Assemblea Natzionale Sarda

Unu babbu mannu a beru

Est istadu custu, Bachis Bandinu. Òmine de gabbale in su mundu de sa cultura e de sa polìtica sarda, impinnadu in cosas de importu e semper ogros a sa Sardigna.
Indipendentista, s’est postu a una banda dae sos chi, che a issu, ant ammaniadu progetos, grupos e initziativas pro s’ìsula nostra. L’at fatu cun sa generosidade de s’òmine mannu chi fiat, sena pompiare a interessos personales.

Cun su pede e su passu nos at mustradu sa bia.
Nois l’amus a pònnere in fatu, semper agradessidos pro s’erèntzia chi nos est lassende.

🌿 Est nàschida ANS Gaddura!

Unu momentu chi isetavamus dae meda: Assemblea Natzionale Sarda at ghetadu raighinas in Gaddura!
S'assemblea Territoriale Gaddura est pronta pro fraigare cussèntzia natzionale in pare a nois, ca est gosi chi traballat ANS: gràtzias a sa partecipatzione ativa de is persones e a su arraighinamentu in is territòrios, acanta de is comunidades, respetande particularidades e bisòngios. Bi semus!

Binvinuta, AT Gaddura. Su caminu est in pessu incumentzadu

“Lìberos, rispettados, uguales”
Assemblea Natzionale Sarda torrat a Tonara pro sa de tres editziones de “In is logos de Pepinu Mereu”.

Una vìsita ghiada in imberghidura linguìstica, paris cun su linguista tonaresu Massimiliano Rosa, peri unu caminu fatu de 12 firmadas cun poesias, istòrias, contos pro iscobèrrere e bìvere is logos caros a Pepinu Mereu.
Amus a visitare is logos chi dd’ant ispiradu e chi daboi dd’ant bidu patire, fintzas a mòrrere giòvanu in misèria.

📍21. 06. 2026, a is 10:00
Partèntzia dae: Bia de sa Regione 67, Tonara
Durada: 2 ora prus o mancu
Prenotatzione: WhatsApp - 349 158 0453 (Riccardo)
[email protected]

📍Sa de duas assembleas in presèntzia de su 2026!

S'assemblea de is sòtzios est unu de is momentos prus de importu pro ANS: a si pòdere bìere, cunfrontare, dibàtere e analizare impari, propònnere e programmare sunt atziones chi dimandant una partecipatzione ativa e chi permitint a is sòtzias e is sòtzios ANS de bìvere s’assòtziu in manera operativa.

Nde cheres ischire de prus in contu de ANS?
Partètzipa a s’assemblea aberta de sàbadu a merie in su museu MAMA de Atzara!

Is àteras atividades in programma:
🔹Fèstival Longevitas in Atzara sàbadu a sero
🔹Passigiada subra Peppinu Mereu sa domìniga a mangianu in Tonara
[Tocat a si marcare in su ligàmene https://assembleasarda.org/agenda/passigiada-is-logos-de-pepinu-mereu-in-tonara/ ]

Nos bidimus in Atzara!

⛰️ Su Sudtirol che Istadu indipendente
Illusione o iscenàriu plausibile?

A pustis de sa muda reghente de s’Istatutu de autonomia de sa Provìntzia de su Sudtirol, ANS – Assemblea Natzionale Sarda adòbiat a unos cantos autores de su libru “E si su Sudtirol si fagheret Istadu?” pro cumprèndere ite si movet in logu issoro.

ANS – Assemblea Natzionale Sarda invitat a totus partetzipare a custu addòbiu formativu, mancari chi siat propedèuticu a su replicare s’initziativa in Sardigna.

Comente partetzipare? Sighi su link: https://shortlink.uk/1r0mx

⛰️ Gorropu, m’agradat tropu!
Domìniga su 14 de làmpadas ANS Nùgoro ammaniat “A ispassizu in Gorropu”, un’iscurrizada in unu de sos paesàgios prus bellos de sa Sardigna, acumpangiados dae sas ghias de su Campu Base Gorropu… totu in limba sarda!

