Defend GE Alliance - Southern Tagalog

𝘽𝘼𝙇𝙄𝙆𝘼𝙉: Matagumpay na nagkaisa at kumilos ang komunidad ng UPLB upang ipanawagan ang pagpapabasura ng Reframed GE Curriculum ng CHED!

Kahapon, ika-19 ng Mayo, sama-samang nagmartsa at nanindigan ang mga estudyante, kaguruan, kawani, at mga kinatawan ng pamantasan upang kundenahin ang mapanlinlang na rebisyon sa General Education curriculum. Malinaw ang paninindigan ng pamantasan na 𝗵𝗶𝗻𝗱𝗶 𝗹𝗮𝗺𝗮𝗻𝗴 𝘀𝗶𝗺𝗽𝗹𝗲𝗻𝗴 𝗿𝗲𝗽𝗼𝗿𝗺𝗮 𝗮𝗻𝗴 𝗥𝗚𝗘𝗖𝗖 𝗸𝘂𝗻𝗱𝗶 𝘁𝗮𝗵𝗮𝘀𝗮𝗻𝗴 𝗽𝗮𝗴-𝗮𝘁𝗮𝗸𝗲 𝘀𝗮 𝗺𝗴𝗮 𝗸𝘂𝗿𝘀𝗼𝗻𝗴 𝗵𝘂𝗺𝘂𝗵𝘂𝗯𝗼𝗴 𝗻𝗴 𝗸𝗿𝗶𝘁𝗶𝗸𝗮𝗹, 𝗺𝗮𝗽𝗮𝗻𝘂𝗿𝗶, 𝗮𝘁 𝗺𝗮𝗸𝗮𝗯𝗮𝘆𝗮𝗻𝗴 𝗽𝗮𝗴-𝗶𝗶𝘀𝗶𝗽 𝗻𝗴 𝗸𝗮𝗯𝗮𝘁𝗮𝗮𝗻, hayag nitong kinikitil ang kanilang kakayahang umunawa bilang bahagi ng mas malawak na lipunan.

Kasabay ng pagkilos, nagsagawa rin ng Focus Group Discussion upang higit na mapataas ang kamulatan ng komunidad hinggil sa bantang dulot ng GE Revision. Sa mga talakayan, binigyang-diin kung paano tatamaan at maapektuhan ng naturang panukala hindi lamang ang mga estudyante, kundi maging ang kalagayan ng mga g**o, kawani, at ang kabuuang kalayaan sa loob ng akademya.

Malaking tagumpay din ang pagkakaroon ng mahigpit na paninindigan ng GE Council ng UPLB na makiisa sa kolektibong paglaban upang protektahan ang antas ng pagkamulat at kritikal na pag-iisip na hinuhubog ng mga GE Courses sa UPLB. Kasabay nito, naitalaga rin si Assoc. Prof. Laurence Marvin Castillo bilang bagong GE Director na inaasahang patuloy na makikiisa sa laban para sa isang edukasyong tunay na nagsisilbi sa mamamayan.

Sa gitna ng lumalalang krisis sa edukasyon—kakulangan sa pasilidad, mababa at kulang na badyet, at patuloy na atake sa karapatan at kapakanan ng mga g**o at estudyante—malinaw na nararapat lamang na tugunan ng estado ang tunay na suliranin ng sektor. Ang pagpataw ng mga di-konsultatibo, di-siyentipiko, at elitistang mga panukalang nagsisilbi lamang sa interes ng iilan ay hindi kailanman mareresolba ang mga nauna nang krisis sa pag-aaral at lipunan.

