មន្ទីរកិច្ចការនារីខេត្តព្រះវិហារ

នៅថ្ងៃទី១២ ខែមិថុនា ឆ្នាំ២០២៦ លោកស្រី ឈុន សុធារី ប្រធានមន្ទីរ និងលោកស្រីអនុប្រធានមន្ទីរ បានចុះគាំទ្រកិច្ចប្រជុំប្រចាំត្រីមាស២ របស់ក្រុមការងារឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រថ្នាក់ស្រុក នៅស្រុកឆែប ក្រោមការដឹកនាំដោយ:
១.លោកស្រី ឈុន សុធារី ប្រធានមន្ទីរកិច្ចការនារីខេត្ត
២.លោកស្រី យូ សុម៉ាលី ប្រធាន គ.ក.ស.កស្រុក នៅសាលប្រជុំសាលាស្រុកឆែប ។

#មន្ទីរកិច្ចការនារីខេត្តព្រះវិហារ

ថ្ងៃទី៩ដល់ថ្ងៃទី១១ ខែមិថុនា​ ឆ្នាំ២០២៦ លោក​ ទី​ សាវ៉ន​ ប្រធានការិយាល័យ​ អភិវឌ្ឍន៍សេដ្ឋកិច្ចនៃមន្ទីរកិច្ចការនារីខេត្ត​ បានចូលរួមបេីកវគ្គបណ្តុះបណ្តាលតម្រង់ទិស​ និងមានការចូលរួមសម្របសម្រួលពីមន្ត្រីថ្នាក់ស្រុក និងអ្នកស្ម័គ្រចិត្តឃុំ ស្តីពី ការលេីកកម្ពស់សមភាពយេនឌ័រនៅក្នុងគ្រួសារ​ របស់កម្មវិធីជាតិគាំពារសង្គម ដេីម្បីជម្រុញការចាកចេញពីភាពក្រីក្រ (GBSP) កម្រងទី២​ ក្នុងគោលបំណងលេីកកម្ពស់ចំណេះដឹងបំណិនជីវិតដល់គ្រួសារទទួលផលពីកម្មវិធី​ ដែលមានកសិករចូលរួមសរុបចំនួន៨៤នាក់​ ស្រី​៧១នាក់ ធ្វេីនៅភូមិ​មហាផល​ និងភូមិសេដ្ឋកិច្ច​ ឃុំឈានមុខ​ ស្រុកត្បែងមានជ័យ ខេត្តព្រះវិហារ។
#មន្ទីរកិច្ចការនារីខេត្តព្រះវិហារ

