Royal Embassy of Cambodia to Malaysia

ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី មានកិត្តិយសសូមជម្រាបជូនថា ស្ថានទូតនឹងឈប់សម្រាកចំនួន ០១ថ្ងៃ គឺថ្ងៃទី១៨ ខែមិថុនា ២០២៦ ក្នុងព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រីនរោត្តម មុនីនាថ សីហនុ ព្រះវរាជមាតាជាតិខ្មែរ (Queen Mother's Birthday) ។
ស្ថានទូតនឹងបើកដំណើរការធម្មតាឡើងវិញ នៅថ្ងៃ​សុក្រ ទី១៩ ខែមិថុនា ឆ្នាំ២០២៦។

នៅព្រឹកថ្ងៃទី៥ ខែមិថុនា ឆ្នាំ២០២៦ ឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអញ្ជើញចូលរួមពិធី "Trooping Colours Ceremony in conjunction with the Official Birthday of His Majesty Sultan Ibrahim, the Yang di-Pertuan Agong of Malaysia" នៅទីក្រុងពូត្រាចាយ៉ា ប្រទេសម៉ាឡេស៊ី។
———————————————
On the morning of 5 June 2026 His Excellency OUK Chandara, Ambassador of the Kingdom of Cambodia to Malaysia, attended "Trooping Colours Ceremony in conjunction with the Official Birthday of His Majesty Sultan Ibrahim, the Yang di-Pertuan Agong of Malaysia" in Putrajaya, Malaysia.

នៅព្រឹកថ្ងៃទី១ ខែមិថុនា ឆ្នាំ២០២៦ ឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអញ្ជើញចូលរួមពិធីចម្រើនព្រះជន្ម His Majesty Sultan Ibrahim ព្រះមហាក្សត្រនៃប្រទេសម៉ាឡេស៊ី នៅព្រះបរមរាជវាំង Istana Negara នៅទីក្រុងពូត្រាចាយ៉ា ប្រទេសម៉ាឡេស៊ី។
———————————————
On the morning of 1 June 2026, His Excellency OUK Chandara, Ambassador of the Kingdom of Cambodia to Malaysia, attended the birthday celebration of His Majesty Sultan Ibrahim, the King of Malaysia at the Istana Negara Palace in Putrajaya, Malaysia.

នៅថ្ងៃទី២០-២១ ខែឧសភា ឆ្នាំ២០២៦ ឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី អមដោយ កញ្ញា​ សឿង សូលីដា លេខាធិការទី១ និងលោក អុិន សុវណ្ណា លេខាធិការទី២ បានទទួលស្វាគមន៍ និងសម្របសម្រួលជូនគណៈប្រតិភូក្រសួងការបរទេស និងសហប្រតិបត្តិការអន្តរជាតិ ដែលដឹកនាំដោយ ឯកឧត្តម គង់​ ភោគ រដ្ឋលេខាធិការ និងជាឧត្តមមន្រ្តីអាស៊ាន-កម្ពុជា អញ្ជើញចូលរួមកិច្ចប្រជុំ (១) The 32nd ASEAN-China Senior Officials' Meeting (ACSOC) នៅថ្ងៃទី២០-២១ ខែឧសភា ឆ្នាំ២០២៦ និង (២) កិច្ចប្រជុំឧត្តមមន្រ្តីអាស៊ាន-ចិនស្តីពីការអនុវត្តសេចក្តីថ្លែងការណ៍ស្តពីប្រតិបត្តិការនៃបណ្តាភាគីនៅសមុទ្រចិនខាងត្បូង (SOM DOC) លើកទី២៦ និងកិច្ចប្រជុំក្រុមការងាររួមអាស៊ាន-ចិនស្តីពីការអនុវត្តសេចក្តីថ្លែងការណ៍ស្តីពីការប្រតិបត្តិនៃបណ្តាភាគីនៅសមុទ្រចិនខាងត្បូង (JWG-DOC) លើកទី៥៥ នៅថ្ងៃទី២១-២៣ ខែឧសភា ឆ្នាំ២០២៦ នៅទីក្រុងគូឡាឡាំពួ ប្រទេសម៉ាឡេស៊ី។
—————————————————————
On 20-21 May 2026, His Excellency Ouk Chandara, Ambassador of​the kingdom of Cambodia to Malaysia, accompanied by Ms. SOEUNG Solida, First Secretary and Mr. IN Sovanna, Second Secretary, welcomed and facilitated the delegation of the Ministry of Foreign Affairs and International Cooperation, led by His Excellency KUNG Phoak, Secretary of State and SOM Leader of Cambodia, to attend (1) The 32nd ASEAN-China Senior Officials' Meeting (ACSOC) on 20-21 May 2026, and (2) The 26th ASEAN-China Senior Officials' Meeting on the Implementation of the Declaration on the Conduct of Parties in the South China Sea (SOM DOC) and The 55th ASEAN-China Joint Working Group on the Implementation of the Declaration on the Conduct of Parties in the South China Sea (JWG-DOC) on 21-23 May 2026, in Kuala Lumpur, Malaysia.

