ការិយាល័យទីភ្នាក់ងារសារព័ត៌មានកម្ពុជា ខេត្តព្រៃវែង-Akp

[FreshNews] Hang Chuon Naron, Deputy Prime Minister and Minister of Education, Youth and Sport, presided over the official launch ceremony of the Computational Thinking Education Programme (CoolThink@JC) in primary schools

7 June 2026

🔍គេហទំព័រ និងបណ្ដាញសង្គមផ្លូវការក្រសួង🔵

🌐Facebook 👨‍🏫Podcast
🌐YouTube 🌐Instagram
🌐TikTok 🌐Telegram
🏫 Sala MIL 🤖MILChatbot

វីដេអូ៖ សូមស្វាគមន៍ ក្រុមដំរីឦសាន្ត




🔍គេហទំព័រ និងបណ្ដាញសង្គមផ្លូវការក្រសួង🔵

🌐Facebook 👨‍🏫Podcast
🌐YouTube 🌐Instagram
🌐TikTok 🌐Telegram
🏫 Sala MIL 🤖MILChatbot

វីដេអូ៖ ការដាក់ឱ្យអនុវត្តជាផ្លូវការកម្មវិធីអប់រំ "ការគិតបែបកុំព្យូទ័រ" នៅតាមសាលារៀន នៃព្រះរាជាណាចក្រកម្ពុជា



🔍គេហទំព័រ និងបណ្ដាញសង្គមផ្លូវការក្រសួង🔵

🌐Facebook 👨‍🏫Podcast
🌐YouTube 🌐Instagram
🌐TikTok 🌐Telegram
🏫 Sala MIL 🤖MILChatbot

AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពនៅស្ពានស្ទឹងមេទឹក ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់

(AKP) អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជាសូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖

នៅថ្ងៃសៅរ៍ ទី៦ ខែមិថុនា ឆ្នាំ២០២៦ វេលាម៉ោង ០៨:៣០នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីន ដើម្បីចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពនៅស្ពានស្ទឹងមេទឹក ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់។

គួរបញ្ជាក់ផងដែរថា ស្ពានស្ទឹងមេទឹក បានរងការវាយប្រហារដោយយន្តហោះចម្បាំងទម្លាក់គ្រាប់បែកពីសំណាក់កងទ័ពអាកាសរបស់ថៃ បណ្តាលឱ្យខូចខាតនិងដាច់ទាំងស្រុងមិនអាចចរាចរណ៍ទៅមកបាន កាលពីថ្ងៃទី១៣ ខែធ្នូ ឆ្នាំ២០២៥។ ស្ពាននេះគឺជាហេដ្ឋារចនាសម្ព័ន្ធស៊ីវិលសុទ្ធសាធ ដែលមានទីតាំងស្ថិតនៅចម្ងាយរាប់សិបគីឡូម៉ែត្រពីព្រំដែនកម្ពុជា-ថៃ។

រាជរដ្ឋាភិបាល និងក្រសួងការពារជាតិកម្ពុជានៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិតក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព និងស្ថិរភាពយូរអង្វែង។
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីពិធីបញ្ចុះបឋមសិលាកសាង «រតនមន្ទីរពុទ្ធមណ្ឌលវិបស្សនាឧដុង្គ» ក្នុងខេត្តកណ្តាល

AKP កណ្តាល ថ្ងៃទី០៦ ខែមិថុនា ឆ្នាំ២០២៦—

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្ត្រីទីមួយនៃកម្ពុជា អញ្ជើញជាអធិបតីពិធីបញ្ចុះបឋមសិលាកសាង “រតនមន្ទីរពុទ្ធមណ្ឌលវិបស្សនាឧដុង្គ” នៅក្នុងបរិវេណពុទ្ធមណ្ឌលវិបស្សនាធុរៈ នៅភូមិភ្នំ ឃុំផ្សារដែក ស្រុកពញាឮ ខេត្តកណ្តាល នាព្រឹកថ្ងៃទី០៦ ខែមិថុនា ឆ្នាំ២០២៦ ដោយមានយាង និមន្ត និងអញ្ជើញចួលរួមបញ្ចុះបឋមសិលារួមមាន សម្ដេចព្រះសង្ឃនាយកគណៈមហានិកាយ នៃព្រះរាជាណាចក្រកម្ពុជា ឯកឧត្តម លោកជំទាវជាថ្នាក់ដឹកនាំជាន់ខ្ពស់ ព្រះសង្ឃ និងពុទ្ធបរិស័ទ្ធជាច្រើនរូបទៀត។

