BFAR - National Capital Region

𝗙𝗶𝘀𝗵𝗲𝗿𝗳𝗼𝗹𝗸 𝗪𝗲𝗹𝗹𝗻𝗲𝘀𝘀 𝗗𝗮𝘆 𝗽𝗮𝗿𝗮 𝘀𝗮 𝗺𝗴𝗮 𝗠𝗮𝗻𝗴𝗶𝗻𝗴𝗶𝘀𝗱𝗮 𝗻𝗴 𝗣𝗮𝗿𝗮ñ𝗮𝗾𝘂𝗲, 𝗶𝘀𝗶𝗻𝗮𝗴𝗮𝘄𝗮 𝗻𝗴 𝗕𝗙𝗔𝗥-𝗡𝗖𝗥 𝘂𝗽𝗮𝗻𝗴 𝗶𝘀𝘂𝗹𝗼𝗻𝗴 𝗮𝗻𝗴 𝗸𝗮𝗽𝗮𝗸𝗮𝗻𝗮𝗻 𝗮𝘁 𝗸𝗮𝗹𝘂𝘀𝘂𝗴𝗮𝗻 𝗻𝗴 𝗺𝗴𝗮 𝗠𝗮𝗻𝗴𝗶𝗻𝗴𝗶𝘀𝗱𝗮

Mayo 25, 2026 - Bilang bahagi ng pangdiriwang ng Buwan ng Magsasaka at Mangingisda, sa ilalim ng Mangingisdang Direktor Program, matagupay na naisagawa ng BFAR-NCR ang Fisherfolk Wellness Program para sa mga rehistradong manginigsda sa Paranaque, kasabay ito ng inisyatiba ng City Agriculture, Fisheries, and Aquatic Resources Office na “Linggo ng Mangingisda” sa Parañaque Fisherman’s Wharf.

Layunin ng aktibidad na isulong ang kapakanan at kalusugan ng mga mangingisda sa pamamagitan ng pagbibigay ng mga serbisyong pangkalusugan at suporta na madaling maabot ng mga rehistradong mangingisda sa Lungsod ng Parañaque. Nakiisa rin ang Philippine National Police ng Parañaque City sa nasabing aktibidad.

Hinikayat naman ni RFD Jose Cabanza Jr. ang kanyang kapwa mangingisda na aktibong suportahan at makilahok sa mga programa at aktibidad na nagtataguyod ng kanilang kapakanan dahil ang pagkakaisa at kooperasyon sa gitna ng mga mangingisda at pamahalaan ay susi tungo sa mas maunlad na sektor ng pangisdaan sa rehiyon.

Binigyang diin ni BFAR-NCR Regional Director Noemi SB Lanzuela ang pauloy na pangako ng tanggapan sa tunay na pag-aaruga at pagsuporta sa kapakanan ng mga komunidad ng mangingisda. Ibinahagi rin niya ang iba’t ibang programa at interbensyon ng BFAR-NCR na naglalayong maiangat ang pamumuhay ng mga mangingisda, mapabuti ang kanilang kabuhayan, at mapalakas ang mga serbisyong suporta sa National Capital Region.

Bilang bahagi ng aktibidad, namahagi rin ng mga Information, Education, and Communication (IEC) materials at nagsagawa ng oryentasyon tungkol sa Fisheries Scholarship Program upang mapalawak ang kaalaman ng mga kalahok hinggil sa mga oportunidad sa edukasyon para sa mga mangingisda at kanilang mga pamilya.

Nagkaroon din ng libreng legal consultation sa pamamagitan ni Atty. Arnulfo Balace, na tumugon sa mga suliranin ng mga mangingisda at nagbigay ng legal na gabay at tulong.
Upang higit pang maisulong ang wellness at self-care, nakipagpartner ang BFAR-NCR sa TESDA-NCR, sa pamamagitan ng Parañaque Livelihood Resource Management Office, sa pagbibigay ng libreng wellness at grooming services tulad ng masahe, manicure-pedicure, at haircut para sa mga kalahok na mangingisda.