𝗞𝗮𝘆𝗮 𝗻𝗮𝗺𝗮𝗻, 𝗺𝗮𝗴𝗽𝗮𝗽𝗮𝘁𝘂𝗹𝗼𝘆 𝗮𝗻𝗴 𝗽𝗮𝗴-𝗮𝗯𝗮𝗻𝘁𝗲 𝗻𝗴 𝗻𝗮𝗴𝗸𝗮𝗸𝗮𝗶𝘀𝗮𝗻𝗴 𝗵𝗮𝗻𝗮𝘆 𝗵𝗮𝗻𝗴𝗴𝗮𝗻𝗴 𝘀𝗮 𝗴𝗮𝗻𝗮𝗽 𝗻𝗮 𝗽𝗮𝗴𝗯𝗮𝘀𝘂𝗿𝗮 𝗻𝗴 𝗥𝗚𝗘𝗖𝗖 𝗮𝘁 𝘁𝘂𝗹𝘂𝘆𝗮𝗻𝗴 𝗺𝗮𝗸𝗮𝗺𝗶𝘁 𝗮𝗻𝗴 𝗶𝘀𝗮𝗻𝗴 𝗽𝗮𝗺𝗯𝗮𝗻𝘀𝗮, 𝘀𝗶𝘆𝗲𝗻𝘁𝗶𝗽𝗶𝗸𝗼, 𝗮𝘁 𝗺𝗮𝗸𝗮𝗺𝗮𝘀𝗮𝗻𝗴 𝗲𝗱𝘂𝗸𝗮𝘀𝘆𝗼𝗻!

𝗥𝗚𝗘𝗖𝗖 𝗻𝗴 𝗖𝗛𝗘𝗗, 𝗶𝗯𝗮𝘀𝘂𝗿𝗮!
𝗗𝗲𝗳𝗲𝗻𝗱 𝗚𝗘! 𝗗𝗲𝗳𝗲𝗻𝗱 𝗔𝗰𝗮𝗱𝗲𝗺𝗶𝗰 𝗙𝗿𝗲𝗲𝗱𝗼𝗺!

CHED’s highly criticized move to reduce GE subjects from 36 units to 18–21 units drew opposition from the academic sector, as this supposed “solution” to address learning gaps would create more harm than good, according to General Education Movement.

𝐔𝐍𝐈𝐓𝐘 𝐒𝐓𝐀𝐓𝐄𝐌𝐄𝐍𝐓 𝐎𝐅 𝐒𝐎𝐔𝐓𝐇𝐄𝐑𝐍 𝐓𝐀𝐆𝐀𝐋𝐎𝐆 𝐒𝐓𝐔𝐃𝐄𝐍𝐓 𝐂𝐎𝐔𝐍𝐂𝐈𝐋𝐒 𝐀𝐍𝐃 𝐆𝐎𝐕𝐄𝐑𝐍𝐌𝐄𝐍𝐓𝐒, 𝐎𝐑𝐆𝐀𝐍𝐈𝐙𝐀𝐓𝐈𝐎𝐍𝐒, 𝐀𝐍𝐃 𝐓𝐄𝐀𝐂𝐇𝐄𝐑𝐒 𝐀𝐆𝐀𝐈𝐍𝐒𝐓 𝐓𝐇𝐄 𝐑𝐄𝐅𝐑𝐀𝐌𝐈𝐍𝐆 𝐎𝐅 𝐓𝐇𝐄 𝐆𝐄𝐍𝐄𝐑𝐀𝐋 𝐄𝐃𝐔𝐂𝐀𝐓𝐈𝐎𝐍 𝐏𝐑𝐎𝐆𝐑𝐀𝐌 𝐓𝐇𝐑𝐎𝐔𝐆𝐇 𝐍𝐔𝐒𝐏-𝐒𝐓

We, the undersigned student councils, organizations, and members of the academe in Southern Tagalog, express our unified call to condemn in the highest degree, the proposed Reframed General Education (GE) Curriculum of Commission on Higher Education (CHED) which serves as another manifestation of a neoliberal policy that further deepens the colonial, commercialized, and fascist orientation of Philippine education.

As we recall, the plan of reframing the General Education Program came to reality as a response to the report and recommendations of the Second Congressional Commission on Education or EDCOM II as well as an alignment with the Senior High School Basic Education Curriculum to “avoid redundancy” of course content, which explains its railroading by the higher education commission.

