Rezhna Dehaty

جەژنی قوربانتان پیرۆز بێت! 💐
ها لە مەکتەبی کە نیوەی نمرەکەمان دەهێنا دۆخەکە لێژ بوو، دەمانگوت «لەسەر پەتەکەین»؛ ئێستا جەژنە پیرۆزەکەی منیش ڕێک ئاوا لەسەر پەتەکەیە و کەمێک درەنگ گەیشت!
چیرۆکی جەژنی من بە کورتی:
خەڵک پێش جەژن دەچنە بازاڕ بۆ کڕینی کەلوپەلی ناوماڵ، جلی تازە، چەرەس، نوقڵ و شەربەت... منیش لەو قەرەباڵغییەی بازاڕدا، بەدوای دەمە کۆستەرە، تەلی لەحیم، پاتەی لاستیک، تۆوی کەوەر و کەرەوز، جوچکە و کەلوپەلی سندووقی هەنگدا دەگەڕام! شەش عەلاگەی گەورەم بە کۆڵدادابوو، بە زەحمەت هەڵدەگیران.
وەلحاڵ، گەڕامەوە بۆ ئاوایی...
ڕێک کاتی پوورە (شەلخەی) هەنگ بوو؛ هەر فریای ڕاکەڕاکی سندووق و ئامادەکردنی چوارچێوەکان دەکەوتم. لەولاشەوە خەریکی کۆکردنەوەی ئەو شتە پەرش و بڵاوانە بووم کە بەهۆی بارانەکەی ئەم دواییانەوە ئیشم لەسەر نەکردبوون.
خۆشحاڵانە جەژنی ئێمەش بە زیادەوە ئاوا بەڕێکرا:
(گەڕان، میوانداری، ئیشوکار، بەراو و هەنگداری) 🐝
وەنەبێ وێنە و ڤیدیۆی ئەو ڕۆژانەم بۆ تۆمار نەکردبن، بەڵام هێندە سەرقاڵ بووم فریای پۆستکردنیان نەکەوتم. هەموو ڕۆژێک دەمگوت «ئێجاچییە، ئەمشەو پۆستی دەکەم»، کەچی هەر نەکرا!
ڕەحمەت لە پێشینان، لەزاری داکمەوە هەمیشە دەڵێت: «ئیشی ئەمڕۆ مەخە سبەینێ.»

بۆخۆشی لەماڵێ دەڵێین یاسایەک هەیە : ئەوەی نەکا،ناخوا. هەڵبەت یاساکە وەک زۆربەی یاساکانی ئەم وڵاتەی وەک خۆی جێبەجێ ناکرێ . بەڵام گرنگە بەلامەوە بڵێم،بەڕاستی هەقە لەخۆمان بپرسین : ئەرکی من چییە ؟ چی دەبێ بکەم ؟،بەرامبەر بە چی بەرپرسیارم ؟ .

جاران کە دیمەنێکی جوانم دەبینی بەچاو و دەمی کراوەوە زەق زەق لێمدەڕوانی و سەرسامانە بۆی هەبوو هەموو ڕۆژێک بەدیار وردەکاریەکی جیاوازتری یەک دیمەنەوە دانیشم ، ئێستا جگە لە خۆم خەمی ئەوەشمە پیشانی ئێوەشی بدەم.ئەوەتا خوای گەورە بە جوانیەکانی کوردستانی شیرینمان خەڵاتمان دەکا سوپاسگوزارم کە دەتوانم جێدەستی ئەوتان پیشان بدەم ..