香港懲教署 Hong Kong Correctional Services

【 #更生同行 ｜ 粒粒皆星！齊撐更生同行回歸盃 】

今屆世界盃⚽🏆進行得如火如荼，懲教署首度舉辦嘅 #更生同行回歸盃室內足球邀請賽 亦將於6月28日喺 #灣仔修頓場館 火熱登場🔥。

今次參賽陣容非常強大，可謂粒粒皆星🌟！除咗有 #香港男子足球代表隊隊長葉鴻輝、 #前香港足球先生山度士、 #香港女子足球代表隊隊長馬澤純 等本地球星坐鎮外😍，我哋仲邀請咗副署長（更生及管理）吳Sir、 #中國香港足球總會主席霍啟山，同埋 #保安局局長鄧炳強 出戰。佢哋聯同其他社會賢達、「 #更生伙伴」代表、 #懲教先鋒領袖 代表，以及 #更生足球隊 嘅更生青少年代表，分別組成「 #更生邀請隊」及「 #同行邀請隊」同場較量，藉住足球競技，展示各界同心、支持更生🫶🏻。

雖然大家未必能親身觀賽，但仍然可以發揮影響力，支持足球、支持更生💪🏻！我哋早前推出「 #全城的波撐更生」嘅挑戰，將喺6月29號23:59截止📣。大家快啲把握機會玩challenge，每「的」一下波，就係對更生足球隊最大嘅支持，而且「的」得越多，越大機會贏得球星親筆簽名嘅足球㗎🤩！仲唔 tag埋啲friends玩，一齊用行動撐更生🫰🏻？
_________
📲全城「的波」撐更生．同心接力玩Challenge！
https://bit.ly/4oJWmKB

📲首支更生足球隊．踢出人生「逆轉勝」
https://bit.ly/3QG7f3A
_________
#懲教署

#更生同行
#回歸盃室內足球邀請賽
#2026世界盃
#投入世界盃
#支持更生足球

【 #更生同行 | 視像招聘省時便利，釋前求職加快就業 】

在囚人士喺院所學得一門手藝後，下一步就要為重投社會積極部署🎯！為咗幫即將釋放嘅在囚人士獲得就業機會，懲教署尋日舉辦咗一場 #視像招聘會🖥️。

今次招聘會得到一班「 #愛心僱主」鼎力支持💪🏻，有嚟自飲食、運輸、零售、護理同建造業等唔同界別嘅企業代表參與。佢哋分別去到本署轄下位於旺角、筲箕灣及沙田嘅 #多用途家庭及更生服務中心，與八個懲教院所，包括 #羅湖懲教所、 #壁屋懲教所、 #壁屋監獄、 #赤柱監獄、 #石壁監獄、 #沙咀懲教所、 #塘福懲教所 及 #大欖懲教所 嘅在囚人士進行 #視像求職面試。

今次線上面試不但 #省時便利，俾僱主能夠有效率咁同多名身處唔同院所嘅在囚人士面試📋💬，更讓在囚人士可以喺釋放前提早應徵自己感興趣嘅工作，有助佢哋重返社會後能夠盡快就業， #自力更生🫶🏻。

再次感謝各界僱主為更生人士提供一個 #公平機會，讓佢哋重新出發、改寫人生👏🏻。

快啲登記成為愛心僱主啦❤️！
📲計劃詳情： https://bit.ly/4q4qAr1

#懲教署

#更生同行
#視像招聘省時便利
#八大院所大連線
#各界僱主齊支持
#愛心僱主你登記咗未

【 #更生同行 | 玉不琢不成器．全新玉石課程助在囚人士重塑新生 】

繼去年舉辦「職業治療助理基礎證書」後， #羅湖懲教所 今年再接再厲，首度開辦「玉石與翡翠知識｜基礎證書課程」，幫助對相關行業有興趣嘅在囚人士學到一門手藝，為日後人生開闢新出路✨。

呢個課程由 #僱員再培訓局 提供，屬於 #資歷架構 第一級，內容涵蓋玉石同翡翠嘅基本知識及測試方法。課程仲特別設有實踐環節，等學員可以親自進行玉石測試🔎，實行理論同實踐並重，從而有效提升佢哋嘅專業技術同就業信心，為將來重投社會開闢新出路。