The impending reduction of GE programs is an outright move to focus the tertiary education curriculum to the production of a docile workforce favorable to foreign monopoly corporations and a neocolonial bureaucracy. As it lessens space not only for humanities and social sciences but also mathematics, it deprives the students of a space for academic freedom and critical thinking necessary to examine and understand the cultural and political contexts of our country. It is also anti-scientific in that it reduces the natural and information sciences to mere development of technical skills demanded by the neoliberal order.

This is also clearly an attack on the academic freedom of both students and the professors with the attempt to kill their ability to think critically and holistically. It is clear that the state is afraid of the youth and the masses getting critical and continuously exposing the lies and the atrocities of the fascist state to the masses, hence this attempt to silence us by removing courses that fosters social awareness.

This move further threatens the job security of teachers, particularly those teaching General Education courses as their jobs are put at stake. This proposal is, therefore, a blatant violation of the rights of the teachers and professors.

The National Union of Students of the Philippines-Southern Tagalog, together with the students and teachers of the region, join the calls to oppose and junk the proposed Reframed GE Program. This only curtails the quality of an already rotten education system by serving the interests of the imperialist United States, the primary force pushing the implementation of the neoliberal agenda, as manifested in the 4-Day Compressed Work Week and 100% Online Classes. The masses are already tired of anti-people policies being implemented that do not really reflect our lived realities and provide solutions for these.

Along with the calls to junk this proposal, we must continue to advance an education system with a Nationalist, Scientific, and Mass character. Schools and universities must be at the forefront of cultivating students’ ability to think critically and analyze the current social state that we are in. Courses being taught must answer the social conditions of the masses and most importantly, education must really be accessible to the masses.

𝐉𝐎𝐈𝐍 𝐓𝐇𝐄 𝐃𝐄𝐅𝐄𝐍𝐃 𝐆𝐄 𝐌𝐎𝐁𝐈𝐋𝐈𝐓𝐀𝐓𝐈𝐎𝐍!
WHEN: May 19, 7:30 AM
WHERE: UPLB HUM Steps, Mass-Up

𝗢𝗽𝗽𝗼𝘀𝗲 𝗖𝗛𝗘𝗗’𝘀 𝗽𝗿𝗼𝗽𝗼𝘀𝗲𝗱 𝗥𝗲𝗳𝗿𝗮𝗺𝗲𝗱 𝗚𝗘!
𝗗𝗲𝗳𝗲𝗻𝗱 𝗚𝗲𝗻𝗲𝗿𝗮𝗹 𝗘𝗱𝘂𝗰𝗮𝘁𝗶𝗼𝗻! 𝗗𝗲𝗳𝗲𝗻𝗱 𝗔𝗰𝗮𝗱𝗲𝗺𝗶𝗰 𝗙𝗿𝗲𝗲𝗱𝗼𝗺!
𝗔𝗱𝘃𝗮𝗻𝗰𝗲 𝗮 𝗡𝗮𝘁𝗶𝗼𝗻𝗮𝗹𝗶𝘀𝘁, 𝗦𝗰𝗶𝗲𝗻𝘁𝗶𝗳𝗶𝗰, 𝗮𝗻𝗱 𝗠𝗮𝘀𝘀-𝗢𝗿𝗶𝗲𝗻𝘁𝗲𝗱 𝗘𝗱𝘂𝗰𝗮𝘁𝗶𝗼𝗻!

