រដ្ឋបាលស្រុកកំពង់ត្របែក ខេត្ដព្រៃវែង

ព្រឹកថ្ងៃអង្គារ ២រោច ខែជេស្ឋ​ ឆ្នាំមមី អដ្ឋស័ក ព.ស.២៥៦៧០ ត្រូវនឹងថ្ងៃទី២ ខែមិថុនា ឆ្នាំ២០២៦

លោក ភុន សម្ផស្ស អភិបាលស្រុក​ និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកំពង់ត្របែក បានអញ្ជើញចូលរួមប្រគល់អំណោយមនុស្សធម៌ដល់គ្រួសាររងគ្រោះដោយសារខ្យល់កន្រ្តាក់ចំនួន៧១គ្រួសារ ក្រោមអធិបតីភាពដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលខេត្ត និងជាប្រធានគណៈកម្មាធិការសាខាខេត្ត អមដំណើរដោយ ក្រុមប្រតិបត្តិសាខា ក្រុមការងារអនុសាខាស្រុក បុគ្គលិកកិច្ចសន្យា អ្នកស្ម័គ្រចិត្ត ទីប្រឹក្សាយុវជន និងយុវជនកាកបាទក្រហមកម្ពុជា និងមានការអញ្ជើញចូលរួមពីឯកឧត្តមប្រធានលេខាធិការដ្ឋានគណៈកម្មការគ្រប់គ្រងគ្រោះមហន្តរាយខេត្ត និងមន្ទីរ អង្គភាពជុំវិញខេត្ត ។
បន្ទាប់ពីសួរសុខទុក្ខរួច ឯកឧត្តមប្រធាន ក៏បាននាំយកអំណោយមនុស្សធម៌ផ្តល់ជូនដល់គ្រួសាររងគ្រោះដោយសារខ្យល់កន្ត្រាក់បាក់រលំផ្ទះ ចំនួន ៧១ខ្នង ស្មើនឹង ៧៣គ្រួសារ ក្នុងនោះរងគ្រោះខូចខាតទាំងស្រុងចំនួន ១៤គ្រួសារ (ប្រភេទ ក) និងខូចខាតមធ្យមចំនួន ៥៧គ្រួសារ (ប្រភេទ ខ) និងរបួសស្រាល ២នាក់ ក្នុងស្រុកកំពង់ត្របែក នៅឃុំចំនួន ៥ ស្មើនឹង ១៥ភូមិ កាលពីថ្ងៃទី២៩ ខែឧសភា ឆ្នាំ២០២៦ ដោយក្នុងមួយគ្រួសារទទួលបាន៖
-រងគ្រោះធ្ងន់ធ្ងរ (ប្រភេទ ក)៖ អង្ករ ២៥គ.ក តង់ ១ មី ១កេស ត្រី ខ ១យួរ ឃីត ១កញ្ចប់ (មុង ភួយ ក្រមា សារ៉ុង) និងថវិកាចំនួន ២០០,០០០រៀល។
-រងគ្រោះមធ្យម (ប្រភេទ ខ)៖ អង្ករ ២៥គ.ក មី ១កេស ត្រី ខ ១យួរ ឃីត ១កញ្ចប់ (មុង ភួយ ក្រមា សារ៉ុង) និងថវិកាចំនួន ១០០,០០០រៀល។
-របួសស្រាល ២នាក់ ក្នុងម្នាក់ទទួលថវិកាចំនួន ២០០,០០០រៀល។
ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត និងលោកជំទាវ បានឧបត្ថម្ថថវិកាផ្ទាល់ខ្លួន ដល់គ្រួសាររងគ្រោះធ្ងន់ធ្ងរ ១គ្រួសារ ថវិកាចំនួន ១០០,០០០រៀល និងគ្រួសាររងគ្រោះមធ្យម ១គ្រួសារ ថវិកាចំនួន ៥០,០០០រៀល។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

កិច្ចប្រជុំសាមញ្ញលើកទី២៤ អាណត្តិទី៤ របស់ក្រុមប្រឹក្សាស្រុកកំពង់ត្របែក

នាព្រឹកថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ រដ្ឋបាលស្រុកកំពង់ត្របែកបានរៀបចំកិច្ចប្រជុំសាមញ្ញលើកទី២៤ អាណត្តិទី៤ របស់ក្រុមប្រឹក្សាស្រុកកំពង់ត្របែក ក្រោមអធិបតីភាព លោក ប៉ិល ឆន ប្រធានក្រុមប្រឹក្សាស្រុក និងលោក ស្រី ឈុនលី អភិបាលរងស្រុក តំណាងលោក ភុន សម្ផស្ស អភិបាល នៃគណៈអភិបាលស្រុក។

