រដ្ឋបាលក្រុងស្ទឹងសែន ខេត្តកំពង់ធំ

ខ្ញុំសូមស្នើសុំយោបល់ ពុក ម៉ែ បង ប្អូន អ្នកកំពង់ធំយើង មេត្តាអោយយោបល់មើលថា គួរអនុវត្តន៍វិធានការណ៍បែបណា ចំពោះម្ចាស់ឡាន ដែលធ្វើចរឹកបែបនេះ? រដ្ឋបាលខេត្ត ក្រុង ប្រឹងអភិវឌ្ឍ តែបុគ្គលបង្កើតទំលាប់មិនល្អ 😞😞
នេះមិនមែនជាពលរដ្ឋដែលមានគំរូល្អ នោះទេ សូម បង ប្អូនកុំយកតម្រាប់តាម🙏🙏🙏
សូម អរគុណ បង ប្អូនដែលបានផ្ញើរូបមក 😍😍

#សម្អាតអនាម័យតាមដងផ្លូវ, លោក ឡង គីសឹង អភិបាលក្រុងស្ទឹងសែន ដឹកនាំសហការី សម្អាតអនាម័យក្រុង។

#ភូមិឋានស្អាត ត្រូវមានការចូលរួមពីបងប្អូនប្រជាពលរដ្ឋគ្រប់រូប សូមកុំគិតថាការងារនេះជាកិច្ចការងារអាជ្ញាធរទាំងស្រុង។

#គ្រួសារអនាម័យល្អ សុខភាពល្អ!

#ក្រុងស្ទឹងសែន_បណ្តូលចិត្ត

៣០.០៥.២០២៦

រសៀលទី២៨ ខែឧសភា ឆ្នាំ២០២៦ លោក ឡង គីសឹង អភិបាលក្រុងស្ទឹងសែន ជួបសំណេះសំណាលជាមួយ នាយកធនាគារ គ្រឹះស្ថានមីក្រូហិរញ្ញវត្ថុ ទាំង ១៧ ក្នុងក្រុងស្ទឹងសែនដើម្បីពិភាក្សា ពីបញ្ហាប្រឈម និងសំណូមពរនានា ដែលស្ថាប័នមីក្រូហិរញ្ញវត្ថុមានបញ្ហាប្រឈមជាមួយអតិថិជន ។

ក្នុងន័យនេះ រដ្ឋបាលក្រុងស្ទឹងសែន ស្នើរដល់ធនាគារ គ្រឹះស្ថានមីក្រូហិរញ្ញវត្ថុទាំងអស់បន្តជួយគាំទ្រដាំដុះតាមឈើតាមដងផ្លូវ ដើម្បីបង្កើនសោភ័ណភាពក្រុងផងដែរ។

អនុវត្តតាមការណែនាំរបស់ឯកឧត្តម នួន ផារ័ត្ន អភិបាលខេត្តកំពង់ធំ, លោក ឡង គីសឹង អភិបាលក្រុងស្ទឹងសែន ដឹកនាំសហការី ចុះពិនិត្យការដ្ឋាននៃការអភិវឌ្ឍក្រុងស្ទឹងសែន និងដើម្បីឆ្លើយតបនឹងតម្រូវការរបស់បងប្អូនប្រជាពលរដ្ឋក្រុងស្ទឹងសែន ដើម្បីសុខមាលភាពបងប្អូន ។ ការចុះពិនិត្យ ដើម្បីជម្រុញ ដំណើរការដ្ឋានសាងសង់ស្ពានថ្មើរជើង (ស្ពានត្បូងចាម) និងផ្លូវថ្មើរជើងក្នុងក្រុងស្ទឹងសែន ឱ្យបានរួចរាល់ឆាប់រហ័ស។

ជាមួយគ្នានេះ ឯកឧត្តមអភិបាលខេត្ត ក៏បានចង្អុលបង្ហាញនូវការដាំដើមឈើលម្អសងខាងផ្លូវ ដើម្បីជាសោភ័ណភាពក្រុង។

ក្នុងន័យនេះ រដ្ឋបាលក្រុងស្ទឹងសែន សូមស្នើបងប្អូន ពុក ម៉ែ ជួយថែមរក្សា និងគាំទ្រ ដើម្បីក្រុងយើង ជាទីក្រុងបៃតងនាពេលអនាគត។