𝗜𝗕𝗔𝗦𝗨𝗥𝗔 𝗔𝗡𝗚 𝗥𝗘𝗙𝗥𝗔𝗠𝗘𝗗 𝗚𝗘 𝗖𝗨𝗥𝗥𝗜𝗖𝗨𝗟𝗨𝗠, 𝗜𝗦𝗨𝗟𝗢𝗡𝗚 𝗔𝗡𝗚 𝗜𝗦𝗔𝗡𝗚 𝗠𝗔𝗞𝗔𝗕𝗔𝗬𝗔𝗡, 𝗦𝗜𝗬𝗘𝗡𝗧𝗜𝗣𝗜𝗞𝗢, 𝗔𝗧 𝗠𝗔𝗞𝗔𝗠𝗔𝗦𝗔𝗡𝗚 𝗚𝗘𝗡𝗘𝗥𝗔𝗟 𝗘𝗗𝗨𝗖𝗔𝗧𝗜𝗢𝗡!

Inaanyayahan ang lahat na 𝙙𝙪𝙢𝙖𝙡𝙤 𝙖𝙩 𝙢𝙖𝙜𝙥𝙖𝙙𝙖𝙡𝙤 𝙨𝙖 𝙞𝙨𝙖𝙨𝙖𝙜𝙖𝙬𝙖𝙣𝙜 𝙥𝙖𝙜𝙠𝙞𝙡𝙤𝙨 ngayong 𝗶𝗸𝗮-𝟭𝟵 𝗻𝗴 𝗠𝗮𝘆𝗼 𝟮𝟬𝟮𝟲, sa ganap na 𝗶𝗸𝗮-𝟳:𝟯𝟬 𝗻𝗴 𝘂𝗺𝗮𝗴𝗮 𝘀𝗮 𝗖𝗮𝗿𝗮𝗯𝗮𝗼 𝗣𝗮𝗿𝗸, 𝗨𝗣 𝗟𝗼𝘀 𝗕𝗮𝗻𝗼𝘀 upang sama-samang ipakita ang mariin nating pagtutol sa Reframed General Education Curriculum ng Commission on Higher Education!

Malinaw ang paninindigan ng mga kabataan-estudyante, mga g**o, mga kawani, at mga akademiko sa Timog Katagalugan kasama ang multisektoral na hanay ng mamamayan: Ang Reframed General Education Curriculum ng CHED ay sumasalamin sa patuloy na pagtulak sa mga makakapitalista at neoliberal na interes sa edukasyon na hindi nagsisilbi sa sambayanang Pilipino kaya nararapat lamang ang panawagan ng kagyat na pagbabasura nito.

Bilang tugon, ating isinusulong ang pagkakaroon ng isang makabayan, siyentipiko, at makamasang General Education at tipo ng edukasyon sa pangkabuuan sa buong bansa. Sa ganitong paninindigan, nilalayon natin na maging lunsaran ang akademya sa pagluluwal ng mamamayang may kritikal na pag-iisip, humahamon sa kasalukuyang kaayusan ng lipunan, at may malalim na pag-unawa sa kaniyang kakayahan at sa mas malawak na lipunang Pilipino.

Sa diwa ng pagkakaisa ng multisektoral na hanay ng mga mamamayan ng Timog Katagalugan, inaanyayahan ang lahat ng kaisa sa mga adhikain at prinsipyong ito na sumama sa ating pagkilos.

𝐈𝐛𝐚𝐬𝐮𝐫𝐚 𝐚𝐧𝐠 𝐑𝐞𝐟𝐫𝐚𝐦𝐞𝐝 𝐆𝐞𝐧𝐞𝐫𝐚𝐥 𝐄𝐝𝐮𝐜𝐚𝐭𝐢𝐨𝐧 𝐂𝐮𝐫𝐫𝐢𝐜𝐮𝐥𝐮𝐦!
𝐈𝐬𝐮𝐥𝐨𝐧𝐠 𝐚𝐧𝐠 𝐌𝐚𝐤𝐚𝐛𝐚𝐲𝐚𝐧, 𝐒𝐢𝐲𝐞𝐧𝐭𝐢𝐩𝐢𝐤𝐨, 𝐚𝐭 𝐌𝐚𝐤𝐚𝐦𝐚𝐬𝐚𝐧𝐠 𝐆𝐄 𝐂𝐮𝐫𝐫𝐢𝐜𝐮𝐥𝐮𝐦!