ដោយការគោរពប្រណិប័តយ៉ាងខ្ជាប់ខ្ជួនក្នុងព្រះពុទ្ធសាសនា លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួមបញ្ចុះបឋមសិលាកសាង «រតនមន្ទីរពុទ្ធមណ្ឌលវិបស្សនាឧដុង្គ» ដែលជាបូជនីយដ្ឋានពុទ្ធសាសនា និងជាទីបដិបត្តិផ្នែកវិបស្សនាធុរៈរបស់ជាតិ ធំជាងគេនៅកម្ពុជា សម្រាប់ការផ្សព្វផ្សាយព្រះធម៌ រួមទាំងសម្រាប់រៀបចំកម្មវិធីបដិបត្តិវិបស្សនាទាំងថ្នាក់ជាតិ និងថ្នាក់អន្តរជាតិ។

ជាការពិតណាស់ រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតយ៉ាងឈ្លាសវៃរបស់ សម្តេចបវរធិបតី នាយករដ្ឋមន្ត្រី តែងតែលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ ព្រមទាំងសាសនាផ្សេងៗទៀត ប្រកបដោយសុខដុមរមនា។ ជាក់ស្តែង សម្តេចបវរធិបតី រួមជាមួយលោកជំទាវបណ្ឌិត តែងចូលរួមពិធីបុណ្យពុទ្ធសាសនា បរិច្ចាគទាំងទាននិងថវិកាសម្រាប់គាំទ្រ និងទ្រទ្រង់ពុទ្ធសាសនានៅគ្រប់ទីកន្លែងទូទាំងប្រទេស ក៏ដូចជាសាសនាដទៃទៀតផងដែរ។

រូបថត៖ ទំព័រហ្វេសប៊ុកសម្តេចធិបតី
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

ឯកឧត្តម ទេព អស្នារិទ្ធ អញ្ជើញចូលរួមក្នុងវគ្គបណ្តុះបណ្តាលស្តីពី «ការការពង្រឹងការងារសាធារណមតិ និងការប្រឆាំងព័ត៌មានក្លែងក្លាយក្នុងយុគសម័យបញ្ញាសិប្បនិម្មិត» នៅខេត្តកំពង់ធំ
‎
(AKP ‎​កំពង់ធំ) ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន នាព្រឹកថ្ងៃទី០៦ ខែមិថុនា ឆ្នាំ២០២៦ នេះ បានចូលរួមជាគណអធិបតីក្នុងវគ្គបណ្តុះបណ្តាលស្តីពី «ការពង្រឹងការងារសាធារណមតិ និងការប្រឆាំងព័ត៌មានក្លែងក្លាយក្នុងយុគសម័យបញ្ញាសិប្បនិម្មិត (AI)» នៅ‎សាលាខេត្តកំពង់ធំ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស្វាយ ស៊ីថា ទេសរដ្ឋមន្រ្តីទទួលបន្ទុកបេសកកម្មពិសេស។
‎
‎មានសិក្ខាកាមចូលរួមសរុបប្រមាណជាង ២៥០នាក់ វគ្គបណ្តុះបណ្តាលនេះ រៀបចំឡើងក្នុងគោលបំណងសំខាន់ៗ រួមមាន៖ បំពាក់បំប៉នចំណេះដឹង និងជំនាញបច្ចេកវិទ្យាទំនើបដល់មន្ត្រីព័ត៌មានមកពីក្រុង ស្រុក ឃុំទាំងអស់ក្នុងខេត្តដើម្បីដើរឱ្យទាន់ការវិវត្តក្នុងយុគសម័យឌីជីថល និងបញ្ញាសិប្បនិម្មិត (AI), ​បង្កើនការយល់ដឹង និងយន្តការទប់ស្កាត់ ក៏ដូចជាការបន្សាបឥទ្ធិពលនៃព័ត៌មានមិនពិត ដែលអាចបង្កផលប៉ះពាល់ដល់សង្គម និង ស្វែងយល់ពីនិន្នាការ ការយល់ឃើញ និងតម្រូវការជាក់ស្តែងរបស់សាធារណជន ដើម្បីធ្វើការឆ្លើយតបព័ត៌មានបានចំគោលដៅ ត្រឹមត្រូវ និងទាន់ពេលវេលា សំដៅធានាឱ្យបាននូវការគាំទ្រ និងទំនុកចិត្តពីសំណាក់ប្រជាពលរដ្ឋ៕
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

