Nabaz Abdulhamid

بەوێنە ...
کۆتایی هاتنی قۆناغی یەکەمی پشتێنەی سەوزی شاری هەولێر .

هەولێر.. كۆبوونه‌وه‌یه‌ك له‌باره‌ی ڕێكحستنه‌وه‌ی شه‌قام و شوێنه‌ گشتییه‌كانی شاری هه‌ولێر

به‌مەبەستی جوانتركردنی سیمای شار و ڕێکخستنەوەی شەقام و بازارە میللییەکان، ئەمڕۆ دووشەممە 1/6/2026 ساسان عه‌ونی وه‌زیری شاره‌وانی و گه‌شتوگوزار و ئومێد خۆشناو، پارێزگاری هه‌ولێر، سه‌ر‌په‌رشتیی كۆبوونه‌وه‌یه‌كی تایبه‌تیان‌ سەبارەت بە ڕێکخستنەوەی شەقام و بازاڕە میللی و شوێنه‌ گشتییه‌كانی شاری هه‌ولێر كرد.

وەک وەفادارییەک بۆ مێژووی پڕ لە قوربانیدانی تێكۆشه‌رانی گەلی کوردستان، لەسەر فەرمانی سەرۆک بارزانی، ئێوارەی ئەمڕۆ شەممە 30.5.2026 ، لە ڕێورەسمێكی شایستەدا پەردە لەسەر تابلۆی شەقامێكی سەرەکی بە ناوی سەرکردە و تێکۆشەری بزووتنەوەی ڕزگاریخوازی کوردستان مامۆستا (حەبیب محمد کەریم) لادرا.

بە ناوی خوای گەورە و میهرەبان

بە بۆنەی هاتنی جەژنی قوربانی پیرۆزەوە، گەرمترین پیرۆزبایی ئاراستەی موسڵمانانی جیهان و كوردستان به‌ گشتیی و هەولێری پایتەخت به‌ تایبه‌تی و خانەوادەی سەربەرزی شەهیدان و پێشمەرگە قارەمانەكان و کارمەندانی دەزگا ئەمنیی و هێزەکانی ناوخۆ ده‌كه‌م.
هیوادارین ئەو جەژنە ببیتە مایەی خێر و خۆشی بۆ هەموو لایك و کۆتایی هەموو ناخۆشیەك و لەخوا دەپاڕێمەوە حەجی هەموو لایەك قەبوڵ بکات .

نەبەز عبدالحميد
قایمقامی قەزای ناوەندیی هەولێر ٢٠٢٦/٥/٢٦
٩ ذو الحجة 1447

ئاگاداریەک لە بەڕێوەبەرایەتی هاتووچۆی هەولێرەوە..

ئاگاداری شوفێرانی بەڕێز دەکەینەوە ئاماژە بە ڕێکارەکانی پاراستن و پاک ڕاگرتنی ژینگە . لە ڕێکەوتی ٢٠٢٦/٥/٢٦ کاتژمێر (٦:٠٠) ئێوارە بە دواوە هەر ئۆتۆمبێلیک زبل و خاشاک و دەبە و قوتو و شوشەی خواردنەوەکان فرێبداتە سەر شەقام ئەوا لە ڕێگای کامێراکانی چاودێری تیژڕۆیی سزای سەرپێچیان بۆ تۆمار دەکرێت.

ڕاگەیاندنی هاتووچۆی هەولێر

ئەمڕۆ شەممە٢٠٢٦/٥/٢٣ ، بە مەبەستی دابینکردنی کەشێکی ئارام و پاراستنی سەقامگیری و پێشکەشکردنی باشترین خزمەتگوزاری بە هاووڵاتییان و گەشتیاران لە ڕۆژانی جەژنی قوربان، كۆبوونەوەیەکی بەرفراوان لە دیوانی پارێزگا بەڕێوەچوو.

پەیامێک لە قایمقامی قەزای ناوەندیی هەولێرەوە

هاونیشتمانیانی خۆشەویست، گەشتیارانی بەڕێز ...

