Preah Sīhanouk Rāja Buddhist University

កិច្ចប្រជុំស្តីពីការរៀបចំ និងការប្រព្រឹត្តទៅរបស់ដេប៉ាតឺម៉ង់
ចំណុះពុទ្ធិកមហាវិទ្យាល័យនានា និងថា្នក់ក្រោយឧត្តមសិក្សា ក្រោមព្រះអធិបតីភាព ព្រះបាលិកោវិទ បណ្ឌិត ឌិត វីរៈ ព្រះសាកលវិទ្យាធិការរង តំណាងដ៏ខ្ពង់ខ្ពស់ សម្តេចព្រះមហាអរិយវង្ស បណ្ឌិត យ៉ន សេង យៀត ព្រះសាកលវិទ្យាធិការ។
━━━✥◈✥━━━
ថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦

មជ្ឈមណ្ឌលព័ត៌មានវិទ្យា ព.ស.ស SBU IT Center
វគ្គបណ្តុះបណ្តាលជំនាញក្រាហ្វិចឌីហ្សាញ វគ្គ១
—————————
សកម្មភាពសមណនិស្សិត និស្សិត រៀនវគ្គបណ្តុះបណ្តាលជំនាញក្រាហ្វិចឌីហ្សាញ វគ្គ១ (Graphic Design) នៅមជ្ឈមណ្ឌលព័ត៌មានវិទ្យា នៃពុទ្ធិកសាកលវិទ្យាល័យព្រះសីហនុរាជ រាជធានីភ្នំពេញ។
The activities of monks and lay students have focused on studying basic Graphic Design at the IT Center of Preah Sihanouk Raja Buddhist University, Main Campus, Phnom Penh.
━━━✥◈✥━━━━
ថ្ងៃពុធ ១០ កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២៤ ខែមិថុនា ឆ្នាំ២០២៦។

សម្ដេចព្រះមហាអរិយវង្ស បណ្ឌិត យ៉ន សេង យៀត អគ្គលេខាធិការនៃក្រុមប្រឹក្សាអន្តរសាសនាកម្ពុជា និងជាព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហនុរាជ និមន្តថ្លែងសុន្ទរកថា នៅក្នុងមហាសន្និបាតអន្តរសាសនាដើម្បីសន្តិភាពអន្តរជាតិ នៅប្រទេសមឺរុីសឺស ( Mauritius )នៅទ្វីបអាហ្រ្វិក។

ក្នុងឱកាសនោះផងដែរ សម្ដេចព្រះមហាអរិយវង្ស បណ្ឌិត ក៏បាននិមន្តថ្លែង នៅចំណុចសំខាន់ទៅកាន់មហាសន្និបាត "មេដឹកនាំសាសនាទាំងអស់ ត្រូវតែចូលរួមជួយសង្គមមនុស្ស ដែលកំពុងប្រឈមមុខនៃការបែងចែកគ្នា ដោយហេតុផលនានា។ គោលបំណងសំខាន់នៃវត្តមានរបស់សាសនាទាំងអស់ ដែលកំពុងស្ថិតនៅលើភពផែនដីនាពេលនេះ គឺដើម្បីជួយសង្គមមនុស្ស នៅពេលដែលសង្គមមនុស្សជួបនូវសេចក្ដីទុក្ខ គឺសាសនាមិនអាចពួនសំងំនៅក្នុងជម្រកសាសនារបស់ខ្លួន ដោយមិនធ្វើអ្វីនោះឡើយ"។

ក្នុងពិធីនេះ មានអ្នកចូលរួមចំនួន ២០០ នាក់ និងអ្នកតំណាងសាសនាមកពី ៤៥ ប្រទេស ក្រោមអធិបតីភាពឯកឧត្តម Dharam Gokhool ប្រធានាធិបតីនៃសាធារណរដ្ឋមឺរុីសឺស( Mauritius) រៀបចំដោយអង្គការ សាសនាដើម្បីសន្តិភាពអន្តរជាតិ ( Religions for Peace International ) ក្រោមប្រធានបទ៖ 2026 International Council Meeting: Forging Pathways for Shared Flourishing។ អង្គការនេះ មានទីស្នាក់ការនៅបុរីញូយ៉ក សហរដ្ឋអាមេរិច គឺជាអង្គការអន្តរសាសនាធំបំផុតនៅក្នុងពិភពលោក ដែលមានសមាជិក៩០ ប្រទេស ។
.......................
ថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី២៣ ខែមិថុនា ឆ្នាំ២០២៦