KANINA: Nakibahagi ang Defend GE Alliance - Southern Tagalog sa matagumpay na paglulunsad ng GE Movement Network na binubuo ng iba't ibang Unibersidad, multisektoral na hanay sa edukasyon at mga organisasyong nagsusulong ng Makabayan, Siyentipiko at Makamasang Edukasyon!

Bagaman postponed ang pilot implementation ng Reframed GE Curriculum Component, nananatili pa rin itong banta at nangangailangan ng tuloy-tuloy na pagpapanawagan para ganap nang ibasura ito.

RGECC ng CHED, Ibasura!
GE Units, Dagdagan! Huwag Bawasan!
Makabayang edukasyon, ipaglaban!
✊🏻✊🏻✊🏻

-----
Kuhang mga larawan ng The Torch Publications ng PNU Manila Campus

𝗜𝗕𝗔𝗦𝗨𝗥𝗔 𝗔𝗡𝗚 𝗥𝗘𝗙𝗥𝗔𝗠𝗘𝗗 𝗚𝗘 𝗖𝗨𝗥𝗥𝗜𝗖𝗨𝗟𝗨𝗠 𝗔𝗧 𝗜𝗦𝗨𝗟𝗢𝗡𝗚 𝗔𝗡𝗚 𝗧𝗨𝗡𝗔𝗬 𝗡𝗔 𝗣𝗔𝗠𝗕𝗔𝗡𝗦𝗔, 𝗦𝗜𝗬𝗘𝗡𝗧𝗜𝗣𝗜𝗞𝗢 𝗔𝗧 𝗣𝗔𝗡𝗚𝗠𝗔𝗦𝗔𝗡𝗚 𝗘𝗗𝗨𝗞𝗔𝗦𝗬𝗢𝗡!

𝘖𝘱𝘪𝘴𝘺𝘢𝘭 𝘯𝘢 𝘗𝘢𝘩𝘢𝘺𝘢𝘨 𝘯𝘨 𝘋𝘦𝘧𝘦𝘯𝘥 𝘎𝘌 𝘈𝘭𝘭𝘪𝘢𝘯𝘤𝘦 — 𝘚𝘰𝘶𝘵𝘩𝘦𝘳𝘯 𝘛𝘢𝘨𝘢𝘭𝘰𝘨

Kami, ang nagkakaisang hanay ng mga estudyante, g**o, mananaliksik, manggagawang pang-akademiya at mamamayan ng Timog Katagalugan, ay naghahayag ng mariing pagkundena at pagtutol sa Reframed General Education (GE) Curriculum na ipinipilit ng Commission on Higher Education (CHED). Habang nakalubog sa krisis ang sektor ng edukasyon—matagal nang kakulangan sa silid-aralan, pagkait ng nakasasapat na badyet sa mga pampublikong paaralan, komodipikasyon sa iskema ng matrikula, at kabi-kabilang pag-atake sa akademikong kalayaan—inuuna pa ng CHED ang ibayong neoliberalisasyon sa sistemang edukasyon.

Ito ay malinaw na garapalang pagpapabansot sa sistemang edukasyon at tuwirang pagtaliwas sa konstitusyonal na gampanin nito na palakasin ang pagkamakabayan, kritikal na pagsusuri, pananagutan at kamulatang panlipunan na itinatadhana ng Saligang Batas ng 1987.

