ស្នងការដ្ឋាននគរបាលខេត្តព្រៃវែង

កម្លាំងនគរបាល នៃស្នងការដ្ឋាននគរបាលខេត្ដព្រៃវែង អនុវត្តភារកិច្ចស្នូលប្រចាំថ្ងៃ

ព្រៃវែង ៖ ដោយអនុវត្តនូវបទបញ្ជាដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង កម្លាំងនគរបាល ចំណុះស្នងការដ្ឋាននគរបាលខេត្តព្រៃវែង បានអនុវត្តភារកិច្ចស្នូលប្រចាំថ្ងៃមានដូចខាងក្រោម ៖ ផ្សព្វផ្សាយគោលនយោបាយភូមិ ឃុំសុវត្ថិភាពដល់ប្រជាពលរដ្ធ ធ្វើវេទិកាសាធារណៈក្នុងឃុំ-សង្កាត់ ចុះល្បាតសួរសុខទុក្ខប្រជាពលរដ្ធតាមខ្នងផ្ទះ ចុះធ្វើការងារនគរបាលសហគមន៍ក្នុងមូលដ្ឋាន និងបានផ្តល់សេវាអត្តសញ្ញាណកម្មដល់ប្រជាពលរដ្ឋ ផ្តល់សៀវភៅស្នាក់នៅ(ក២) (ក៤)និងធ្វើសៀវភៅគ្រួសារថ្មីផងដែរ ។

ក្នុងនោះផងដែរ កម្លាំងនគរបាលតាមបណ្ដាអធិការដ្ឋាននគរបាលក្រុង-ស្រុក ទាំង១៣ក៏បានជួយសម្រួលសណ្ដាប់ធ្នាប់ និងចរាចរណ៍ជូនដល់ប្រជាពលរដ្ធ និងសិស្សានុសិស្ស ជាច្រើនលើកផងដែរ ៕

ស្នងការដ្ឋាននគរបាលខេត្តព្រៃវែង សូមធ្វើការបំភ្លឺពាក់ព័ន្ធព័ត៌មាន ករណីចាប់ជំរិតកុមារនៅស្រុកមេសាង

នគរបាលខេត្តព្រៃវែង ការពារសន្តិសុខសណ្ដាប់ធ្នាប់សុវត្ថិភាព ជូនថ្នាក់ដឹកនាំនិងប្រជាពលរដ្ឋក្នុងពិធីសម្ពោធនូវអាគារសាលាមត្ដេយ្យសិក្សា១ខ្នង និងសមិទ្ធផលនានា នៅស្រុកបាភ្នំ

ខេត្តព្រៃវែង ៖ នៅព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ នេះ នគរបាលខេត្តព្រៃវែង ការពារសន្តិសុខសណ្ដាប់ធ្នាប់សុវត្ថិភាពជូនថ្នាក់ដឹកនាំ និងប្រជាពលរដ្ឋក្នុងពិធីសម្ពោធ នូវអាគារសាលាមត្ដេយ្យសិក្សា១ខ្នង និងសមិទ្ធផលនានាស្ថិតក្នុងស្រុកបាភ្នំ ខេត្តព្រៃវែង ក្រោមអធិបតីភាពដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះជួយខេត្តព្រៃវែង និងលោកជំទាវ កែ សួនសុភី ស សុខា។

គួរបញ្ជាក់ថា អាគារសាលាមត្តេយ្យសិក្សា១ខ្នង និងសមិទ្ធផលនានាដែលត្រូវបានសម្ពោធដាក់ឱ្យប្រើប្រាស់ជាផ្លូវការនៅពេលនេះរួមមាន អាគារមតេយ្យសិក្សា១ខ្នង ៤បន្ទប់ ស្រះទឹក, បន្ទប់កុំព្យូទ័រ,ក្លោងទ្វារបឋមសិក្សានិងសមិទ្ធផលនានា នៅសាលាបឋមសិក្សា ហ៊ុន សែន ឈើកាច់ និងខ្លោងទ្វារវត្តព្រះវិហារគុហ៍ ស្ថិតក្នុងភូមិរោងដំរី ឃុំជើងភ្នំ ស្រុកបាភ្នំខេត្តព្រៃវែង ពិធីនេះប្រារព្ធធ្វើឡើងនៅបរិវេណសាលាមតេយ្យសិក្សាហ៊ុនសែន ឈើកាច់ ស្ថិតក្នុងភូមិ រោងដំរី ឃុំជើងភ្នំ ស្រុកបាភ្នំ ខេត្តព្រៃវែង ។

