ស្លេះ ពុនយ៉ាមុីន/𝐒𝐥𝐞𝐬 𝐏𝐮𝐧𝐲𝐚𝐦𝐢𝐧

នារសៀលថ្ងៃចន្ទ ទី១៥ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញចូលរួមកិច្ចប្រជុំលើកទី៣ ដើម្បីពិនិត្យពិភាក្សាលើវឌ្ឍភាព និងការត្រៀមលក្ខណៈរៀបចំសន្និសីទប្រធានសភានៃអន្តរសភា លើកទី២ (ISC-2) ដែលព្រឹទ្ធសភាកម្ពុជាធ្វើជាម្ចាស់ផ្ទះរៀបចំនាពេលខាងមុខ កិច្ចប្រជុំនេះប្រព្រឹត្តទៅ ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា និងជាប្រធានគណៈកម្មការដឹកនាំនៃសន្និសីទប្រធានសភា នៃអន្តរសភាលើកទី២(ISC-2)នៅកម្ពុជាស្ថិតនៅក្នុងសាលភក្តីវិក្រម៣ វិមានព្រឹទ្ធសភា។

នារសៀលថ្ងៃទី១៣ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានឧបត្ថម្ភថវិកាចំនួន ១០០ ដុល្លាជូនអ៊ុំស្រីមេម៉ាយម្នាក់ មកពី ខេត្តត្បូងឃ្មុំ ដែលមានជីវភាពខ្វះខាត និងកំពុងមានជំងឺប្រចាំកាយ ដើម្បីជួយសម្រាលការលំបាកក្នុងជីវភាពរស់នៅ និងការព្យាបាលសុខភាព ស្ថិតនៅក្នុងគេហដ្ឋានរបស់ឯកឧត្តមសមាជិកព្រឹទ្ធសភា។

ព្រឹកថ្ងៃទី១០ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញចុះជួបសាកសួរសុខទុក្ខ និងឧបត្ថម្ភថវិកា ដល់ប្អូនៗនិស្សិតដែលមកពីគ្រួសារខ្វះខាតដើម្បីបន្តការសិក្សា។ ទន្ទឹមជាមួយនោះផងដែរ ឯកឧត្តមបានផ្តាំផ្ញើរធ្វើយ៉ាងណាឲ្យខំប្រឹងរៀនសូត្រ ដើម្បីអនាគតក្លាយជាអ្នកបន្តវេនសម្រាប់សហគមន៍ឥស្លាមនិងប្រទេសជាតិ ។
ឆ្លៀតក្នុងឱកាសនោះដែរឯកឧត្តមសមាជិកព្រឹទ្ធសភាបានឧបត្ថម្ភថវិកាដល់ប្អូនៗនិស្សិតចំនួន៣នាក់ ក្នុងម្នាក់ៗទទួលបានថវិកា ៣០០.០០០រៀល សរុបទាំងអស់ចំនួន៩០០.០០០។ ស្ថិតនៅឃុំបឹងប្រួល ស្រុកត្បូងឃ្មុំ ខេត្តត្បូងឃ្មុំ។

នាព្រឹកថ្ងៃទី៩ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ និងជាអនុប្រធាន ស.ស.យ.ក ខេត្តកំពង់ចាម បានអញ្ជើញចូលរួមក្នុងពិធីប្រកាសទទួលស្គាល់ប្រធានគណៈកម្មាធិការសហភាពសហព័ន្ធយុវជនកម្ពុជាខេត្តកំពង់ចាមក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។ពិធីនេះប្រព្រឹត្តទៅនៅក្នុងសាលសន្និសីទ នៃសាលាខេត្តកំពង់ចាម ស្ថិតនៅភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម។

ឯកឧត្តម ស្លេះ ពុនយ៉ាមុីន អញ្ជើញដឹកនាំក្រុមការងារ ចូលរួមរំលែកមរណទុក្ខគ្រួសារសពលោ លី ម៉ារី
===​====
នាព្រឹកថ្ងៃទី៨ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកក្រុមសមាជិកព្រឹទ្ធសភាប្រចាំភូមិភាគទី២ និងជាប្រធានក្រុមការងារចុះជួយភូមិរកាលើ និងរការក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម បានអញ្ជើញដឹកនាំក្រុមការងារ ចូលរួមរំលែកមរណទុក្ខគ្រួសារសព លោកលី ម៉ារី ដែលបានមរណភាពកាលពីរសៀលថ្ងៃទី៧ ខែមិថុនា ឆ្នាំ២០២៦ នៅភូមិរកាក្រោម សង្កាត់សំបួរមាស ក្រុងកំពង់ចាម។​
ក្នុងឱកាសនោះដែរ ឯកឧត្តមបានឧបត្ថម្ភថវិកាចំនួន២០០.០០០រៀល។

នាព្រឹកថ្ងៃទី៦ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញចូលរួមក្នុងពិធីផ្សព្វផ្សាយ ផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់របស់ឯកឧត្តមសន្តិបណ្ឌិត នេត សាវឿន ប្រធានក្រុមការងារគណបក្សចុះមូលដ្ឋានខេត្តកំពង់ចាម និង ឯកឧត្តមបណ្ឌិតសភាចារ្យ ហង់ជួន ណារ៉ុន អនុប្រធានទី១ ក្រុមការងារគណបក្សចុះមូលដ្ឋានខេត្តកំពង់ចាម។
ពិធីខាងលើនេះប្រព្រឹត្តទៅនៅស្នាក់ការគណបក្សស្រុកចំការលើ។