“𝘔𝘢𝘭𝘢𝘬𝘪𝘯𝘨 𝘵𝘶𝘭𝘰𝘯𝘨 𝘱𝘰 𝘪𝘵𝘰 𝘬𝘢𝘴𝘪 𝘬𝘢𝘪𝘭𝘢𝘯𝘨𝘢𝘯 𝘯𝘢𝘮𝘪𝘯 𝘪𝘵𝘰, 𝘯𝘨𝘢𝘺𝘰𝘯 𝘯𝘢𝘣𝘪𝘣𝘪𝘨𝘺𝘢𝘯𝘨 𝘱𝘢𝘯𝘴𝘪𝘯 𝘯𝘢 𝘢𝘯𝘨 𝘮𝘨𝘢 𝘮𝘢𝘯𝘨𝘪𝘯𝘨𝘪𝘴𝘥𝘢 𝘥𝘪𝘵𝘰 𝘴𝘢 𝘗𝘢𝘳𝘢ñ𝘢𝘲𝘶𝘦. 𝘔𝘢𝘳𝘢𝘮𝘪𝘯𝘨 𝘴𝘢𝘭𝘢𝘮𝘢𝘵 𝘴𝘢 𝘉𝘍𝘈𝘙-𝘕𝘊𝘙 𝘥𝘢𝘩𝘪𝘭 𝘬𝘢𝘩𝘪𝘵 𝘮𝘢𝘭𝘢𝘺𝘰 𝘬𝘢𝘮𝘪 𝘴𝘢 𝘪𝘯𝘺𝘰, 𝘯𝘢𝘣𝘪𝘣𝘪𝘨𝘺𝘢𝘯 𝘯𝘪𝘯𝘺𝘰 𝘬𝘢𝘮𝘪 𝘯𝘨 𝘵𝘶𝘭𝘰𝘯𝘨,” pahayag ng isa sa mga mangingisda.

Naging positibo ang pagtanggap ng mga mangingisda sa nasabing aktibidad, na sumasalamin sa patuloy na dedikasyon ng BFAR-NCR at ng mga katuwang nitong ahensya sa pagsusulong ng kapakanan, at pagpapaunlad ng mga komunidad ng mangingisda sa Metro Manila. # (JFB)

Please hit LIKE (👍) to support the NCR's Pride, True Gold Lies Beneath by Ms. Myth Aera Lambot!

-------

The 11 project-covered regions have officially chosen their standout sculptures for the national competition of !

Now, it’s your turn, netizens, to help etch in stone which masterpiece truly stands above the rest.

Which among these 11 remarkable sculptures best embodies the vision of the Project — promoting food security, ecosystem resilience, and sustainable communities?

Mechanics for voting:
1. Follow the (pls tag the page) BFAR Philippines page
2. Hit the like 👍 button of your favorite artwork
3. Share to hype up your fave!

𝟏 𝐋𝐈𝐊𝐄 (👍) 𝐑𝐄𝐀𝐂𝐓𝐈𝐎𝐍 = 𝟏 𝐕𝐎𝐓𝐄

Voting closes on May 27, 2026 | 12MN.

ARTIST: Myth Aera Lambot
TITLE: “True Gold Lies Beneath”
DESCRIPTION: This vertically arranged mixed-media sculpture highlights the hidden significance of marine life and the people who rely on it. This artwork, which is constructed in stacked cube shapes, visually moves from surface to depth, starting above a mangrove and descending into an abundance of aquatic life. In essence, it demonstrates that ecosystems' capacity to renew and sustain future generations is what resilience is all about.

𝑴𝒂𝒔 𝑷𝒊𝒏𝒂𝒍𝒂𝒘𝒂𝒌 𝒏𝒂 𝑼𝒈𝒏𝒂𝒚𝒂𝒏 𝒂𝒕 𝑷𝒊𝒏𝒂𝒍𝒂𝒌𝒂𝒔 𝒏𝒂 𝑺𝒂𝒎𝒂𝒉𝒂𝒏:
𝗥𝗲𝗴𝗶𝗼𝗻𝗮𝗹 𝗗𝗶𝗿𝗲𝗰𝘁𝗼𝗿 𝗟𝗮𝗻𝘇𝘂𝗲𝗹𝗮, 𝗡𝗮𝗸𝗶𝗯𝗮𝗵𝗮𝗴𝗶 𝘀𝗮 𝗞𝘂𝘄𝗲𝗻𝘁𝗼 𝗻𝗴 𝗺𝗴𝗮 𝗠𝗮𝗻𝗴𝗶𝗻𝗴𝗶𝘀𝗱𝗮

