DepEd Tayo Sergia Soriano Esteban Integrated School SPED Center

🌟 Halaga ng Buwan: Disiplina sa Sarili 🌟

Ang disiplina sa sarili ay ang kakayahang kontrolin ang sariling pag-iisip, damdamin, at kilos upang magawa ang tama kahit walang nagbabantay. Ito ay mahalagang pagpapahalaga na tumutulong sa mga mag-aaral upang maging responsable, matagumpay, at mabuting huwaran sa paaralan at komunidad.

📌 Paano malinang ng isang mag-aaral ang disiplina sa sarili?

✅ 1. Pagsunod sa oras at iskedyul
Dumating nang maaga sa klase, tapusin ang mga gawain sa takdang oras, at maging handa sa bawat aralin.

✅ 2. Pagiging responsable sa pag-aaral
Gawin ang mga takdang-aralin nang may katapatan at iwasan ang pangongopya o anumang uri ng pandaraya.

✅ 3. Pagkontrol sa sariling kilos at pananalita
Magpakita ng paggalang sa kapwa, sumunod sa mga alituntunin ng paaralan, at mag-isip bago kumilos o magsalita.

Tandaan: Ang disiplina sa sarili ay hindi lamang pagsunod sa mga tuntunin kundi isang hakbang tungo sa paghubog ng mabuting pagkatao at matagumpay na kinabukasan.

"Ang taong may disiplina sa sarili ay may kakayahang gabayan ang kanyang sarili tungo sa tamang landas at tagumpay."

3 Antas ng Interbensyon Laban sa Bullying

Ang bawat mag-aaral ay may karapatang makapag-aral sa isang ligtas, mapayapa, at mapagkalingang kapaligiran. Alinsunod sa Revised Anti-Bullying Implementing Rules and Regulations (IRR), may 3-Level System of Intervention upang matiyak na ang bawat kaso ng bullying ay naaaksyunan nang maagap at naaayon sa tamang proseso.

🟢 Unang Antas (First Level)
👩‍🏫 Classroom Teacher
Ang anumang insidente ng bullying ay agad na tinutugunan ng g**o sa silid-aralan. Layunin nitong maresolba ang sitwasyon sa pinakamabilis at pinakamabisang paraan sa pamamagitan ng agarang pakikipag-usap at paggabay sa mga sangkot.

🟡 Ikalawang Antas (Second Level)
👨‍🏫 Learner Formation Officer
Kung nangangailangan ng mas masusing pag-aksyon, ang kaso ay ipinapasa sa Learner Formation Officer upang mabigyan ng karampatang interbensyon, counseling, at kaukulang suporta ang mga sangkot.

🔴 Ikatlong Antas (Third Level)
👩‍💼 School Principal
Para sa mas seryoso o paulit-ulit na mga kaso, ito ay direktang dinadala sa Punongg**o para sa masusing imbestigasyon at kaukulang aksyon. Sa antas na ito, agad ding ipinababatid sa mga magulang o parent-substitutes ang pangyayari upang makiisa sa pagresolba ng kaso.

Tandaan: Ang pagsugpo sa bullying ay hindi lamang responsibilidad ng paaralan kundi ng buong komunidad. Huwag matakot magsumbong. Ang iyong boses ay mahalaga at may mga taong handang makinig at tumulong.

Ligtas ang lahat. Mahalaga ang bawat isa. Sama-sama nating wakasan ang bullying at itaguyod ang kultura ng paggalang, pagkalinga, at kapayapaan sa paaralan.

🇵🇭 🇵🇭

📚 Alam Mo Ba?

Ang Araw ng Kalayaan ng Pilipinas ay ipinagdiriwang tuwing Hunyo 12 bilang paggunita sa pagdedeklara ng kalayaan ng bansa mula sa pamamahala ng Espanya noong Hunyo 12, 1898 sa Kawit, Cavite.

⭐ Trivia:
Si Heneral Emilio Aguinaldo ang nagdeklara ng kalayaan ng Pilipinas mula sa balkonahe ng kanyang tahanan sa Kawit, Cavite.

🎶 Sa araw ding iyon, unang iwinagayway ang watawat ng Pilipinas at unang tinugtog ang ating Pambansang Awit, na noon ay kilala bilang "Marcha Nacional Filipina."

