រដ្ឋបាលស្រុកពោធិ៍រៀង ខេត្តព្រៃវែង

គោរពទង់ជាតិនៃព្រះរាជាណាចក្រកម្ពុជា

វគ្គបណ្ដុះបណ្ដាល"លក្ខន្តិក: បទបញ្ជាផ្ទៃក្នុង និងផែនទី
បង្ហាញផ្លូវស្ដីពី ស.ស.យ.ក.២.០ ឆ្ពោះទៅឆ្នាំ២០២៨"ដល់សមាជិក សមាជិកា ស.ស.យ.ក.ស្រុកពោធិ៍រៀង ក្រោមអធិបតីភាពលោក ម៉ៅ គឹមឡុង ប្រធានក្រុមប្រឹក្សាស្រុកពោធិ៍រៀង និងលោក វ៉ា ធីម អភិបាល នៃគណ:អភិបាលស្រុកពោធិ៍រៀង ។ដោយមានការអញ្ជើញចូលរួមពីៈប្រធាន អនុប្រធាន សមាជិកអចិន្ត្រៃយ៍ សមាជិក ស.ស.យ.ក.ស្រុក-ឃុំទាំង៦ ស.ស.យ.ក.វិទ្យាល័យ ហ៊ុន សែនពោធិ៍រៀង
សរុបចំនួន: ១៣៨នាក់។
--------------------------------
រសៀលថ្ងៃទី៣០ ខែឧសភា ឆ្នាំ២០២៦

កិច្ចប្រជុំផ្សព្វផ្សាយផែនការ និងពិភាក្សាកិច្ចការចាំបាច់មួយចំនួន ក្រោមអធិបតីភាពលោក វ៉ា ធីម អភិបាល នៃ
គណៈអភិបាលស្រុកពោធិ៍រៀង នៅសាលប្រជុំសាលា
ស្រុកពោធិ៍រៀង។

រសៀលថ្ងៃទី២៦ ខែឧសភា ឆ្នាំ២០២៦

លោក វ៉ា ធីម អភិបាលស្រុក អញ្ជើញដឹកនាំនិងចូលរួមជាមួយសមាជិកក្រុមប្រឹក្សាស្រុក អភិបាលរង មន្ត្រីសាលាស្រុកគោរពទង់ជាតិនៃព្រះរាជាណាចក្រកម្ពុជា

លោក វ៉ា ធីម អភិបាល នៃគណៈអភិបាលស្រុកពោធិ៍រៀង និងឯកឧត្តម ទូច វណ្ណៈ អនុប្រធានក្រុមការងារអភិវឌ្ឍន៍យុវជនខេត្តព្រៃវែង បានអញ្ជើញជាគណ:អធិបតីបើកវគ្គសិក្ខាសាលាស្តីពី "ការកំណត់គោលដៅជីវិត ការជ្រើសរើសជំនាញថ្នាក់ឧត្តមសិក្សា និងការត្រៀមចាប់យកទីផ្សារការងារក្នុងស្រុកនិងអាស៊ាន" ដល់សិស្សានុសិស្សថ្នាក់ទី១២ នៃវិទ្យាល័យ ហ៊ុន សែន ពោធិ៍រៀង ក្នុងស្រុកពោធិ៍រៀង ខេត្តព្រៃវែង ចំនួន:២៤៣នាក់ ក្រោមការឧបត្ថម្ភដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី
រៀបចំដោយក្រុមការងារអភិវឌ្ឍយុវជនខេត្តព្រៃវែង។

រសៀលថ្ងៃទី២៣ ខែឧសភា ឆ្នាំ២០២៦

លោក ម៉ៅ គឹមឡុង ប្រធានក្រុមប្រឹក្សាស្រុក និងលោក វ៉ា ធីម អភិបាលស្រុកពោធិរៀង រួមជាមួយក្រុមប្រឹក្សាស្រុក អភិបាលរង មេឃុំ ក្រុមប្រឹក្សាឃុំ ស្មៀន បានអញ្ជើញចូលរួមសិក្ខាសលាផ្សព្វផ្សាយការអនុវត្ត៥ឆ្នាំ ដំណាក់កាលទី២នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ តាមប្រព័ន្ធអនឡាញ(Zoom Meeting)

