ក្រុមការងារអភិវឌ្ឍយុវជនខេត្តព្រៃវែង

ព្រឹត្តិការណ៍ប្រកួតកីឡាបាល់ទាត់មហាជនដ៏ធំប្រចាំខេត្ត ដណ្តើមពានរង្វាន់របស់ ឯកឧត្តមអភិបណ្ឌិត ស សុខា ប្រចាំឆ្នាំ២០២៦ នឹងត្រូវប្រកួតផ្ដាច់ព្រ័ត្រនៅថ្ងៃទី៣ខែមិថុនា ឆ្នាំ២០២៦ នេះហើយ ដើម្បីញ៉ាំងឱ្យបរិយាកាសកីឡានៅក្នុងខេត្តកាន់តែមានភាពរស់រវើក និងបង្កើតសាមគ្គីភាពក្នុងស្រទាប់យុវវ័យ។

ការប្រកួតនេះ រៀបចំដោយក្រុមការងារអភិវឌ្ឍយុវជនខេត្តព្រៃវែង ចាប់ពីវេលាម៉ោង ១:០០ រសៀលតទៅ នៅក្នុងកីឡដ្ឋាននៃមន្ទីរអប់រំ យុវជន និងកីឡាខេត្តព្រៃវែង ដោយមានការចូលរួមពីតារាចម្រៀង កញ្ញា យូរី ផងដែរ។

ត្រៀមខ្លួនហើយឬនៅ? ការប្រកួតបាល់ទាត់មហាជនដណ្តើមពានរង្វាន់ដ៏អស្ចារ្យប្រចាំឆ្នាំមកដល់ហើយ!

សូមចូលរួមទស្សនា និងគាំទ្រឱ្យបានច្រើនកុះករនូវព្រឹត្តិការណ៍ប្រកួតបាល់ទាត់មហាជនដណ្តើមពានរង្វាន់ ឯកឧត្តមអភិសន្តិបណ្ឌិត ស សុខា ឆ្នាំ២០២៦ ដែលនឹងប្រព្រឹត្តទៅនៅថ្ងៃទី ៣ ខែមិថុនា ចាប់ពីម៉ោង ១ រសៀលតទៅ នៅកីឡដ្ឋាននៃមន្ទីរអប់រំ យុវជន និងកីឡាខេត្តព្រៃវែង។

ព្រឹត្តិការណ៍នេះ រៀបចំឡើងដោយក្រុមការងារអភិវឌ្ឍយុវជនខេត្តព្រៃវែង ដើម្បីបង្កើនភាពសប្បាយរីករាយ និងជំរុញស្មារតីកីឡាដល់មហាជនគ្រប់ស្រទាប់វណ្ណៈ។ អ្វីដែលកាន់តែពិសេសនោះ បងប្អូននឹងបានរីករាយជាមួយកម្មវិធីប្រគំតន្ត្រីដែលមានការចូលរួមសម្តែងរបស់តារាចម្រៀងល្បីៗ រួមមាន តារាចម្រៀង យូរី-Yuri លោក លី សៀវម៉េង និងកញ្ញា យ៉េន កញ្ញា ដែលនឹងមកអង្រួនវេទិកាឱ្យកាន់តែមានភាពអធិកអធម។

សូមកុំភ្លេចមកចូលរួមលើកទឹកចិត្តកីឡាករដែលអ្នកស្រឡាញ់ និងរាំលេងកម្សាន្តជាមួយតារាក្នុងដួងចិត្តទាំងអស់គ្នា! ចូលទស្សនាដោយសេរី! ជួបគ្នានៅកីឡដ្ឋានខេត្តព្រៃវែង។

សិក្ខាសាលាតម្រង់ទិសសិស្សថ្នាក់ទី១២ ចំនួន ៦៥៥នាក់ នៅវិទ្យាល័យសម្តេចតេជោ ហ៊ុន សែន ពារាំង និងវិទ្យាល័យ ហ៊ុន សែន ពោធិ៍រៀង