Bilang bahagi ng pagdiriwang ng Buwan ng mga Magsasaka at Mangingisda at bilang suporta sa pagpapatupad ng Mangingisdang Direktor Program, nagsagawa ng makabuluhang immersion activity si BFAR-NCR Regional Director Dr. Noemi SB. Lanzuela kasama ang komunidad ng mga mangingisda sa Lungsod ng Parañaque.

Layunin ng naturang immersion na higit na mapalalim ang pag-unawa ng ahensya sa tunay na kalagayan, pangangailangan, at mga hamong kinahaharap ng sektor ng pangisdaan, partikular ng maliliit na mangingisda sa rehiyon.

Sa kaniyang pagbisita, personal na nakadaupang-palad ni RD Lanzuela ang mga lokal na mangingisda, magtatahong, at mga fish vendor sa kilalang Bulungan sa Parañaque. Dito ay nakinig siya sa mga hinaing, karanasan, at mungkahi ng mga stakeholder hinggil sa kanilang kabuhayan, presyo ng isda, epekto ng pagbabago ng panahon, at iba pang suliraning kinahaharap ng sektor. Kabilang na dito ang pagpapalawak ng istruktura ng fishermen’s wharf upang mas maraming manininda pa sa bulungan ang makinabang.

Kabaliktaran ng pangalan na Bulungan, ramdam na agad sa madaling araw ang ingay at sigla ng lugar, mga sigawan sa bentahan, kalansing ng timbangan, at tawaran ng sariwang huli mula sa dagat. Ngunit sa likod ng masiglang tagpong ito ay naroon ang tahimik na kwento ng sakripisyo at pakikipagsapalaran ng mga taong umaasa sa biyaya ng dagat.

Bukod dito, nagtungo rin si RD Lanzuela sa mga saprahan at tahungan sa Manila Bay upang personal na masaksihan ang aktwal na operasyon at kondisyon ng mga mangingisda sa lungsod. Ayon sa kanila, walang oras at panahon ang kanilang paghahanapbuhay, sinusuong nila ang malamig na tubig at hangin tuwing gabi at madaling-araw o kaya naman tinitiis ang matinding init ng araw upang mangolekta ng tahong at maghango ng huling isda mula sa mga sapra.

Sa kabila ng matinding hirap at panganib na kaakibat ng kanilang trabaho, patuloy silang nagsasakripisyo at nagsusumikap upang may maihain sa hapag-kainan at maitaguyod ang kinabukasan ng kanilang pamilya.

Damang-dama ni RD Lanzuela ang mga hamon na kinahaharap ng mga magtatahong at magsasapra kabilang na ang epekto ng reklamasyon na sanhi ng pagbabago sa kalidad ng tubig at nakaaapekto sa kanilang produksyon at kabuhayan.

Samantala, nakiisa rin si RD Lanzuela sa isinagawang retrieval operation ng invasive species sa Laguna de Bay sa bahagi ng Muntinlupa City. Ang aktibidad ay isinagawa sa pakikipagtulungan ng Lake Management Office (LMO) at City Fisheries and Aquatic Resources Management Councils (CFARMCs) ng Lungsod ng Muntinlupa sa ilalim ng programang Balik Sigla sa Ilog at Lawa (BASIL).

Sa kabuuan, narekober ang 578.5 kilogram ng Janitor Fish at 621.5 kilogram ng Knife Fish na kilalang parehong nakapipinsala sa natural na ecosystem ng Laguna de Bay.