ក្នុងឱកាសនោះដែរ ឯកឧត្តមអភិសន្តិបណ្ឌិត និងលោកជំទាវ ព្រមទាំងក្រុមការងារ ក៏បានរៀបចំម្ហូបអាហារ ជូនដល់ក្មួយៗសិស្សានុសិស្ស និងអាណាព្យាបាលសិស្ស ទទួលទានរួមគ្នា ក្នុងបរិយាកាសសប្បាយរីករាយ និងស្និទ្ធស្នាលក្រៃលែង៕

លោកឧត្តមសេនីយ៍ទោ ឈឿន ប៊ុនឆន អញ្ជើញចូលរួមពិធីប្រគល់-ទទួលកាមេរ៉ាសុវត្ថិភាពចំនួន៥០គ្រឿងដែលជាអំណោយដ៏ថ្លៃថ្លារបស់ឯកឧត្តមអភិសន្តិបណ្ឌិត ស សុខា

ខេត្តព្រៃវែង ÷ នៅរសៀលថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦ថ្ងៃនេះ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង អញ្ជើញចូលរួមពិធីប្រគល់-ទទួលកាមេរ៉ាសុវត្ថិភាពចំនួន៥០គ្រឿង ដែលជាអំណោយដ៏ថ្លៃថ្លារបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះជួយខេត្តព្រៃវែងនិងលោកជំទាវ កែ សួនសុភី តាមរយៈឯកឧត្តម គង់ កៃដូ នាយករងខុទ្ទកាល័យ។

ពិធីនេះធ្វើឡើងនៅសាលប្រជុំធំទួលបារាយណ៍អណ្ដែត ស្នងការដ្ឋាននគរបាលខេត្តព្រៃវែង។

លោកឧត្តមសេនីយ៍ទោ ឈឿន ប៊ុនឆន អញ្ជើញចូលរួមក្នុងកិច្ចប្រជុំស្ដីពីការងារបង្ក្រាប និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា។ (ONLINE SCAMS) នៅខេត្តព្រៃវែង

ខេត្តព្រៃវែង ៖ នៅរសៀលថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានអញ្ជើញចូលរួមក្នុងកិច្ចប្រជុំ ស្ដីពីការងារបង្ក្រាប និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងខេត្តព្រៃវែង ក្រោមអធិបតីភាពដ៏ខ្ពង់ខ្ពស់ ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង និងជាប្រធានគណៈបញ្ជាការឯកភាពខេត្ត ។

ក្នុងពិធីនេះដែរ ក៏ទទួលបានការអញ្ជើញចូលរួមពីសំណាក់ឯកឧត្តម លោកជំទាវអភិបាលរងខេត្ត លោកនាយក-នាយករងរដ្ឋបាលសាលាខេត្ត, លោកនាយកទីចាត់ការ ចំណុះសាលាខេត្ត, លោកមេបញ្ជាការតំបន់ប្រតិបត្តិការសឹករងខេត្ត, លោកមេបញ្ជាការកងរាជអាវុធហត្ថខេត្ត, លោកប្រធានពន្ធនាគារខេត្ត,លោក-លោកស្រីប្រធានមន្ទីរអង្គភាពជុំវិញខេត្ត,លោកស្នងការរងដែលពាក់ព័ន្ធ លោកអភិបាលក្រុង-ស្រុកទាំង១៣, លោកអធិការនគរបាលក្រុង-ស្រុកទាំង១៣ លោកមេបញ្ជាការផ្នែកសឹករងក្រុង-ស្រុកទាំង១៣,លោកមេបញ្ជាការកងរាជអាវុធហត្ថក្រុង-ស្រុកទាំង១៣,លោកមេឃុំ-ចៅសង្កាត់ ស្មៀនឃុំលោកនាយប៉ុស្តិ៍នគរបាលរដ្ឋបាលទាំង១១៦ សរុបចំនួន៤៨៦រូបផងដែរ។