កិច្ចប្រជុំត្រៀមលក្ខណៈជំរឿនព្រះមន្ត្រីសង្ឃ មន្ត្រីរាជការ មន្ត្រីជាប់កិច្ចសន្យា នៅពុទ្ធិកសាកលវិទ្យាល័យព្រះសីហនុរាជ ក្រោមព្រះអធិបតីភាព ព្រះសាក្យវង្ស បណ្ឌិត ស៊ីម សារ៉ាន ព្រះសាកលវិទ្យាធិការរង តំណាងដ៏ខ្ពង់ខ្ពស់ សម្តេចព្រះមហាអរិយវង្ស បណ្ឌិត យ៉ន សេង យៀត ព្រះសាកលវិទ្យាធិការ។
━━━✥◈✥━━━
ថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦

បាឋកថា ស្តីពី "ការអប់រំពលរដ្ឋសាកល"
........................
ពុទ្ធិកសាកលវិទ្យាល័យព្រះសីហនុរាជ សូមប្រគេន និងជូនដំណឹង ដល់សមណនិស្សិត និស្សិត និងសាធារណជនឱ្យបានជ្រាបថា នៅថ្ងៃទី២៥ ខែមិថុនា ឆ្នាំ២០២៦ នេះ ថ្នាក់ឆ្នាំសិក្សាមូលដ្ឋាន នឹងរៀបចំធ្វើបាឋកថាប្រចាំឆមាស ដូចខាងក្រោម៖
-ប្រធានបទ៖ "ការអប់រំពលរដ្ឋសាកល"
-វាគ្មិន៖ ព្រះសុមេធវង្ស បណ្ឌិត សុខ ប៊ុនធឿន ប្រធានផ្នែកពុទ្ធិកឧត្តមសិក្សា នៃអគ្គាធិការដ្ឋានពុទ្ធិកសិក្សាជាតិ និងលោកបណ្ឌិត ប្រាក់ សម្ផស្ស សាស្ត្រាចារ្យ ពុទ្ធិកសាកលវិទ្យាល័យព្រះសីហនុរាជ
-កាលបរិច្ឆេទ៖ ថ្ងៃទី២៥ ខែមិថុនា ឆ្នាំ២០២៦ (៧:០០នាទី ដល់ ១០:០០នាទី ព្រឹក)
-ទីកន្លែង៖ សាលសន្និសីទ ពុទ្ធិកសាកលវិទ្យាល័យព្រះសីហនុរាជ
សូមសមណនិស្សិត និស្សិត និងសាធារណជន និមន្ត អញ្ជើញចូលរួមដោយសេរី។
━━━✥◈✥━━━
ថ្ងៃចន្ទ ៨កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២២ ខែមិថុនា ឆ្នាំ២០២៦

សម្តេចព្រះមហាអរិយវង្ស បណ្ឌិត យ៉ន សេង យៀត ព្រះសាកលវិទ្យាធិការ និងជាអគ្គលេខាធិការ ក្រុមប្រឹក្សាអន្តរសាសនាកម្ពុជា និមន្តចូលរួមជាវាគ្មិនក្នុងកិច្ចប្រជុំក្រុមប្រឹក្សាសាសនាអន្តរជាតិ២០២៦ នៅប្រទេស Mauritius, ទ្វីបអាហ្វ្រិច ដែលសហការរៀបចំដោយសាសនាដើម្បីសន្តិភាពអន្តរជាតិ។

His Eminence, Dr. Yon Seng Yeath, SBU's rector and CIC's Secretary General joins the 2026 International Council Meeting in Mauritius, Aftica. This year's Theme is Forging pathway for Shared Sacred Flourishing "Stories from the field" co-organized by Region for Peace International.