Higit pa sa isang simpleng immersion, naging daan ito upang mas mapalapit ang ahensya sa tunay na kalagayan ng mga mangingisda at makapaglatag ng mas epektibo at sustenableng mga programa at polisiya para sa sektor ng pangisdaan. #

𝐓𝐈𝐍𝐆𝐍𝐀𝐍: 𝐏𝐚𝐠𝐬𝐚𝐬𝐚𝐧𝐚𝐲 𝐬𝐚 𝐬𝐮𝐬𝐭𝐞𝐧𝐚𝐛𝐥𝐞𝐧𝐠 𝐩𝐚𝐠𝐩𝐚𝐩𝐚𝐥𝐚𝐤𝐢 𝐧𝐠 𝐭𝐢𝐥𝐚𝐩𝐢𝐚 𝐚𝐭 𝐡𝐢𝐭𝐨 𝐬𝐚 𝐀𝐪𝐮𝐚𝐩𝐨𝐧𝐢𝐜𝐬, 𝐢𝐬𝐢𝐧𝐚𝐠𝐚𝐰𝐚 𝐧𝐠 𝐁𝐅𝐀𝐑-𝐍𝐂𝐑 𝐧𝐨𝐨𝐧𝐠 𝐢𝐤𝐚-𝟏𝟗 𝐧𝐠 𝐌𝐚𝐲𝐨 𝟐𝟎𝟐𝟔 𝐬𝐚 𝐁𝐅𝐀𝐑-𝐍𝐂𝐑 𝐓𝐫𝐚𝐢𝐧𝐢𝐧𝐠 𝐇𝐚𝐥𝐥.
Ito ay bilang tugon sa kahilingan ng Bureau of Jail Management and Penology - National Capital Region (BJMP-NCR) na mabigyan ng kaalaman ang kanilang mga tauhan hinggil sa sustenableng paraan ng pagpapalaki ng isda na maaari nilang maituro sa mga Persons Deprived of Liberty (PDL), gayundin bilang alternatibong kabuhayan pagdating ng kanilang retirement.

Nagsilbing mga resource speaker sina G. Errol P. Tiburcio at G. Mars D. Matillano ng Fisheries Production Section, na nagbahagi ng mahahalagang kaalaman ukol sa tamang pamamahala ng aquaponics system, pag-aalaga ng tilapia at hito, at mga praktikal na pamamaraan upang mapanatili ang ligtas, episyente, at sustenableng produksyon ng isda at gulay.

Taos-pusong pasasalamat ang ipinabatid ni JGSUPT Baby Noel P. Montalvo sa BFAR-NCR, sa pamumuno ni Regional Director Noemi SB. Lanzuela, dahil sa suporta at kaalamang ibinahagi ng opisina upang mapalawak ang kakayahan ng mga BJMP-NCR personnel. Umaasa rin silang sa tulong ng mga ganitong pagsasanay, mapapagtibay ang balikatan at ugnayan ng dalawang ahensya para sa pagsusulong ng mga programang pangkabuhayan at pangkaunlaran.

𝗕𝗙𝗔𝗥-𝗡𝗖𝗥, 𝗻𝗮𝗴𝘀𝗮𝗴𝗮𝘄𝗮 𝗻𝗴 𝗽𝗮𝗴𝘀𝗮𝘀𝗮𝗻𝗮𝘆 𝘂𝗸𝗼𝗹 𝘀𝗮 𝗼𝗽𝗲𝗿𝗮𝘁𝗶𝗼𝗻𝗮𝗹 𝘀𝗮𝗳𝗲𝘁𝘆 𝗽𝗿𝗼𝘁𝗼𝗰𝗼𝗹𝘀 𝘁𝘂𝗻𝗴𝗼 𝘀𝗮 𝗺𝗮𝘀 𝗺𝗮𝘀 𝗺𝗮𝘀𝗮𝗴𝗮𝗻𝗮 𝗮𝘁 𝗹𝗶𝗴𝘁𝗮𝘀 𝗻𝗮 𝗽𝗮𝗻𝗴𝗶𝗻𝗴𝗶𝘀𝗱𝗮 𝘀𝗮 𝗣𝗮𝗿𝗮ñ𝗮𝗾𝘂𝗲 𝗖𝗶𝘁𝘆

Mayo 12–13, 2026 - Nagsagawa ang Bureau of Fisheries and Aquatic Resources – National Capital Region (BFAR-NCR) ng isang komprehensibong pagsasanay ukol sa operational safety protocols para sa mga Bantay Dagat at mga kinatawan ng LGU-Parañaque sa Fisherman Wharf, Parañaque City.

