等我哋逐一闢謠：
迷思一：去 Gym Room 掂到人哋用過嘅器材或者汗水，會唔會咁樣中招？
唔會! 有人擔心掂到人哋嘅汗水或者共用健身器材會被傳染。但事實上，一般嘅日常接觸（例如：接觸汗水、用同一部機器、拖手、擁抱等）感染 HPV 病毒嘅風險係非常低，大家唔需要過度擔憂。
迷思二：HPV 係女仔專屬嘅疾病，男仔唔使打 HPV 疫苗？
要打! 有部分人誤以為只有女仔先需要關注 HPV。呢個完全係錯誤嘅觀念。男士如果感染 HPV，同樣有可能引致「椰菜花」（性病疣）(香港男性感染個案為女性嘅3.5倍)、口咽癌以及肛門癌。所以，男士都一樣需要打 HPV 疫苗架。
迷思三：如果不幸感染咗 HPV，係咪代表無藥醫？
現時醫學上仲未有抗病毒藥物可以直接消滅體內嘅 HPV 病毒。但喺感染 HPV 之後，多數情況下都需要依靠人體自身嘅免疫系統嚟對抗同清除病毒。因此，做好預防措施，先至係最有效嘅應對方法。

HPV 嘅傳播途徑
HPV 主要透過以下兩種高風險途徑傳播：
直接皮膚接觸：
呢個係指性器官周邊皮膚嘅直接摩擦。即使無發生實質嘅性行為，只要皮膚黏膜出現微小傷口而且發生親密接觸，病毒就有機會進行傳播。
性接觸：
包括肛交同口交（即係身體直接接觸到性器官、肛門或者口腔之患處）。

點樣預防HPV?
1. 全程正確使用安全套
喺每次親密過程中，全程而且正確噉使用安全套，可以大幅度降低感染風險。
由於安全套無辦法百分之百覆蓋所有性器官周邊嘅皮膚，所以依然需要配合注射疫苗同定期篩檢，先至可以達到最全面嘅保障。
2. 注射 HPV 疫苗
市面上嘅 HPV 疫苗種類好多，佢哋涵蓋嘅防護範圍亦有所不同：
2價疫苗：涵蓋 HPV 6、11 型，核心功效在於專注防癌。
4價疫苗：涵蓋 HPV 6、11、16、18 型，兼顧防癌同預防「椰菜花」。
9價疫苗：涵蓋 HPV 6、11、16、18、31、33、45、52、58 型，係現時防護範圍最廣嘅疫苗。

已經有性經驗嘅成人，越早接種越好，依然能夠獲得顯著嘅保護效力。
如有任何關於 HPV 疫苗或者性健康嘅疑問，歡迎隨時聯絡我哋，或者先徵詢醫生嘅專業意見。
-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

🌈 HAPPY PRIDE MONTH! 🏳️‍🌈
活出最真實的自己，愛得驕傲！

六月，是屬於彩虹的季節。無論你的性傾向或性身份如何，
在這個充滿愛與包容的月份裡，每個人都值得大聲慶祝自己的獨特與美麗！✨

Love is Love. ❤️
我們支持每一個人都能自由去愛、勇敢做自己。
-
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
#再思社區健康組織 #保密

6月boardgame活動
報名連結: https://forms.gle/6dP7BPKNTi6dEsb87
或按instagram page bio link之報名表

英文麻雀 🀄️ X 數字牌之夜
日期：6月16日(二)
時間：19:30-21:30
地點：再思中心
對象：男同志
費用：免費
-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
#再思社區健康組織 #保密