سرووشت و ژینگەی جوانی کوردستان، سامانێکی نیشتمانیی گشتییە و پاراستنی پاکوخاوێنیی ئەم خاکە و نیشتیمانەش، ئەرکێکی ئەخلاقی، مرۆیی و ئاینیی سەرشانی هەموو تاکێکی کۆمەڵگایە.
لە پێناو پاراستنی ئەو سرووشتە جوانە و کەمکردنەوەی مەترسییە ژینگەییەکان و تێپەڕاندنی وەرزێکی گەشتیاریی سەلامەت، داواکارین لە سەرجەم هاووڵاتیان و گەشتیاران لە کاتی چوونە دەرەوە و ئەنجامدانی گەشت و سەیراندا، بەوپەڕی هەستکردن بەرپرسیارێتییەوە ئەو خاڵانەی خوارەوە جێبەجێبکەن:

- فڕێنەدانی زبڵ و خاشاک پاشماوەکانتان لە ناوچە گشتی و گەشتیارییەکان، مەهێڵن بەهۆی زبڵ و پیسی و پاشماوەکانتان جوانیی سرووشتی وڵاتەکەمان بشێوێت.

- بە هیچ شێوەیەک ئاگر لە نزیک دارستان، پوش و پەڵاشی وشک نەکەنەوە و لەشوێنی تریش ئەگەر ئاگرتان کردەوە، دوای تەواوبوونی گەشتەکەتان، دڵنیابنەوە لە کوژاندنەوەی یەکجاریی پاشماوەی ئاگرەکە.

هاوڵاتییانی بەڕێز..
ژینگە و سرووشتی کوردستان ئەمانەتە لەلای ئێمە و دەبێت بە شێوازێکی تەندروست بیهێڵینەوە، دابینکردنی ژینگەیەکی پاک، تەندروستیی ئێستا و داهاتوومان مسۆگەر دەکات.

دەبا هەموومان پێکەوە، بە پابەندبوونمان بە یاسا و ڕێنماییە ژینگەییەکان، ببینە پارێزەری ڕاستەقینەی جوانییەکانی کوردستان و سیمایەکی شارستانی پێشکەشی گەشتیاران و میوانانی هەولێری پایتەخت بکەین.

نەبەر عەبدولحەمید
قایمقامی قەزای ناوەندیی هەولێر
2026.5.21

هەولێر....
كۆبوونەوەیەكی تایبەت بە ڕێکارەکانی پاراستنی دارستان و شوێنە گشتییەكان و "ئاگر بڕ" لە وەرزی گەرمادا بەڕێوەچوو

پاراستنی ژینگە، بەرپرسیارێتیەکی ئاینی و نیشتمانی هەمووانە

پاراستنی ژینگە وەک بنەمایەکی سەرەکی بۆ بەردەوامیی ژیان، تەنیا ئەرکێکی یاسایی نییە، بەڵکو ئەرک و بەرپرسیاریەتیەکی مرۆیی، ئایینی و نیشتمانیی هەر تاکێکی کۆمەڵگەیە.

سروشتی کوردستان، سامانێکی نیشتمانی و ئەمانەتێکی مێژووییە لەسەر شانی هەموو لایەکمان، بۆیە پێویستە بە پاکی بۆ نەوەکانی داهاتوو بیگوازینەوە.

لە ڕوانگەی ئایینی پیرۆزی ئیسلامیش، ژینگە بەشێکە لە دروستکراوەکانی خودا و مرۆڤ وەک جێنشین لێی بەرپرسیارە، پاکوخاوێنی نەک هەر نیشانەی ئیمانە، بەڵکو پاراستنی سروشت و دوورکەوتنەوە لە زیانگەیاندن پێی، ئەرکێکی شەرعی و ئەخلاقییە.

هەربۆیە، فڕێدانی پاشماوە و زبڵ و خاشاک لە سەیرانگاکان و شوێنە گشتییەکاندا، نەک هەر سیمایەکی ناشارستانیە و جوانیەکانی نیشتیمان تێکدەدات، بەڵکو گوناهو تاوانێکە مرۆڤ بەرامبەر بە خاک و نیشتیمان و دروستکراوەکانی خودا دەیکات، ئەوە سەرباری ئەوەی پیسکردنی ژینگە هۆکارێکی سەرەکیە بۆ بڵاوبوونەوەی نەخۆشییە مەترسیدارەکان و هەڕەشەیەکی جدییە لەسەر ژیانی مرۆڤ.

لەو سۆنگەیەوە، تکامان لە هەموو هاوڵاتییانی بەڕێز ئەوەیە، لە کاتی گەشت و سەیران و خۆشیەکانیان و بەسەربردنی کاتەکانیان لە ناوچە گەشتیارییەکاندا، پاکو خاوێنی ببپارێزن و پیسی و پاشماوە و زبڵ خاشاک لە دوای خۆیاندا بەجێنەهێڵن. بۆئەوەی هەمیشە کوردستانمان بە سەوزایی و گەشاوەیی و ئاوەدانی و پاکی و تەندروستی بمێنێتەوە.