Layunin ng pagsasanay na palalimin ang kaalaman ng mga kalahok hinggil sa mga operational risks, palakasin ang koordinasyon sa mga law enforcement agencies, at tiyaking naipatutupad nang maayos ang mga batas pangisdaan nang may paggalang sa karapatang pantao.

Buong pusong pasasalamat ang ipinaabot ni G. Jose N. Cabanza, Jr., Regional Fisherfolk Director ng BFAR-NCR, sa lahat ng nakilahok at sa tanggapan ng BFAR-NCR sa pagsasagawa ng nasabing aktibidad. Binigyang-diin niya na malaking tulong ang nasabing pagsasanay upang higit pang mapahusay ang kakayahan ng mga tagapagpatupad ng batas. Hinikayat din niya ang mga kalahok na isaisip at isapuso ang kanilang mga natutunan upang maging mas epektibo at responsableng law enforcers.

Dumalo rin sa nasabing pagsasanay si Regional Director Noemi SB. Lanzuela at nagpahayag ng kanyang buong suporta sa mga Bantay Dagat at LGU-Parañaque na patuloy na ginagampanan ang kanilang mahalagang tungkulin bilang katuwang ng ahensya sa pangangalaga ng ating yamang tubig sa pamamagitan ng mahigpit na pagpapatupad ng batas pangisdaan.

Nagbahagi ng kanilang kaalaman sina G. Ohjee V. Cabilogan, OIC ng Enforcement and Regional Monitoring, Control and Surveillance Operation Center (ERMCSOC), at ang kanyang staff na si Mr. Arman S. Cabanig hinggil sa overview ng fishery laws and regulations, fish examination, at mga wastong hakbang na dapat isagawa sa panahon ng operasyon.

Nagkaroon din ng hands-on fish identification at examination ang mga kalahok upang higit pang mapalalim ang kanilang kaalaman sa pagtukoy ng mga isdang nahuli sa ilegal na pamamaraan. Bumisita rin ang mga kalahok sa bulungan kasama si RD Lanzuela upang obserbahan ang iba’t ibang uri ng isdang ibinebenta rito at mas maunawaan ang operasyon at sistemang umiiral sa nasabing pamilihan. #

Shellfish Bulletin No. 11
Series of 2026
16 May 2026

Shellfishes collected and tested from Dumanquillas Bay in Zamboanga del Sur; Tantanang Bay in Zamboanga Sibugay Province; Matarinao Bay in Eastern Samar; Coastal waters of Bolinao and Anda in Pangasinan; and coastal waters of Daram, Samar are 𝐒𝐓𝐈𝐋𝐋 𝐏𝐎𝐒𝐈𝐓𝐈𝐕𝐄 for Paralytic Shellfish Poison (PSP) or toxic red tide that is beyond the regulatory limit. Moreover, Panguil Bay in Misamis Occidental and Lanao Del Norte are now positive for red tide toxin.

All types of shellfish and 𝑨𝒄𝒆𝒕𝒆𝒔 𝒔𝒑. or alamang gathered from these areas are 𝐍𝐎𝐓 𝐒𝐀𝐅𝐄 for human consumption.

Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.

𝗕𝗙𝗔𝗥-𝗡𝗖𝗥, 𝗟𝗚𝗨-𝗠𝘂𝗻𝘁𝗶𝗻𝗹𝘂𝗽𝗮, 𝗖𝗙𝗔𝗥𝗠𝗖𝘀 𝗻𝗮𝗴𝗸𝗮𝗶𝘀𝗮 𝘀𝗮 𝗽𝗮𝗴𝘀𝘂𝗽𝗶𝗹 𝗻𝗴 𝗶𝗻𝘃𝗮𝘀𝗶𝘃𝗲 𝗳𝗶𝘀𝗵 𝘀𝗽𝗲𝗰𝗶𝗲𝘀 𝘁𝘂𝗻𝗴𝗼 𝘀𝗮 𝗺𝗮𝘀 𝗹𝗶𝗴𝘁𝗮𝘀 𝗻𝗮 𝗲𝗸𝗼𝗹𝗼𝗵𝗶𝘆𝗮 𝗻𝗴 𝗟𝗮𝗴𝘂𝗻𝗮 𝗱𝗲 𝗕𝗮𝘆

Mayo 13-14, 2026 - Matagumpay na naipatupad ang aktibidad na "Purchase and Retrieval of Invasive Fish Species" sa pamamagitan ng pagtutulungan ng BFAR-NCR, Lake Management Office (LMO), at City Fisheries and Aquatic Resources Management Councils (CFARMCs) ng Lungsod ng Muntinlupa sa ilalim ng programang Balik Sigla sa Ilog at Lawa (BASIL).