***
Ang Sergia Soriano Esteban Integrated School SPED Center ay buong pusong nakikiisa sa pagdiriwang ng ika-128 Araw ng Kalayaan ng Pilipinas ngayong Hunyo 12, 2026.

Sa paggunita sa kagitingan at sakripisyo ng ating mga bayani, patuloy nating pahalagahan ang kalayaang kanilang ipinaglaban at ipasa sa susunod na henerasyon ang pagmamahal sa bayan, pagkakaisa, at pananagutan bilang mamamayang Pilipino.

🇵🇭 Ang kalayaan ay hindi lamang alaala ng nakaraan kundi inspirasyon upang maging responsableng mamamayan para sa mas maunlad na kinabukasan.

Nawa’y magsilbing inspirasyon ang diwa ng kalayaan upang higit nating pagyamanin ang edukasyon, paghubog ng mabuting pagkatao, at paglilingkod sa kapwa para sa mas maunlad na kinabukasan.

Mabuhay ang Pilipinas! 🇵🇭
Maligayang Araw ng Kalayaan!

📢 MATAGUMPAY NA NAGANAP ANG SPTA GENERAL ASSEMBLY 2026-2027 📢

Isang taos-pusong pasasalamat sa lahat ng mga magulang at tagapag-alaga na dumalo at nakiisa sa ating SPTA General Assembly. Ang inyong aktibong pakikilahok ay patunay ng ating sama-samang adhikain na mapabuti ang kalidad ng edukasyon at maisulong ang kapakanan ng ating mga mag-aaral.

Sa pamamagitan ng pagtutulungan ng paaralan, mga magulang, at komunidad, mas magiging matatag ang ating mga programa at gawain para sa ikauunlad ng bawat bata.

Maraming salamat sa inyong oras, suporta, at patuloy na pakikipagtulungan. Sama-sama nating itaguyod ang kultura ng kahusayan at mabuting pag-uugali para sa mas maliwanag na kinabukasan ng ating mga mag-aaral.

STAND AGAINST BULLYING! 🚫🤝
To foster a safer, kinder, and more supportive environment for our youth, the Philippine National Police (PNP) successfully conducted its Anti-Bullying Campaign!
This dedicated initiative was spearheaded by our committed police officers:
👤 PCMS David Serguis C Domingo
👤 PSSg Nyel Fer S Farrales
👤 Pat Jenisa B Naris
👤 Pat Laico Christle M Baluyut
This strong partnership aims to reinforce and strengthen our shared advocacy against bullying in all its forms. By educating our youth today, we are building a safer community for tomorrow.
Let’s choose kindness, respect, and empathy over cruelty.
Together, we can make a difference! 🇵🇭👮‍♂️👮‍♀️

Gabay at pagkalinga para sa ating mga mag-aaral! 💙✨
Personal na binisita ni Ma'am Jane Palatan, RGC (Division Guidance Counselor), ang pagsasagawa ng Mental Health and Psychosocial Support Services (MHPSS) sa ating opening block.
Ang gawaing ito ay idinisenyo upang matulungan ang ating mga mag-aaral na dahan-dahang masanay at maging komportable sa pagpasok sa bagong panunuruang taon. Higit sa lahat, layunin nating iparamdam sa kanila na sila ay pinakikinggan, ligtas, at pinahahalagahan sa loob ng ating paaralan.
Naniniwala ang ating institusyon na ang kalusugang mental ay karapatan at pangangailangan ng lahat—lalo na ng ating mga kabataan. Patuloy kaming maninindigan bilang katuwang at tagapagtanggol ng Mental Health para sa tagumpay at kapakanan ng bawat mag-aaral.
Kasama ninyo kami sa bawat hakbang, dahil sa mundong ito, mahalaga ka at ang iyong nararamdaman. 🌱

Pahayag ng Pakikiisa ng Sergian Community.

Ang Sergian Community ay kaisa ng mga g**o at mga batang naapektuhan ng lindol.
Sa panahong ito ng pagsubok at pagdadalamhati, ipinapaabot namin ang aming taos-pusong pakikiramay, pagmamalasakit, at suporta sa lahat ng mga pamilyang apektado ng sakuna.