Hindi mapasusubalian na ang oryentasyon ng Reframed GE Curriculum ay pagtugon sa kahingian ng malalaki at dayuhang mga kapitalista sa murang lakas-paggawa. Makikita ito sa: (1) pag-iimbento ng mga pilit na kursong may hungkag na pagsasanay at kumikitil sa malayang pag-iisip; (2) dispalinghadong “paglalapat” ng etika, pilosopiya at araling Pilipino; (3) tahasang pagtatanggal o pagpapalabnaw sa humanidades, kasaysayan, agham panlipunan, matematika at edukasyong pangkatawan, mga larang na humuhubog sa pag-unawa natin sa ating sarili, kapwa at lipunan; (4) pagbansot sa 'syensya' mula sa mapagpalaya at transpormatibong oryentasyon nito tungo sa paglikha ng kimi at masunuring mga empleyado; at (5) kawalan ng oportunidad na makilala ang sariling wika, panitikan at kultura alang-alang sa baluktot na konsepsyon ng “Global Citizenship”.

Matatandaang inalis ang mga kursong Filipino at Panitikan bilang core subjects sa kolehiyo sa bisa ng CHED Memorandum Order No. 20, series of 2013. Hindi nito pinahahalagahan ang ating wika't panitikan na mga di-masasaid na balon ng ating pagkakakilanlan. Itinutuloy rin ng Reframed GE Curriculum ang matagal nang padron mula pa noong panahon ng Amerikano at sa ilalim ng neoliberalismo: Sa halip na palayain ang kaisipan at baguhin ang lipunan, ang siyensya ay ginagawa lamang instrumento sa teknikal na pagsasanay ng mura at sunod-sunurang lakas-paggawa. Ang Reframed GE Curriculum, sa madaling salita, ay hindi na bago — isang nanunumbalik na multo na nag-iiba lang ng balatkayo.

Hindi lamang payak na “curriculum reform” ang Reframed GE Curriculum na nagpapaunti ng units at nagpapaikli ng mga taon sa kolehiyo. Ito ay banta sa kabuhayan ng mahigit-kumulang na 60,000 hanggang 90,000 kaguruan. Nakaamba na naman ang paglobo ng kaso ng kontraktwalisasyon, reassignment, misalignment ng trabaho at kawalan ng kasiguraduhan sa trabaho tulad noong kasagsagan ng implementasyon ng K to 12 Curriculum at CHED Memorandum no. 20, s. 2013. Daragdag ang mga g**ong ito sa milyon-milyong walang trabaho sa bansa.

Batay sa Philippine Statistics Authority, may mahigit 2.58 milyong unemployed at 6.03 milyong underemployed na mga Pilipino nitong Marso. Ayon naman sa IBON Foundation, umaabot sa 7.2 milyon ang walang trabaho kung isasama ang mga nakatagong kawalang-empleyo.

Sa kabila ng ilang ulit na mga “reporma sa edukasyon,” ipinapakita ng malubhang kawalan at kakulangan sa empleyo na hindi totoong 'kakapusan sa kasanayan' ang problema. Ang tunay na suliranin ay isang ekonomiyang nakasalig sa pag-import ng mga produkto, nakatuon sa pag-export ng labor, at nasa kontrol ng dayuhan. Ang Reframed GE Curriculum ay hindi tugon kundi siya mismong kasangkapan ng ganitong kaayusan: ginagawa nitong mga pabrika ang mga paaralan upang magluwas ng mura at masunuring manggagawang magiging ruweda sa makinarya ng monopolyong kapital.

Ang kamakailan na postponement ng CHED sa "pilot testing" ng Reframed GE Curriculum ay hindi tanda ng tapat na pakikinig sa mga kritiko. Ginagamit lang ng ahensya ang pagkaantala upang higit na mapadulas ang pagpapatupad nito. Sa halip na komprehensibong balik-aralan ang GE at makipagkaisa sa mga stakeholder, nagkukumahog ang CHED na "ihanda" o brasuhin ang mga institusyon para sa puspusan at tuluyang implementasyon nito.

