扶康會

【扶康會硬地滾球挑戰盃】
扶康會硬地滾球挑戰盃已經喺今個月16號順利完成！當日活動氣氛熱烈，參賽者全情投入賽事，展現出專注同拼搏精神。佢哋嘅歡笑同隊友之間嘅互相鼓勵，喺賽場上上演溫馨嘅一幕。

比賽過程中，參賽隊伍充分發揮團隊合作精神，無論係精準嘅投球、策略嘅運用，定係場外嘅打氣聲，都令成個場館洋溢活力同正能量。透過呢項運動，除咗可以促進服務使用者嘅身心發展，更進一步推動傷健共融嘅理念。

#扶康會 #扶康會硬地滾球挑戰盃 #硬地滾球 #傷健共融

【「自主‧藝術 i Create」藝術畫展 -「父親的愛」】
喺呢幅溫馨嘅父親節畫作中，熊爸爸從後抱住熊仔仔，四周都係心心同氣球，洋溢快樂嘅氣氛同濃濃嘅愛意。Emily覺得父親嘅愛係無敵、無可取替嘅。爸爸就好似超人，總會留喺身邊陪伴、關心、照顧孩子嘅一切。呢個擁抱，正正就係世上最安心嘅力量，我哋預祝大家父親節快樂！

#扶康會 #自主藝術 #父親節 #父親的愛

[《心靈畫卷 . 綻放色彩》藝術作品展]

今年扶康會再次同Beyond Coffee & Bar合作，舉辦《心靈畫卷 . 綻放色彩》藝術作品展。

十一位精神復元人士以畫筆為伴，喺創作中重新找回興趣、自信同生命嘅色彩。每一幅作品都係心靈嘅畫卷。畫布上嘅線條同色彩，以及創作過程中嘅堅持同勇氣，都映照住佢哋努力綻放嘅身影，既真實又動人。

展覽🖼️
日期：即日至6月21日（日）
時間：9:30 - 18:00
場地：Beyond Coffee & Bar (銅鑼灣耀華街25號丹納中心地下1號舖)

共融市集🛍️
日期：即日至5月29日（至15:00）
慈善展銷物品：Fu Hong Art Hub 文創精品同、由殘疾人士製作嘅手工藝品、康姨餅房出品嘅曲奇…
「度」 Beyond Coffee & Bar 會將顧客消費金額10% 捐贈予扶康會❤️

期待你嘅光臨！

【「陶瓷傳統文化傳承 - 青花瓷與社區共融」】
本會衷心感謝華人廟宇委員會（華人慈善基金）嘅慷慨撥款資助，令「陶瓷傳統文化傳承—青花瓷與社區共融」項目得以順利推展。呢個項目希望透過傳統青花瓷創作，引導參與者打開內心世界，將對社區嘅歸屬感、對家庭嘅依戀，同埋對美好生活嘅期盼，細細描繪喺素坯之上。

展覽
日期：22026年5月23日至29日
地點：油麻地上海街304號PRECEDEE (24小時櫥窗藝廊)
亮點：生活與藝術的七道風景

今次展覽精心呈現一系列共7款由服務使用者親手打造嘅青花瓷藝作品，將傳統美學融入日常器物之中，展現多元創作張力：
凝聚社區的藝術：象徵齊心協力嘅【拼畫】同【瓷磚】，一筆一畫拼湊出社區嘅集體記憶。
品味生活的溫度：承載日常暖意嘅【茶杯】同【咖啡杯】，令藝術走入生活步調。
裝點家園的期盼：展現生命力嘅【花樽】同貼近日常點滴嘅【冰箱貼】，寄託對美好生活嘅祝願。

今次成果展覽旨在完整呈現服務使用者們嘅藝術心血，我哋誠邀街坊、陶藝愛好者同廣大市民蒞臨參觀，一齊透過呢片澄淨嘅青藍，見證社區共融嘅凝聚力，感受生命綻放嘅美好溫度。

「每一筆青藍，都是對生活最真摯的期盼。」

#扶康會 #自主藝術 #陶瓷 #青花瓷 #華人廟宇委員會 #華人慈善基金

【炮台山循道衛理中學 到訪交流】
扶康會喺2026年5月15日到訪炮台山循道衛理中學，進行咗一次好有意義嘅交流參觀。本會代表同校監及校長舉行會議，深入了解學校多元化嘅訓練同發展項目，呢啲計劃對學生成長帶嚟正面而積極嘅影響。本會亦分享咗正籌備嘅初階段合作方向，主要係以提供實習訓練為核心，希望透過實際學習機會，擴闊學生嘅技能範疇，進一步提升佢哋嘅競爭力。今次交流為未來合作打好咗良好基礎，雙方都好期待可以攜手推動學生全面發展。

#扶康會 #炮台山循道衛理中學 #實習訓練 #交流參觀

【粵港澳大灣區社區共融公益展能市集】
澳門扶康會早前喺澳門祐漢公園舉辦「2026年全國助殘日—粵港澳大灣區社區共融公益展能市集」，現場超過二十七個慈善義賣攤位，涵蓋文創手作同特色飲食，扶康會亦一同參展，慈善義賣由工場出品嘅手工陶瓷杯，以及Fu Hong Art Hub各式文創精品。澳門社會工作局局長韓衛先生亦有光臨扶康會攤位，慷慨解囊支持本會殘疾人士就業，活動氣氛熱烈且踴躍。

#扶康會 #粵港澳大灣區社區共融公益展能市集 #2026年全國助殘日 #澳門扶康會

【「自主‧藝術 i Create」藝術畫展 -「愛的花束」】
世傑嘅作品以簡單嘅三原色畫成花束，色彩直接而純粹，表達出最真摯嘅愛。黃色花朵象徵溫暖嘅祝福，藍色花瓶俾人可靠穩定嘅感覺，紅色桌面就襯托出滿滿心意。作品雖然冇任何繁複裝飾，卻正好展現出「簡單就是愛」嘅理念，係一份送俾媽媽嘅母親節禮物，都係一份純真嘅感謝，並預祝大家母親節快樂！

#扶康會 #自主藝術 #母親節 #世傑