Markmiðið er að fræða og efla vitund á starfsemi Neyðarlínunnar, efla forvarnir og meðvitund. Neyðarlínan ohf - Skógarhlíð 14, 105 Reykjavík.
Sími skrifstofu: 570-2000. Símanúmerið er 1-1-2 ef þú þarft aðstoð lögreglu, slökkviliðs, sjúkrabíls, björgunarsveita, landhelgisgæslu eða annarra viðbragðsaðila. Neyðarlínan hefur það sem hlutverk að efla öryggi og velferð á Íslandi með því að veita fyrsta flokks neyðar- og öryggisþjónustu. Eitt neyðarnúmer fyrir allt landið samræmir viðbrögð og boðun björgunar- og neyðarsveita á öllu landinu. Þa
ð er markmið Neyðarlínunnar að þjónusta fyrirtækisins uppfylli ávallt kröfur og væntingar viðskiptavina og starfsfólks um fagleg vinnubrögð. Til þess að vinna að þessum markmiðum eru þrjú gildi í hávegum höfð: Hjálpsemi – Viðbragðsflýtir - Fagmennska. Hjálpsemi felur í sér alla þá mögulegu aðstoð (þjónustu) sem hægt er að veita viðskiptavinum fyrirtækisins. Í þessu felst þolinmæði og frumkvæði. Í hjálpsemi felst einning samstarf og aðstoð við vinnufélaga og samstarfsaðila. Viðbragðsflýtir felur í sér hröð og örugg viðbrögð gagnvart samstarfsaðilum, vinnufélögum og viðskiptavinum. Fagmennska felur í sér fagleg vinnubrögð gagnvart viðskiptavinum, samstarfsaðilum og vinnufélögum. Fagleg vinnubrögð byggja á að farið sé eftir starfsáætlunum og settum ferlum. Í fagmennsku felast gæði sem öllu starfsfólki ber að halda í heiðri við vinnu sína. VINSAMLEGAST LESIÐ ÞETTA ÁÐUR EN INNLEGG ER SETT Á SÍÐU NEYÐARLÍNUNNAR
1. HVERNIG ER UMSJÓN MEÐ ÞESSARI SÍÐU HÁTTAÐ? Vinsamlegast athugið að Neyðarlínan fylgist ekki með þessari síðu eða innleggjum sem sett eru á hana allan sólarhringinn. Þau sem sjá um uppfærslu hennar sinna því samhliða öðrum störfum innan fyrirtækisins. Svör við spurningum eða ábendingum kalla oftar en ekki á nánari skoðun. Því er ekki hægt að tryggja að svör verði sett inn strax við spurningum sem settar eru inn á síðuna. Ef óskað er eftir skjótri aðstoð viðbragðsaðila skal undantekningarlaust hringja beint í 1-1-2. Ef erindið er af öðrum toga vinsamlegast hafið samband við skrifstofu Neyðarlínunnar í síma 570-2000. Sömuleiðis er hægt að koma ábendingum á framfæri um hvaðeina með því að senda tölvupóst á netfangið [email protected].
2. HVAÐ Á EKKI HEIMA Á ÞESSARI SÍÐU? Innlegg eða athugasemdir hér á síðu Neyðarlínunnar sem falla ekki að skilyrðum Facebook (sjá hér: www.facebook.com/terms.php?ref=pf) eða fela í sér meiðandi, niðrandi eða óviðeigandi ummæli um einstaklinga eða hópa, innihalda ásakanir um refsiverða háttsemi eða hvatningu til að fremja afbrot verður þegar í stað eytt. Innlegg sem sett eru inn af öðrum aðilum eru sett þar inn á ábyrgð viðkomandi einstaklings eða lögaðila. Vinsamlegast athugið að Facebook er ekki rétti staðurinn til að setja inn upplýsingar um tiltekin mál eða kvartanir um störf tiltekinna neyðarvarða Neyðarlínunnar. Óánægju með þjónustu er rétt að koma á framfæri við gæðastjóra fyrirtækisins í gegnum síma eða tölvupósti. Gæðastjóri Neyðarlínunnar er Garðar S. Gíslason, sími 570-2000 og netfang [email protected]. Myndir sem hér er að finna úr starfi Neyðarlínunnar er ekki heimilt að birta í fjölmiðlum eða með öðrum sambærilegum hætti eða sambærilegum miðlum nema með leyfi Neyðarlínunnar. AÐ HAFA SAMBAND VIÐ NEYÐARLÍNUNA
Ef óskað er eftir skjótri aðstoð viðbragðsaðila skal undantekningarlaust hringja beint í 1-1-2. Sömuleiðis er hægt að koma ábendingum á framfæri um hvaðeina með því að senda tölvupóst á netfangið [email protected].