សមាសភាពចូលរួមកិច្ចប្រជុំរួមមាន៖ លោក លោកស្រីអភិបាលរងស្រុក លោកនាយករដ្ឋបាល លោក​ លោកស្រី នាយករងរដ្ឋបាល លោកអធិការ មេបញ្ជការកងកម្លាំងទាំង៣ ប្រធានការិយាល័យ អង្គភាពទាំង១៣ ប្រធានការិយាល័យប្រជាពលរដ្ឋ​ ប្រធានការិយាល័យសុខាភិបាលស្រុកប្រតិបត្តិ ប្រធានមន្ទីរពេទ្យបង្អែក។

របៀបវារៈសំខាន់ៗ នៃកិច្ចប្រជុំសាមញ្ញាលើកទី២៤ មានដូចខាងក្រោម៖
១- ការពិនិត្យ ពិភាក្សា និងអនុម័តលើសេចក្តីព្រាង របៀបវារៈនៃកិច្ចប្រជុំសាមញ្ញលើកទី២៤ អាណត្តិទី៤ របស់ ក្រុមប្រឹក្សាស្រុក។
២- ការពិនិត្យ ពិភាក្សា និងអនុម័តលើសេចក្តីព្រាង កំណត់ហេតុនៃកិច្ចប្រជុំសាមញ្ញលើកទី២៣ អាណត្តិទី៤ របស់ក្រុមប្រឹក្សាស្រុក។
៣- ការពិនិត្យ ពិភាក្សា និងអនុម័តលើសេចក្តីព្រាង របាយការណ៍លទ្ធផលការងារប្រចាំ ខែឧសភា ឆ្នាំ២០២៦ របស់រដ្ឋបាលស្រុក និងផែនការអនុវត្តបន្ត។

៤- ផ្សេងៗ
- ផ្សព្វផ្សាយប្រកាសអន្ដរក្រសួង លេខ៣៤៣ សហវ.ប្រក អទច ស្ដីពីការផ្ដល់សេវារដ្ឋបាលរបស់រដ្ឋបាលក្រុង ស្រុក ខណ្ឌ
- ផ្សព្វផ្សាយប្រកាសអន្ដរក្រសួង លេខ៣៤៣ សហវ ស្ដីពីការបែងចែកចំណូលពីការផ្ដល់សេវារបស់រដ្ឋបាលក្រុង ស្រុក ខណ្ឌ
- អានដីការស្ដីពីការតែងតាំង និងផ្ទេរភារកិច្ចជូនមន្ដ្រីរាជការនៃរដ្ឋបាលស្រុកកំពង់ត្របែកចំនួន០២រូប
- ជារបាយការណ៍បូកសរុប ស្ដីពីសកម្មភាពសជិកក្រុមប្រឹក្សា ជាតំណាងអង្គក្រុមប្រឹក្សាស្រុក ទៅចូលរួមក្នុងកិច្ចប្រជុំសាមញ្ញក្រុមប្រឹក្សាឃុំ
-មតិលោកអភិបាលរងស្រុក ពាក់ព័ន្ធលទ្ធផលការងារ និងផែនការអនុវត្តបន្ត។
-មតិបូកសរុប និងបិទអង្គប្រជុំដោយលោកប្រធានអង្គប្រជុំ។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

នារសៀលថ្ងៃទី២៩ ខែឧសភា ឆ្នាំ២០២៦

ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់ត្របែក អមដំណើរដោយ ឯកឧត្តម លោកជំទាវថ្នាក់ដឹកនាំក្រុមការងារស្រុក លោកអភិបាលស្រុក បានអញ្ជើចុះសួរសុខទុក្ខ និងនាំយកថវិការំលែកទុក្ខគ្រួសារសពទាំង៥គ្រួសារ ដែលបានជួបគ្រោះថ្នាក់ចរាចរណ៍កាលពីថ្ងៃទី២៣ ខែឧសភា​ ឆ្នាំ២០២៦ កន្លងទៅ។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

កិច្ចប្រជុំគណៈបញ្ជាការឯកភាពរដ្ឋបាលស្រុកកំពង់ត្របែក

ព្រឹកថ្ងៃពុធ ១១កើត​ ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៧​ ខែឧសភា​ ឆ្នាំ២០២៦

