Багануур дүүргийн Онцгой байдлын хэлтэс

http://nema.gov.mn/post/176491

АЛБА СУРТАЛЧИЛАХ ӨДӨРЛӨГИЙГ ЗОХИОН БАЙГУУЛЛАА
👨‍🚒Онцгой байдлын албаны 22 жилийн ойг тохиолдуулан Онцгой байдлын ерөнхий газрын даргын баталсан удирдамж болон Нийслэлийн Онцгой байдлын газрын 2026 оны 06 дугаар сарын 16-ны өдрийн 27/950 дугаартай албан бичгийн дагуу нээлттэй хаалганы өдөр зохион байгуулах тухай удирдамжийн хэрэгжилтийг ханган 10 заалт бүхий үйл ажиллагааны төлөвлөгөө, хөтөлбөрийг Багануур дүүргийн Онцгой байдлын хэлтсийн даргаар батлуулан нээлттэй хаалганы өдөрлөгийн арга хэмжээг зохион байгууллаа.
👨‍🚒Нээлттэй хаалганы өдөрлөгийг Онцгой байдлын хэлтэс, Гал түймэр унтраах, аврах 64 дүгээр ангийн байранд 2026 оны 06 дугаар сарын 19-ний өдрийн 10:00–16:00 цагт зохион байгуулан, нийт иргэд, аж ахуйн нэгж байгууллагын төлөөлөл бүхий 45 хүнийг хамруулан дараах ажлыг зохион байгуулсан.
Үүнд:
– Хэлтсийн бүтэц, үйл ажиллагаа, хэрэгжүүлж буй чиг үүргийг иргэдэд нээлттэй танилцуулав;
– Гал түймэр, гамшиг, ослын эрсдэл, урьдчилан сэргийлэх арга хэмжээний талаар мэдээлэл, зөвлөгөө өгөв;
– Албанд ашиглагдаж буй техник хэрэгсэл, тоног төхөөрөмж, багаж хэрэглэлийг үзүүлэн танилцуулав;
– Орон нутгийн хэвлэл мэдээллийн хэрэгсэл, сошиалд өдөрлөгийн талаар сурталчилгаа, мэдээллийг олон нийтэд түгээн ажиллалаа.
Нээлттэй хаалганы өдөрлөг нь Онцгой байдлын албаны 22 жилийн ойг дүүргийн иргэдэд таниулах, байгууллагын үйл ажиллагааг нийтэд ил тод сурталчлах, гамшгаас хамгаалах мэдлэг, дадлыг дүүргийн хэмжээнд дээшлүүлсэн нь ач холбогдолтой байлаа.
#онцгой22
#албасурталчилахөдөрлөг

БОЛЗОШГҮЙ ЭРСДЭЛЭЭС УРЬДЧИЛАН СЭРГИЙЛЭХИЙГ ЗӨВЛӨЖ БАЙНА

Өнөөдөр (2026.06.19) Хэнтийн өмнөд, Дорноговь, Сүхбаатарын нутгаар бороо, дуу цахилгаантай аадар бороо орж, говь, тал, хээрийн нутгаар салхи шуургатай байхыг анхааруулж байна.
Иймд:
✅Цаг уурын байгууллагаас гаргаж байгаа анхааруулга, сэрэмжлүүлэх болон урьдчилан сэргийлэх мэдээнүүдийг цаг алдалгүй хүлээн авч, заавар зөвлөмжийг биелүүлж өөрийн болон бусдын аюулгүй байдлыг хангах,
✅Тээврийн хэрэгслийн жолооч нар хол, ойрын замд гарахдаа аюулгүй байддлаа хангах,
✅Иргэд, малчид болзошгүй эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байх,
✅Баталгаат зам, гүүрээр зорчих, үер, усны аюулаас болгоомжлох
✅Хүйтэн үед бариу биш дулаан, хөнгөн хувцсыг давхарлан өмсөх, борооны цув, шүхрээ авч явах зэргээр урьдчилан сэргийлэх арга хэмжээг хэрэгжүүлэхийг зөвлөж байна.
Дорноговь Онцгой Байдлын Газар
Сүхбаатар аймгийн Онцгой байдлын газар
Хэнтий аймгийн Онцгой байдлын газар
#ЦагАгаар

Судалгаагаар усанд осолдсон иргэдийн 40 орчим хувь нь сэлж чаддаг байсан гэсэн тоо бий. Иймээс зөвхөн сэлж чаддаг байх нь аюулгүй байдлыг бүрэн хангахгүй.
#усныосол
#УрьдчиланСэргийлье
#бүүбас