Amus a mòvere dae Ghenna de Sìlana pro sighire su caminu chi giughet in intro de Gorropu: 4,2 Km in mesu de su padente primàriu, intre èlighes seculares e paesàgios ispantosos, acumpangiados peri totu su caminu dae ghias professionistas chi nos ant a contare s’istòria e s’orìgine de custos logos.

Iscurrizada de mèdia dificultade (E)
Durada totale: prus o mancu 7 oras (fintzas sa torrada in fuoristrada)
Gustu de pigare in fatu
T’ant a bisongiare botas de trekking, abba, boneteddu e bistimenta a tonu cun sa faina.
⚠️No est cunsigiadu pro chie tenet problemas a ghenugros!

🎟️ Pagos postos a disponimentu, tocat a si marcare intro de su 9 de làmpadas
Info e prenotatziones: 3496689605 (Antoni)
Prètziu de s’iscurrizada: 25€
📍 Atòbiu: Ghenna de Sìlana (SS125 Orientale Sarda)

❤️‍🔥Su coro de ANS

Totu su chi faghimus est gràtzias a su traballu voluntàriu de is sòtzias e is sòtzios de ANS: sa passione issoro nos prenat su coro de fieresa e est s’ànimu de Sa Die.

Bivat Sa Die e bivat ANS!

[Faghe parte de custa comunidade: iscrie•ti o sustene•nos!]

👥S'importàntzia de is collaboratzionis

A fàghere retza cun is realidades de ogni territòriu est una de is punnas de ANS e semus cuntentos mannos chi fintzas pro Sa Die amus pòdidu incumintzare collaboratziones, o nd’annoare àteras, pro sighire su caminu impari cun sa punna comuna de festare comente ddi deghet sa festa de su pòpulu sardu.

Torramus torra gràtzias a totu cantos!

Su percursu de su caminu rivolutzionàriu: su contu!
🔸Su caminu de sa Sarda Rivolutzione est lòmpidu a is ùrtimas firmadas suas!
🔸Su 27 de abrile sa bandera s’est firmada in Tàtari cun un’atòbiu pro meledare e resonare de su chi est istada sa Sarda Rivolutzione e de comente nde diamus pòdere collire s’eredade in die de oe.
Su 28 de abrile, sa die de sa celebratzione de Sa Die de sa Sardigna, sa bandera s’est ispainada in totu s’ìsula:
🔸In Casteddu, in Pratza Yenne e in carrera V. Emanuele at assoddidu a pare, a s’ispontànea, unu fiotu de gente chi at pigau possessu de is logos issoro e chie si siat, mannos e minores, sardos e istràngios, si sunt postos  in tundu, ballende su ballu sardu gràtzias a sa mùsica tragiadora de is sonadores e is cantadores nostros: unu momentu chi nos at tocau su coro e chi at mustradu cantu tenimus bisòngiu de una festa nostra!
🔸In s’ìnteris, su percursu “Educare al bello” at àpidu sa partetzipatzione ispetziale de is ghias de s’Agape Onlus pro su cumpartzimentu de sa memòria colletiva.
🔸Semper in Casteddu, sa SunCity Run at curtu peri is arrugas de su tzentru istòricu mantenende sa bandera sarda comente aberi-pista e ponende a cùrrere atletas diferentes in fatu suo.
🔸In Tàtari paritzos apuntamentos: a incuru de Primavere sarde, s’imbaradura de sa corona de frores cun sa partecipatzione de is autoridades de sa tzitade, su cunvegnu subra de “Tàtari tzitade rivolutzionària” cun una filera de espertos e istudiosos, su teatru bituleri de su “teatro S’Arza” e su cuntzertu de A. Andrillo.
🔸Semper in Tàtari, is afestos de La Dì cun mùsica fintzas cun sa corale populare « A Bozi Manna ».
🔸Fìgari at pigadu parte a su caminu cun su cantu a tenore e unu cuncursu dedicadu a is minoreddos.
🔸In Terranoa Sa Die dd’ant tzelebrada cun atòbios, mùsica e momentos pro meledare cun gosu e cuntentesa.
Su caminu de sa sarda rivolutzione: unu percursu importante pro nos ammentare chie semus, cale est s’istòria nostra e pigare semper prus cussèntzia de nois matessi e de is logos nostros.