លោក ភុន សម្ផស្ស អភិបាល នៃគណៈអភិបាលស្រុក និងជាប្រធានគណៈបញ្ជការឯកភាពរដ្ឋបាលស្រុកកំពង់ត្របែក បានអញ្ជើញជាអធិបតីក្នុងកិច្ចប្រជុំគណៈបញ្ជការឯកភាព ប្រចាំខែឧសភា ឆ្នាំ២០២៦ ដែលមានរបៀបវារៈសំខាន់ៗដូចខាងក្រោម៖
១-មតិចូលរួម បញ្ហាប្រឈម សំណើ សំណូមពរ របស់ការិយាល័យអង្គភាព
២-បទអន្តរាគមន៍ការងារសន្ដិសុខដោយលោកអធិការនគរបាលស្រុក
៣-មតិចូលរួមរបស់ លោក លោកស្រី អភិបាលរងស្រុក
៤-ប្រសាសន៍បូកសរុបលទ្ធផលកិច្ចប្រជុំ និងដាក់ផែនការអនុវត្តបន្ត ដោយលោកអភិបាលស្រុក

សមាសភាពចូលរួមកិច្ចប្រជុំគណៈបញ្ជការឯកភាពរួមមាន៖ លោក លោកស្រី អភិបាលរងស្រុក លោកនាយក នាយករងរដ្ឋបាលសាលាស្រុក អធិការ មេបញ្ជការ កងកម្លាំងទាំង៣ ប្រធានការិយាល័យ អង្គភាពទាំង១៣ នៃរដ្ឋបាលស្រុក ប្រធានការិយាល័យ អង្គភាពជុំវិញស្រុក មេឃុំ ស្មៀន នាយកវិទ្យាល័យ អនុវិទ្យាល័យ ប្រធានកម្រងបឋមសិក្សា នាយប៉ុស្ដិ៍នគរបាល ប្រធានមណ្ឌលសុខភាព និងមន្រ្តីកសិកម្មឃុំ សរុបចំនួន ១២៣នាក់។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

នារសៀលថ្ងៃទី២៥ ខែឧសភា ឆ្នាំ២០២៦

លោក ភុន សម្ផស្ស អភិបាល នៃគណៈអភិបាលស្រុកកំពង់ត្របែក បាននាំយកថវិកា ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ជូនគ្រួសារសពដែល​ជួប​គ្រោះថ្នាក់​ចរាចរណ៍បាត់បង់ជីវិត​ ៥នាក់​​​ ស្ថិតក្នុងឃុំព្រៃពោន​ ស្រុកកំពង់ត្របែក​ ក្នុងមួយសព​ ថវិកា​ ១​ ០០០​ ០០០ រៀល​ ។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

ថ្ងៃអាទិត្យ ៨កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែឧសភា ឆ្នាំ២០២៦

ឯកឧត្ដម ហ៊ី ធួក អភិបាលរងខេត្ដ តំណាង ឯកឧត្ដម សួន សុម៉ាលីន អភិបាល នៃគណៈអភិបាលខេត្ដ លោក​ ភុន​ សម្ផស្ស​ អភិបាល​ នៃគណៈអភិបាលស្រុក​ អញ្ជើញអមដំណើរគណៈប្រតិភូកាកបាទក្រហម កម្ពុជា ដែលដឹកនាំដោយ ឯកឧត្តម យូ ឡាណា អគ្គលេខាធិការរងទី២ តំណាងដ៏ខ្ពង់ខ្ពស់ សម្ដេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា អញ្ជើញចុះសួរសុខទុក្ខ និងចូលរួមរំលែកទុក្ខយ៉ាងជ្រាលជ្រៅបំផុតជាមួយក្រុមគ្រួសារសពទាំង ៥នាក់ ដែលរស់នៅក្នុងភូមិព្រៃក្រាំង ឃុំ ព្រៃពោន ស្រុកកំពង់ត្របែក​ ដើម្បីជួយសម្រាលបន្ទុកក្នុងគ្រួសារ កាកបាទក្រហមកម្ពុជាបានឧបត្ថម្ភក្នុងមួយសពថវិកាចំនួន ៤ ​០០០​ ០០០រៀល អង្ករ ១០០គីឡូ មី ៥កេស ទឹកក្រូច ៥កេស ត្រីខ ៥ យួរ ។ ឆ្លៀតក្នុងឱកាសនេះផងដែរ​ គណៈប្រតិភូ​ បានអញ្ជើញបន្ដ​ចុះសួសុខទុក្ខកម្មករ កម្មការនីដែលរងគ្រោះថ្នាក់ចរាចរណ៍កាលពីថ្ងៃទី២៣ ខែឧសភា ឆ្នាំ២០២៦ កំពុងសម្រាកព្យាបាលនៅមន្ទីរពេទ្យខេត្តស្វាយរៀង ចំនួន៣៩ នាក់ និងបាននាំយកនូវថវិកាកាកបាទក្រមកម្ពុជាឧបត្ថម្ភ ជូនកម្មករ កម្មការិនីផងដែរ។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

នាសៀលថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦

លោក ភុន សម្ផស្ស អភិបាល នៃគណៈអភិបាលស្រុកកំពង់ត្របែក បានអញ្ជើញអមដំណើរ ឯកឧត្តម ហ៊ី ធួក អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាល នៃគណៈ អភិបាលខេត្តព្រៃវែង ដោយបានការអញ្ជើញចូលរួមពី ប្រធានមន្ទីរ អង្គភាពជុំវិញខេត្ត លោកអភិបាលរងស្រុក នាយក នាយករងរដ្ឋបាលសាលាស្រុក អធិការ មេ បញ្ជាការកម្លាំងទាំង៣ ប្រធានការិយាល័យ អង្គភាពជុំវិញស្រុក មេឃុំ ក្រុមប្រឹក្សាឃុំ ថ្នាក់ដឹកនាំភូមិ បានអញ្ជើញចូលរួមរំលែកទុក្ខគ្រួសារសពកម្មករនិយោជិត​ នៅភូមិព្រៃក្រាំង​ ឃុំព្រៃពោន ដែលជួបឧបទ្ទវហេតុគ្រោះថ្នាក់ចរាចរណ៍ ស្ថិតនៅ ក្នុងក្រុងស្វាយរៀង ចំនួន ៥នាក់ ស្រី ២នាក់ ស្មើនឹង ៣គ្រួសារ និងបាននាំយកថវិការបស់ ឯកឧត្តមអភិបាលខេត្ត និងលោកជំទាវ ចូលរួមរំលែកទុក្ខ ក្នុងមួយសពថវិកា ១ ០០០ ០០០រៀល។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

រសៀលថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦

លោក ភុន សម្ផស្ស អភិបាល នៃគណៈអភិបាលស្រុក បានអញ្ជើញជាអធិបតីក្នុងកិច្ចប្រជុំ ស្ដីពី ការរៀបចំយុទ្ធនាការ "១ម៉ឺនរៀល ១នាក់" ក្នុងស្រុកកំពង់ត្របែក ដើម្បីឧបត្ថម្ភទ្រទ្រង់ដល់មូលនិធិគន្ធបុប្ផា ដែលកិច្ចប្រជុំនេះបានការអញ្ជើញចូលរួមពី លោកប្រធានការិយាល័យអប់រំ យុវជន និងកីឡា និងលោក លោកស្រីមេឃុំទាំង១៣ សរុបចំនួន១៥នាក់។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

រសៀលថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦

លោក ភុន សម្ផស្ស អភិបាល នៃគណៈអភិបាលស្រុក បានអញ្ជើញជាអធិបតីក្នុងកិច្ចប្រជុំ ស្ដីពី ការពង្រឹងវិស័យសុខាភិបាលឯកជនក្នុងស្រុកកំពង់ត្របែក ដែលកិច្ចប្រជុំនេះបានការអញ្ជើញចូលរួមពី លោកអភិបាលរងស្រុក លោកប្រធានការិយាល័យសុខាភិបាលស្រុកប្រតិបត្តិ និងគ្រូពេទ្យប្រកបរបរវិស័យសុខាភិបាលឯកជនទូទាំងស្រុកកំពង់ត្របែក សរុបចំនួន ១៣៧នាក់។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall

ព្រឹកព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦

លោក មឿន សាម៉ូន អភិបាលរងស្រុក តំណាងលោក ភុន សម្ផស្ស អភិបាល នៃគណៈអភិបាលស្រុក បានអញ្ជើញដឹកនាំកិច្ចប្រជុំ ស្ដីពី ការចុះហត្ថលេខាលើកិច្ចសន្យាប្រមូលសម្រាម រវាងរដ្ឋបាលឃុំទាំង១៣ និងក្រុមហ៊ុនប្រមូលសម្រាម។

កិច្ចប្រជុំនេះបានការអញ្ជើញចូលរួមពី តំណាងរតនាគារខេត្តព្រៃវែង ប្រធានការិយាល័យកសិកម្ម ធនធានធម្មជាតិ និងបរិស្ថាន មេឃុំ ស្មៀន ជំនួយការហិរញ្ញវត្ថុ និងតំណាងក្រុមហ៊ុនប្រមូលសម្រាម សរុបចំនួន ៤៦នាក់។

🌐|Facebook https://www.facebook.com/share/169kKQJZCs/
🌐|Telegram https://t.me/ktbdistricthall