ក្រោមការឧបត្ថម្ភដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសក្រុមការងារអភិវឌ្ឍយុវជនខេត្តព្រៃវែង និងលោកជំទាវ កែ សួនសុភី ស សុខា ដែលរៀបចំដោយក្រុមការងារអភិវឌ្ឍយុវជនខេត្តព្រៃវែង

នៅព្រឹកថ្ងៃសៅរ៍ ទី២៣ ខែឧសភា ឆ្នាំ២០២៦ នេះ ឯកឧត្តមបណ្ឌិត ទូច វណ្ណៈ អនុប្រធានក្រុមការងារអភិវឌ្ឍយុវជនខេត្តព្រៃវែង ជាតំណាងឯកឧត្តមបណ្ឌិត ងិន បាណាល់ ប្រធានក្រុមការងារអភិវឌ្ឍយុវជនខេត្តព្រៃវែង បានអញ្ជើញដឹកនាំក្រុមការងារ ចុះធ្វើសិក្ខាសាលាស្តីពី “ការកំណត់គោលដៅជីវិត ការជ្រើសរើសជំនាញថ្នាក់ឧត្តមសិក្សា និងការត្រៀមចាប់យកទីផ្សារការងារក្នុងស្រុកនិងអាស៊ាន” ដល់សិស្សថ្នាក់ទី១២ ចំនួន ៦៥៥នាក់ នៅវិទ្យាល័យសម្តេចតេជោ ហ៊ុន សែន ពារាំង និងវិទ្យាល័យ ហ៊ុន សែន ពោធិ៍រៀង
ក្នុងស្រុកពារាំង ខេត្តព្រៃវែង។

សកម្មភាពបង្រៀនវគ្គបណ្តុះបណ្តាលភាសាអង់គ្លេស ចិន វគ្គសិក្សាថ្មីសប្តាហ៍ទី៣ ខែឧសភា ឆ្នាំ២០២៦ របស់ការិយាល័យអភិវឌ្ឍធនធានយុវជន និងឌីជីថល នៅមន្ទីរគណបក្សប្រជាជនកម្ពុជា ខេត្តព្រៃវែង

លោក សុន សុគុណ អនុប្រធានប្រចាំការ តំណាង លោក កន សំអាត ប្រធានក្រុមការងារអភិវឌ្ឍយុវជនស្រុកពាមជរ បានដឹកក្រុមការងារចូលរួមជាមួយក្រុមការងាររដ្ឋបាលឃុំកោះសំពៅ ដាំកូនឈើចំនួន ៤០០០ដើម នៅលើកោះសំពៅ ស្ថិតនៅភូមិអំពៅព្រៃ ឃុំកោះសំពៅ ស្រុកពាមជរ នាថ្ងៃទី18 ខែឧសភា ឆ្នាំ2026។

នាព្រឹកថ្ងៃទី១៧ ខែ ឧសភា ឆ្នាំ២០២៦ លោក វ៉ន មុនីវិន័យ អនុប្រធានប្រចាំការ តំណាងលោកស្រី ញ៉ន សុផានី ប្រធានក្រុមការងារអភិវឌ្ឍយុវជនស្រុកពាមរក៍ រួមនិងលោក លោកស្រី សមាជិក សមាជិកា បានចុះសួរសុខទុក្ខ នាំយកគ្រឿងឧបភោគបរិភោគ និងថវិកាមួយចំនួន ដែលជាអំណោយរបស់ ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ផ្តល់ជូនគ្រួសារចាស់ជរា គ្រួសារពិការ គ្រួសារក្រីក្រ និងចូលរួមបុណ្យសព សរុបចំនួន៥គ្រួសារ នៅភូមិចាក់ខ្លាញ់ ឃុំពាមរក៍ ស្រុកពាមរក៍ ខេត្តព្រៃវែង ។