ពិធីនេះប្រារព្ធធ្វើឡើងនៅសាលប្រជុំធំ" A" សាលាខេត្តព្រៃវែង ស្ថិតក្នុងភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង ។

ស្នងការ​ដ្ឋាននគរបាល​ខេត្ត​ព្រៃវែង​ មានកិត្តិយស សូមជម្រាបដល់ប្រជាពលរដ្ឋទូទៅ នឹង ប្រជាពលរដ្ឋចំណាកស្រុកដែលពុំមានអាស័យដ្ឋានស្នាក់នៅអចិន្រ្តៃយក្នុងទីរួមខេត្តព្រៃវែង បងប្អូនអាច អញ្ជើញមកថតអត្តសញ្ញាណបណ្ណបន្ត​ សុពលភាព នឹងអត្តថតថ្មី នៅស្នងការដ្ឋាននគរបាលខេត្តព្រៃវែងដោយពុំចាំបាច់ផ្ទេរសៀវភៅស្នាក់នៅ ឬសៀវភៅគ្រួសារមកខេត្តព្រៃវែង ឡើយ ។

* ករណីផ្លាស់ប្តូរអាសយដ្ឋាន​ សូមភ្ជាប់មកជាមួយនូវឯកសារសម្គាល់អត្តសញ្ញាណបុគ្គល​（សៀវភៅគ្រួសារ​ ឬ សៀវភៅស្នាក់នៅ​ ឬ លិខិតបញ្ជាក់ទីលំនៅ)

+ ចំពោះប្រជាពលរដ្ឋមានអាយុ ១៥ឆ្នាំឡើង ហើយពុំទាន់មានអត្តសញ្ញាណបណ្ណសញ្ជាតិខ្មែរ​ ត្រូវមានឯកសារភ្ជាប់ចំនួន២គឺ៖ សេចក្ដីចម្លងសំបុត្រកំណើត ឬសេចក្ដីចម្លងសំបុត្របញ្ជាក់ កំណើត និងសៀវភៅស្នាក់នៅ ឬសៀវភៅគ្រួសារ ។

+ ចំពោះប្រជាពលរដ្ឋមានអត្តសញ្ញណបណ្ណសញ្ជាតិខ្មែរផុតសុពលភាព ឬមានសុពលភាពតិច ជាង ១៨០ថ្ងៃ ត្រូវមានឯកសារភ្ជាប់ ដូចខាងក្រោម៖ អត្តសញ្ញាណបណ្ណសញ្ជាតិខ្មែរ ដែលផុតសុពល ភាព ឬមានសុពលភាពតិចជាង ១៨០ថ្ងៃ ។

១៧ចំណុច ដែលមន្ត្រីនគរបាលជាតិដាច់ខាតត្រូវវៀរចាកក្នុងភារកិច្ចបម្រើប្រជាពលរដ្ឋ!

នាព្រឹកថ្ងៃទី១៩ ខែឧសភា ឆ្នាំ២០២៦ លោក ទូច សុឃៈ អ្នកនាំពាក្យរងក្រសួងមហាផ្ទៃ បានអធិប្បាយ ក្រើនរំលឹកដល់មន្ត្រីនគរបាលជាតិទាំងអស់ ត្រូវវៀរចាក និងដាច់ខាតមិនត្រូវប្រព្រឹត្តនូវអ្វីដែលជាការហាមឃាត់ទាំង ១៧ចំណុច ក្នុងការបំពេញតួនាទីភារកិច្ចបម្រើជាតិ និងប្រជាពលរដ្ឋ។ ចំណុចទាំង១៧ ដែលអ្នកនាំពាក្យរងក្រសួងមហាផ្ទៃ អធិប្បាយក្រើនរម្លឹកនោះ មានដូចខាងក្រោម៖