កិច្ចប្រជុំបូកសរុបការងារប្រចាំខែឧសភា និងពិនិត្យសេចក្ដីព្រាងប្រតិទិនកម្មវិធីវិនិយោគបីឆ្នាំរំកិល(២០២៧-២០២៩)របស់ក្រុមការងារកសាងផែនការស្រុក នៃគណៈកម្មាធិការសម្របសម្រួលបច្ចេកទេសរបស់ក្រុមប្រឹក្សាស្រុកពោធិ៍រៀង
ក្រោមអធិបតីភាពលោក អ៊ុម ប៊ុនសឿន អភិបាលរងស្រុក និងជាអនុប្រធាន គណៈកម្មាធិការសម្របសម្រួលបច្ចេកទេសតំណាងឱ្យលោក វ៉ា ធីម អភិបាលស្រុក និងជាប្រធាន គណៈកម្មាធិការសម្របសម្រួលបច្ចេកទេសស្រុកពោធិ៍រៀង
នៅសាលប្រជុំសាលាស្រុកពោធិ៍រៀង។

ថ្ងៃទី២២ ខែឧសភា ឆ្នាំ២០២៦

លោក វ៉ា ធីម អភិបាលស្រុកពោធិ៍រៀង បានដឹកនាំការិយាល័យជំនាញ សុរិយោដី កសិកម្ម ធនធានធម្មជាតិ និងបរិស្ថាន ការិយាល័យនីតិកម្ម ដើម្បីសម្របសម្រួលវិវាទលើបញ្ហាដីធ្លីចំនួន១៣គ្រួសារនៅ ភូមិព្រែកជ្រៃលើ ឃុំព្រែកជ្រៃ ស្រុកពោធិ៍រៀង ត្រូវបានបញ្ចប់ប្រកបដោយការយោគយល់គ្នាខ្ពស់។

លោក វ៉ា ធីម អភិបាលស្រុក បានអញ្ជើញជាអធិបតីក្នុងកម្មវិធីបើកការដ្ឋានគម្រោងមូលនិធិឃុំឆ្នាំ២០២៥ និងឆ្នាំ២០២៦ របស់ឃុំព្រែកតាសរ៖

១. គម្រោងជួសជុលផ្លូវក្រាលខ្សាច់ភ្នំប្រវែង ៥,៦២០ម៉ែត្រ ទទឹង ៥ម៉ែត្រ កម្រាស់ ០.១៥ម៉ែត្រ ជួសជុលផ្លូវលំដីសប្រវែង ៣,០០០ម៉ែត្រ ទទឹង ៥ម៉ែត្រ ជម្រាលជើងទេផ្លូវ ១:១,៥ ដាក់លូ ៣កន្លែង អង្គត់ផ្ចិត ០,៨០ម៉ែត្រ ប្រវែង ៦ម៉ែត្រ ១កន្លែង ,អង្គត់ផ្ចិត ០,៤ម៉ែត្រ ប្រវែង ៦ម៉ែត្រ ២កន្លែង ដាក់ស្លាកគម្រោង ១កន្លែង អនុវត្តដោយក្រុមហ៊ុន ឆេង អេងស្រ៊ា (គម្រោងមូលនិធិឃុំឆ្នាំ២០២៥)។

២.គម្រោងសាងសង់ផ្លូវបេតុងអាមេប្រវែង ៨៥០ម៉ែត្រ ទទឹង ៥ម៉ែត្រ កម្រាស់ ០.១៥ម៉ែត្រ បំពេញដីចិញ្ចើមសងខាងផ្លូវអាចបំពេញបាន ដាំបង្គោលការពារផ្លូវ លូរមុខកាត់ ០.៣០ម៉ែត្រ ៤កង់ និងដាក់ស្លាកគម្រោង ១កន្លែង អនុវត្តដោយក្រុមហ៊ុន វេង លាប (គម្រោងមូលនិធិឃុំឆ្នាំ២០២៦)។

ដោយមានការចូលរួមពី មន្រ្តីបច្ចេកទេសខេត្ត មន្រ្តីការិយាល័យផែនការនិងគាំទ្រឃុំ សមាជិកក្រុមប្រឹក្សាឃុំ លោកស្រីមេឃុំ មេភូមិ ស្មៀនភូមិ ក្រុមហ៊ុនទទួលការ និងប្រជាពលរដ្ឋ។

ទីតាំងស្ថិតនៅ ចំណុចគម្រោងផ្លូវបេតុងអាមេ ក្នុងភូមិព្រែកឈ្មោះ ឃុំព្រែកតាសរ ស្រុកពោធិ៍រៀង ខេត្តព្រៃវែង។

ព្រឹកថ្ងៃទី២០ ខែឧសភា ឆ្នាំ២០២៦