ព្រឹកថ្ងៃទី៤ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ និងជាប្រធានក្រុមការងារចុះជួយភូមិរកាលើ និងរកាក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម បានអញ្ជើញដឹកនាំក្រុមការងារចុះសួរសុខទុក្ខប្រជាពលរដ្ឋមានការខ្វះខាតចំនួនពីរគ្រួសារស្ថិតក្នុងភូមិរកាលើ សង្កាត់សំបួរមាស ក្រុងកំពង់ចាម។

ស្ថិតក្នុងឱកាសនោះឯកឧត្តមក៏បាននាំយកគ្រឿងឧបភោគបរិភោគថវិកាមួយចំនួនរួមមាន :

1/ លោកយាយ ស៊ូវ ឈុនលីម អាយុ ៧២ឆ្នាំ ទទួលបាន អង្ករ ១០ គីឡូ មី១កេះ ទឹកសុីអ៊ុីវ១យួរ ទឹកត្រី១យួរ និងថវិកា៥០.០០០រៀល ។

2/ ប្អូនស្រី ផា អំពិលតឹក អាយុ ២៦ឆ្នាំ ទទួលបាន អង្ករ ១០គីឡូ មី១កេះ ទឹកសុីអុីវ១យួរ ទឹកត្រី១យួរ និងថវិកា៥០.០០០រៀល ។

ឯកឧត្តម ស្លេះ ពុនយ៉ាម៉ីន
បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន នៀកម៉ះ
=======
នាព្រឹកថ្ងៃទី៣ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភា ប្រចាំភូមិភាគ២ បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន នៀកម៉ះ ស្ថិតនៅភូមិរការក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។
ឆ្លៀតក្នុងឱកាសនេះដែរ ឯកឧត្តមបានមានប្រសាសន៍រំឮកដល់លោកគ្រូ អ្នកគ្រូទាំងអស់គ្នាថា យើងមានថ្ងៃនេះក៏ដោយសារប្រទេសយើងមានសន្តិភាព ក្នុងនាមយើងជាប្រជាជនខ្មែរគ្រប់រូប អ្វីដែរយើងត្រូវធ្វើនៅពេលនេះ គឺជឿជាក់លើប្រមុខថ្នាក់ដឹកនាំ រាជរដ្ឋាភិបាលកម្ពុជាដែលមានសម្តេចតេជោប្រធានព្រឹទ្ធសភា និងសម្តចបវរធិបតីនាយករដ្ឋមន្ត្រី ស្ថិតក្រោមម្លប់សន្តិភាព ។
ស្ថិតនៅក្នុងឱកាសសំណេះសំណាលនោះផងដែរ ឯកឧត្តមសមាជិកព្រឹទ្ធសភាបានឧបត្ថម្ភថវិកាដល់លោកគ្រូ អ្នកគ្រូសរុបចំនន២២នាក់ ដោយម្នាក់ៗទទួលបានប្រាក់ឧបត្ថម១០ម៉ឺនរៀល និងគ្រូបណ្តែតចំនួន១២នាក់ ក្នុងម្នាក់ៗទទួលបានប្រាក់ឧបត្ថម្ភចំនួន១៥ម៉ឺនរៀល
សរុបទាំងអស់ចំនួន ២,៨០០,០០០រៀល។

នារសៀលថ្ងៃទី០២ ខែមិថុនា ឆ្នាំ២០២៦
ឯកឧត្តម ស្លេះ ពុនយ៉ាម៉ីន សមាជិកព្រឹទ្ធសភាប្រចាំភូមិភាគ២ និងជាប្រធានក្រុមការងារ ចុះជួយភូមិរកាក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម បានចាត់តាំងឯកឧត្តម តាន់ តាឡាន អនុប្រធាន​និងសមាជិកាក្រុមការងារ ចុះសួរសុខទូក្ខលោកស្រី សៅ ស្រីនាង អនុប្រធានភូមិ រកាក្រោម ដែលកំពុងមានជម្ងឺ សម្រាកព្យាបាលនៅ មណ្ឌលសុខភាព។ ស្ថិតក្នុងឱកាសនោះដែរឯកឧត្តមបាននាំយកថវិកា របស់ឯកឧត្តម ស្លេះ ពុនយ៉ាម៉ីន ចំនួន​២០០.០០០រៀល ដើម្បីជួយសម្រាលទុក្ខក្នុងគ្រាសម្រាកព្យាបាល ។

ឯកឧត្តម ស្លេះ ពុនយ៉ាមុីន ចូលរួមឧបត្ថម្ភថវិកាចំនួន ៥០០,០០០៛(ហាសិបមុឺនរៀល)ជូនគណៈកម្មការគ្រប់គ្រងវិហារដើម្បីចូលរួមសាងសង់សំយ៉ាបចំណតម៉ូតូ និងឡានក្នុងបរិវេណវិហារ
=======
នារសៀលថ្ងៃទី៣១ ខែឧសភា ឆ្នាំ២០២៦
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានចូលរួមឧបត្ថម្ភថវិកាចំនួន ៥០០,០០០៛ (ហាសិបមុឺនរៀល)ជូនដល់គណៈកម្មការគ្រប់គ្រងវិហារ ដើម្បីចូលរួមសាងសង់សំយ៉ាបចំណតម៉ូតូ និងឡាន ក្នុងបរិវេណវិហារ ស្ថិតក្នុងភូមិទី១៥ ឃុំកោះសូទិន ស្រុកកោះសូទិន ខេត្តកំពង់ចាម។