Kap Joel Dimapilis

𝗧𝗨𝗟𝗨𝗬-𝗧𝗨𝗟𝗢𝗬 𝗡𝗔 𝗦𝗘𝗥𝗕𝗜𝗦𝗬𝗢 𝗣𝗔𝗥𝗔 𝗦𝗔 𝗕𝗔𝗧𝗜𝗡𝗢! 🫡💙

Sa pagpasok ng buwan ng Hunyo, patuloy po nating sinisimulan ang bawat araw sa pagtupad ng ating tungkulin para sa kapakanan ng ating mga kabarangay.

Kahapon, tayo po ay dumalo sa Regular Monthly Meeting ng Liga ng mga Barangay ng Lungsod ng Calamba kung saan tinalakay ang iba't ibang mahahalagang usapin na may direktang epekto sa ating mga barangay at sa bawat pamilyang Calambeño.

Kabilang sa mga pangunahing agenda ang pagpapaigting ng pagpapatupad ng 𝗖𝗶𝘁𝘆 𝗢𝗿𝗱𝗶𝗻𝗮𝗻𝗰𝗲 𝗡𝗼. 𝟴𝟯𝟵 na naglalayong 𝘩𝘪𝘨𝘱𝘪𝘵𝘢𝘯 𝘢𝘯𝘨 𝘱𝘢𝘨𝘣𝘢𝘣𝘢𝘸𝘢𝘭 𝘴𝘢 𝘱𝘢𝘨𝘨𝘢𝘮𝘪𝘵, 𝘱𝘢𝘨𝘣𝘦𝘣𝘦𝘯𝘵𝘢, 𝘥𝘪𝘴𝘵𝘳𝘪𝘣𝘶𝘴𝘺𝘰𝘯, 𝘢𝘵 𝘱𝘢𝘨-𝘢𝘢𝘯𝘶𝘯𝘴𝘺𝘰 𝘯𝘨 𝘴𝘪𝘨𝘢𝘳𝘪𝘭𝘺𝘰, 𝘷𝘢𝘱𝘦, 𝘢𝘵 𝘪𝘣𝘢 𝘱𝘢𝘯𝘨 𝘵𝘰𝘣𝘢𝘤𝘤𝘰 𝘱𝘳𝘰𝘥𝘶𝘤𝘵𝘴 𝘴𝘢 𝘮𝘨𝘢 𝘱𝘢𝘮𝘱𝘶𝘣𝘭𝘪𝘬𝘰𝘯𝘨 𝘭𝘶𝘨𝘢𝘳, 𝘭𝘢𝘭𝘰 𝘯𝘢 𝘴𝘢 𝘮𝘨𝘢 𝘱𝘢𝘢𝘳𝘢𝘭𝘢𝘯 𝘢𝘵 𝘮𝘨𝘢 𝘵𝘢𝘯𝘨𝘨𝘢𝘱𝘢𝘯 𝘯𝘨 𝘱𝘢𝘮𝘢𝘩𝘢𝘭𝘢𝘢𝘯. Layunin nitong maprotektahan ang kalusugan ng ating mga mamamayan, lalo na ang kabataan.

Tinalakay rin ng mga kinatawan ng Calamba Water District ang kanilang programa para sa paglalagay ng mga fire hydrant sa iba't ibang barangay. Isa itong mahalagang hakbang upang mapalakas ang kahandaan ng ating mga komunidad laban sa sunog at iba pang sakuna, lalo na sa mga lugar na may mataas na populasyon at mga industriyal na establisimyento gaya ng Barangay Batino.

Nagbigay rin ng mahahalagang impormasyon ang City Health Services Office ukol sa patuloy na pagsusulong ng mga programang may kaugnayan sa mental health. Muli nating pinaaalalahanan ang ating mga kabarangay na huwag mag-atubiling lumapit sa ating barangay o sa City Health Office kung nangangailangan ng kaukulang gabay at suporta.

