26/11/2025
सिंबायोसिस संस्थेच्या डॉ. बाबासाहेब आंबेडकर संग्रहालय आणि स्मारकात संविधान दिन तसेच संग्रहालयाचा वर्धापन दिन या निमित्ताने आज विशेष व्याख्यानाचे आयोजन करण्यात आले. या कार्यक्रमात सिंबायोसिस संस्थेच्या डॉ. बाबासाहेब आंबेडकर ग्रंथालयात स्पर्धा परीक्षांची तयारी करणाऱ्या विद्यार्थ्यांनी मोठ्या उत्साहाने सहभाग नोंदवला.
कार्यक्रमाचे मुख्य वक्ते म्हणून सिंबायोसिस विधी महाविद्यालयाचे प्रा. डॉ. आत्माराम शेळके उपस्थित होते. ‘भारतीय संविधान : ऐतिहासिक आधार, उत्क्रांती, वैशिष्ट्ये, सुधारणा, महत्त्वपूर्ण तरतुदी व मूलभूत रचना’ या विषयावर त्यांनी विद्यार्थ्यांना मार्गदर्शन केले. या विषयाचे स्पर्धा परीक्षांसाठी असलेले महत्त्व लक्षात घेता विद्यार्थ्यांना उपयुक्त व ज्ञानवर्धक माहिती मिळाली.
कार्यक्रमाच्या अध्यक्षस्थानी संग्रहालयाच्या मानद संचालिका सौ. संजीवनी मुजुमदार होत्या. त्यांनी प्रास्ताविक करत संविधान दिनाचे महत्त्व सांगितले आणि विद्यार्थ्यांना संविधान अभ्यासाची गरज पटवून दिली.
07/11/2025