នាព្រឹកថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ លោកស្រី ឈុន សុធារី ប្រធានមន្ទីរកិច្ចការនារីខេត្ត លោកអនុប្រធានមន្ទីរទទួលបន្ទុក ០១រូប និងលោកប្រធានការិយាល័យហិរញ្ញវត្ថុ និងផ្គត់ផ្គង់ បានចូលរួមក្នុងសិក្ខាសាលាតម្រង់ទិសសម្រាប់ការរៀបចំថវិកាឆ្នាំ២០២៧ របស់ក្រសួងកិច្ចការនារីក្រោមអធិបតីភាពដ៏ខ្ពង់ខ្ពស់ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី បានអញ្ជើញជាអធិបតី បើកសិក្ខាសាលាតម្រង់ទិសសម្រាប់ការរៀបចំថវិកាឆ្នាំ២០២៧ របស់ក្រសួងកិច្ចការនារី ក្នុងគោលបំណងកំណត់នូវសូចនាករសមិទ្ធកម្មគន្លឹះ និងគោលដៅតាមឆ្នាំជាក់លាក់ នៅកម្រិតកម្មវិធីនីមួយៗ ក្នុងដំណើរការផ្លាស់ប្តូរឆ្ពោះទៅ «គណនេយ្យភាពសមិទ្ធកម្ម» ដែលជាមូលដ្ឋានសម្រាប់អង្គភាពថវិកា រៀបចំផែនការយុទ្ធសាស្ត្រថវិកា ឆ្នាំ២០២៧-២០២៩ គម្រោងថវិកាឆ្នាំ២០២៧ និងផែនការសមិទ្ធកម្មឆ្នាំ២០២៧ ដែលរៀបចំដោយក្រុមការងារថវិកា នៃក្រសួងកិច្ចការនារី សណ្ឋាគារកាំបូឌីយ៉ាណា រាជធានីភ្នំពេញ។ សិក្ខាសាលានេះ មានការអញ្ជើញចូលរួមពីថ្នាក់ដឹកនាំជារដ្ឋលេខាធិការ អនុរដ្ឋលេខាធិការ អគ្គនាយក អគ្គលេខាធិការនៃ ក.ជ.ក.ស អគ្គនាយករង អគ្គលេខាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ ព្រមទាំងថ្នាក់ដឹកនាំនិងមន្ត្រីជំនាញនៃមន្ទីរកិច្ចការនារីរាជធានី ខេត្តទាំង២៥ និងតំណាងរបស់គណៈកម្មាធិការ ដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ សរុបចំនួន ១៥០នាក់ (ស្រី ១១៥នាក់)។
នាឱកាសនោះ លោកជំទាវកិត្តិបណ្ឌិតរដ្ឋមន្រ្តី បានផ្តល់នូវអនុសាសន៍តម្រង់ទិសមួយចំនួន ជូនថ្នាក់ដឹកនាំ ក្រុមការងារបច្ចេកទេស និងមន្ទីរកិច្ចការនារី រាជធានី ខេត្ត ដូចខាងក្រោម៖
ទី១. កំណត់លើសកម្មភាពអាទិភាព ដោយផ្តោតលើការងារដែលមានលក្ខណៈជាប្រព័ន្ធនិងការពង្រឹងការផ្សារភ្ជាប់គ្នាទៅវិញមក (Think Systemically and Strengthen Vertical Linkages)៖
ទី២. ការរៀបចំ និងធ្វើឱ្យសម្រេច KPIs រួម – ត្រូវពឹងផ្អែកលើសពីប្រភពថវិកាជាតិ – ដោយភ្ជាប់ជាមួយប្រភពផ្សេងៗទៀត (Strengthen Our KPIs through Additional Resource Linkages)

ទី៣. ការពង្រឹងការផ្សព្វផ្សាយនិងការបង្ហាញសមិទ្ធផលដល់សាធារណៈជន(Communication and Public Visibility) តាមរយៈបញ្ចូលរួមគ្នា នៅក្នុងកម្មវិធី ពុកម៉ែល្អ គ្រួសារល្អ កូនល្អ» ដែលជាកម្មវិធីរួមរបស់ក្រសួង
ទី៤. សូមថ្នាក់ដឹកនាំនិងក្រុមការងារទាំងអស់ បន្តយោគយល់ លើស្ថានភាពសេដ្ឋកិច្ចរបស់កម្ពុជា និងតម្រូវការអាទិភាពរបស់រដ្ឋ សម្រាប់កិច្ចការអាទិភាព ឆ្នាំ២០២៦ និងឆ្នាំ២០២៧
ទី ៥. ពង្រឹងប្រព័ន្ធគ្រប់គ្រងទិន្នន័យការងារផ្អែកលើសមិទ្ធកម្ម

នៅថ្ងៃទី១០ ខែមិថុនា ឆ្នាំ២០២៦ លោកស្រី ផន កែវផុន អនុប្រធានមន្ទីរកិច្ចការនារី បានចូលរួមសិក្ខាសាលាស្តីពីភាពធន់ និងអាកាសធាតុ និងកសិកម្មរួមបញ្ចូលការកំណត់អត្តសញ្ញាណ និងការពង្រឹងភាពជាដៃគូរវាងរដ្ឋ ឯកជននិងសង្គម ( PSPPs) នៃគម្រោង ភាពជាដៃគូរវាងរដ្ឋ ឯកជន និងសហគមន៍ ដើម្បីកសិកម្មមានលក្ខណៈកាតបរិស្ថាន និងជីវភាពប្រជាជនមានភាពធន់ នៅខាងជើងបឹងទន្លេសាប (PEARL) នៅខេត្តព្រះវិហារ ដែលមានការចូលរួមពីមន្ទីរកសិកម្ម មន្ទីរកិច្ចការនារី មន្ទីរបរិស្ថាន លោកអភិបាលស្រុក អភិបាលរងស្រុក មីក្រូហិរញ្ញវត្ថុក្នុងខេត្ត និងសហគមន៍កសិកម្ម និងអង្គការដៃគូ និងវិស័យឯកជនផ្គត់ផ្គង់សម្ភារៈកសិកម្ម នៅសាលប្រជុំផ្ទះសំណាក់ ហែម ភីរឹទ្ធិ ។
#មន្ទីរកិច្ចការនារីខេត្តព្រះវិហារ