ទី១.មន្ត្រីទាំងអស់មិនត្រូវ ប្រព្រឹត្តអំពើទាំងឡាយណា ដែលធ្វើឱ្យអាប់ឱនដល់កិត្តិយស តម្លៃ និងសេចក្ដីថ្លៃថ្នូររបស់មន្ត្រីនគរបាលជាតិ ក្នុងការបំពេញអាជីពរបស់ខ្លួន។

ទី២.មិនត្រូវ ធ្វើឱ្យបាត់បង់មនសិការវិជ្ជាជីវៈក្នុងការបំពេញភារកិច្ច និងកាតព្វកិច្ចរបស់ខ្លួន ទោះស្ថិតក្នុងកាលៈទេសៈណាក៏ដោយ។

ទី៣.មិនត្រូវ ពាក់ព័ន្ធនិងឃុបឃិតជាមួយជនល្មើសក្នុងការប្រព្រឹត្តរាល់អំពើខុសច្បាប់ ក្នុងអាជីពជាមន្ត្រីនគរបាលជាតិ មានភារកិច្ចបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ។

ទី៤.មិនត្រូវ យកម៉ោងរដ្ឋបាលទៅប្រកបមុខរបរផ្ទាល់ខ្លួន ដែលជាហេតុធ្វើឱ្យប្រសិទ្ធភាពការងារធ្លាក់ចុះ និងជះឥទ្ធិពលមិនល្អដល់សង្គមជាតិ។

ទី៥.មិនត្រូវ សម្លុតគំរាមកំហែងបំពានសិទ្ធិពលរដ្ឋ យកឥទ្ធិពល ឬអំណាចនៅក្នុងមុខងារ ឬយកមន្ត្រីនគរបាលជាតិ នៅក្រោមបង្គាប់របស់ខ្លួនទៅប្រើដើម្បីទាញយកផលប្រយោជន៍អ្វីមួយ។

ទី៦.មិនត្រូវ ចូលជាសមាជិកនៃក្រុមប្រឹក្សាភិបាល គ្រប់គ្រងក្រុមហ៊ុនឯកជន ឬធ្វើអាជីវកម្មដោយផ្ទាល់ ឬដោយប្រយោល ដែលជាហេតុធ្វើឱ្យមានទំនាស់ផលប្រយោជន៍។

ទី៧.មិនត្រូវ ប្រើមុខងារបំពេញភារកិច្ច និងប្រើប្រាស់មធ្យោបាយសម្ភាររបស់រដ្ឋ ដើម្បីបម្រើសកម្មភាព និងផលប្រយោជន៍គណបក្សនយោបាយ ឬប្រឆាំងនឹងគណបក្សនយោបាយណាមួយឡើយ។

ទី៨.មិនត្រូវ ប្រព្រឹត្តអំពើពុករលួយគ្រប់រូបភាព បទល្មើសពាក់ព័ន្ធនឹងគ្រឿងញៀន ល្បែងស៊ីសង និងប្រព្រឹត្តបទល្មើសគ្រប់ប្រភេទ។

ទី៩.មិនត្រូវ ទទួលទានគ្រឿងស្រវឹង ឬស្រវឹងក្នុងពេលម៉ោងរដ្ឋបាល ឬក្នុងពេលបំពេញបេសកកម្ម។

ទី១០.មិនត្រូវ សមគំនិត ឬផ្តល់មធ្យោបាយ ដើម្បីធ្វើសកម្មភាពអ្វីមួយ ដែលធ្វើឱ្យប៉ះពាល់សណ្តាប់ធ្នាប់សង្គម ផលប្រយោជន៍សាធារណៈ ឬផលប្រយោជន៍រួម។