Naninindigan ang Defend GE Alliance - Southern Tagalog na ang GE Curriculum ay hindi lamang kalipunan ng mga required course. Kailanman, hindi dapat na ituring ito bilang 'employability essential kits' lamang. Ang mga unibersidad ay kanlungan ng holistikong pagbabanyuhay, himpilan ng radikal at malikhaing pagpapahayag, tanggulan ng mga demokratikong karapatan at kuta ng kalayaan at mga mithiin.
Kaya naman, taas-kamao kaming nananawagan at kagyat na nagtutulak sa Commission on Higher Education na:
1. Iurong at ibasura ang Reframed General Education Curriculum;
2. Buwagin ang kasalukuyang Technical Panel for General Education (TPGE) at bumuo ng tunay, inklusibo at prinsipyadong kahalili nito na magrerepaso at magpapaunlad sa GE Curriculum;
3. Panatilihin at palakasin ang Humanities at Social Sciences bilang bahagi ng GE Curriculum;
4. Ibalik bilang GE core courses ang tinanggal na mga kurso sa Filipino, Panitikan at Araling Pilipino;
5. Itaguyod ang agham para sa tunay na pambansang kaunlaran at pagbabago;
6. Igalang at isulong ang kalayaang akademiko at palagiang kumonsulta sa lahat ng stakeholders ng sektor ng edukasyon; at
7. Itaguyod ang interes ng sambayanang Pilipino at isulong ang pambansa, siyentipiko at pangmasang tipo ng GE at edukasyon sa kabuoan na tutugon sa hamon ng panahon.

Ang edukasyon ay marapat na tagapaglingkod ng mamamayan, daan tungo sa kamulatan, sandata laban sa kaapihan, tagapangalaga ng kalayaan at pag-aangkin sa ating kinabukasan!

𝗥𝗘𝗙𝗥𝗔𝗠𝗘𝗗 𝗚𝗘 𝗖𝗨𝗥𝗥𝗜𝗖𝗨𝗟𝗨𝗠, 𝗜𝗕𝗔𝗦𝗨𝗥𝗔!
𝗜𝗦𝗨𝗟𝗢𝗡𝗚 𝗔𝗡𝗚 𝗣𝗔𝗠𝗕𝗔𝗡𝗦𝗔, 𝗦𝗜𝗬𝗘𝗡𝗧𝗜𝗣𝗜𝗞𝗢 𝗔𝗧 𝗣𝗔𝗡𝗚𝗠𝗔𝗦𝗔𝗡𝗚 𝗘𝗗𝗨𝗞𝗔𝗦𝗬𝗢𝗡!
𝗦𝗘𝗥𝗕𝗜𝗦𝗬𝗢 𝗦𝗔 𝗧𝗔𝗢, 𝗛𝗨𝗪𝗔𝗚 𝗚𝗔𝗪𝗜𝗡𝗚 𝗡𝗘𝗚𝗢𝗦𝗬𝗢!

📣✊Mga kaalyansa’t kapanalig!

🤔In this eduk crisis? Sagutin muna natin ang powerful questions bago ang May 19 Defend GE Mob:

1. Ano ba ang vibes ng reframed GE Curriculum na ‘yan?
2. Bakit tinututulan ng kaguruan, sangkaestudyantehan at mga institusyon ang hanash ng CHED na proposed reframed GE?
3. Sapat na bang postponed ang pilot implementation ng Reframed GE?
4. Ano ang ibig sabihin ng NSMO na tipo ng GE Curriculum?
5. Ano ang ways forward natin sa pagpigil at pagpapabasura sa mga neoliberal at kolonyal na siste ng edukasyon?

Dumalo at magpadalo sa ating magaganap na Defend GEduk Talakayan hinggil sa panukalang Reframed GE Curriculum! Matuto habang pinapalakas ang hanay! Magkita-kita tayo sa ganap na 4:00 PM via Zoom!

❗Hindi lang ito basta reporma, ang reframed GE ay banta!
❗Hindi postponement, dapat abolishment!

Narito ang Zoom registration link:
🔗https://up-edu.zoom.us/meeting/register/X5_F27kHS6iX8qFDHydgtw

Maaari din naman na i-scan ang QR code para winner!

Takits! ✊