#ក្រុងស្ទឹងសែន_បណ្តូលចិត្ត
#ខេត្តកំពង់ធំ
#នួន_ផារ័ត្ន_អភិបាលខេត្តកំពង់ធំ
———
27/05/2026

លោក ឡង គីសឹង អភិបាលក្រុងស្ទឹងសែន ជួបសំណេះសំណាលជាមួយក្រុមប្រឹក្សាសង្កាត់ទាំង ៨ ក្នុងក្រុងស្ទឹងសែន។ ការជួបសំណេះសំណាសនេះ ដើម្បីពង្រឹងយន្តការនៃការអនុវត្តការងារឱ្យកាន់តែប្រសើរ។

27/05/2026

សូមជម្រាប ជូនម្ចាស់ទីតាំងជួលស្នាក់នៅទាំងអស់ក្នុងក្រុងស្ទឹងសែន ខេត្តកំពង់ធំ មេត្តាជ្រាបថា ៖

នៅពេលដែល បងប្អូនទទួលភ្ញៀវអន្តរជាតិ ដែលមិនមានឯកសារត្រឹមត្រូវ បើរកឃើញត្រូវទទួលពិន័យក្នុងម្នាក់ ៤លានរៀល (១,០០០ដុល្លារ) ឫលេីសពីនេះទៅតាមស្ថានភាពបទល្មេីស (ច្បាប់ក៏បានអនុវត្ត ចំពោះទីតាំងមួយចំនួនរួចហើយ ដោយគ្មានការលើកលែងជាដាច់ខាត)​ ហេីយប្រសិនបើរកឃើញមានការសហការបើក Scam Online នោះម្ចាស់ទីតាំងនឹងជាប់ទោសទណ្ឌបន្ថែមទៀត។

កុំដេីម្បីផលប្រយោជន៍តិចតួច បំផ្លាញកិត្តិយសស្រុក ក្រុង ខេត្ត និងជាតិខ្លួនឯង។ អាជ្ញាធរមានសមត្ថកិច្ច នឹងស្រាវជ្រាវ អនុវត្តច្បាប់គ្រប់ទីកន្លែង ដោយមិនលេីកលែងឡើយ។

គណៈបញ្ជាការឯកភាពរដ្ឋបាលគ្រប់ថ្នាក់នៃខេត្តកំពង់ធំ បានសច្ចាធានាជូនសម្តេចធិបតី នាយករដ្ឋមន្ត្រីរួចហើយ ហេីយប្តេជ្ញា បោសសំអាត Scam online មិនអោយកើតមានក្នុង មូលដ្ឋានក្រុង ស្រុក និងខេត្ត ដើម្បីលើកមុខមាត់កិត្តិយសកម្ពុជាយើង។

សូមម្ចាស់ទីតាំង បងប្អូនប្រជាពលរដ្ឋ និងមន្រ្តីគ្រប់លំដាប់ថ្នាក់ទាំងអស់ សូមកុំពាក់ព័ន្ធ កុំនៅពីក្រោយ កុំអន្តរាគមន៍ និងសូមសហការរាយការណ៍មកអាជ្ញាធរមានសមត្ថកិច្ច ដេីម្បីប្តេជ្ញាចិត្តរួមគ្នា រៀបចំសម្អាតផ្ទះយើងអោយបានស្អាត ដើម្បីចូលរួមជាមួយរាជរដ្ឋាភិបាលក្នុងការអភិវឌ្ឍប្រទេស និងសេដ្ឋកិច្ចជាតិ ឱ្យបានរឹងមាំបន្ថែមទៀត។

សូមបងប្អូនទំនាក់ទំនងផ្តល់ព័ត៌មាន តាមរយ:លេខទូរស័ព្ទ៖
១.លោក ឆូយ កុសល អភិបាលរង នៃគណៈអភិបាលក្រុងស្ទឹងសែន 012 860 103
២.លោក គឹម សុខមករា អធិការនគរបាលក្រុងស្ទឹងសែន 097 7777 396
៣.លោក លី សាំង សុីន នាយករងរដ្ឋបាលក្រុងស្ទឹងសែន 012 659 146

សូមអរគុណ🙏🙏