24/01/2026
WESMINCOM GIKONDINA ANG PAG-AMBUSH SA ILANG TROPA
Gikondena sa Western Mindanao Command (WESTMINCOM) sa Armed Forces of the Philippines (AFP) ang ambush nga nahitabo sa Barangay Liningding, Munai, Lanao del Norte, nga miresulta sa pagkamatay sa upat (4) ka sundalo ug pagka-angol sa usa pa ka kauban.
Sumala sa Western Mindanao Command (WESTMINCOM) ang mga biktima mga personnel sa Task Unit TABANG nga ubos sa operational control sa 2nd Mechanized Infantry Brigade sa Philippine Army.
Base sa inisyal nga imbestigasyon, gituohang gibuhat ang maong pag-ambush sa usa ka lokal nga teroristang grupong maute group.
Gitataw sa militar nga ang mga sundalo sakop sa Civil-Military Operations unit nga nagpatuman og mga aktibidad sa serbisyo sa komunidad ug walay operations o engkwentro sa dihang nahitabo ang ambush.
Padayon ang reinforcement ug clearing operations sa mga tropa sa militar sa maong lugar aron masiguro ang kaluwasan sa mga residente ug madakpan ang mga responsable sa pag-atake.
Gipasalig sa WESTMINCOM nga manubag ang mga salarin ug gipadayag ang ilahang pahasubo sa mga pamilya sa mga sundalong namatay.