ព្រឹកថ្ងៃទី០៨ ខែមិថុនា ឆ្នាំ២០២៦ ប្រធានការិយាល័យស្រ្តី និងសុខភាព និងការអប់រំបានចូលរួមក្នុងកិច្ចប្រជុំជំងឺគ្រុនចាញ់ថ្នាក់ខេត្ត ប្រចាំឆមាសទី១ ឆ្នាំ២០២៦
ក្រោមអធិបតីភាព
-លោកជំទាវ ប៉ាង រ៉ាវី អភិបាលរងខេត្ត និងជាប្រធានក្រុមការងារពិសេសលុបបំបាត់ជំងឺគ្រុនចាញ់ថ្នាក់ខេត្ត
នៅសាលប្រជុំមន្ទីរសុខាភិបាល ដោយមានការចូលរួមពីស្ថាប័នពាក់ព័ន្ធជុំវិញខេត្ត កងកំលាំងទាំង៣ អភិបាលរងក្រុង/ស្រុក ទាំង៨ និងអង្គការដៃគូរអភិវឌ្ឍន៍នានាក្នុងខេត្ត ។

នៅព្រឹកថ្ងៃទី៨ ខែមិថុនា ឆ្នាំ២០២៦ លោកស្រី ឈុន សុធារី ប្រធានមន្ទីរកិច្ចការនារី លោកស្រី ផន កែវផុន អនុប្រធានមន្ទីរកិច្ចការនារី និងមន្ត្រី ១រូបបានចុះគាំទ្រកិច្ចប្រជុំបង្កើតក្រុមការងារឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រ ថ្នាក់ស្រុក (ស្រុកគោលដៅថ្មី ស្រុកត្បែងមានជ័យ) ក្រោមអធិបតីភាព:
១. លោក ឃីន រស្មី អភិបាលស្រុកត្បែងមានជ័យ
២. លោកស្រី ឈុន សុធារី ប្រធានមន្ទីរកិច្ចការនារី នៅសាលប្រជុំការិយាល័យអប់រំស្រុកត្បែងមានជ័យ ។

នៅព្រឹកថ្ងៃទី៥ ខែឧសភា ឆ្នាំ២០២៦ លោកស្រី ផន កែវផុន អនុប្រធានមន្ទីរកិច្ចការនារី បានចូលរួមកិច្ចប្រជុំបូកសរុបលទ្ធផលការងារ ប្រចាំខែឧសភា ឆ្នាំ២០២៦ ក្រុមលេខាធិការដ្ឋាននៃគណ:កម្មកាធិការប្រយុទ្ធប្រឆាំងអំពើជួញដូរមនុស្ស( គ.ខ.ប.ជ ) ក្រោមអធិបតីភាព លោកស្រី ប៉ាង រ៉ាវីអភិបាលរងខេត្ត និងជាប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្ស និងធ្វើអាជីវកម្មផ្លូវភេទ នៅសាលប្រជុំព្រះនិម្មិតអគាររដ្ឋបាលសាលាខេត្ត ជាន់ទី១ ។
#មន្ទីរកិច្ចការនារីខេត្តព្រះវិហារ

