Rosas para sa Pilipinas 2028

“NO CAYETANO SHOULD RUN IN 2028”

Ito ang naging pahayag ni PTV-4 General Manager Lino Cayetano matapos suportahan ang panukala ng kanyang kapatid na si Sen. Alan Peter Cayetano na magkaroon ng malawakang pagbibitiw ng mga halal na opisyal at magsagawa ng bagong halalan.

Ayon kay Lino, kung tunay na layunin ang pagbabago, dapat magsimula ito sa kanilang sariling pamilya. Dagdag pa niya, handa siyang suportahan ang ideyang walang sinumang miyembro ng pamilya Cayetano ang tumakbo sa 2028 elections.

“I will support further that no Cayetano should run in 2028. Lahat tayo,” ani Lino. Ipinunto rin niya na magpapatuloy ang Senado at ang pamahalaang lokal ng Taguig kahit wala ang mga Cayetano sa puwesto.

Ang pahayag ay kasunod ng panawagan ni Sen. Alan Peter Cayetano na magbitiw ang mga nasa pinakamataas na posisyon sa gobyerno at bigyang-daan ang isang “snap election,” bilang tugon umano sa lumalalang kawalan ng tiwala ng publiko sa pamahalaan.