សម្តេចតេជោ ហ៊ុន សែន បញ្ជាក់ថាមិនបានសងបំណុលជំនួសលោក ហេង ឡុង នោះទេ

(AKP) សម្តេចអគ្គមហាសេនាបតីតេជោ ហ៊ុន សែន៖ «ដើម្បីជៀសវាងការភ័នច្រឡំ ខ្ញុំបញ្ជាក់ជូនថាខ្ញុំពុំមានប្រាក់ផ្តល់ជូនលោក ហេង ឡុង ទេ។

ដោយសាររឿងនេះវាហាក់ដូចជាធ្ងន់ធ្ងរពេក ទើបខ្ញុំពិភាក្សាជាមួយលោក ហេង ឡុង ដើម្បីរកដំណោះស្រាយដោយខ្ញុំពឹងអ្នកមានប្រាក់ម្នាក់ដើម្បីឲ្យលោក ហេង ឡុង ទៅខ្ចីពីបុគ្គលនោះយកទៅសងម្ចាស់បំណុលដែលលោក ហេង ឡុង ជំពាក់ពីមុនទាំងអស់។

លោក ហេង ឡុង នៅតែជំពាក់បំណុលដដែល តែជំពាក់អ្នកថ្មីដែលមានការយោគយល់ និងការអនុគ្រោះច្រើន។

ខ្ញុំជឿលើសមត្ថភាពរបស់លោក ហេង ឡុង ដែលនឹងរកប្រាក់សងម្ចាស់បំណុលថ្មីបាន។

សង្ឃឹមថាការពន្យល់នេះនឹងធ្វើឲ្យបងប្អូនយល់ និងជៀសវាងការភ័នច្រឡំថាខ្ញុំសងបំណុលជំនួសលោក ហេង ឡុង»។
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

កម្ពុជាបញ្ជាក់ជាថ្មីថានឹងមិនទទួលស្គាល់នូវការកែប្រែខ្សែព្រំដែនតាមរយៈការប្រើប្រាស់កម្លាំងដាច់ខាត ឬការទាមទារទឹកដីជាឯកតោភាគីដោយប្រទេសថៃ ទាំងពេលកន្លងមក ទាំងបច្ចុប្បន្ន និងអនាគត

(AKP) អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជាសូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃសៅរ៍ ទី៦ ខែមិថុនា ឆ្នាំ២០២៦ វេលាម៉ោង ១១:៥០នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីន ដើម្បីចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកជ័យជំនះ ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់។

ទីតាំងនេះ ត្រូវបានទទួលរងការវាយប្រហារ រាយបន្លាលួស និងដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃ ដោយបានធ្វើឱ្យប្រជាពលរដ្ឋជាច្រើនគ្រួសារមិនទាន់អាចវិលត្រឡប់ទៅកាន់លំនៅដ្ឋានវិញបាននៅឡើយ និងធ្វើការពិនិត្យលើការគោរព និងការអនុវត្តវិធានការទាំងអស់ក្នុងសេចក្តីប្រកាសរួមក្រោយបទឈប់បាញ់ចូលជាធរមានផងដែរ។