ទី១១.មិនត្រូវ ថ្លែងឬបកស្រាយជាសាធារណៈអំពីកិច្ចការផ្ទាល់ខ្លួន ជំនឿ សាសនា គណបក្សនយោបាយ ឬការសម្ងាត់របស់នគរបាលជាតិ ដោយប្រើតួនាទីក្នុងអង្គភាពឬឈ្មោះអង្គភាព ទោះក្នុងឯកសណ្ឋានមន្ត្រីនគរបាលជាតិ ឬក្នុងឯកសណ្ឋានស៊ីវិល។

ទី១២.មិនត្រូវ លក់ឬផ្តល់រូបភាព វីដេអូ ខ្សែអាត់សំឡេង ព័ត៌មានទាក់ទងនឹងសកម្មភាព ឬកិច្ចការនគរបាលជាតិទៅឱ្យអ្នកដទៃ។

ទី១៣.មិនត្រូវ ធ្វើឱ្យមានការរអាក់រអួល ការយឺតយ៉ាវ ឬរាំងស្ទះដល់កិច្ចប្រតិបត្តិការ ឬការងារប្រចាំថ្ងៃរបស់អង្គភាព។

ទី១៤.មិនត្រូវ ប្រព្រឹត្ត ឬញុះញង់បណ្តាលឱ្យមានការធ្វើទារុណកម្ម ការប្រព្រឹត្តអំពើឃោឃៅ និងអមនុស្សធម៌ ឬទណ្ឌកម្មឯទៀត។

ទី១៥.មិនត្រូវ ពាក់សក្តិ គ្រឿងឥស្សរិយយស ឬសញ្ញាសម្គាល់ ដែលមិនបានផ្តល់ជូនដល់សាមីខ្លួន តាមសេចក្ដីសម្រេច ប្រកាស អនុក្រឹត្យ ឬព្រះរាជក្រឹត្យ ដោយមិនស្របច្បាប់ ឬមិនត្រឹមត្រូវតាមការកំណត់។

ទី១៦.មិនត្រូវ បង្កជម្លោះ ប្រើអំពើហិង្សាក្នុងអង្គភាព ឬក្នុងពេលបំពេញបេសកកម្ម និងទី១៧- មិនត្រូវ ធ្វើសកម្មភាព ឬផ្សព្វផ្សាយក្នុងអង្គភាព ទោះក្នុងរូបភាពណាក៏ដោយ ដែលនាំឱ្យបែកបាក់សាមគ្គីភាពផ្ទៃក្នុង និងប៉ះពាល់ដល់ទឹកចិត្តមន្ត្រីនគរបាលជាតិ។

គួរបញ្ជាក់ថា បម្រាម និងវិន័យដ៏ម៉ឺងម៉ាត់ទាំង១៧ចំណុចនេះ ត្រូវបានលោក ទូច សុឃៈ ដកស្រង់ចេញពីប្រកាសលេខ ៨៧៣ ស្តីពី បទវិន័យនគរបាលជាតិកម្ពុជា។ លោកសង្ឃឹមថា មន្ត្រីនគរបាលជាតិទាំងអស់ នឹងរួមគ្នាគោរព និងអនុវត្តតាមប្រកាសនេះឱ្យបានខ្ជាប់ខ្ជួនបំផុត ដើម្បីលើកកម្ពស់សេចក្តីថ្លៃថ្នូរ កិត្តិយសរបស់កងកម្លាំង ក៏ដូចជាពង្រឹងជំនឿទុកចិត្ត និងភាពកក់ក្តៅទ្វេដងជូនដល់ប្រជាពលរដ្ឋ និងសង្គមជាតិទាំងមូល៕

នគរបាលខេត្តព្រៃវែង បន្តចុះធ្វើវេទិកាផ្សព្វផ្សាយអប់រំស្ដីពីគោលនយោបាយ “ភូមិ ឃុំ-សង្កាត់ មានសុវត្ថិភាព” នៅតាមវត្តអារាម សាលារៀន និងខ្នងផ្ទះប្រជាពលរដ្ឋ

