សាលាដំបូង និងអយ្យការអមសាលាដំបូង ខេត្តព្រៃវែង

សេចក្តីប្រកាសព័ត៌មានរបស់អ្នកនាំពាក្យសាលាដំបូងខេត្តព្រៃវែង។

ការបញ្ចប់វិវាទរដ្ឋប្បវេណីករណីទាមទារប្រាក់ តាមរយៈការផ្សះផ្សាសម្រុះសម្រួលដោយចៅក្រមសាលាដំបូងខេត្តព្រៃវែង ស្របតាមមូលដ្ឋានគ្រឹះនៅក្នុងនយោបាយ ឈ្នះឈ្នះ របស់សម្តេចតេជោ ហ៊ុន សែន យុទ្ធសាស្ត្របញ្ចកោណ ដំណាក់កាលទី១ របស់សម្តេចមហាបវរធិបតី ហ៊ុន ម៉ាណែត និងប្រសាសន៍ណែនាំរបស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងក្រោមការដឹកនាំរបស់ឯកឧត្តម សួស ឡា ប្រធានសាលាដំបូងខេត្តព្រៃវែង។

នាព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ វេលាម៉ោង ០៩:១០នាទី លោក ឈីវ សុខហុង ចៅក្រមសាលាដំបូងខេត្តព្រៃវែង អមដោយលោក ជុំ គីរី ក្រឡាបញ្ជីសាលាដំបូងខេត្តព្រៃវែង បានធ្វើការផ្សះផ្សាសម្រុះសម្រួលបញ្ចប់វិវាទរដ្ឋប្បវេណីរវាងដើមចោទ និងចុងចម្លើយ នៅក្នុងសំណុំរឿងរដ្ឋប្បវេណីលេខៈ ១៣១ ចុះថ្ងៃទី១០ ខែមីនា ឆ្នាំ២០២៦ របស់សាលាដំបូងខេត្តព្រៃវែង ករណីប្តឹងទាមទារប្រាក់ ជាលទ្ធផលគូភាគីបាន យល់ព្រមទទួលយកការផ្សះផ្សាបញ្ចប់វិវាទតាមរយៈការសះជានៅចំពោះមុខចៅក្រមសាលាដំបូងខេត្តព្រៃវែង។

សេចក្តីប្រកាសព័ត៌មានរបស់អ្នកនាំពាក្យអយ្យការអមសាលាដំបូងខេត្តព្រៃវែង។

សេចក្តីប្រកាសព័ត៌មានរបស់អ្នកនាំពាក្យអយ្យការអមសាលាដំបូងខេត្តព្រៃវែង។

រសៀលថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ឯកឧត្តម សួស ឡា ប្រធានសាលាដំបូង ឯកឧត្តម កូយ កាន់យ៉ា ព្រះរាជអាជ្ញា នៃអយ្យការអមសាលាដំបូង បានអញ្ជើញចូលរួមក្នុងកិច្ចប្រជុំស្តីពី ការងារបង្រ្កាប និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (online Scams) ក្នុងខេត្តព្រៃវែង ក្រោមអធិបតីភាព ឯកឧត្តម សួន សុម៉ាលីន អភិបាលនៃគណៈអភិបាលខេត្ត ដែលប្រព្រឹត្តទៅនៅសាលប្រជុំធំ «A» សាលាខេត្តព្រៃវែង។