សូមក្រាបថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីបុណ្យចម្រើនព្រះជន្មគម្រប់ ៧៣ យាងចូល ៧៤ ព្រះវស្សា

ទូលព្រះបង្គំយើងខ្ញុំទាំងអស់គ្នាជាមន្រ្តី​ និងបុគ្គលិក នៃស្ថានឯកអគ្គរាជទូតកម្ពុជាប្រចាំប្រទេសម៉ាឡេសុី សូមក្រាបបង្គំថ្វាយព្រះពរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ខួប ៧៣ ព្រះវស្សា យាងចូល ៧៤ ព្រះវស្សា សូមថ្វាយព្រះពរបវរមហាប្រសើរ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះករុណាជាអម្ចាស់ មានព្រះជន្មាយុយឺនយូរជាងរយព្រះវស្សា ព្រះកាយពលមាំមួន និងព្រះរាជសុខភាពល្អបរិបូរណ៍ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្រ្តខ្មែរគ្រប់ៗរូប។

សូមក្រាបបង្គំទូលថ្វាយពីយើងខ្ញុំជាមន្ត្រី និងបុគ្គលិក នៃស្ថានឯកអគ្គរាជទូតកម្ពុជាប្រចាំប្រទេសម៉ាឡេសុី។

ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី មានកិត្តិយសសូមជម្រាបជូនថា ស្ថានទូតនឹងឈប់សម្រាកចំនួន ១ថ្ងៃ គឺនៅថ្ងៃ​ព្រហស្បតិ៍​ ទី១៤ ខែឧសភា ឆ្នាំ២០២៦ ក្នុងឱកាសបុណ្យចម្រើនព្រះជន្មព្រះមហាក្សត្រនៃព្រះរាជាណាចក្រកម្ពុជា (King Sihamoni's Birthday)។

ស្ថានទូតនឹងបើកដំណើរការធម្មតាឡើងវិញ នៅថ្ងៃសុក្រ ទី១៥​ខែឧសភា ឆ្នាំ២០២៦។

នៅព្រឹកថ្ងៃទី៧ ខែឧសភា ឆ្នាំ២០២៦ ឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី បានទទួលជួបសម្តែងការគួរសមជាមួយ ឯកឧត្តម Irakli Asashvili ឯកអគ្គរដ្ឋទូតហ្សកហ្ស៊ីប្រចាំកម្ពុជាដែលមាននិវេសនដ្ឋាននៅទីក្រុងគូឡាឡាំពួ ប្រទេសម៉ាឡេស៊ី។
———————————————
On the morning of 7 May 2026 His Excellency OUK Chandara, Ambassador of the Kingdom of Cambodia to Malaysia, received a courtesy call with His Excellency Irakli Asashvili, Ambassador of Georgia to the Kingdom of Cambodia with residence in Kuala Lumpur, Malaysia.

ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី មានកិត្តិយសសូមជម្រាបជូនថា ស្ថានទូតនឹងឈប់សម្រាកចំនួន ១ថ្ងៃ គឺនៅថ្ងៃទី១ ខែឧសភា​ ឆ្នាំ២០២៦​ ក្នុងឱកាសបុណ្យ​ទិវា​ពលកម្ម​អន្តរជាតិ​ (International Labour Day)។

ស្ថានទូតនឹងបើកដំណើរការធម្មតាឡើងវិញ នៅថ្ងៃចន្ទ​ ទី៤ ខែឧសភា​ ឆ្នាំ២០២៦។