ការចុះសង្កេតការណ៍របស់ក្រុមអ្នកសង្កេតការណ៍អាស៊ាន នៅទីតាំងដែលជាដែនអធិបតេយ្យរបស់កម្ពុជា ហើយត្រូវបានយោធាថៃកាន់កាប់ដោយខុសច្បាប់ខាងលើនេះ គូសបញ្ជាក់ពីភាពចាំបាច់ជាដាច់ខាត ក្នុងការចាប់ផ្តើមកិច្ចការវាស់វែងខ័ណ្ឌសីមាដោយគណៈកម្មការចម្រុះខ័ណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត ស្របតាមកិច្ចព្រមព្រៀងដែលមានស្រាប់ដូចមានចែងនៅក្នុងចំនុចទីបីនៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥ ដើម្បីអនុញ្ញាតឱ្យប្រជាពលរដ្ឋស៊ីវិលស្លូតត្រង់របស់កម្ពុជាអាចវិលត្រលប់ទៅលំនៅដ្ឋានវិញដោយមិនមានការរារាំង ព្រមទាំងដោយសុវត្ថិភាព និងកិត្តិយស។

កម្ពុជាសូមបញ្ជាក់ជាថ្មីថា កម្ពុជាមិនទទួលស្គាល់នូវការកែប្រែខ្សែព្រំដែនតាមរយៈការប្រើប្រាស់កម្លាំងដាច់ខាត ឬការទាមទារទឹកដីជាឯកតោភាគីដោយប្រទេសថៃនោះទេទាំងពេលកន្លងមក ទាំងបច្ចុប្បន្ន និងអនាគត ហើយសកម្មភាពដូចបានរៀបរាប់ខាងលើនឹងមិនធ្វើឱ្យប៉ះពាល់ដល់សិទ្ធិស្របច្បាប់ ឬជំហររបស់ព្រះរាជាណាចក្រកម្ពុជា ទាក់ទងនឹងព្រំដែនអន្តរជាតិរបស់ខ្លួននោះឡើយ។

រាជរដ្ឋាភិបាល និងក្រសួងការពារជាតិកម្ពុជានៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិតក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព និងស្ថិរភាពយូរអង្វែង។
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube

កម្ពុជាចូលរួមពិព័រណ៍ការប្រេីប្រាស់ទេសចរណ៍ និងវប្បធម៌អន្តរជាតិទីក្រុងប៉េកាំង លើកទី៤ ដើម្បីផ្សព្វផ្សាយសក្ដានុពលទេសចរណ៍ និងគោលនយោបាយលើកលែងទិដ្ឋាការជូនភ្ញៀវចិន

(AKP) ក្រសួងទេសចរណ៍កម្ពុជា បានចូលរួមក្នុងពិធីពិព័រណ៍ «ការប្រើប្រាស់ទេសចរណ៍ និងវប្បធម៌អន្តរជាតិទីក្រុងប៉េកាំង លើកទី៤» (Beijing International Cultural and Tourism Consumption Expo – BICTCE) ដែលប្រារព្ធឡើងនៅទីក្រុងប៉េកាំង សាធារណរដ្ឋប្រជាមានិតចិន ប្រព្រឹត្តទៅរយ:ពេល ៣ថ្ងៃចាប់ពីថ្ងៃទី៥ ដល់ថ្ងៃទី៧ ខែមិថុនា ឆ្នាំ២០២៦។

ពិធីបើកពិព័រណ៍នេះ បានប្រព្រឹត្តទៅក្រោមអធិបតីភាពរបស់ ឯកឧត្តម Gao Zheng អនុរដ្ឋមន្ត្រីក្រសួងវប្បធម៌ និងទេសចរណ៍ចិន និងលោកជំទាវ Sima Hong អភិបាលរងនៃរដ្ឋបាលប្រជាជនទីក្រុងប៉េកាំង ដោយមានការចូលរួមពីតំណាងក្រសួង ស្ថាប័នទេសចរណ៍ជាតិ និងអន្តរជាតិ វិស័យឯកជន ព្រមទាំងអ្នកសារព័ត៌មានចិន និងអន្តរជាតិប្រមាណជិត ២០០នាក់ កាលថ្ងៃទី៥ ខែមិថុនា ឆ្នាំ២០២៦។