我唔知呀，我見佢哋用完好似開心咗
我唔知呀，佢哋用完咪又係咁過生活
我唔知呀

其他人看似極度享受，好似用完當下嘅性快感勝過所有嘅感受，
又開心、又興奮、又無負面影響？
咁用完之後，回落嘅時間呢？

係，用咗之後看似非常美好。
但，用完呢？
既要面對疲倦、焦慮、緊張
亦要獨自忍受壓力、後悔、身體機能受損

真係值得？

我哋係再思
明白你呢一刻可能有迷惘、可能有困惑
不如同我哋傾傾
我哋一齊行

-------------------------------------------
本會提供藥愛/CF輔導、快速測試，所有測試均免費、保密、不記名，保障所有測試者的私隱安全。
查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund
#愛滋病病毒 #愛滋病 #愛滋 #再思社區健康組織 #保密 #禁毒 #禁毒處 #禁毒基金 #禁毒基金會資助

【Wargame : 未來感槍戰 4】
Wargame活動繼續收到大家嘅踴躍報名，亦見到好多新面孔，所以我地繼續加場！今次千祈唔好錯過活動啦！😉

今次活動同樣安排喺有冷氣開放嘅室內戰場，怕熱嘅朋友仔都可以放心大膽玩！
唔需要依靠藥物，亦唔需要酒精，一樣可以令你安多酚急升，真切體驗嗰種心跳加速、純粹又刺激嘅快感！

新手向？同一般wargame有咩唔同架？
零痛感：只有擊中嘅爽快感，新手、驚痛星人絕對可以放心開火！
唔濕身、唔整污糟：啫喱彈擊中即揮發。打足 3 鐘頭依然型仔，髮型唔會亂。
打完直落：戰場喺荔枝角室內冷氣場，打完即刻可以同隊友「食野、飲嘢」！

核心任務：
5v5 團隊戰：考驗默契與眼神交流的合作戰。
奪旗 & 營救：深入敵後，救出你嘅忠實戰友。
間諜潛伏：邊個先係身邊嘅雙面間諜？

任務簡報：
對象： 男同志
日期：6月 20 日 (Sat)
時間：14:00 - 17:00
地點：荔枝角室內冷氣場（地鐵站步行直達）
費用：全免 (需預繳 $500 按金，當日即場全數退回)
裝備提供：電子啫喱槍、戰術頭盔
活動報名於6月18日 14:00截止，立即行動啦！
點擊 IG Bio 或連結報名：[https://forms.gle/6dP7BPKNTi6dEsb87]

#週末好去處 #男同志 #荔枝角 #型格特工

最近可能大家都喺社交媒體或者新聞見到關於猴痘（Mpox）嘅消息。衞生防護中心啱啱通報咗有兩宗本地個案，兩位師兄雖然互不認識，但因為喺 5 月頭嘅同一個時段去過Sauna，而且有過高風險接觸而確診。

我地再思想係呢度提醒大家，出去玩嘅同時最緊要保護好自己。猴痘呢樣嘢其實主要係透過緊密嘅皮膚接觸，或者接觸到患者嘅體液而傳播，一般社交接觸或者飛沫係比較低機會傳染到

如果你哋發現自己或者伴侶身體出現唔尋常嘅紅疹、水泡、發燒或者淋巴結腫大，記得儘快去就近社會衛生科做檢查，同埋暫時避免同其他人有親密接觸。最有效預防感染嘅方法，可以去打社會衛生科接種疫苗。

如果你最近有高風險性行為，就要快啲做測試啦。再思現提供四種快速測試服務，如果距離上次測試都一段時間，就快啲預約做測試啦。玩得開心之餘，都真係要注意自己身體健康，咁先可以長玩長有，保護自己，保護身邊嘅人！
-------------------------------------------------------------
本會提供藥愛/CF輔導，有需要可以隨時找我們。
另外，本會亦為18歲或以上人士提供愛滋病病 ，梅 ，乙型肝炎和丙型肝炎快速測試，
所有測試均匿名、免費、保密，保障所有測試者的私隱。

查詢和預約：
電話：31889024
LINE：choice1069
Whatsapp：55445540 (CF輔導) / 54029299 (快速測試)
地址: 九龍旺角弼街9-15號恒利中心3樓302室
Supported by Beat Drugs Fund

#愛滋病病 #愛滋病 #愛滋 #再思社區健康組織 #保密