ដោយមានការអញ្ជើញចូលរួមពី៖ ឯកឧត្តម លោកជំទាវ អភិបាលរងខេត្ត លោក លោកស្រី នាយក នាយករងរដ្ឋបាលសាលាខេត្ត មេបញ្ជាការកងកម្លាំងទាំងបី ប្រធានពន្ធនាគារខេត្ត លោក លោកស្រី ប្រធានមន្ទីរ-អង្គភាពជុំវិញខេត្ត នាយកទីចាត់ការ ប្រធានអង្គភាព ប្រធានផ្នែក ចំណុះសាលាខេត្ត អភិបាលក្រុង ស្រុកទាំង១៣ អធិការនគរបាលក្រុង ស្រុក ប្រធានច្រកទ្វារព្រំដែនទាំង៦ មេធាវីប្រចាំរដ្ឋបាលខេត្ត នាយករដ្ឋបាលសាលាក្រុង ស្រុក អធិការនគរបាលក្រុង ស្រុក មេបញ្ជាការផ្នែកសឹករងក្រុង ស្រុក មេបញ្ជាការកងរាជអាវុធហត្ថក្រុង ស្រុង មេឃុំ ចៅសង្កាត់ នាយប៉ុស្តិ៍នគរបាលរដ្ឋបាលឃុំ សង្កាត់ ស្មៀនឃុំ សង្កាត់ និងមន្រ្តីពាក់ព័ន្ធ សរុបចំនួន ៤៨៦រូប។

លិខិតជូនដំណឹងស្តីពីការបញ្ជូនតាមការផ្សាយជាសាធារណៈ។

ការផ្សាយជាសាធារណៈអំពីការលក់ឡាយឡុងដោយស្រោមសំបុត្រ។

នាព្រឹកថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ នៅសាលាដំបូង និងអយ្យការអមសាលាដំបូងខេត្តព្រៃវែង បានរៀបចំកិច្ចប្រជុំផ្សព្វផ្សាយសេចក្តីសម្រេចចិត្តសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ ក្រោមអធិបតីភាព ឯកឧត្តម សួស ឡា ប្រធានសាលាដំបូង និងឯកឧត្តម កូយ កាន់យ៉ា ព្រះរាជអាជ្ញា នៃអយ្យការអមសាលាដំបូង ។ កិច្ចប្រជុំនេះ មានការអញ្ជើញចូលរួមពីលោកអនុប្រធានសាលាដំបូង លោកព្រះរាជអាជ្ញារង លោក លោកស្រី ចៅក្រម លោកស្រីប្រធានលេខាធិការដ្ឋានរដ្ឋបាល លោក លោកស្រី ក្រឡាបញ្ជី អនុប្រធានលេខាធិការដ្ឋាន ប្រធាន អនុប្រធានការិយាល័យ សរុប ចំនួន ៥០នាក់ ។

នាព្រឹកថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦ ឯកឧត្តម សួស ឡា ប្រធានសាលាដំបូងខេត្ត ឯកឧត្តម កូយ កាន់យ៉ា ព្រះរាជអាជ្ញា នៃអយ្យការអមសាលាដំបូងខេត្ត ព្រមទាំងលោកចៅក្រម លោកព្រះរាជអាជ្ញារង លោកស្រីប្រធានលេខាធិការដ្ឋានរដ្ឋបាល ក្រឡាបញ្ជី មន្ត្រីរាជការ នៃលេខាធិការដ្ឋានរដ្ឋបាលសាលាដំបូងខេត្តព្រៃវែង បានអញ្ជើញចូលរួមព្រះរាជពិធីចម្រើនព្រះជន្មគម្រប់៧៣ យាងចូល ៧៤ព្រះវស្សា ថ្វាយព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលប្រព្រឹត្តទៅក្រោមអធិបតីដ៏ខ្ពង់ខ្ពស់ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម ហុី ធួក អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត នៅបរិវេណសាលាខេត្តព្រៃវែង។

ក្នុងឱកាសដ៏មហានក្ខត្តឫក្សថ្លៃថ្លានេះ ទូលព្រះបង្គំយើងខ្ញុំ សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្កិសិទ្ធិទាំងឡាយក្នុងលោក បារមីទេវតារក្សាព្រះមហាស្វេតច្ឆ័ត្រ សូមជួយប្រោះព្រំសព្ទសាធុការពរបវរមហាប្រសើរថ្វាយ ព្រះករុណាជាអម្ចាស់ជីវិតលើត្បូង សូមព្រះអង្គប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណវាងវៃ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជារាស្ត្រខ្មែរជានិច្ចនិរន្តរ៍។