នៅរសៀលថ្ងៃទី16 ខែឧសភា ឆ្នាំ2026 លោកស្រី ហែម យ៉ា និងលោក យ៉េត យ៉ន អនុប្រធានក្រុមការងារអភិវឌ្ឍយុវជនស្រុកបាភ្នំ បានដឹកនាំក្រុមការងារនាំយកបច្ច័យមួយចំនួនចូលរួមបុណ្យផ្ការស្មីសាមគ្គីវិទ្យាល័យបាភ្នំ។

រូបភាពសកម្មភាពបង្រៀនវគ្គបណ្តុះបណ្តាលភាសាអង់គ្លេស Elementary និង Pre-Intermediate សប្តាហ៏ទី២ ខែឧសភា ឆ្នាំ២០២៦ នៅស្នាក់ការគណបក្សស្រុកបាភ្នំ ស្នាក់ការគណបក្សឃុំឈើកាច់ ស្នាក់ការគណបក្សឃុំរក្សជ័យ ស្នាក់ការគណបក្សឃុំបឹងព្រះ។

សារថ្វាយព្រះពរពិធីបុណ្យចម្រើនព្រះជន្មវស្សា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា
---------------------
បពិត្រ ព្រះករុណាជាអម្ចាស់ជីវិតលើត្បូង ជាទីគោរពសក្ការដ៏ខ្ពង់ខ្ពស់បំផុត!
ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មវស្សាគម្រប់ ៧៣ព្រះវស្សា យាងចូល ៧៤ព្រះវស្សា ព្រះករុណាជាអម្ចាស់ជីវិតលើត្បូងជាទីគោរពសក្ការដ៏ខ្ពង់ខ្ពស់បំផុត នាថ្ងៃទី១៤ ខែឧសភា ឆ្នាំ២០២៦ ទូលព្រះបង្គំយើងខ្ញុំជាថ្នាក់ដឹកនាំ និងសមាជិកសមាជិកានៃក្រុមការងារអភិវឌ្ឍយុវជនខេត្តព្រៃវែង សូមព្រះបរមរាជានុញ្ញាតលំឱនកាយបួងសួងដល់គុណបុណ្យព្រះរតនត្រ័យ ទេវតារក្សាព្រះមហាស្វេតច្ឆត្រ ព្រមទាំងព្រះរាជតេជបារមីនៃអតីតព្រះមហាក្សត្រខ្មែរគ្រប់ព្រះអង្គ ជាពិសេសព្រះវិញ្ញាណក្ខន្ធ ព្រះបរមរតនកោដ្ឋ សូមព្រះអង្គតាមជួយបីបាច់ថែរក្សាអភិបាលប្រោះព្រំនូវព្រះរាជសព្ទសាធុការពរ ថ្វាយព្រះករុណាជាអម្ចាស់ជីវិតលើត្បូង ជាទីគោរពសក្ការដ៏ខ្ពង់ខ្ពស់បំផុត សូមទ្រង់មានព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺនយូរជាងរយព្រះវស្សា និងសមប្រកបដោយព្រះពុទ្ធពរ ទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ។

លោក ពាន មិនា អនុប្រធានប្រចាំការតំណាងលោក ជា វណ្ណធឿន ប្រធាន​ក្រុម​ការងារអភិវឌ្ឍយុវជនស្រុកកំចាយមារ បានដឹកនាំលោក លោកស្រី ក្រុមការងារចុះប្រគល់និងដំឡើងសូឡាជូនប្រជាពលរដ្ឋក្រីក្រដែលមិនមានបណ្ដាញអគ្គិសនីចូលដល់ចំនួន ៣គ្រួសារ នៅភូមិជោរ៍២ ឃុំក្រញូង ចំនួន ៣គ្រឿងដែលជាអំណោយដ៏ថ្លៃថ្លារបស់ ឯកឧត្តមបណ្ឌិត ងិន បាណាល់ ប្រធានក្រុមការងារអភិវឌ្ឍយុវជនខេត្តព្រៃវែង ។

ថ្ងៃទី09 ខែឧសភា ឆ្នាំ2026