بەڕێوەبەرایەتی گشتی حەج و عومرەى کوردستان

دوای کردنەوەی ئاسمانی عێراق گەشتەکان لە وشکانییەوە بوونە ئاسمانی

وەزارەتی ئەوقاف و کاروباری ئایینی، بەڕێوەبەرایەتی گشتی حەج و عومڕەی کوردستان ڕایدەگەنێت، دوای بڕیاری دەسەڵاتی فڕۆکەوانی عێراق بە کردنەوەی ئاسمانی عێراق و کوردستان بە ڕووی گەشتەکاندا، لە کۆبوونەوەی بەڕێوەبەرایەتی گشتی حەج و عومرە لەگەڵ دەستەی باڵای حەج و عومڕەی عێراق بڕیاردرا، کە گەشتەکان ئاسایی ببنەوە و هەموو حاجیانی کوردستان بە ڕێگەی ئاسمانی بگەڕێنەوە نیشتیمان.
بڕیاریشە سبەی گەشتەکان وەکوو خۆیان بەردەوام بێت و لە ماوەی دوو رۆژدا سەرجەم حاجیانی کوردستان بگەڕێنەوە هەرێمی کوردستان بە ڕێگەی ئاسمانی.

هەموو حاجیانی کوردستان سەلامەتن
حاجیانی کوردستان بە وشکانی دەگەڕێنەوە

وەزارەتی ئەوقاف و کاروباری ئایینی، بەڕێوەبەرایەتی گشتی حەج و عومڕەی کوردستان ڕایدەگەنێت دوای ئەو دۆخە نەخوازراوەی لە ناکاو هاتووتە پێش هەموو ئەو حاجیانەی کوردستان،کە لە رێگەی ئاسمانیەوە گەشتیان کردبوو بە سەلامەتی گەیشتنەوە کوردستان و ئەو حاجیانەی کوردستانیش کە ئێستا لە شاری مەدینە هەموویان سەلامەتن و هیچ کێشەو گرفتێک لە ئارادا نیە.
وەزارەتی ئەوقاف و کاروباری ئایینی، بەڕێوەبەرایەتی گشتی حەج و عومڕەی کوردستان هەروەها ڕایدەگەنێت تاوەکوو ئێستا ٣٣٢٠ حاجی کوردستان بە ڕێگەی ئاسمانی گەڕاونەتەوە کوردستان و تەنها ١٨٠٠ حاجی کوردستان لە شاری مەدینە ماون و بڕیاریشە سەرجەمیان لە ڕێگەی وشکانییەوە بگەڕێنەوە هەرێمی کوردستان.