នៅថ្ងៃសៅរ៍ ទី​២០ ខែមិថុនា ឆ្នាំ២០២៦ ផ្នែកក្រោយឧត្តមសិក្សា នៃពុទ្ធិកសាកលវិទ្យាល័យព្រះសីហនុរាជ សហការជាមួយមូលនិធិអាល្លឺម៉ង់ GIZ SAUP បានរៀបចំសិក្ខាសាលាផ្សព្វផ្សាយលទ្ធផលគម្រោងស្រាវជ្រាវស្ដីពី៖ «ពុទ្ធសាសនា សន្តិភាព និងសង្គមកម្ពុជា» របស់សិក្ខាកាមចំនួន ១២ រូប លើប្រធានបទស្រាវជ្រាវចំនួន ១១ ដែលរៀបចំឡើងក្រោមមូលបទសំខាន់ៗចំនួន ៣ ដូចខាងក្រោម៖
១. ការកសាងសន្តិភាព និងការលើកកម្ពស់សមភាពយេនឌ័រ៖ បទពិសោធន៍របស់ស្ត្រីអ្នកប្រតិបត្តិពុទ្ធសាសនា
សម្របសម្រួលកិច្ចពិភាក្សាដោយ តេជគុណបណ្ឌិត សាន ពិសិទ្ធិ
២. សំឡេងនៃសន្តិភាព៖ បទពិសោធន៍ជីវិតរបស់ព្រះសង្ឃ និងពុទ្ធបរិស័ទ
សម្របសម្រួលកិច្ចពិភាក្សាដោយ លោកស្រីបណ្ឌិត ឌួង សុខឿន
៣. ទំនាក់ទំនងរវាងព្រះធម៌ និងសហគមន៍រស់នៅ
សម្របសម្រួលកិច្ចពិភាក្សាដោយ សាស្ត្រាចារ្យបណ្ឌិត ឆែម គាតរិទ្ធី ។

ពិធីបើកសិក្ខាសាលាផ្សព្វផ្សាយលទ្ធផលស្រាវជ្រាវស្តីពី “ពុទ្ធសាសនា សន្តិភាព និងសង្គមកម្ពុជា” សហការរៀបចំដោយពុទ្ធិកសាកលវិទ្យាល័យព្រះសីហនុរាជ និងអង្គការ GIZ-SAUP ។
━━━✥◈✥━━━
ថ្ងៃសៅរ៍ ៦ កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២០ ខែមិថុនា ឆ្នាំ២០២៦។

ពុទ្ធិកសាកលវិទ្យាល័យព្រះសីហនុរាជ សូមថ្លែងអំណរគុណដ៏ជ្រាលជ្រៅ ចំពោះលោកសាស្ត្រាចារ្យ បណ្ឌិត Philip K. Abbott ដែលបានជូនសៀវភៅចងក្រងដោយផ្ទាល់ The Journey of Curious Philip Ajere Labier inspired by the Noble Eightfold Path ដើម្បីដំកល់ទុកក្នុងបណ្ណាល័យសម្រាប់ការសិក្សាស្រាវជ្រាវបន្ថែមរបស់សមណនិស្សិត និស្សិត។
━━━✥◈✥━━━
ថ្ងៃសុក្រ ៥ កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១៩ ខែមិថុនា ឆ្នាំ២០២៦។

សូមចម្រើនពរថ្វាយ
សម្តេចព្រះមហាក្សត្រី នរោត្តម មុនិនាថ សីហនុ
ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល
ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មវស្សារបស់ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីស្រឡាញ់ដ៏ជ្រាលជ្រៅបំផុត គម្រប់ ៩០ព្រះវស្សា យាងចូល ៩១ព្រះវស្សា ដែលនឹងប្រព្រឹត្តទៅនៅថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦ ខាងមុខនេះ
........................
ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី១៨ ខែមិថុនា ឆ្នាំ២០២៦