ពិព័រណ៍ BICTCE លើកទី៤នេះ មានការចូលរួមពីប្រទេស និងតំបន់ចំនួន ៣៣ ជុំវិញពិភពលោក ជាមួយស្តង់តាំងពិព័រណ៍សរុបចំនួន ៦៣៧ស្តង់ និងអ្នកសារព័ត៌មានជិត ១,០០០នាក់។ ព្រឹត្តិការ នេះរំពឹងថា នឹងមានភ្ញៀវចូលទស្សនាពិព័រណ៍លើសពី ១០០,០០០នាក់។

បន្ទាប់ពីពិធីបើក ឯកឧត្តម Gao Zheng និងគណៈប្រតិភូជាន់ខ្ពស់ (VIP) បានអញ្ជើញទស្សនាស្តង់តាំងពិព័រណ៍របស់ក្រសួងទេសចរណ៍កម្ពុជា ដែលបានរៀបចំដើម្បីផ្សព្វផ្សាយសក្ដានុពលទេសចរណ៍ ផលិតផលទេសចរណ៍ និងវប្បធម៌របស់កម្ពុជា។

ក្នុងឱកាសនោះ តំណាងក្រសួងទេសចរណ៍កម្ពុជា ក៏បានផ្តល់បទសម្ភាសន៍ដល់ស្ថាប័នសារព័ត៌មានចិន និងអន្តរជាតិ រួមមានទូរទស្សន៍ CCTV កាសែត China Daily សារព័ត៌មាន Beijing Business Today និងវិទ្យុ Beijing News Radio (FM 94.5) ដោយផ្តោតលើការចូលរួមរបស់កម្ពុជា ក្នុងពិព័រណ៍នេះ ការអភិវឌ្ឍវិស័យទេសចរណ៍កម្ពុជា ការធានាសុខ សុវត្ថិភាពជូនភ្ញៀវទេសចរ និងគោលនយោបាយលើកលែងទិដ្ឋាការសាកល្បងសម្រាប់ភ្ញៀវទេសចរចិន ចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦។

តាមការសង្កេតក្នុងថ្ងៃដំបូងនៃពិព័រណ៍ ភ្ញៀវទស្សនា និងអ្នកសារព័ត៌មានបានបង្ហាញការចាប់អារម្មណ៍យ៉ាងខ្លាំងចំពោះគោលនយោបាយលើកលែងទិដ្ឋាការសម្រាប់ភ្ញៀវទេសចរចិន ការធានាសុខសុវត្ថិភាពសម្រាប់អ្នកដំណើរ ព្រមទាំងវិធានការរបស់រាជរដ្ឋាភិបាលកម្ពុជា ក្នុងការបង្ការ និងបង្ក្រាបបទល្មើសឆបោកតាមប្រព័ន្ធអនឡាញ (Online Scam)។

ការចូលរួមរបស់កម្ពុជា ក្នុងពិព័រណ៍អន្តរជាតិដ៏ធំនេះ ត្រូវបានចាត់ទុកថាជាឱកាសដ៏សំខាន់ក្នុងការពង្រឹងការផ្សព្វផ្សាយគោលដៅទេសចរណ៍កម្ពុជា ទាក់ទាញភ្ញៀវទេសចរចិន និងអន្តរជាតិ និងជំរុញកិច្ចសហប្រតិបត្តិការទេសចរណ៍រវាងកម្ពុជា និងចិនឱ្យកាន់តែរឹងមាំបន្ថែមទៀត។
——————
Connect with AKP:
🌐Telegram
🌐Facebook
🌐Website
👉X (Twitter)
🌐Instagram
🌐TikTok
🌐YouTube