ថ្ងៃទី២ដល់ថ្ងៃទី៤​ ខែមិថុនា​ ឆ្នាំ២០២៦ លោក​ ទី​ សាវ៉ន​ ប្រធានការិយាល័យ​ អភិវឌ្ឍន៍សេដ្ឋកិច្ចនៃមន្ទីរកិច្ចការនារីខេត្ត​ បានចូលរួមបេីកវគ្គបណ្តុះបណ្តាលតម្រង់ទិស​ និងមានការចូលរួមសម្របសម្រួលពីមន្ត្រីថ្នាក់ស្រុក និងអ្នកស្ម័គ្រចិត្តឃុំ ស្តីពី ការលេីកកម្ពស់សមភាពយេនឌ័រនៅក្នុងគ្រួសារ​ របស់កម្មវិធីជាតិគាំពារសង្គម ដេីម្បីជម្រុញការចាកចេញពីភាពក្រីក្រ (GBSP) កម្រងទី២​ ក្នុងគោលបំណងលេីកកម្ពស់ចំណេះដឹងបំណិនជីវិតដល់គ្រួសារទទួលផលពីកម្មវិធី​ ដែលមានកសិករចូលរួមសរុបចំនួន៨០នាក់​ ស្រី​៦២នាក់ ធ្វេីនៅភូមិ​សេដ្ឋកិច្ច​ ឃុំឈានមុខ​ និងភូមិស្រែព្រាង ភូមិបុស្សធំ​ ឃុំប្រមេរុ​ ស្រុកត្បែងមានជ័យ ខេត្តព្រះវិហារ។
#មន្ទីរកិច្ចការនារីខេត្តព្រះវិហារ

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦, ប្រធាន និងអនុប្រធានការិយាល័យហិរញ្ញវត្ថុ និងផ្គត់ផ្គង់-ផែនការ និងស្ថិតិនៃមន្ទីរកិច្ចការនារីខេត្តបានចូលរួមក្នុងកិច្ចប្រជុំផ្សព្វផ្សាយ សារាចរលេខ ០៦ សរ ស្ដីពីការរៀបចំផែនការយុទ្ធសាស្រ្តថវិកាឆ្នាំ ២០២៧ -២០២៩ និងការរៀបចំសេចក្តីព្រាងច្បាប់ស្តីពីហិរញ្ញវត្ថុ សម្រាប់ការគ្រប់គ្រង់ឆ្នាំ២០២៧ ក្រោមអធិបតីភាព លោក ម៉ុម សុទ្ធារ៉ា ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោក ហេង ឡុង ប្រធានប្រតិភូតំណាងក្រសួងសេដ្ឋកិច្ច និងហិរញ្ញវត្ថុ លោក ជា សុជាតិ ប្រធានរតនាគារខេត្ត ព្រមទាំងមានការចូលរួមពីសំណាក់ លោក លោកស្រីអនុប្រធានមន្ទីរ ប្រធានការិយាល័យទទួលបន្ទុកហិរញ្ញវត្ថុតាមបណ្ដាមន្ទីរ,ព្រមទាំងមានការចូលរួមដោយ លោកអភិបាល អភិបាលរង ក្រុង ស្រុក មន្រ្តីជំនាញ ក្រុង ស្រុក មន្រ្តីការិយាល័យអប់រំក្រុង ស្រុក ព្រមទាំងមន្រ្តីមន្ទីរជំនាញ អង្គភាពពាក់ព័ន្ធជុំវិញខេត្ត។
#មន្ទីរកិច្ចការនារីខេត្តព្រះវិហារ

ព្រឹកថ្ងៃទី០៣ ខែមិថុនា ឆ្នាំ២០២៦ មន្រ្តី ០១រូប បានចូលរួមកិច្ចប្រជុំពិនិត្យវឌ្ឍនភាពការងារប្រចាំត្រីមាសទី២ ឆ្នាំ២០២៦ និងលើកទិសដៅការងារបន្តរបស់គណ:កម្មាធិការបណ្តុះ បណ្តាលខេត្ត(PTB) ក្រោមអធិបតីភាព លោក យឹម បញ្ញា អភិបាលរងខេត្ត និងមានការអញ្ជើញចូលរួមពីសំណាក់ លោក លោកស្រី ជាអភិបាល អភិបាលរង ក្រុង ស្រុក លោក លោកស្រីជាប្រធាន អនុប្រធាន មន្ទីរ អង្គភាពជុំវិញខេត្ត វិស័យឯកជន និងអ្នកពាក់ព័ន្ធជាច្រើនរូបទៀត នៅសាលប្រជុំអគាររដ្ឋបាលសាលាខេត្តព្រះវិហារ។

#មន្ទីរកិច្ចការនារីខេត្តព្រះវិហារ