為咗加深在囚人士對行業實況嘅了解， #石頭文化傳播 創辦人 #歐陽偉傑博士 更親臨院所，主持職業發展講座。佢除咗介紹行業嘅運作，仲教在囚人士點樣裝備自己，積極為未來嘅職涯發展做好準備💪🏻。

喺更生路上，每一位在囚人士就好似一塊未經琢磨嘅璞玉，雖然曾經有瑕疵，但只要經過合適嘅技能「雕琢」，一樣可以展現獨特嘅光芒。懲教署將會繼續與時並進，開辦多元化嘅職訓課程幫助在囚人士重建新生，期待佢哋經過琢磨歷練後，可以蛻變成為良玉，喺社會上重新閃耀🌟🤩！

#懲教署

#更生同行
#羅湖懲教所
#僱員再培訓局
#歐陽偉傑博士無私分享
#生涯規劃輔導
#圍牆內學鑑玉
#誰都可發光
#玉不琢不成器

【 #更生同行 |「凱」歌悠「洋」繞圍牆．勵志歌手唱出正能量】

早前， #保良局 董事會主席譚毓楨博士、歌手 #劉洋 同埋 #李金凱 去到 #壁屋懲教所 探訪，先後參觀咗院所嘅屋宇裝備工場、文憑試課室、以及影音製作室，並以別開生面嘅方式為在囚青少年打打氣 💪。

當嘉賓們踏入影音製作室嗰陣，見到一班在囚青少年喺度夾緊Band，兩位歌手隨即同佢哋嚟個即興Jam歌環節🎤！ #劉洋 同 #金凱 憑歌寄意，勉勵在囚青少年要堅持目標，唔好因一時錯誤而放棄夢想。Jam完歌後，佢哋就去到院所嘅 品嚐在囚人士精心沖調嘅咖啡☕️，潤一潤喉，兼同一班有志成為 #咖啡沖調師 嘅在囚青少年互動交流。

小編劇透一下，呢次交流其實只係一個開始，兩位歌手已經預告咗嚟緊將會再次到訪院所，將佢哋嘅正能量繼續帶俾更多年青人。想知佢哋下一次又會擦出咩火花？記住繼續緊貼我哋嘅專頁消息啦！

#懲教署

#壁屋懲教所
#保良局
#好聲音
#音樂繞牆三日

【 #社區教育 | CSPL直擊幕後！走入戲曲中心探索粵劇魅力 】

邊個話傳統文化一定好悶㗎？懲教署青少年制服團隊 #懲教先鋒領袖（CSPL）早前就有個超難得嘅機會，可以親身走入西九文化區 #戲曲中心，近距離感受中國 #粵劇戲曲 文化嘅震撼😍！

當日一班CSPL除咗可以坐喺觀眾席欣賞精彩嘅演出之外，最難得嘅係有機會直擊幕後🎥！喺舞台專業工作人員嘅親自帶領下，隊員走進神秘嘅後台參觀，由精緻嘅舞台設計、道具準備，到整個製作流程，通通都了解得清清楚楚。大家親眼見證到一齣劇目嘅誕生，背後原來需要整個專業團隊各司其職、緊密配合。

透過今次嘅體驗，一眾CSPL隊員唔單止擴闊咗文化視野，仲深深體會到團隊協作🤝🏻同埋尊重每個專業崗位嘅重要性，對傳統文化同創意產業都有全新嘅認識🤩。
______
〖 〗
懲教署青少年制服團隊，透過多元化訓練及活動，宣揚「愛護家國、奉公守法、遠離毒品、支持更生」信息，培育青年領袖人才。
立即加入CSPL．成就不一樣未來：
https://bit.ly/3KAGg1S
______
#懲教署

#青少年制服團隊
#懲教先鋒領袖
#西九文化區
#戲曲新體驗

【 #加入懲教 | 懲教主任招募展開．多元路向大展所長 】

#懲教主任招募 今日正式展開，為擁有唔同專長同目標嘅你提供機遇，發揮所長，實踐抱負！

懲教主任嘅主要工作，係喺獄中督導前線職員及在囚人士。人員除咗擔任管理在囚人士嘅工作，維持院所紀律及秩序，守護刑事司法體系最後防線之外，仲有多元化嘅發展機會，可以向唔同嘅專業領域發展。例如加入 #更生事務組，擔任在囚人士嘅福利輔導及釋後監管工作；又或成為 #緊急應變隊 一員，協助院所應付突發事故。而擁有專業護士資格嘅投考者，更有機會派駐院所醫院，擔任 #健康護理 工作，照顧在囚人士嘅身心健康。除咗圍牆內嘅職務，懲教主任亦有機會參與 #社區教育 工作，透過舉辦各式各樣嘅活動，宣揚防罪信息，幫助年輕一代建立正確嘅價值觀🌟。