ខេត្តព្រៃវែង៖ យោងតាមប្រសាសន៍ណែនាំដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមការចង្អុលបង្ហាញរបស់លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង នៅថ្ងៃទី ២០ ខែមិថុនា ឆ្នាំ២០២៦ មន្ត្រីនគរបាលខេត្តព្រៃវែង បន្តចុះធ្វើវេទិកាផ្សព្វផ្សាយអប់រំស្ដីអំពីគោលនយោបាយ “ភូមិ ឃុំ-សង្កាត់ មានសុវត្ថិភាព” នៅតាមបណ្ដាទីវត្តអារាម សាលារៀននិងផ្ទះប្រជាពលរដ្ឋ ដើម្បីផ្សព្វផ្សាយណែនាំដល់ប្រជាពលរដ្ឋទូទៅ ឱ្យបានយល់ដឹងបន្ថែមទៀត បង្កើនភាពស្និទ្ធស្នាលរវាងនគរបាលនិងប្រជាពលរដ្ឋ ហើយបានស្ដាប់រាល់មតិយោបល់ ចម្ងល់ និងលើកជាសំណូមពរផ្សេងៗពីប្រជាពលរដ្ឋមកកាន់នគរបាលផងដែរ ។

លើសពីនេះទៅទៀត នគរបាលខេត្តព្រៃវែង បានធ្វើការផ្សព្វផ្សាយបន្ថែម ពាក់ព័ន្ធនឹងបញ្ហាគ្រឿងញៀន ក្មេងទំនើង ផលប៉ះពាល់នាំឱ្យគ្រោះថ្នាក់ដែលបង្កឡើងដោយគ្រឿងយុទ្ធភ័ណ្ឌមិនទាន់ផ្ទុះ បន្តចុះផ្សព្វផ្សាយដល់ប្រជាពលរដ្ឋឲ្យចូលរួមគោរពច្បាប់ចរាចរណ៍ផ្លូវគោកទាំងអស់គ្នាដើម្បីការពារ អាយុជីវិតខ្លួនឯងនិងអ្នកដទៃ ព្រមទាំងបង្ការទប់ស្កាត់គ្រោះថ្នាក់ផ្សេងៗដែលកើតឡើងជាយថាហេតុ ៕

កម្លាំងនគរបាល នៃស្នងការដ្ឋាននគរបាលខេត្ដព្រៃវែង អនុវត្តភារកិច្ចស្នូលប្រចាំថ្ងៃ

ព្រៃវែង ៖ ដោយអនុវត្តនូវបទបញ្ជាដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង កម្លាំងនគរបាលជំនាញ នៃស្នងការដ្ឋាននគរបាលខេត្តព្រៃវែង បានអនុវត្តភារកិច្ចស្នូលប្រចាំថ្ងៃមានដូចខាងក្រោម ៖ ផ្សព្វផ្សាយគោលនយោបាយភូមិ ឃុំសុវត្ថិភាពដល់ប្រជាពលរដ្ធ ធ្វើវេទិកាសាធារណៈដល់ប្រជាពលរដ្ធក្នុងឃុំ/សង្កាត់ ចុះល្បាតសួរសុខទុក្ខប្រជាពលរដ្ធតាមខ្នងផ្ទះ ចុះធ្វើការងារនគរបាលសហគមន៍ដល់ប្រជាពលរដ្ធក្នុងមូលដ្ឋាន និងបានផ្តល់សេវាអត្តសញ្ញាណកម្មដល់ប្រជាពលរដ្ឋ ផ្តល់សៀវភៅស្នាក់នៅ(ក២) (ក៤)និងធ្វើសៀវភៅគ្រួសារថ្មីផងដែរ ។

ក្នុងនោះផងដែរ កម្លាំងនគរបាលតាមបណ្ដាអធិការដ្ឋាននគរបាលក្រុង-ស្រុក ទាំង១៣ក៏បានជួយសម្រួលសណ្ដាប់ធ្នាប់ និងចរាចរណ៍ជូនដល់ប្រជាពលរដ្ធ និងសិស្សានុសិស្ស ជាច្រើនលើកផងដែរ ៕