Isa rin sa mga inaabangang balita sa pagpupulong ay ang pagbabalik ng 𝗠𝗮𝘆𝗼𝗿 𝗥𝗼𝘀𝘀 𝗥𝗶𝘇𝗮𝗹 𝗜𝗻𝘁𝗲𝗿-𝗕𝗮𝗿𝗮𝗻𝗴𝗮𝘆 𝗧𝗼𝘂𝗿𝗻𝗮𝗺𝗲𝗻𝘁 𝟮𝟬𝟮𝟲 na muling magbibigay ng pagkakataon sa ating mga kabataan at mamamayan na makilahok sa mga paligsahang pampalakasan at iba pang gawaing pangkomunidad sa mga susunod na buwan.

Patuloy po tayong nakikiisa sa mga pagpupulong at programang makatutulong sa pagbuo ng mas ligtas, mas malusog, at mas maunlad na Calamba para sa lahat.

🟦 𝗧𝘂𝗻𝗮𝘆. 𝗧𝗮𝗽𝗮𝘁. 𝗠𝗮𝗯𝗶𝗹𝗶𝘀. 𝗦𝗲𝗿𝗯𝗶𝘀𝘆𝗼𝗻𝗴 𝘿𝙄𝙈𝘼𝙋𝙄𝙇𝙄𝙎 ✨

𝗣𝗔𝗔𝗡𝗬𝗔𝗬𝗔 | 𝐆𝐑𝐀𝐍𝐃 𝐀𝐋𝐀𝐘 𝟐𝟎𝟐𝟔 🤲🏻💙

Inaanyayahan po ng Sangguniang Barangay ng Batino ang lahat ng ating mga kabarangay na makiisa sa gaganaping Grand Alay 2026 bilang bahagi ng ating pagdiriwang ng Flores de Mayo at pag aalay ng debosyon at pasasalamat kay Mahal na Birheng Maria.

📅 Linggo
🕖 7:00 PM
📍 Assembly Time: 6:00 PM
🚶 Parade Starts: 6:30 PM mula sa simbahan patungo sa ating barangay

👗 Attire: Formal
✅ Bukas para sa mga edad 15 taong gulang pataas
🌹 Libre na rin po ang flowers at candles para sa mga lalahok

Inaanyayahan po namin ang lahat na makiisa sa isang gabi ng pananampalataya, pagkakaisa, at pasasalamat bilang isang komunidad. Sama sama po nating ipagdiwang ang ating debosyon sa Mahal na Birheng Maria at ipakita ang patuloy na pagkakabuklod ng bawat Batineño.

Kita kits po tayo sa Grand Alay! 🙏🌹✨

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

𝗠𝗮𝘆 𝟮𝟲, 𝟮𝟬𝟮𝟲 | 𝗣𝗨𝗟𝗢𝗡𝗚 𝗨𝗞𝗢𝗟 𝗦𝗔 𝗣𝗔𝗚𝗣𝗔𝗣𝗔𝗧𝗨𝗟𝗢𝗬 𝗡𝗚 𝗣𝗥𝗢𝗬𝗘𝗞𝗧𝗢𝗡𝗚 𝗧𝗨𝗟𝗔𝗬 𝗦𝗔 𝗣𝗨𝗥𝗢𝗞 𝗦𝗜𝗟𝗔𝗡𝗚𝗔𝗡 🤝🏻

Ngayong umaga ay nakipagpulong po tayo kasama ang mga private landowners dito sa ating barangay, katuwang ang mga kinatawan mula sa DPWH, patungkol sa pagpapatuloy ng proyektong tulay sa Purok Silangan.

Layunin ng pagpupulong na mas mapalalim pa ang koordinasyon at maayos na pag-uusap upang maipagpatuloy ang naturang proyekto na inaasahang makatutulong sa mas maayos na daloy ng transportasyon at mas ligtas na pagdaan ng ating mga kabarangay.

Patuloy po tayong nakikipagtulungan at naghahanap ng paraan upang maisakatuparan ang mga proyektong makapagbibigay ng pangmatagalang benepisyo para sa ating komunidad.

