Zach & Zyril Adventures

DO NOT READ.
Merong kwento tungkol sa isang lalaking namimingwit sa ilog. Pag maliit na isda, kinukuha niya. Pero kung kelan malaking isda ang huli n’ya, ‘yun ‘yung hinahagis niya pabalik sa tubig.

Nung tinanong siya ng katabi niya, eto sagot n’ya.

“Sayang nga ‘yung malalaking isda eh. Pero wala akong magagawa. Maliit lang kasi ‘yung kawali ko.”

Tanga. ‘Yun malamang reaksyon mo. Malamang, kung andun ka, sasabihin mo pa sa kanya:

“Di mo ba naisip pwede mong hatiin ‘yung isda? O palitan ‘yung maliit mong kawali ng mas malaki?”

Pero kung papansinin mo, marami sa ‘tin (o malamang, pati ikaw), ganun minsan ang negatibong pananaw sa buhay.

“Wala akong choice, ito lang ang alam kong pagkakakitaan.”

“Kung ganito ugali ko kasi ganito ako ginawa ng Diyos! Me magagawa ba ‘ko?”

“Hanggang dito lang talaga ako. Pinanganak kasi akong mahirap.”

“‘Yun sabi ng nanay ko eh, wala daw akong pakinabang. So bakit pa ‘ko magsisikap?”

Ilang halimbawa lang ‘yan ng mga self-defeating beliefs. Mga sementadong pananaw na di gumagalaw. Iba-ibang mukha ng pagtangging “palitan ang kawali”.

Kumbaga, tinanggap mo nang ito ang kwento ng buhay mo. Dinisisyunan mo nang hindi na magbabago ang masaklap mong kapalaran.

Dahil ayaw mong bitawan ang mga kinasanayan mong negatibong pananaw, paulit-ulit din ang mga negatibong karanasan sa buhay mo.

Hindi dahil ayaw mong magbago ang mga sitwasyon kundi dahil naniwala ka nang hindi na sila magbabago.

Merong magandang sinabi ang greek philosopher na si Plato tungkol dito. “Madaling intindihin ang musmos na takot sa dilim. Ang mahirap unawain at ang tunay na masaklap—’yung matandang takot sa liwanag!”

Palitan mo ang kawali. Palitan mo ang negatibong pananaw ng positibong pananaw.
(C) Not mine Credits to the owner! 😉