លោកឧត្តមសេនីយ៍ទោ ឈឿន ប៊ុនឆន អញ្ជើញជាអធិបតីក្នុងកិច្ចប្រជុំប្រចាំខែមេសា ឆ្នាំ២០២៦ និងលើកទើសដៅការងារសម្រាប់អនុវត្តបន្ត

ខេត្តព្រៃវែង ៖ នៅព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦នេះ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានអញ្ជើញជាអធិបតីក្នុងកិច្ចប្រជុំប្រចាំខែមេសា ឆ្នាំ២០២៦ និងលើកទិសដៅអនុវត្តបន្តប្រចាំខែឧសភា ដោយមានការអញ្ជើញចូលរួមពីសំណាក់លោកឧត្តមសេនីយ៍ លោក-លោកស្រីវរសេនីយ៍ស្នងការរង លោកអនុប្រធានផែន លោកនាយការិយាល័យទាំង៣០ លោកប្រធានអង្គភាពទាំងពីរ លោកមេបញ្ជាការ និងនាយផ្នែកសេនាធិការ នៃវរៈការពារព្រំដែនគោកលេខ ៦០៧ លោកអធិការ អធិការរងសេនាធិការ និងនាយផ្នែកសេនាធិការ នៃអធិការដ្ឋាននគរបាលក្រុង-ស្រុកទាំង១៣ លោកនាយប៉ុស្តិ៍ការពារព្រំដែនគោកទាំង០៧ លោកនាយប៉ុស្តិ៍នគរបាលរដ្ឋបាលទាំង១១៦ ។

ក្នុងពិធីនោះដែរ លោកឧត្តមសេនីយ៍ទោស្នងការ ក៏បានធ្វើការក្រើនរំលឹកដាស់តឿនដល់មន្ត្រីនគរបាលទាំងអស់ត្រូវខិតខំយកចិត្តទុកដាក់ពន្លឿនប្រសិទ្ធភាពការងារក្នុងការបម្រើសេវាជូនប្រជាពលរដ្ឋឲ្យបានរហ័សនិងទាន់ពេលវេលា។ ជាពិសេសអនុវត្តឲ្យបាន១០០%នូវគោលនយោបាយភូមិឃុំមានសុវត្ថិភាព របស់រាជរដ្ឋាភិបាលកម្ពុជា ធ្វើយ៉ាងណាលុបបំបាត់ឱ្យអស់នៅបញ្ហាក្មេងទំនើង បង្ការទប់ស្កាត់បង្ក្រាបបញ្ហាគ្រឿងញៀន ប្រជុំធ្វើវេទិកាផ្សព្វផ្សាយអប់រំ និងវេទិកាសាធារណៈ ក្ដាប់និងកំណត់រាល់មុខសញ្ញាឲ្យបានច្បាស់លាស់នៅក្នុងមូលដ្ឋាន ជៀសវាងក្រុមទាំងនេះបង្កបាតុភាពផ្សេងៗដែលកើតឡើងជាយថាហេតុ ។

ជាមួយគ្នានោះដែរ លោកឧត្តមសេនីយ៍ទោ ស្នងការ ក៏បានធ្វើការបែងចែកម៉ូតូល្បាតដែលអគ្គស្នងការដ្ឋាននគរបាលជាតិ ផ្ដល់ជូនតាមបណ្ដាអធិការដ្ឋាននគរបាលក្រុង-ស្រុក ព្រមទាំងប៉ុស្តិ៍វរការពារព្រំដែនគោក និងប៉ុស្តិ៍នគរបាលរដ្ឋបាលផងដែរ។

ពិធីនេះធ្វើឡើងនៅសាលប្រជុំធំ ទទួលបារាយណ៍អណ្ដែត ស្នងការដ្ឋាននគរបាលខេត្តព្រៃវែង ។