DepEd Tayo - Tambubong Elementary School

BUKAS NA! TARA, MAKIBRIGADA NA!

BRIGADA ESKWELA KICK OFF 2026
June 1, 2026

Magkaisa para sa malinis, ligtas, at masayang paaralan.

Sa tulong ng bayanihan, ating linisin, ayusin, pagandahin, at sama-samang ihanda ang ating paaralan para sa bagong taon ng pag-aaral.

Tara na, Tambubong ES family. Sama-sama nating ipakita ang diwa ng pagkakaisa at pagmamahal sa ating paaralan.

Dumalo si Ma'am Catherine C. Mula ng DepEd Tayo - Tambubong Elementary School sa “Division Capacity Building for 21st Century Kindergarten Teaching: Enhancing Instruction Through Digital Tools and Curriculum-Aligned Guide” na ginanap sa Balak Iba Este, Calumpit, Bulacan.

Ang nasabing pagsasanay ay naglalayong palawakin ang kaalaman at kakayahan ng mga g**o sa paggamit ng digital tools at mga makabagong estratehiya sa pagtuturo na nakaayon sa curriculum upang higit na mapabuti ang kalidad ng pagkatuto ng mga mag-aaral sa Kindergarten.

Patuloy na nakikiisa ang Tambubong ES sa mga programang nagsusulong ng makabago, makabuluhan, at dekalidad na edukasyon para sa bawat batang mag-aaral.

Naghahanda na ang DepEd Tayo - Tambubong Elementary School para sa nalalapit na Brigada Eskwela na gaganapin mula June 1–5, 2026.

Sa pangunguna ng aming masipag na
𝙋𝙪𝙣𝙪𝙣𝙜𝙜𝙪𝙧𝙤 𝙄𝙄𝙄, 𝙉𝙞𝙡𝙙𝙖 𝙂. 𝙁𝙧𝙖𝙣𝙘𝙞𝙨𝙘𝙤, puspusan na ang paghahanda upang masig**o ang isang ligtas, maayos, at kaaya-ayang kapaligiran para sa pagbubukas ng panibagong taon ng pag-aaral.

Ang Brigada Eskwela ay hindi lamang isang programa ng paglilinis at pagkukumpuni ng paaralan, kundi isang makabuluhang pagpapakita ng bayanihan, pagkakaisa, at malasakit para sa edukasyon ng ating mga kabataan.

Inaanyayahan namin ang lahat ng magulang, alumni, barangay officials, stakeholders, at mga volunteers na makiisa at makibahagi sa Kick-Off Program ng Brigada Eskwela sa June 1, 2026.

Ang bawat oras, lakas, at suportang inyong maibibigay ay magiging mahalagang ambag sa paghahanda ng isang paaralang handang humubog ng mga mag-aaral tungo sa kanilang mga pangarap.

Sama-sama nating buhayin ang diwa ng bayanihan. Tara na, makiisa at makibahagi para sa Tambubong ES at para sa kinabukasan ng ating mga mag-aaral.

PAALALA PARA SA MGA MAGULANG

Para po sa mga nagtatanong tungkol sa mga kailangang school supplies gaya ng notebook at iba pa — naririnig at nauunawaan po namin kayo.

Alam naming nais ninyo na makapaghanda nang mas maaga para sa nalalapit na pasukan ng inyong mga anak.

Kaugnay nito, ang DepEd Tayo - Tambubong Elementary School ay sumusunod sa DepEd Order Blg. 65, s. 1990 na nagsasaad na hindi maaaring mag-require ng partikular o sapilitang school supplies, libro, workbook, at iba pang kagamitang pampaaralan.

Bilang suporta sa praktikal at matipid na paghahanda para sa pasukan, hinihikayat po ng ating paaralan ang:
- paggamit at pagre-recycle ng mga school supplies na maayos pa at maaari pang magamit
- simpleng paghahanda ayon sa kakayahan ng bawat pamilya
- at higit sa lahat, ang kahandaan ng mga bata na matuto at ang patuloy na suporta ng mga magulang

Tandaan, hindi po nasusukat sa dami o kamahalan ng gamit ang tagumpay sa pag-aaral. Mas mahalaga po ang sipag, gabay, at pagtutulungan ng tahanan at paaralan para sa pagkatuto ng ating mga mag-aaral.

Ang mga SUGGESTED o mungkahing school supplies lamang ay tatalakayin sa gaganaping HRPTA Meeting bilang gabay sa mga magulang. Paalala po na ito ay mungkahi lamang at hindi sapilitan.

Gayunpaman, narito po ang mga subjects na mayroon ang bawat Grade sakaling nais ninyong bilhan ng gamit ang inyong mga anak:

Kindergarten
Play-based learning / integrated activities
Hindi kailangan ng maraming notebooks

Grade 1
5 Subjects
Language
Reading and Literacy
Mathematics
Makabansa
GMRC

Grades 2–3
Karaniwang 6–7 Subjects
English
Filipino
Mathematics
Makabansa
GMRC
Reading / Language components

Grades 4–6
Karaniwang 8–9 Subjects
English
Filipino
Mathematics
Science
Araling Panlipunan
EPP/TLE
MAPEH
GMRC/Values Education

Maraming salamat po sa inyong pang-unawa, suporta, at pakikiisa para sa matagumpay na pagbubukas ng klase. Sama-sama po tayo para sa kinabukasan ng ating mga bata!

ARAL SUMMER MATH AND READING MONITORING

Patuloy na isinasagawa ng ating masigasig na 𝙋𝙪𝙣𝙪𝙣𝙜𝙜𝙪𝙧𝙤 𝙄𝙄𝙄, 𝙉𝙞𝙡𝙙𝙖 𝙂. 𝙁𝙧𝙖𝙣𝙘𝙞𝙨𝙘𝙤 ang Aral Summer Math and Reading Monitoring upang masubaybayan ang pag-unlad ng mga mag-aaral sa larangan ng pagbasa at matematika.

Layunin ng programang ito na mapalakas pa ang pundasyon ng kaalaman ng mga bata sa pamamagitan ng tuloy-tuloy na paggabay, pagsasanay, at suporta mula sa ating mga g**o at katuwang sa edukasyon.

Ang bawat oras na inilalaan para sa pagkatuto ay isang hakbang tungo sa mas maliwanag na kinabukasan ng ating mga mag-aaral.

Maraming salamat sa lahat ng patuloy na nagsisikap at gumagabay para sa kapakanan at pag-unlad ng ating mga mag-aaral.












Note:
Parental consent secured before posting pupils’ photos online, in compliance with RA 10173 (Data Privacy Act).

Kaisa ang Pamahalaang Panlalawigan ng Bulacan sa paggunita ng mga Araw ng Pambamsang Watawat at ika-128 Anibersaryo ng Proklamasyon ng Kalayaan ng Pilipinas.

Sa pagwagayway ng ating watawat, buhay na ginugunita ang diwa ng katapangan, pagkakaisa at pagmamahal sa bayan ng mga Pilipinong nag-alay ng kanilang buhay para sa ating kalayaan.

Nawa’y manatiling nagliliyab sa puso ng bawat mamamayan ang pagiging makabayan at pagpapahalaga sa kalayaan na siyang pundasyon ng isang matatag at maunlad na bansa.