Hindi kayo nag-iisa. Ang bawat Sergian ay nakikiisa sa inyong pinagdaraanan at umaasang makakabangon tayong lahat nang may lakas at pag-asa.

Inaanyayahan namin ang buong komunidad ng Sergia Soriano Esteban I/S SPED Center na magkaisa sa panalangin para sa kaligtasan, kagalingan, at katatagan ng mga g**o, mga mag-aaral, at kanilang mga pamilya. Nawa’y patuloy silang gabayan, protektahan, at palakasin sa gitna ng mga hamon na kanilang kinakaharap.
Magkaisa tayo sa malasakit at panalangin.

Sama-sama nating ipadama na ang bawat Sergian ay may pusong handang umalalay at makiramay.

💙💛 “Sa panahon ng pagsubok, ang pagkakaisa at panalangin ang nagbibigay ng pag-asa at lakas upang muling makabangon.”

TIGNAN. Malugod na binuksan ng Sergia Soriano Esteban Integrated School SPED Center ang Taong Panuruan 2026–2027 ngayong ika-8 ng Hunyo 2026. Punong-puno ng saya, sigla, at pag-asa ang unang araw ng pagpasok ng ating mga mag-aaral.

Ang Opening of Classes ay dinaluhan ng ating mga mahahalagang katuwang sa edukasyon sa pangunguna ni Barangay Captain Hon. William Umali kasama ang mga miyembro ng Barangay Council. Nakiisa rin ang mga opisyal ng SPTA at ang halal na SGC Chairperson bilang pagpapakita ng kanilang buong suporta sa mga programa at adhikain ng paaralan.

Taos-puso kaming nagpapasalamat sa inyong presensya at patuloy na pakikipagtulungan upang matiyak ang ligtas, maayos, at makabuluhang pag-aaral para sa bawat batang SSEIS-SPED Center.

Sama-sama nating tahakin ang landas ng tagumpay habang isinasabuhay ang ating mantra:

💙 "Pursuing Excellence, Upholding Character." 💙

📢 OPISYAL NA GABAY SA UNIPORME NG MGA JUNIOR HIGH SCHOOL NA MAG-AARAL

Bilang bahagi ng pagpapanatili ng disiplina, kaayusan, at pagkakakilanlan ng ating paaralan, narito ang opisyal na gabay sa wastong pagsusuot ng uniporme para sa mga mag-aaral ng Sergia Soriano Esteban Integrated School SPED Center-Junior HIgh School.

✨ Magsuot nang maayos. Kumilos nang may dangal. Mag-aral nang may kahusayan.

🏫 SSEISSC: Pursuing Excellence, Upholding Character

Feeling mo ba parang si Sharmaine na parang hindi pinag-isipan ang pangalan, at laging naba-brand base lang sa kung ano ang nakikita sa labas? 🍊

O baka naman parang si Vanessa na pagod na sa paulit-ulit na "obvious" na pressure ng paligid, o parang si Melanie na napagbibintangan na "abogado" kahit gusto lang naman maging sarili niya? 🪰🥑

Anuman ang nararamdaman mo ngayong opening block, gusto naming malaman mo: Dito sa ating paaralan, HEARD, SAFE, at VALID ka! Hindi mo kailangang magpanggap o mag-isa sa mga pinagdaraanan mo.

Kaya naman, bago sumabak sa seryosong aralin, uunahin muna natin ang iyong kapakanan! Inihahandog ng ating paaralan ang:

🧠 Mental Health and Psychosocial Support Services (MHPSS)
📅 Kailan: Opening Block
📍 Saan: Gaganapin sa ating mga classrooms kasama ang inyong ready to listen na mga classroom advisers.

Magkakaroon tayo ng mga activities, open space para mag-usap, at pagkakataon para mag-unload ng stress. Dito, safe kang maging ikaw—walang judgment, purong unawaan lang.

Kaya tara na, besh! Walang maiiwan ngayong pasukan. Unahin natin ang mental health para mas masaya ang ating learning journey ngayong taon!

See you there! Ipa-notaryo na natin ang commitment natin sa mental health! ✍️❤️