如果你想搵不一樣嘅人生軌跡，請勿猶豫，立刻投考，7月19號就截止㗎啦！唔同崗位嘅現職懲教人員，更會喺嚟緊7月舉行嘅 #國際教育及職業展 現身懲教攤位，同大家分享工作體驗同投考貼士，記住密切留意呀！
______
📲網上申請及詳情：
www.csd.gov.hk/tc_chi/recruit/recruit.html
📌截止日期：7️⃣月1️⃣9️⃣日
______
#懲教署

#懲教主任招募
#千呼萬喚

【 #懲教署周年水運會 | 懲教健兒展活力．奮力拼搏創佳績 】

喺剛過去嘅星期六，一年一度嘅 #懲教署周年水運會 喺激烈嘅水花聲同掌聲之中圓滿舉行🥳👏🏻！

今年嚟自唔同院所及崗位嘅懲教健兒均 #全力以赴，一跳落水就出盡全力、 #搏盡無悔🏊🏻‍♂️🏊🏻‍♀️。無論係展現個人實力嘅個人賽，定係考驗默契嘅接力賽，大家都表現出澎湃活力。看台同池邊嘅打氣聲此起彼落，強烈嘅團隊凝聚力同熱血氣氛充斥全場💪🏻！

經過連番激戰後，男子甲組、乙組及丙組團體冠軍分別由 #荔枝角收押所、 #香港懲教學院、 #東頭懲教所 勇奪🏆；女子團體冠軍則由 #羅湖懲教所 奪得🏅。大家都俾個like所有參賽健兒喇👍🏻！

當日，多名 #懲教署體育會名譽副會長 同埋一班可愛活潑嘅懲二代都參與當中，一齊享受水上活動嘅樂趣，投入健康均衡生活。活動得以暢順舉行，當然唔少得要多謝一班默默付出嘅工作人員啦🥰！

#懲教署

#懲教署周年水運會
#懲教飛魚
#健康均衡生活
#全力以赴
#龍舟水你游咗未

【 #為善最樂 | 端午愛心速遞．「糭」有你心意 】

#端午節 除咗有 #懲教署龍舟隊 嘅健兒喺水上落力划槳，展示剛勁活力嘅一面之外，懲教人員亦有溫暖柔情嘅一面，熱心向社區有需要嘅人播暖傳愛！ #懲教署愛羣義工團 早前兵分多路，去到多區展開端午關愛大行動，為長者同基層家庭送上滿滿嘅節日心意同關懷🫶🏻！

愛羣義工團 #人力資源處、 #香港懲教學院分隊、 #荔枝角收押所分隊 同 #壁屋懲教所分隊 率先打頭陣，去到黃大仙區參與由楊震彩虹長者中心主辦嘅「端陽暖萬心2026」活動，親手將愛心福袋送到長者手上💝。

另一邊廂，各分隊連日嚟繼續密密送關愛： #白沙灣懲教所分隊、 #東頭懲教所分隊、 #大潭峽懲教所分隊 同 #香港懲教學院分隊 聯同東區筲箕灣關愛隊展開「濃情端午．一心一『糭』」探訪； #壁屋監獄分隊 就去到慈雲山參與嗇色園可聚耆英地區中心「端陽暖萬心2026」活動，探訪老友記兼送上端午糭； #勵敬懲教所分隊 亦參與九龍樂善堂嘅「樂善之友．樂善端午糉有情」，貼心探訪獨居、雙老長者同基層人士； #大欖懲教所分隊 更特別去到浸信會區樹洪伉儷康復護老院，現場大展身手包糭兼派糭，陪長者提早過節🥰❤️！

福袋送到手，溫馨陪伴笑呵呵！只要有心，關懷「糭」會喺身邊，希望愛羣義工團嘅心意都可以感染大家，一齊為社區增添關愛同人情味，小編再次祝大家 #端午節快樂！

#懲教署

#愛羣義工團
#端午愛心速遞
#亦剛亦柔
#水上落力撐
#愛心撐社區
#糭有你心意