🟦 𝗧𝘂𝗻𝗮𝘆. 𝗧𝗮𝗽𝗮𝘁. 𝗠𝗮𝗯𝗶𝗹𝗶𝘀. 𝗦𝗲𝗿𝗯𝗶𝘀𝘆𝗼𝗻𝗴 𝘿𝙄𝙈𝘼𝙋𝙄𝙇𝙄𝙎 ✨

🚨 𝗨𝗥𝗚𝗘𝗡𝗧 𝗔𝗡𝗡𝗢𝗨𝗡𝗖𝗘𝗠𝗘𝗡𝗧: 𝗣𝗥𝗘𝗦𝗜𝗗𝗘𝗡𝗧𝗜𝗔𝗟 𝗦𝗖𝗛𝗢𝗟𝗔𝗥 𝗣𝗥𝗢𝗚𝗥𝗔𝗠 🚨

Magandang araw, mga ka-Barangay!
May magandang balita at napakagandang pagkakataon para sa ating mga masisipag na mag-aaral. Kami po ay agarang naghahanap ng 𝗟𝗜𝗠𝗔𝗡𝗚 (𝟱) 𝗜𝗡𝗖𝗢𝗠𝗜𝗡𝗚 𝟰𝗧𝗛 𝗬𝗘𝗔𝗥 𝗖𝗢𝗟𝗟𝗘𝗚𝗘 𝗦𝗧𝗨𝗗𝗘𝗡𝗧𝗦 na magiging benepisyaryo ng prestihiyosong Presidential Scholar Program dito sa Barangay Batino!

Limitado lamang ang slots kaya naman mangyaring pumunta agad bukas sa Batino Barangay Hall sa ganap na 1:00 ng hapon at hanapin si Secretary Rowena Miranda (Aries Bhemzkie) para sa requirements at screening.

Gusto mo bang maging isa sa kanila? Alamin ang mga kwalipikasyon at requirements sa ibaba:

📋 𝗠𝗚𝗔 𝗞𝗪𝗔𝗟𝗜𝗣𝗜𝗞𝗔𝗦𝗬𝗢𝗡 (𝗤𝗨𝗔𝗟𝗜𝗙𝗜𝗖𝗔𝗧𝗜𝗢𝗡𝗦):
🐢Katibayan ng Paninirahan: Isang lehitimong residente at rehistradong botante (o anak ng rehistradong botante) ng Barangay Batino.
🐢Antas ng Pag-aaral: Incoming 4th Year College Student o 5th Year College ngayong darating na akademikong taon.
🐢Katayuan sa Pag-aaral: Regular na mag-aaral na walang bagsak na grado (no failing grades) sa nakaraang semestre.
🐢Pangangailangang Pinansyal: Priyoridad ang mga mag-aaral na higit na nangangailangan ng suportang pinansyal upang makapagtapos ng pag-aaral.

📄 𝗠𝗚𝗔 𝗣𝗔𝗡𝗨𝗡𝗧𝗨𝗡𝗔𝗡 𝗔𝗧 𝗗𝗢𝗞𝗨𝗠𝗘𝗡𝗧𝗢𝗡𝗚 𝗗𝗔𝗣𝗔𝗧 𝗜𝗣𝗔𝗦𝗔:
✏️Certificate of Residency (Mula sa ating Barangay)
✏️Copy of Grades / Transcript of Records (TOR) noong 3rd Year o 4th Year College.
✏️Certificate of Enrollment / Registration Form para sa darating na semestre (o patunay na incoming 4th year o 5th Year).
✏️Valid ID (School ID o anumang Government ID na may patunay ng address).

Huwag nang palampasin ang pagkakataong ito na mapagaan ang gastusin sa huling taon ng iyong kolehiyo! Para sa mga katanungan, maaari po kayong magtungo nang direkta sa ating Barangay Hall o mag-iwan ng mensahe sa page na ito.
I-tag na ang inyong mga kamag-anak, kaibigan, at kapitbahay na qualified! 🎓✨

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗞𝗢𝗡𝗦𝗜 𝗚𝗘𝗟𝗢𝗨! 🎉💙

Isang Maligayang Kaarawan sa ating Chairperson ng Committee on Education ng Sangguniang Barangay ng Batino, Kagawad Angelou Oña.

Maraming salamat sa inyong patuloy na dedikasyon, malasakit, at suporta lalo na sa mga programang pang edukasyon para sa ating mga kabataan at komunidad.

Nawa’y patuloy kayong pagpalain ng mabuting kalusugan, lakas, tagumpay, at mas marami pang taon ng masayang paglilingkod para sa ating mga kabarangay.

Mula sa inyong pamilya sa Sangguniang Barangay ng Batino, maligayang kaarawan, Konsi Gelou! 🎂 🎉💙