Pinangasiwaan nina Regional Director Noemi SB. Lanzuela at Lorna B. Misa, OIC ng Lake Management Office, ang nasabing ugnayan na naglalayong tiyakin ang pagpapanatili ng balanse na ekolohiya sa Laguna de Bay.

Isinagawa ang aktibidad sa dalawang magkahiwalay na yugto. Una, nagsimula ito sa "Retrieval and Disposal Phase" noong Mayo 13, kung saan ang mga rehistradong mangingisda mula sa lokal na komunidad ang mismong nanguna sa paghuli ng mga mapaminsalang uri ng isda sa lawa. Sa unang araw, kabuuang 1.2 toneladang invasive species ang matagumpay na nakuha na binubuo ng 578.5 kg ng Janitor Fish at 621.5 kg ng Knife Fish.

Upang matiyak na hindi na makabalik at makapinsala pa sa natural na tirahan ng mga isda, agad na ibinaon ang mga Janitor fish sa isang itinalagang lugar. Samantala, dinala naman ang mga nakolektang Knife fish sa National Inland Fisheries Technology Center (NIFTC) sa Tanay, Rizal. Ang mga ito ay opisyal na ipinagkaloob ng BFAR-NCR upang iproseso at gawing kapaki-pakinabang na pakain sa isda (fish feeds).

Ginanap naman nitong Mayo 14 ang ikalawang yugto na nakatutok sa "Disbursement of Funds" para sa mga nakilahok na mangingisda. Ang operasyong pinansyal na ito ay pinamunuan ni Gng. Divina Arlene M. Gillego, OIC ng Cashier Section ng BFAR-NCR. Pangunahing layunin ng bahaging ito na matiyak na ang bawat kalahok ay makatatanggap ng kaukulang insentibong salapi batay sa binitawang timbang ng kanilang huli, na kung saan ay isinabay na rin ang pamamahagi ng bayad para sa programang Cash-for-Work na nagbigay ng direktang suportang pangkabuhayan para sa lokal na komunidad ng mga mangingisda. # (AKP)

The World Bank, in collaboration with the Bureau of Fisheries and Aquatic Resources (BFAR), invites you to the webinar, “𝐏𝐥𝐚𝐬𝐭𝐢𝐜 𝐏𝐨𝐥𝐥𝐮𝐭𝐢𝐨𝐧 𝐀𝐬𝐬𝐨𝐜𝐢𝐚𝐭𝐞𝐝 𝐰𝐢𝐭𝐡 𝐂𝐨𝐚𝐬𝐭𝐚𝐥 𝐅𝐢𝐬𝐡𝐞𝐫𝐢𝐞𝐬 𝐚𝐧𝐝 𝐌𝐚𝐫𝐢𝐜𝐮𝐥𝐭𝐮𝐫𝐞 𝐢𝐧 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬,” on 20 May 2026, from 8:30 AM – 10:00 AM via Microsoft Teams.

The webinar will present key findings and recommendations from the National Baseline Assessment Reports on Marine Plastics Associated with Coastal Fisheries and Mariculture in the Philippines, providing essential data on Abandoned, Lost, or otherwise Discarded Fishing Gear (ALDFG) to support the FishCoRe Project’s initiatives in addressing plastic pollution.

Topics include:
• Marine plastic pollution in coastal fisheries and mariculture
• ALDFG management and mitigation
• Fisheries management and landing-site interventions
• Gear retrieval, recycling, and waste management initiatives
• Opportunities for sustainable fisheries and blue economy development

The session will feature Mr. Milen Dyoulgerov Vollen, World Bank Senior Environmental Specialist, who will share insights on marine debris mitigation and sustainable coastal resource management.